ArabicEnglishFrenchSpanish

إعـــــــلان

تقليص
لا يوجد إعلان حتى الآن.

موسم صيف 2020 للحداكة و التاويل ..♡..

تقليص
هذا الموضوع مغلق.
X
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة
    • WhatsApp

    https://www.anaqamaghribia.com/vb/node/17949219

    تعليق

      • WhatsApp

      المشاركة الأصلية بواسطة اخت لطيفة مشاهدة المشاركة

      صافي اختي ساليتو و ارتاحيت عطيتو قتلة ديال الحكان من السقف للارض ورجع الزليج يلمع ولكن التعطير هو لي مشكل
      بالنسبة للقرعة ديال لاصاش يمكن درتي غي ثقب واحد خاص اكثر
      ووخا ديري اكثر من ثقب ميعطيش نتيجة جربتها ومعطرتش الدوش نهائيا وخا القرعة خوات
      بالنسبة للشكل لي قلتي ديال الصابون محكوك فحرة زوينة ولكن للاسف معنديش فين نحط الدكور

      اما الفكرة في حد ذاتها كتحمق ..وعجبتني نجيبو افكار من اليوتيب وعلاش لا حتى الصور ..
      ونتوما فين وصلتو ..غدي ناخد استراحة غدا الا قدرت
      بالنسبة للمطبخ الا كنا غدي نبداوو الاثنين علاش منبداوش بالثلاجة راني صابرة ليها غي بالسيف ههه الا عندكم اقتراح اخر نزيد نصبر ونكمل على المسحة الخفيفة ديال كل يوم
      تبارك الله عليك و ماشاء الله لطووفتي كنتي قد التحدي و المهمة لي درنا...انا اليوم كان ديال شهيوات الكوزينة و اشغال هنا و هناك يله ساليت شوية هدي...
      و مابغيتش نسخف راسي بالدوش غنخليه حتى الغد حالو ساهل معنديش فيه مشكل بحال الكوزينة ...

      و بالنسبة لدكشي لي كنت مخططة للصالون في الويكند ما تحققش الجو ممطر ..مكاين باس ...المهم كلشي نقي و مرتب..

      و حتى انا بحالك مكرهتش نبداو بالثلاجة فات موعد تنظيفها الشهري و ديما كنأجل..
      نخصصو لها يوم الاثنين ان شاء الله الى ماقدمو الانيقات اي اقتراح مغاير ...في تلك الحال معندنا غير الصبر

      تعليق

        • WhatsApp

        البنات تبارك الله عليكم رائحة الحداكة فاحت ماشاء الله
        للاسف انا مدرت والو اليوم حتى للاثنين ان شاء الله و ندمج 2 مهام خصوصا الى تافقتو على الثلاجة نقدر تديرها في الصباح
        و الحمام اعزكن الله في المساء
        ​​​
        [url=https:\/\/www.anaqamaghribia.com\/pic\/][\/url]","src":"https:\/\/www.anaqamaghribia.com\/vb\/filedata\/fetch?filedataid=86232&sigpic=1"}[/IMG2]

        تعليق

          • WhatsApp


          بالنسبة للنقطة لي شرتي لها لطوفتي انه معندكش فين تحطي ديكور ..ماشي ماشفتهاش او تجاهلتها فقط مشيت نجيب صور يساعدوني نوصل فكرتي ..
          و هني جيت هههه


          بالنسبة للحمام ..سهل نديرو فيه منظمات نقدرو نوضعو فيهم ورد ..ديكور ...معطر ...و لي بغينا ...
          ابسط فكرة ديري منظم على طول غطاء لاصاش و تحطي فيها لي بغيتي ... تقدر تكون علبة خشبية كما في الصور او بلاستيكية بشكل أنيق ...او سلة هدوك ديال الصناعة التقليدية ...

          ممكن تستغلي المسااحة قرب لافابو و تحطي فيها ديكوراتك ..الى كانت واسعة شوية ...

          و كذلك صنع ارفف بسيطة من الخشب و تثبت على الحائط او تعلق كما هو مجسد في احدى الصور ...و في هاد الحالة نضرب عصفورين بحجر واحد ..نستغل المساحة فوق كرسي الحمام اعزكن الله ..و منها نكسبو مسااحاات لوضع ما نحب ...
          فقط فكرة الفوط وخا منتشرة هنا في الغرب ...صحيا هي غير جيدة ..من الافضل الفوط يكونو في دواليب ..
          و الى كانت في مكان مكشوف ضروري تنظيفها و تعقيمها يوميا !!! و هدشي مستحيييل طبعا...
          كاين لي كيحطهم زيينة فقط ..

          و هناك فكرة منظم خشبي بأرفف يوضع على الارض و حتى من البلاستيك يوضع في ركن فارغ من الحمام و توضع فيه شمبوانات و ديكورات ...




































          يااارب نكون فدتك و الانيقات ولو بفكرة بسيييطة ...
          زعمو وريوهم لمول الدار يمكن يبغي يصايب لكم شي وحدة و تطلع لكم رخيييصة جدااا...

          تعليق

            • WhatsApp

            المشاركة الأصلية بواسطة السفيرة مشاهدة المشاركة
            تحدي الصعاب و اخت لطيفة فين وصلتو مع الشقا ؟؟
            الله المستعان..بالنسبة للتعطير من بين الافكار لي جربت شخصيا ..كان عندي واحد سائل تنظيف ماشي عاقد و انما بحال الماء ...ريحتو عجباتني ...فدرتو فبخاخ و حطيتو في الحمام اعزكم الله ...مرة مرة كنرش منو و كتبقى ريحتو مع لي دخل يرش ههههه

            فكرة لاشاص جربتها ماصدقاتش لي ...درت مرة قرعة فيها جافيل و حطيتها فيها سااعة ملي جيت نطل عليها بعد مرور اكثر من اسبوعين لقيتها كما هي !!!! تقدرو تقولو ما ثقبتش القرعة مزياان ...بالعكس القرعة الى هزيتها كتبقى يسيل منها و لكن غير نحطها في الماء صافي مكيبقى والو يخرج...
            لي مجربة هاد الطريقة تشرح لي مزياان حينت جاتني عملية و زوينة ..و نقدر نديرها سواء بمعطر او معقم ...


            و هدي فكرة جبتها لكم من اليوتوب و خديت الصورة من تما ...كما كاينين لي كياخذو وصفات من هنا و يحطوهوم في قنواتهم حتى احنا علاش منجيبوش لهنا اي حاجة شفناها مفيدة و نفيدو كما استفدنا او لا ؟؟

            معطر و ديكور في نفس الوقت



            الفكرة شارحة راسها من الصور ههههه
            و صاحبة الوصفة قالت ممكن اختيار اي لون في الصابون و حتى لو يكون بلون الحمام ..الله يعطيها الصحة ...
            السفيرة يسول فيك الخير وشكرا بزاف على الفكرة د تعطير عجبتني بزاف ونطبقها ان شاء الله ماشاء الله على الاخوات وحداكتهم بالنسبة لي لبارح كان نهار عامر خصوصا تيكون راجل جالس تنفيقو معطلين عاد لفطور تيكون مميز على الايام الاخرى المهم بديت شوية معطلة ف تخمال صالون ورغم ذلك نهار طويل غي لي بغى يعكز فيه عاوني راجلي على العود تقيل خرجتو ضربت فيه شميشة هو ولبونج وعقمتهم عاملة 2رشاشات وحدة فيها الما وجافيل ووحدة الخل وزيت الياسمين ومسحت لحيوط بجافيل وغسلت سرجم والباب صبنت زربية ايوا اراك لتشلبيط ورغاوي طايرة وبناتي تيتزلقو فالارض كملت تسياق تغديت صليت العصر ونعست فقت بدلت لخامية بوحدة خفيفة فهاد صيف ايوا اليوم عاد نصبن طلامط والمخايد

            تعليق

              • WhatsApp

              صباح الخير وتواول والحداكة. تبارك الله على جميع الاخوات. بالنسبة لي انا حيت طلامط ديال بيت لكلاس وصبنتهم وديت زريبة تصبن وحيت عندي لبلاكار ديال اللعب فيه استغليت الفرصة وجبات اللعب لي يتصبنو درتهم يتصبنو وآخرين مسحتهم ورديتهم لبلاصتهم وضربتهاليه بواحد لغاسلة حتى ولى تيشعل هههه. واليوم انشاء الله نجيب الزربية ونرد كلشي لبلاصتو. وبالنسبة الحمامات مادوش مني بزاف دلوقت حيت مرا مرا تنحكهم بش ديما تيلقاو نظاف ميمحنونيش والتغيير لي درت بدلت واحد لمرايا فقصاني شحال هدا تهنيت منها هههه. بالنسبة لتعطير غلاشاص كنعلق فيه كيس فيه صابونية فيها ريحة زوينة وكتبقا طلق ريحتها وكنمسح لبولات بزيت عطرية هد الطريقة كنديرها حتى فبيت نعاس محد لبولا كتسخن وريحةكتطلع.

              تعليق

                • WhatsApp

                SAVE_20200628_085354.jpg
                ​​​​​​





                ربي ارحم أبا لم يحرمني شيئا و لا تذقني حياة دون أمي ! triste



                تعليق

                  • WhatsApp

                  صباح البركة وصباح المسرات اخواتي
                  ​​​​​​تحدي الصعاب احسنت ومزبان خليتي الثقل يعاونك فيه زمانك الله يعطيكم الصحة واش رشيتي الخشب ببخاخ لي فيه جافيل ومسحتي ياك ؟وبصحتكم اختي
                  اختي زوجي مملكتي صباح الخيرات والرزق والبركات بصحتك ريحة النقا والتعطير عفاك كيفاش كتعلقي الصابونية في لاشاص عجبتني الفكرة ربما تنفعني وبالصحة اللوك الجديد للحمام وبيت الكلاس
                  ملوكتي ربي عوينك على الشقا ان شاء الله خلفي داك الشيء في الايام المقبلة
                  ​​​​​​





                  ربي ارحم أبا لم يحرمني شيئا و لا تذقني حياة دون أمي ! triste



                  تعليق

                    • WhatsApp

                    سفيرتي يا سفيرتي ما هذا الجمال كله شكرا على الافكار الجميلة ..كلها على بعضها راىعة وسهلة خاص غي ينوض ليها ..سجلت بعض الافكار منها في مذكرتي
                    بالنسبة للفوط حتى انا بحال من نهار قريت على الطاقة السلبية مبقيتش نخلي فوط الحمام او حتى الملابس معلقة في الدوش والا وقع شي خطأ كيتصبنو في الحين
                    الاففكار كثيرة غاليتي واسفة للني مقدرتش نعاونك فيها بسبب الظروف يا الله نقدر نطبق التمارين ونحط ردود من الوقت للاخر ولكن انا معاكم
                    بالنسبة لاقتراح الثلاجة غدي ناجله ليوم الثلاثاء حيث بانتلي خرجة ضرورية غدا ههه
                    بصحتكم الشتيوة يا سلام تشهيناها راه عندنا غي الصهد والعجاج
                    ​​​​​​





                    ربي ارحم أبا لم يحرمني شيئا و لا تذقني حياة دون أمي ! triste



                    تعليق

                      • WhatsApp

                      المشاركة الأصلية بواسطة اخت لطيفة مشاهدة المشاركة
                      صباح البركة وصباح المسرات اخواتي
                      ​​​​​​تحدي الصعاب احسنت ومزبان خليتي الثقل يعاونك فيه زمانك الله يعطيكم الصحة واش رشيتي الخشب ببخاخ لي فيه جافيل ومسحتي ياك ؟وبصحتكم اختي
                      اختي زوجي مملكتي صباح الخيرات والرزق والبركات بصحتك ريحة النقا والتعطير عفاك كيفاش كتعلقي الصابونية في لاشاص عجبتني الفكرة ربما تنفعني وبالصحة اللوك الجديد للحمام وبيت الكلاس
                      ملوكتي ربي عوينك على الشقا ان شاء الله خلفي داك الشيء في الايام المقبلة
                      اخت لطيفة العود رشيتو بالخل وزيت ولبونج ب جافيل والما وملي نكمل ان شاء الله تفراش عاد نمسحهم مزيان من جهة لواجهة حيت اللون بالكحل ملي تنبدا نفرش ونقاد ضروري ماتيتغبرو واخا كلشي مصبن وماتتعرفي منين تتخروج الغبرة دائما تنخلي تلميع هو اخير مرحلة

                      تعليق

                      يعمل...
                      X