إعـــــــلان

تقليص
لا يوجد إعلان حتى الآن.

مربى البرقوق البلدي رائع جدا

تقليص
هذا موضوع مثبت
X
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • مربى البرقوق البلدي رائع جدا

    البنات جبت ليكم مربى البرقوق الاحمرالصغير مذاق رائع ممكن تصاوبوه باي نوع برقوق عندكم طبعا ..برعو وليداتكم ..صايبوه بيديكم احسن من ديال المحلات وبدون مواد حافظة وكيصبر مدة طويلة



    المقادير



    كيلو برقوق مغسول بالماء والخل
    650 غ سكر سنيدة انا استعملت السكر الكاصي
    عصير نصف حامضة
    ربع كاس ماء

    في كوكوط او مقلاة عميقة حطي البرقوق والماء والسكر وخلي العافية مهيلة شمعة حتى يدوب السكر بدون ما يتحرق ومرة مرة حركي
    طبعا البقوق الصغير بلا ما تحيدي العظم خليه يطيب حتى يتهرى واثناء التحريك معسيه بشوية حتى تتعزل العلفة ..وانتي كتحكي هزي بالصفاية وبواسطة ملعقة حيدي العلف
    او ممكن تخليه حتى يبرد يبرد وتحيدي العظم بكل سهولة وترجعيه يطيب تاني

    حيدت العظم كامل ودوزت المربى في طحانة بدوية ورجعتو فوق النار بعد ما ضفت عصير الحامض
    وهو ساخن عمرتو في قريعات معقمين وغطيت الفم ديال القرعة بورق الطبخ وزيرت عليه وقلبت القرعة باش تشد السخونية وما يتسربش الهواء وهكا كيبقى عندك المربى سنة كاملة بلا ما يخسر
    ما تنساوش تحيدو الكشكوشة لي كتتكون في سطح المربى ومتنساونيش ايضا من الدعاء لامي حبيبتي عن ظهر الغيب بالشفاء العاجل










  • #2
    هانا جيت من عند الكعك الخامر هههههه
    تبارك الرحمان مربى لذيذ اكيد لأنه من ايادي احلى نحلة


    تعليق


    • #3
      السلام عليكم ورحمة الله وبركاته

      تبارك الله عليك اختي لطييفة مربى واش من مربى كيشهي من يدياتك عزيزتي ... أول مرة نشوف ديال حب الملوك يااك هو لي في الصورة و تقصديه بالبرقوق الصغير ؟؟!! بان لي بحالو.

      الله يعطيك الصحة و ربي يفرحك بالوالدة ديالك تشوفيها معافاة و بصحتها و يطولك في عمرهاا ياارب ...
      حااسة بك لأنني ايضا أمي الغالية مريضة و كل يوم نطلب ربي يشافيها هي و كل مرضى المسلمين و يحفظهم لنا ياااربي آمييين ...

      تعليق


      • #4
        المشاركة الأصلية بواسطة زهرة الكاردينيا مشاهدة المشاركة
        هانا جيت من عند الكعك الخامر هههههه
        تبارك الرحمان مربى لذيذ اكيد لأنه من ايادي احلى نحلة
        واييه حطيت لادريسة تما باش تلقاووا طريقه
        الله يحفظك لفنون وشكرا حبيبتي والله مكنتقلق الا مدخلتوش غي بغيت نجبدكم ههه

        تعليق


        • #5
          المشاركة الأصلية بواسطة السفيرة مشاهدة المشاركة
          السلام عليكم ورحمة الله وبركاته

          تبارك الله عليك اختي لطييفة مربى واش من مربى كيشهي من يدياتك عزيزتي ... أول مرة نشوف ديال حب الملوك يااك هو لي في الصورة و تقصديه بالبرقوق الصغير ؟؟!! بان لي بحالو.

          الله يعطيك الصحة و ربي يفرحك بالوالدة ديالك تشوفيها معافاة و بصحتها و يطولك في عمرهاا ياارب ...
          حااسة بك لأنني ايضا أمي الغالية مريضة و كل يوم نطلب ربي يشافيها هي و كل مرضى المسلمين و يحفظهم لنا ياااربي آمييين ...
          يا ربي امين حبيبتي منقدرش نشوفها تتألم

          كنصلي صلاة التسابيح تقريبا يوميا وكنطلب الدعاء ليها لعل وعسى ربي يتقبل منا الدعاء فهو كريم
          المربى مشي بحب الملوك غي كيبان بحالو
          اما هو كبير شوية عليه
          اصلا البرقوق البلدي كيكون رفيق بزاف على العادي

          تعليق


          • #6
            المشاركة الأصلية بواسطة اخت لطيفة مشاهدة المشاركة

            واييه حطيت لادريسة تما باش تلقاووا طريقه
            الله يحفظك لفنون وشكرا حبيبتي والله مكنتقلق الا مدخلتوش غي بغيت نجبدكم ههه
            الله اعطيك الخير عارفك قلبك كبييير بالنسبة لموضوع الكعك والله الى طاح لي العجب حيت مبانش لي من قبل سموووحة حبيبتي والله

            الله اشافي ميمتك وام السفيرة شفاء لا يغادر سقما يارب و اخلهم لكم تاج فوق رؤسكن يارب والله اتقبل منك دعاءك


            تعليق


            • #7
              المشاركة الأصلية بواسطة زهرة الكاردينيا مشاهدة المشاركة

              الله اعطيك الخير عارفك قلبك كبييير بالنسبة لموضوع الكعك والله الى طاح لي العجب حيت مبانش لي من قبل سموووحة حبيبتي والله

              الله اشافي ميمتك وام السفيرة شفاء لا يغادر سقما يارب و اخلهم لكم تاج فوق رؤسكن يارب والله اتقبل منك دعاءك
              ههه ويييه غي بغيت نقلد صحابات القنوات ههه
              الكعك جا في الزحام هذا علاش
              امين يا رب

              تعليق


              • #8
                هاني جيت من الكعك الخامر ههه الله يعطيك الصحة جاك فن فن الله يحفظك من العين 💖

                تعليق


                • #9
                  المشاركة الأصلية بواسطة أم مروان1 مشاهدة المشاركة
                  هاني جيت من الكعك الخامر ههه الله يعطيك الصحة جاك فن فن الله يحفظك من العين 💖
                  يخليك لي لي مجودتي العزيزة يا لي تخافي عليا
                  موووح عليك

                  تعليق


                  • #10
                    كيفاش مارديتش على هاد الموضوع الرائع 🤔🤔🤔 على بالي زعما رديت 🙄 ماعرفتش أشنو وقع 🙃🙃🙃يمكن دوخاتني حلاوة المربى 🤕🤕🤕.

                    على كل الله يعطيك الصحة شيف لطوف ، والله يشافي لك الوالدة ويطول عمرها .

                    تعليق

                    يعمل...
                    X