ArabicEnglishFrenchSpanish

إعـــــــلان

تقليص
لا يوجد إعلان حتى الآن.

موسم صيف 2020 للحداكة و التاويل ..♡..

تقليص
هذا الموضوع مغلق.
X
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة
    • WhatsApp

    السلام عليكن اخواتي
    تبارك الله عليكم اخواتي
    انا كان وقعلي مشكل كندير تسجيل الدخول كندخل كيديرلي خروج تلقائيا معرفتش شنو السبب
    بالنسبة المطبخ انا اليوم عاد غنبدا لاني كنت مريضة شوية..
    اليوم غنظف غي الثلاجة ان شاء الله مع التنظيف اليومي
    وكفكرة بالنسبة للفرن والبوطا غاز كنت استعمل الخل والبكاربونات وبعد مشاهدتي لواحد الفيديو لفرنسي استعمل الخل فقط جربتو وكانت نتيجة افضل
    المهم بالليل كندير الريوس فالخل وكنرش الفرن والبوطة بالخل الصباح كنحك الريوس حكة خفيفة كاع الكحولية نتاع العافية كتزول
    وكنمسح البوطة والفران والى كانت شي حجاج مبغتش تزول كنستعمل شوية الصابون السائل وكنحك بزكش الرطب الرقيق
    هذا مكان
    ويومكن مبارك

    تعليق

      • WhatsApp

      المشاركة الأصلية بواسطة زهرة الكاردينيا مشاهدة المشاركة
      صباح الانوار
      هاني زييت ولكن حشمانة منكن بزااااف للاسف كان الما مقطوع يالله رجعوه لنا غير البارح بقيت بخال لي مقطوع له الراس
      وانتما اش خباركم كلشي تمام اموركم هانية؟

      اه على فكرة ختى انا المنتدى تتمشي منو خانة الكتابة عليها تندير اعجاب ( زعما راني حاضرة ناضرة هههه)
      على سلامتكم ملوكتي حشومة عليهم في هاد الصهد كيقطعو الماء يا ربي السلامة
      الحمد لله بخير هاد الساعة وانتي والدراري والعاىلة والكتكوت ديال الاخت ديالك بدا يضحك ولا مزال الله يحفظه
      ومرحبا بالاعجابات المهم الواحد تثبت الحضور ههه
      ​​​​​​





      ربي ارحم أبا لم يحرمني شيئا و ارحم أمي التي كانت سندي في الحياة




      تعليق

        • WhatsApp

        المشاركة الأصلية بواسطة فيروز 1411 مشاهدة المشاركة
        السلام عليكن اخواتي
        تبارك الله عليكم اخواتي
        انا كان وقعلي مشكل كندير تسجيل الدخول كندخل كيديرلي خروج تلقائيا معرفتش شنو السبب
        بالنسبة المطبخ انا اليوم عاد غنبدا لاني كنت مريضة شوية..
        اليوم غنظف غي الثلاجة ان شاء الله مع التنظيف اليومي
        وكفكرة بالنسبة للفرن والبوطا غاز كنت استعمل الخل والبكاربونات وبعد مشاهدتي لواحد الفيديو لفرنسي استعمل الخل فقط جربتو وكانت نتيجة افضل
        المهم بالليل كندير الريوس فالخل وكنرش الفرن والبوطة بالخل الصباح كنحك الريوس حكة خفيفة كاع الكحولية نتاع العافية كتزول
        وكنمسح البوطة والفران والى كانت شي حجاج مبغتش تزول كنستعمل شوية الصابون السائل وكنحك بزكش الرطب الرقيق
        هذا مكان
        ويومكن مبارك
        اهلا فيروزة هي دارها بيك المنتدى
        حتى انا بحالك كنغسل البوطة بالبيكاربوناد والخل ونرش حتى خمارة حمراء كنستعمل هاد الخلطة للتلميع بعد ما نضفها بشي برودوي لي كيحيد الكريس
        صافي بداي بالثلاجة وزيدي الفران والبوطة على ما تدخل سفيرة تعطينا مهمة جديدة

        ​​​​​​





        ربي ارحم أبا لم يحرمني شيئا و ارحم أمي التي كانت سندي في الحياة




        تعليق

          • WhatsApp

          السلام البنات مهمة اليوم خصصتها لبيت بنتي نظافة عميقة ومسح الخشب وغسل النافدة والخيط والارضية
          صراحة كنت مخلياها ليها حتى تنظفها بوحدها بعد ما تسالي امتحاناتها سعا واحد الملعون ديال سراق الزيت دخل من السرجم وهي تهرب ليا من الغرفة
          المهم باقي لي نمسح الزاج ديال السرجم باجاكس وباقي البريزات مزال موصلتهم حتى للغد ان شاء الله او مساء حسب الجهد
          بالنسبة للمطبخ غسلت الحوض ولمعتو بالصابون وجافيل عادي وشللتو ومن بعد خويت في كل مجرى معلقة صغيرة بيكاربوناد وخويت الخل خليتو تفاعل 5 دقاىق وسميت الله وخويت ماء سخون
          وطبعا هربت وجهي حيث التفاعل كيحدث رائحة قاصحة وغير صحية للتنفس
          ​​​​​​





          ربي ارحم أبا لم يحرمني شيئا و ارحم أمي التي كانت سندي في الحياة




          تعليق

            • WhatsApp

            المشاركة الأصلية بواسطة اخت لطيفة مشاهدة المشاركة
            اهلا فيروزة هي دارها بيك المنتدى

            دارها بيا حبيبتي بقت كنطل عليكم بدون تسجيل الدخول
            تى انا بحالك كنغسل البوطة بالبيكاربوناد والخل ونرش حتى خمارة حمراء كنستعمل هاد الخلطة للتلميع بعد ما نضفها بشي برودوي لي كيحيد الكريس
            صافي بداي بالثلاجة وزيدي الفران والبوطة على ما تدخل سفيرة تعطينا مهمة جديدة
            ان شاء الله دكشي لندر مساؤك حب وسعادة
            والله يعينك

            تعليق

              • WhatsApp

              المشاركة الأصلية بواسطة اخت لطيفة مشاهدة المشاركة
              السلام البنات مهمة اليوم خصصتها لبيت بنتي نظافة عميقة ومسح الخشب وغسل النافدة والخيط والارضية
              صراحة كنت مخلياها ليها حتى تنظفها بوحدها بعد ما تسالي امتحاناتها سعا واحد الملعون ديال سراق الزيت دخل من السرجم وهي تهرب ليا من الغرفة
              المهم باقي لي نمسح الزاج ديال السرجم باجاكس وباقي البريزات مزال موصلتهم حتى للغد ان شاء الله او مساء حسب الجهد
              بالنسبة للمطبخ غسلت الحوض ولمعتو بالصابون وجافيل عادي وشللتو ومن بعد خويت في كل مجرى معلقة صغيرة بيكاربوناد وخويت الخل خليتو تفاعل 5 دقاىق وسميت الله وخويت ماء سخون
              وطبعا هربت وجهي حيث التفاعل كيحدث رائحة قاصحة وغير صحية للتنفس
              تبارك الله عليك بالنسبة لسراق الزيت عليك بداك الطباشر لكيدرليه ميعودش يدخل شرطين فالحواف دالحيط ولا النافذة
              حتى انا كان كيدخلي من الشراجم غي درتو مبقت شتو

              تعليق

                • WhatsApp

                المشاركة الأصلية بواسطة اخت لطيفة مشاهدة المشاركة

                نعم اختي مواد التنظيف كتسهل الشقا بزاف وانا كنعرف قيمتها لحسن الحظ ومنقدرش نشقا بلا بيها غي شي مرات كيكون البرودوي عيان
                مؤخرا جبت واحد من مليلبة ديال الخشب معجبنيش بزاف على هاد الشيء الحاجة لي مجربة تكون احسن
                شكرا على الشرح كملي خيرك وقوليلي على خلطة خل التفاح والبيكاربوناد واش نخففها بالماء ؟ ولا لا
                نعم لطوفتي كتخفي بالماء ندير مثلا كاس العنبة خل ومعلقة كبيرة بيكاربونات نخلطهم مزيااان حتى يحيد ذا التفاعل ديالهم ونضيف 2 كيسان ماء ونديرهم في قرعة بخاخ ونرش وندوز بالزيف ونعاود نشف كيعقم بلاصة الكيسان والبالاكار ديال المواعن من الداخل ومن الخارج كندير مزيل الدسم حتى هو خطير وروعة اهم حاجة في التنظيف هو المواد لي كتسهل عليك باش ما تمحنيش دوزي بكل سهولة
                وهاذ مزيل الدسم كنمسح به حتى البوطة نرش ونخلي شوية ونمسح الى كانت شي حاجة لاصقة مع الطياب كتزول بالخف غادي نزل لكم صور مواد التنظيف بشكل عام حيث كتسهل لك عملية التنظيف بدون تعب وحك ياما تحك

                تعليق

                  • WhatsApp

                  السلام عليكم ورحمة الله وبركاته

                  مسااؤكن معطر بالرياحيين غالياتي
                  كيف حالكن مع الحداكة الموسمية ديالنا ؟؟
                  كاين شي نشااط ؟؟..

                  سعييدة بانضمامك قوتي في صمتي لموكبة الحادكات نورتينا ♡...
                  و كاردينيا و فيرووز منوراات ايضا المهم تكونو بهير اما الشقا و المهمات ملحووقة ان شاء الله ...

                  قريت كل الردود لي فاتني و فرحتوووني بتقاريركن التي يشع منها النشااط و الحيوية تبارك الله...


                  و فيها ايضا افادات قيمة ...
                  منها مسألة المنظفات فعلا عندها دور كبير تخلي المهمة اسهل و تخلي كذلك الرغبة في التنظيف ديما كاينة ...
                  و من هاد المنبر لي جرباات شي برودوي تحطو لنا ...و الكل يستافد ان شاء الله ...كما دارت ذاكرة الله يرزقها لي في بالها ياارب...
                  اخت لطيفة بالنسبة لطريقة تلميع الخشب واش مجربتيش خلطة الزيت و الخل ؟؟؟
                  تحدي الصعاب تبارك الله عليك .. و الكوكوت خليها تنفعك في حاجات اخرى كما قالت اخت لطيفة ...انا مكنتش عارفة الفرق بين اليمنيوم او غيره و لا حتى انه مضر باش نكون على بال ..وماشي مدة قديمة باش اشتريتها مزال جديدة نسبيا ...و كتفيدني بزاف كنحمر فيها حتى انا الدقيق و الزنجلان و لكن عمرني جربت فيها الكيكة الشهيرة ههههه


                  و دبا تقريري ..
                  الحمد لله شعوور جميييل بعد ما نظفت ثلاجتي لي كنت مأجلة الامر حتى توصلها النوبة في البرنامج لي كنديرو ... و حتى هي للأسف لقيت فيها كراااكيييب تخلصت منهم تماامااا..ملي رديت كل حاجة لبلاصتها شعرت بالرضى و الحمد لله...باقي المجمد نقدر نعطيه وقت اليوم او غدا ان شاء الله...

                  و الفران و الكوزنيير حتى هما ساليت معاهم خاااصة الكوزنيير لي ولات كتشعل استخدمت بيكربونات الصودا و سائل الاواني للتنظيف و غسلت كذلك كل المرفقات ديالها و شمشتهم ههههه حتى ساليت كلشي و بغيت نصب الغدا عاد رجعتهم..


                  الغدا حتى انا صاوبت طااجين و كما قالت لطووفتي هو لي كيجيني ساااهل و ينفعني في بحال هاد الاياام لي فيها شقا بزاااف ..هو و الكسكس كنعتبرهم من اسهل الوصفات مكتاخد منك لا مجهود لا وقوف بالساعات ...و الحمد لله على كل حاال...


                  الفران مخداش مني وقت بحكم انني درت ليه تنظيف عميق هدي مدة قصيرة ...

                  و باقي الخزانات نبدااهم غدا ان شاء الله ..


                  و متنساوش و احنا وسط مهمات التنظيف و الحدااكة...نعطيو لأنفسنا فسحة لتطوير الذاات ..و العنااية بالنفس كذلك...
                  مكرهتش كون كانت عندنا دورة في هدشي ...مثلا تحديات اسبوعية او يومية تخلي معنوياتنا طالعة و تخلينا مهليات في انفسنا كما مهليات في كلشي ..
                  و الله المستعاان..

                  ودي لكن ♡..

                  تعليق

                    • WhatsApp

                    المشاركة الأصلية بواسطة ذاكرة مشاهدة المشاركة

                    وهاذ مزيل الدسم كنمسح به حتى البوطة نرش ونخلي شوية ونمسح الى كانت شي حاجة لاصقة مع الطياب كتزول بالخف غادي نزل لكم صور مواد التنظيم بشكل عام حيث كتسهل لك عملية التنظيف بدون تعب وحك ياما تحك


                    تبارك الله عليك و لهلا يخطيك عليناا غاليتي ذاكرة ...
                    خااصني خرجة خاااصة بالمنظفااات ههههه

                    تعليق

                      • WhatsApp

                      تبارك الله عليك سفيرتي وبصحتك النقا وريحته والمورال الجديد
                      يدي على يدك مكرهتش نشقى وانا مهلية في راسيي يا سلام ..انا فاش نفكر نتهلا كاع ..تلقايني هزيت بيضة وشققت بها شعري خخخ ..والوجه عندي من المنسيات
                      بالنسبة للزيت والخل كيلمعو بصح ميحيدوش الطبايع حيث عندي الفيرني في واحد اللون كيبان فيه كلشي والدراري ميتكايسوش وكل مرة خاصني نمسح
                      ​​​​​​





                      ربي ارحم أبا لم يحرمني شيئا و ارحم أمي التي كانت سندي في الحياة




                      تعليق

                      يعمل...
                      X