ArabicEnglishFrenchSpanish

إعـــــــلان

تقليص
لا يوجد إعلان حتى الآن.

موسم صيف 2020 للحداكة و التاويل ..♡..

تقليص
هذا الموضوع مغلق.
X
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة
    • WhatsApp

    المشاركة الأصلية بواسطة اخت لطيفة مشاهدة المشاركة
    تبارك الله عليك سفيرتي وبصحتك النقا وريحته والمورال الجديد
    يدي على يدك مكرهتش نشقى وانا مهلية في راسيي يا سلام ..انا فاش نفكر نتهلا كاع ..تلقايني هزيت بيضة وشققت بها شعري خخخ ..والوجه عندي من المنسيات
    بالنسبة للزيت والخل كيلمعو بصح ميحيدوش الطبايع حيث عندي الفيرني في واحد اللون كيبان فيه كلشي والدراري ميتكايسوش وكل مرة خاصني نمسح
    الله يعاونك غاليتي ممكن تجربي المنتوج لي حطات ذاكرتي الجمييلة بارك الله فيها ...
    و بالنسبة للدورة الجديدة صافي ذاكرة غدي تمخمخ لها مزياان و غتجيبها لنا بأحسن حلة ان شاء الله ...

    عرفتي من نهار بدينا هاد الموسم ملي نسالي مهمتي كنقول ضروري ندير مكافأة لراسي ..كل مرة في شكل ..وخا نصاوب غير كويس القهوة و نجلس نرتشفو بهدووء ههههه و واحد الليلة فكرت نديرو تحديات ولو اسبوعية او المدة لي بغيتو و كل وحدة تلتزم تكافئ نفسها بشي حاجة و تجي تشاركها معنا ...
    و كانت الفكرة تختمر حتى اليوم و كنظن شحال من وحدة محتااجة لجبيد الوذنين باش ماتفرطش في راسها..هدا مكان ..

    دبا غنتسناو ذاكرتنا تفكر فيها مزيااان و ان شاء الله يكون خير ..

    تعليق

      • WhatsApp

      المشاركة الأصلية بواسطة زهرة الكاردينيا مشاهدة المشاركة
      مساكن ورد وريحان وريداتي
      بالنسبة لليوم نظفت الثلاجة وعقمتها ياسلاااام وحدت الشبيكات لقيت كل وحدة من بلاد ههههه درتهم كلهم بويض و درت كل حاجة خصصت لها بلاصتها ولتفادي الروائح درت في كل رف اولا قطعة فحم و جبيبنة صغيرة درت البيكربونات و واحدة اخرى القهوة ههههه.
      ودرت دويرة في خزينة الاطفال اعادة الترتيب

      غدا ان شاء الله راحة غيجي عندي اخي للغداء


      مساءك ورد و كاردينيا غاليتي

      بصحتك و راحتك التنظيم فعلا له تأثير عجيب على النفس..خدي راحتك غدا الجمعة راه درناه يوم عطلة ههههه تهلاي في الاخ ديالك و في نفسك كذلك ..

      تعليق

        • WhatsApp

        المشاركة الأصلية بواسطة السفيرة مشاهدة المشاركة

        الله يعاونك غاليتي ممكن تجربي المنتوج لي حطات ذاكرتي الجمييلة بارك الله فيها ...
        و بالنسبة للدورة الجديدة صافي ذاكرة غدي تمخمخ لها مزياان و غتجيبها لنا بأحسن حلة ان شاء الله ...

        عرفتي من نهار بدينا هاد الموسم ملي نسالي مهمتي كنقول ضروري ندير مكافأة لراسي ..كل مرة في شكل ..وخا نصاوب غير كويس القهوة و نجلس نرتشفو بهدووء ههههه و واحد الليلة فكرت نديرو تحديات ولو اسبوعية او المدة لي بغيتو و كل وحدة تلتزم تكافئ نفسها بشي حاجة و تجي تشاركها معنا ...
        و كانت الفكرة تختمر حتى اليوم و كنظن شحال من وحدة محتااجة لجبيد الوذنين باش ماتفرطش في راسها..هدا مكان ..

        دبا غنتسناو ذاكرتنا تفكر فيها مزيااان و ان شاء الله يكون خير ..
        ان شاء الله سفيرتي دبا كنسجل الصور عندي وغي تتحل الحدود ويمشي الوباء بحول الله نجمع كاع هاد المنتوجات لي ذكرت داكرة العزيزة
        ..تعرفي هاد الايام جات في بالي محبة التغيير على الله تدخل نطمنو عليها
        ​​​​​​





        ربي ارحم أبا لم يحرمني شيئا و ارحم أمي التي كانت سندي في الحياة




        تعليق

          • WhatsApp

          المشاركة الأصلية بواسطة السفيرة مشاهدة المشاركة
          غدا الجمعة بما أنه يوم مهم عندنا كمسلمين ..فأرتئي الا تكون فيه اي مهمة من مهام التنظيف..

          الوقت لي غدي تخصصيه غاليتي لمهمة في الغد ... قومي بأمر يسعدك و يشعرك بالراحة ..


          و لا تنسي قراءة سورة الكهف لمن لم تقرأها بعد ...


          و ان خطرت ببالك فاذكريني بدعوة بظهر الغيب بتيسير اموري و لك بالمثل ان شاء الله ...
          🌷
          ان شاء الله اختي ناخدوه يوم لينا نرتاحو فيه اونديرو فيه مهام تريح النفسية كيف قلتي
          ​​​​​​





          ربي ارحم أبا لم يحرمني شيئا و ارحم أمي التي كانت سندي في الحياة




          تعليق

            • WhatsApp

            طلب خاص للغزالات
            بغيت ملخص للخطوات اللي درتو
            أو حولو لينا البرنامج للصفحة الاولى باش نواكبو معاكم بلييز
            أنا خليتكم فبيت النعاس والحمد لله كملتها كلها مع تغيير فالديكور

            تعليق

              • WhatsApp

              السلام عليكم و رحمة الله و بركاته
              المستغفرة من ربها بصحتك و راحتك بين النعاس بالتغييرات الجديدة..
              قلبت لك على الرد لي فيه الخطوات هاهو
              ان شاء الله ملي نكملو نديرو موضوع فيه كل الخطوات او نديروهم في الرد الاخير


              المشاركة الأصلية بواسطة السفيرة مشاهدة المشاركة

              باش منديروش الخدمة كلها في يوم واحد ...
              و نجهدو انفسنا و نكرهو التنظيف غدي نقسموه الى ثلاث أيام :

              الاثنين : تنظيف الزربية و الطلامط و المخاد ..

              الثلاثاء : تنظيف الأثاث الخشبي ايا كان نوعه و سوارت الضو و الاضاءة ...

              الأربعاء : الجدران و النوافذ ثم الأرضية ..
              و كذلك الديكورات و الزينة ...


              و الخميس راحة

              و الجمعة نخصصوه للحمامات ..

              و السبت و الاحد راحة او لي تعطلات في شي مهمة تنجزها فيهم...

              و الاسبووع المقبل بإذن الله خاااص بالمنطقة الخطييييرة في البيت " المطبخ " و ما أدراك ما المطبخ !!...



              حاليا احنا في منتصف برنامج المطبخ
              شوية و نجيب لك الملخص ديالو ان شاء الله

              تعليق

                • WhatsApp

                هذا هو

                المشاركة الأصلية بواسطة السفيرة مشاهدة المشاركة


                اما بالنسبة لبرناامج منطقة المطبخ...
                هذا هو البرنامج لي غنمشيو عليه ان شاء الله


                يوم الاثنين .: الثلاجة..
                يوم الثلاثاء : الخزانات العليا..
                يوم الاربعاء : الفران..
                يوم الخميس : الخزانات السفلية..
                يوم الجمعة : الارضيات و الجدران والسقف و المصابيح و السوارت..
                يوم السبت : الابواب و النوافذ..
                يوم الاحد : تصبين الفوط و الستائر ..
                يوم الاثنين : تلميع بعض الاواني و تنظيفها ..
                ههههه هاد المهمة الاخيرة مشكوك في امرها و لكن نسجلوها و الله المستعان ...

                .البرنامج كل وحدة ديرو بما يناسبها ..كاينة لي غيبان لها اسبووع كثييير و كاينة لي غيبان لها المهمات كثيييرة ههههه

                تعليق

                  • WhatsApp

                  كيف حالكم اخواتي توحشتكم غبرت هادي يومين دابا دخلت قريت تقاريركم كاملة ماشاء الله عليكم الله يبارك ليكم في صحتكم وكلشي المجهودات وتعب في ميزان حسناتكم
                  بالنسبة لفكرة الاخت السفيرة هاد الايام كلها ف بالي تنقول ماكرهتش شي تجمع كل وحدة تحط اهدافها ونبقاو ملزمين نفوسنا بتطبيق وتنزيل تقرير حيت انا لاحظت ف راسي مع ايام تخمال هملت الجوانب الاخرى من العناية ورياضة وفصراحة خدمت جهد هلكت حتى صحتي لكوزينة مابقاش لي جهد غي نفس لي تتحركني وتنقول ف راسي كون كل نهار نخصص ساعة للاعمال العميقة ونولف عليها وفنفس الوقت مانهملش جوانب اخرى من حياتي تنتمنى من الاخوات لي عندهم تجربة هما يتكلفو ويعملو فينا خير كتير

                  تعليق

                    • WhatsApp

                    بالنسبة لتقريري الجمعة ماعملت والو الخميس خصصتو المنطقة العليا و فوق لبوطاجي وغسلت كوزينيير بمساعدة مزيل دهون طبعا وعملت طريقة جافيل ولبانيو رطبت الماعن ومن بعد حكيتهم تيخرجو ايشعلو باقي طريق طويلة قدامي فالكوزينة الله يعاونا ويسهل الامور ياربي

                    تعليق

                      • WhatsApp

                      مرحبا اختي تحدي الصعاب نورتينا و بصحتك اشغال امس و بصحتك الراحة اليوم ..حتى انا اليوم كان راحة و كان للشهيوات ...صاوبت قريشلات اخت لطيفة من زمااان بغيت نجربهم و اليوم كتاب الحمد لله ....
                      و درت شغل خفيف ظريف و اعتنيت بنفسي الحمد لله..
                      و الحمام اعزكم الله نظفتو بالطريقة لي شاركتها معاكم بعد الدوش ...


                      كما قلتي ضروري الوحدة فينا دير البرنامج لي يواتيها ... و ضروري ايضا يكون وقت محدد للكوزينة ماشي النهار كله شقا فيها...
                      الى كان موضوع هنا في اناقة يجمعنا فغيكون التزام و تشجيع متبادل و كذلك الافكار ...
                      الله يصاووب ♡..

                      حتى انا عندي كرااكيييب بزااف في الكوزينة و كل مرة نقص حااجة و لكن مزال كاين مايدار ..

                      الله المستعان ..♡

                      تعليق

                      يعمل...
                      X