صباح الخيرات والمسرات حبيباتي دابا نكتب لكم تقريري دالامس

فقت متأخره شوية ١٠ ههههه ( عذر شرعي لا صلاة والعطلة كلشي ناعس قلت حتى انا ننعس ههههه) تنظيف الوجه والاسنان و تسريح الشعر عاد دخلت للمطبخ درت سورة الكهف وجدت الفطور و في نفس الوفت تنقي الخضر للغداء ( الكسكس) فطرنا اللهم لك الحمد دورت ماكينة الصابون ورحعت للمطبخ نكمل شغلي وجدت الغدا والكوتي الحرشة د المقلة وجمعت روينتي و خملت واحد الخزانة ( زدت فيها بعض الرفوف كانو غير محطوطين علاش الله اعلم؟ ههههه ربحت 2 مساحات اخر
مشيت للغرف كانو نضاف يعني جمعة خيفيفة ومسحة خفيفة وكلي رجع 5 5 الحمد الله من بعد الغدا رتاحيت شوية و مشيت للحمام اعزكن الله درت له واحد التخمييلة يا البنات ياسلااااام ونشرت الملابس و درت تدويشة خفيفة مشط شعري و حطيت الكوتي (للاسف حتى واحد مبغا الحرشة عجنت بطبوط ههههه عاد فهمت علاش متندير الحرشة ههههههكليتها انا تتعجبني ​​​ جمعت المطبخ ع السريع حيت عظامي تنادي هههههه غسلت وجهي وسنيناتي و دهت بزيت الكوك والى النوم

والله عندك الصح يا ملوكتي انا هادي كاع مفكرتش فيها صافي ولا عليك ماكاين غير نفسي نفسي مع تشجيعاتي لكم
إلى الأمام يا الحادكات

صبااح النور و الورد...
كاين شي نشااط غالياتي اليوم..

تبارك الله عليكن ألبنات تقاريركن زوييينة ماشاء الله
الله يعطيكن الصحة ...
صراحة ملي كيكون كلشي مرتب كتكون النفسية ياسلاااام...و الترتيب لا يكون مرة وحدة كل مرة نحيد بلاصة و مرة جاية ندوز للثانية مع اطلالة بسيطة على ما سبق وها كلشي مرتب...

امس داز عاادي جدا يله صاوبت فيه واحد الخزانة ...
لم استطع القيام بأي شيء آخر ...

هل لك سر عند الله
بينك أنت و بين الله
هل لك صدقات تخفى
لا يعلمها إلا الله
قصص لا تكشف إلا
بكتابك حين ترى الله
ما أحراك بهذا أن
يكبر قدرك عند الله



أنشودة جمييلة للعفاسي..احرصن أن يكن لكن سر مع الله لا يعلمه أحد ما أستطعتن ...

تبارك الله شحال فيها منافع ان شاء الله نجربها ضروري

ما شاء الله تقرير غزال بحال مولاتو وبالصحة كلشي ومنهم التدويشة وتنظيف الحمام

الله يقدرنا ونلقاووا وجه الله وحنا في المسنوى المطلوب

السلام عليكم اخواتي كيف حالكن كان معكس عندي المنتدى واش غي انا ولا حتى نتوما
تقريري د البارح كان عادي اعمال اليومية وحاولت نبقى ماشية على واحد الروتين عاملاه واخا كانت درسة لعقل معذباني(ختكم يالاه درت لعقل) اما بالنسبة لرياضة والعناية الجمال ماعملت والو

والعجب هذا كتبت تقريري ومشا طار معرفت فينو غي انا ولا حتى نتوما اصلا لبارح مابغاش يتفتحلي المنتدى

وعليكم السلام ام سوسو اش خبارك هي تهنيتي بدروس العقل على سلامتك هههه