ArabicEnglishFrenchSpanish

إعـــــــلان

تقليص
لا يوجد إعلان حتى الآن.

الحادكات بانو عندي

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة
    • WhatsApp

    الحادكات بانو عندي

    السلام انيقاتي
    عندي إشكال محمقني ألي عندها باش تفيدني الله ينورها
    المهم عندي واحد الحشرة صغيرة و كطير كانت غير ف المطبخ دبا ولات كتسارى ليا قنت بقنت ف الدار
    ماخليت مادرت ها القهوة مبخرة ها اتاي مبخر ها الخل و الحامض ها الخل و الشبة والو غا ماكتزيد تكثر عندي
    مع العلم ملكانخل وسخ ولا خضرة خاسرة حتى السطل ديال الزبل اعزكم الله ديما مغطي و قهراتني
    كتلقاها ف الحيط ف الخامية ف الحمام ف الابواب زعما ماعندهاش علاقة غاتكون غير ف الاماكن الموسخة
    حتى الا كاين شي دواء كميائي انا مستعدة نشريه غير فيدوني بالسمية ديالو
    ولي عندها هاد المشكل و عالجاتو ولا سمعات على حل ليه ها العار الا ماتفيدني.
    • WhatsApp

    #2
    ختي واش ماعرفتيش منين كتخرج واش كتمشي لك الماكلة

    تعليق

      • WhatsApp

      #3
      اختي الا الحشرة كحلة ديري مبيد اي نوع غدي يقضي فيها غي رشيه وسدي البيبان وخرجي من الدار واحد الساعتين
      اما الا الحشرة زعراء سيري فتشي الفراش ديال الصوف الا عندك
      شفتي هادوك لي كترشي مفيهم حتى فايدة غي تروني بيهم الدنيا خاصو شي حاجة يشمها طيحو الارض
      ​​​​​​





      ربي ارحم أبا لم يحرمني شيئا و لا تذقني حياة دون أمي ! triste



      تعليق

        • WhatsApp

        #4
        هاد الحشرة لونها اسود و ماكيمشيش غير الماكلة كنلقاه ف الحيط ف لخوامي ماشي زعما تابع الماكلة
        عاد انا ماكنخلي الماكلة ف الكوزينة و ماعرفتو منين كيجي
        المبيد ديال الدبان و صراق الزيت ماكيقدي فيه والو

        تعليق

          • WhatsApp

          #5
          المشاركة الأصلية بواسطة Sultana souad مشاهدة المشاركة
          هاد الحشرة لونها اسود و ماكيمشيش غير الماكلة كنلقاه ف الحيط ف لخوامي ماشي زعما تابع الماكلة
          عاد انا ماكنخلي الماكلة ف الكوزينة و ماعرفتو منين كيجي
          المبيد ديال الدبان و صراق الزيت ماكيقدي فيه والو
          واش كيكون في الصيف وفي الشتاء ؟
          واش ميختفيش في البرد
          عييت نتخيل شكلو ..تخيلت واحد لي هضرت ليك عليه بحال فراشة صغيرة والتاني لي جا في بالي دبا كيخرج من المجرى فاش ميكونش خدام وقليل فاش يدوز فيه الماء
          ​​​​​​





          ربي ارحم أبا لم يحرمني شيئا و لا تذقني حياة دون أمي ! triste



          تعليق

            • WhatsApp

            #6
            لا معمري شفتو ف الشتاء و شكلو بحال الدبان ولكن صغيور و رقيق بزاف
            راه خديت ليه تصويرة ساع مابغات تحط ليا

            تعليق

              • WhatsApp

              #7
              المشاركة الأصلية بواسطة Sultana souad مشاهدة المشاركة
              لا معمري شفتو ف الشتاء و شكلو بحال الدبان ولكن صغيور و رقيق بزاف
              راه خديت ليه تصويرة ساع مابغات تحط ليا
              فاش تسيقي الدار وتنشفي خودي بايكون مبيد لي كيتباع غبرة ب 260 ورشيه في كاع المجاري لي كتستعمليهمش بزاف ومكيدوزش فيهم الماء اكثر من يومين او 3 ..غالبا هو لي في بالي ..والباقي لي طاير غي مبيد العادي الرشاش يقتلو
              وملي يموت مغديش يعوضو فوح اخر حيث مغديش يقدر يخرج بديك الغبرة
              الا عندك مجاري اخرى نادرا فاش تستعمليها غطيها داخل بالميكة عاد رشي الغبرة
              ​​​​​​





              ربي ارحم أبا لم يحرمني شيئا و لا تذقني حياة دون أمي ! triste



              تعليق

                • WhatsApp

                #8
                واش رقيق وجنيوحاتو شفافة بحال الناموس او ذبان صغير اهم حاجة تهوي الدار ديري مراجعة وتقصي لجميع الاركان في البيت بداي من الكوزينة خمليها وخملي الدار كلها اكيد غادي يهاجر الى عندك شي امور قديمة فلي المطبخ تبيريمات تخلصي منها وعليك بجافيل وشي تخميلة شاملة للدار كلها وتشري المبيد رشي به وسدي البيوت حتى تنيسي منو نيت والمطبخ بالليل تسديه وتغطي كلشي لي فيه وترشي بالمبيد غادي يموت ان شاء الله ولكن حاولي تجيبي الصورة عنداك يكون بحال الفراشة كيلصق في الحيوط هذاك ديال الدقيق قديم او اعشاب قديمة كتبخش المهم حاولي تصوري لينا ويكون خير وتبعي النصائح والله يعينك عليه اختي





                تعليق

                  • WhatsApp

                  #9
                  لهلا يخطيكم الحادكات عليا
                  و الله الا ديما لغسيل و الجميع و انا من النوع الي كانت الروينة ماتهنيني خاطري اصلا كان وقع ليا اجهاض حيث ماكنجلس الا شفت الروينة ولا تابعني الشقا خص ديما الدار نقيا و متولة و ماعرفت منين تصلط عليا.
                  اول مرة بغيت نشوفو نهار زوقت واحد الخابية صغيرة عندي و غراف ب ديك الطريقة ديال لقطن و حب رشاد حتى كاتولي فيها الربيع. اوى بان عندي رميت الخابية و الغراف و خا هكداك بقى شوية حتى وليت كنلقى شوية ف الكوزينة ف الصالون ف الحمام كيتسرى بعدا
                  المهم البارح دربتها لدار بحكا بجافيل و الصابون و غسل الحيوط و رشيت عليه جافيل و سديت كاع لفبويات و الكرسي ديال الحمام و ساليت رشينا واحد المبيد جابو راجلي ف الدار كاملا و خرجنا واحد نصف ساعة عاد رجعنا هوينا الدار
                  المهم الحمد لله صبحت الغد لله كنلقا غير جوج
                  غنبقى ندير هاد الطريقة حتى يشمي كامل ف مرة.
                  الي محمقني منين كيجي و معنديش الورد ولا الربيع ف الدار و عاد كنلقاه ف الحيط و الخوامي ماشي فوق الماكلة

                  تعليق

                    • WhatsApp

                    #10
                    المشاركة الأصلية بواسطة Sultana souad مشاهدة المشاركة
                    لهلا يخطيكم الحادكات عليا
                    و الله الا ديما لغسيل و الجميع و انا من النوع الي كانت الروينة ماتهنيني خاطري اصلا كان وقع ليا اجهاض حيث ماكنجلس الا شفت الروينة ولا تابعني الشقا خص ديما الدار نقيا و متولة و ماعرفت منين تصلط عليا.
                    اول مرة بغيت نشوفو نهار زوقت واحد الخابية صغيرة عندي و غراف ب ديك الطريقة ديال لقطن و حب رشاد حتى كاتولي فيها الربيع. اوى بان عندي رميت الخابية و الغراف و خا هكداك بقى شوية حتى وليت كنلقى شوية ف الكوزينة ف الصالون ف الحمام كيتسرى بعدا
                    المهم البارح دربتها لدار بحكا بجافيل و الصابون و غسل الحيوط و رشيت عليه جافيل و سديت كاع لفبويات و الكرسي ديال الحمام و ساليت رشينا واحد المبيد جابو راجلي ف الدار كاملا و خرجنا واحد نصف ساعة عاد رجعنا هوينا الدار
                    المهم الحمد لله صبحت الغد لله كنلقا غير جوج
                    غنبقى ندير هاد الطريقة حتى يشمي كامل ف مرة.
                    الي محمقني منين كيجي و معنديش الورد ولا الربيع ف الدار و عاد كنلقاه ف الحيط و الخوامي ماشي فوق الماكلة
                    صافي اختي ملي لقيتي هاد الحل كملي عليه واستغلي اي وقيتة تخرجي رشي مبيد ويا ريت تستعملي حتى الغبرة في القنوت
                    ​​​​​​





                    ربي ارحم أبا لم يحرمني شيئا و لا تذقني حياة دون أمي ! triste



                    تعليق

                    يعمل...
                    X