السلام عليكم الانيقات الغاليات بالنسبة لتقريري البارح كان بسيط الروتين اليومي ومهمة وحدة من روتين الاسبوعي الماريو عاودت رتبتو كنت باغا نعمل الحمام اعزكم الله ولكن ماقدرتش قلت مانخليش نهار يدوز خاوي ضروري شي مهمة اسبوعية
بالنسبة لتحدي ختم القران فالعشر ان شاء الله اختي انا معاكم الحمد العذر شهري انتهنى منو فهاد الاسبوع يعني انكون مرتاحة
مسألة اخرى بالنسبة للحائض وقراءة القران واقيلة تمكن تلمسو بحائل بحال القفازات والله اعلى واعلم

ماشاء الله على تقاريرك لي تبعت الحماس
بالنسبة للحلوى ناوية ندير شي حاجة قبل مايوصل العيد حيت فالعيد د رمضان ماعملتهاش وباقا ماقررت اش من نوع ولكن باغا غي شي حاجة بسيطة ومافيها تمارة
وبالنسبة للتحدي د اليوم واش نقولوه دابا ولا حتى لعشية عاد نزلو تقريرنا(راني ناوية ندي لقب مجتهدة مع راسي)

تبارك الله عليكم الانيقات دائما معكم الإفادة. .

السلام عليكم ورحمة الله وبركاته انيقاتي الجميلات
للاسف من البار وانا احاول نكتب لكن لكن المنتدى تيعطيني error الحمدلله مرة ادخلني ومرة اجري عليا هههههه
غنحاول نجاوب على ما قريت حيث الاقتباس مخدمش ههههه
المهم تبارك الله عليكم و على الحداكة ديالكم ( توحشت خديديج زهر البنفسج )
لطوفتي بالنسبة لي ساكنة في شقة و متنازلة على السطح هههههه حيت الجيران مستغلينو على اكمل وجه ههههه اكتفى بالبلكون هههه الحمد لله.
سفرفر فكرة التحديات فكرة زوينة بزاااف تبعث الحماس و تخلق التنافس باش نتشجعو و نستمرو. بصحتك الكوماج والتدويشة ( انا كوماج درتي هههه) وان شاء الله نكونو كلنا فائزات باللقب ههه
ام سوسو بصحتك وتبارك الله عليك وعلى برنامجك (اضن والله اعلم اني اعرف اليوتوبورز الي تتهدري عليها ماشاء الله عليها) حتى انا كنت تبعت نفس طريقتها ولكن للاسف لم استمر و اعتقد اني غنرجع نبدا ثاني ( شجعتني ههههالله اعطيك الخير حبوبتي)

​​​​​​​
​​​​​

تفراوت11 الغالية اشتقت لطلتك البهية


أم مروان1 اش خبارك كل تمام

ذاكرة عساك بخير حبوبتي
استاذة شريفة العفيفة اين انت

بالنسبة لحلوة العيد ان شاء الله و الى كتاب غندير واحد شوية د الفقاص د الاخت لطيفة و رافيلو و شوية الصابلي ( شكل او زوج) والله اجعل البركة

صبااح النور..
كيصبحتو أنيقاتي ...
تبارك الله على البنات وعلى تحدي الصعاب و زهرة الكاردينيا ..
الى سمحتو شاركونا روابط اي وصفة حلوة بغيتو طبقو الى كانت من المنتدى او بمقاديرها الى كانت من عندكم... مكرهتش كاردينيتي تعطينا مقادير رفايلو بطريقتك...
بالنسبة لتحدي اليوم يا تحدي الصعاب ..في اي وقت بغيتي تقدميه لنا مرحبا و الافضل يكون مع تقريرك اليومي ... و ان شاء الله تكوني فائزة بلقب الحادكة علاش لا تستاهلي ...و لكن غدي نتنافسو عليه و ان شاء الله نكونو كلنا حادكات ...


كاردينيتي بالنسبة للكوماج درت واحد المقشر ديال المشماش معروف جدااا كنت قريت على العلبة مرة انني نقدر نديرو قنااع ...فخليتو فترة على وجهي من بعد غسلت وجهي ...
هو لي كنستعمل بزااف و مرة مرة ندير ديال سنيدة و الزيت ..او دقيق الروز مع الماء فقط ....



بالنسبة للتحدي انا عطيتو اليوم و اختار المميزة تحدي الصعاب باش تعطينا تحدي الغد...نتمنى منكونش ورطتك ههههه فقط حبيت نختارك من دبا باش يكون عندك وقت كافي تفكري في شي مهمة/تحدي ...



و غدا مساء انت اختاري عضوة اخرى و ورطيها هههههه ....و انا كل فترة غدي نقدم نتائج التحديات و شكون قامت بهم و شكون لا...

Screenshot_20200713_155310_com.android.chrome.jpg شفو هذي نادرا ماتوقع هههههه بوحدي راش كلشي داير القيلولة

مساء الخيراااات سفرفر الراقية هدا رابط الفقاص
https://www.anaqamaghribia.com/vb/no...2#post17929612

راتي جربتو والحمد لله صدق لي من اول تجربة و كلشي عجبهم و عليها زعمت نعاودو في العيد ان شاء الله

وبالنسبة لرافيلو راني غنجرب وحدة من اليوتوب حتى نجرب والى صدق لي نشارك معك المقادير الى مصدقش مشفتني مشفتك ههههه

بالنسبة لتقرير اليوم كما العادة القيام بالمهام المسطرة فالروتين اليومي و2اعمال ف روتين يوم ويوم ومهمة د الحمام فالروتين الاسبوعي روتين بديتو يوم الاربعاء يعني قربت نكمل الاسبوع الحمد لله ها انا ماشية نتمنى نعمل كلشي ان شاء الله
بالنسبة لتحدي ف صراحة عندي بزاف الاذكار ولكن لي تنلقى راسي ساهل علي وتنرددو بزاف هو الاستغفار وسبحان الله ربي تيسهل الامور معاه ماتنحسش بشقى وتيمتص الغضب ايلا كنت معصبة تنبقى ردد حتى تنتهدن