ArabicEnglishFrenchSpanish

إعـــــــلان

تقليص
لا يوجد إعلان حتى الآن.

سؤال للاخت ذاكرة الله اجازيها و اياكن كل خير

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة
    • WhatsApp

    #11
    المشاركة الأصلية بواسطة ذاكرة مشاهدة المشاركة
    حياك الله حبيبتي مرحبا بك وبسؤالك وانا في الخدمة
    طيب بالنسبة للكليسيرين النباتي خاصك تعرفي المصدر ديالو اشنو هو ؟
    يقدر يكون من الكوك او من الصوجا او من قلب النخل ما فيهش ريحة قوية تقريبا بدون رائحة والقوام ديالو كيكون ثقيل شوية وفيه لزوجة واللون ديالو مائل للباج وهذا هو لي كنقولوا عليه نباتي
    وكاين الكليسيرين العادي ولي كيستخرجوه من البيترول كمادة خام وكيتوظف في عدد كبير من مستحضرات التجميل بحال الريسيل والماكياجات وعدد كبير منها
    وكاين لي مصدره حيواني لي كيخرجوه من دهون الحيوانات بمختلف انواعها واكثريتها الخنزير وهذا كيتستعمل في بزاف المواد بحال انواع من الصابون المعطر ومعجون الاسنان وكريمات
    المهم الى لقيتي في الصيدلية كليسيرين نباتي مرحبا والى قالوا لك ما عرفناش المصدر فبطبيعة الحال غادي تشكي انه ماشي لي كتقلبي عليه لان ماشي لي خدامين في الصيدلية كلهم كيعرفوا المصادر او المواد لي كتباع عندهم هما غير تابعين لائحة المبيعات وصافي انتي طلبي القرعة وشوفي بعينين واش فيها الماصفات لي عندك على الزيت وتوكلي على الله والنية ابلغ من العمل باذن الله ما تخافيش بسم الله هي تخليه يولي كليسيرين وخى يكون شي عجب اخر هههههههه



    وخى دبا طاحت وجبرناها اش حب الخاطر حبيبتي ام ايمان وعلاش بغيتي الكليسيرين بالضبط نقدر نعاونك انا الان بصدد وصفات كندير تجارب على راسي باش نقدمها للانيقات ونقول لكم عليها ان شاء الله
    كاينة سنفرة وقناع مرطب ومجبد ومشرق للبشرة روعة يعني 2×1
    وزيوت طبيعية كتخدم كسيروم بالليل للبشرة لي خاص كل انيقة تهتم بها وتعتني براسها قبل ما تولي ما تقدرش تحل المشاكل

    المهم كما قلت لك انا رهن اشارتك حبيبتي اي مشكل نتقاسموه ونحلوه وهذا هو سر تجمعنا بهاذ المنتدى الرائع بكم وبنا جميعا

    تعليق

      • WhatsApp

      #12
      المشاركة الأصلية بواسطة ذاكرة مشاهدة المشاركة

      جواب ثاني على اسئلتك فيما يخص البشرة الجافة والحساسة وبغيتي تهلاي فيها باش تبان صافية ورطبة وناعمة

      وصفة ساهلة ونتائجها من اول استعمال
      بطاطة مصلوقة وخيارة مع معدنوس مطحونين بلا ما يعني حنا حاجتنا بالماء ديالهم فقط بدون اضافات ( ولعلمك ان هاذ الثاني رفيق البشرة الشابة الطرية المشرقة والناعمة والصافية )
      بعدما تصلقي البطاطة دعكيها بالشوكة وضيفي لها ماء الخيار والمعدنوس ثم معلقة ص زيت اللوز وانتي كتشوفي في الخليط ما خاصوش يكون قاصح وما يكونش جاري يعني كريمي
      اول شيء نظفي البشرة ديالك بماء الشوفان يعني تاخذي واحد معلقة شوفان كبي عليها كاس صغير ماء بارد وخليها واحد الساعة حتى يطلق الحليب ديالو صفيه ضيفي لو معلقة صغيرة زيت اللوز الحلو وخذي قطنة ومسحي به وجهك كمنظف خفيف على البشرة الحساسة لي كيعطيها توازن من بعد ديري قناع البطاطة وخليه ربع ساعة قبل ما ييبس على وجهك يعني يبقى شوية مبلل وطري باش تقدري تزوليه بدون ما تعملي خدوش على بشرتك الحساسة غسلي بماء بارد ثم دهني بزيت اللوز لي يعتبر رفيق البشرة الحساسة والجافة وبالصحة والراحة


      مشاكل البشرة خاصهم نفس طويل وما يكونش العجز او قلة الصبر تبعي البقعة حتى تزول وعاوني بشرب الماء لان بعض المرات ما كنعطيوش قيمة لما يدخل للامعاء ويسحب لينا القناع كافي بوحدو لازم مراعاة الاكل والشرب لي خاصهم اعادة نظر وتصحيح والله يجيب الشفا حبيبتي
      الله اجازيك عنا كل خير. الوصفات زوين و المهم بمكونات طبيعية. ان شاء الله نديرهم. بالنسبة لهادوك البقع البنية لي في كانت الطبيبة قالت بلي هي صدفية هداكشي لاش مافكرتش ندير شي حاجة خفت لاتزيد الطين بلة.

      تعليق

        • WhatsApp

        #13
        ايوا الى قالت لك انها صدفية تبعي الدوا ديال الطبيبة هي عارفة اشنو كاين ولكن الى كملتي الدوا والجلد برا وبقات البقع او الطبعة فما فيها باس ديري وصفات طبيعية كتصقل الجلد وتنقيه وبالصحة والراحة





        تعليق

          • WhatsApp

          #14
          ان شاء الله خاصني غير شوية الخاطر . شكرا لك بزاف

          تعليق

            • WhatsApp

            #15
            اختي داكرة باش ممكن نعوض ماء ورد فالوصفة د التبريمة دالدوش
            وواش الخرطال هو الشوفان ولا كاين فرق

            تعليق

              • WhatsApp

              #16
              المشاركة الأصلية بواسطة امي عيني مشاهدة المشاركة
              اختي داكرة باش ممكن نعوض ماء ورد فالوصفة د التبريمة دالدوش
              وواش الخرطال هو الشوفان ولا كاين فرق
              نعم حبيبتي الخرطال بالمغربية والشوفان باللغة العربية ولافرق بيناتهم الشوفان = هو الخرطال
              ماء الورد تقدري تبدليه بماء الزهر او بماء مغلي فيه الازير او الخزامى ومصفي وبالصحة والراحة





              تعليق

                • WhatsApp

                #17
                المشاركة الأصلية بواسطة ذاكرة مشاهدة المشاركة

                نعم حبيبتي الخرطال بالمغربية والشوفان باللغة العربية ولافرق بيناتهم الشوفان = هو الخرطال
                ماء الورد تقدري تبدليه بماء الزهر او بماء مغلي فيه الازير او الخزامى ومصفي وبالصحة والراحة
                بارك الله فيك فرحتيني بجوابك ههه كنت خايفة منلقاش داكشي ليخاص وعجباتني بزاف ديك الوصفة غدا ان شاء الله نطبقها
                جزاك الله كل الخير و انعم عليك بنعمه التي لا تعد ولا تحصى ان شاء الله

                تعليق

                  • WhatsApp

                  #18
                  بصحتك حبيبتي ما تخافي والو كلشي عندو البديل الله يرزق الصحة والسلامة





                  تعليق

                    • WhatsApp

                    #19
                    السلام عليكم اختي ذاكرة. جربت التبريمة ديال الخيار و المعدنوس جات غزالة الله اعطيك الصحة. وبغيت نسولك على الصابون واش ممكن ندير دوف. حيت صابونة الحجرة كتنشف لي البشرة.

                    تعليق

                    يعمل...
                    X