اهلا ملوكتي هنا غي مع الفتنة وتمارة شكرا حبيبة على الدعاء

السلام عليكم يا غاليات واخيرا رجعت لي روحي بعد ما رجع لي حسابي ولقبي
شكرا لادارتنا الكريمة التي لم يهدأ لها بال حتى حلت لي المشكل
البنات لي كيسولو على الوالدة وكيدعيووا معاها شكرا جزيلا والوضع لا زال على ما هو عليه ومزال راني مع الوالدة الله يشافيها وجميع امهات المسلمين

​ الله ابارك فيك رافعة معنوياتي ههه
ان شاء الله في انتظااار تقريرك وبرنامجك المهم في انتظارك هههه
تستاهلين هاهو اول طريف هههه

مساء الحدااكة و النشااط كاردينيتي تبارك الله عليك..
فتيني بخطوة هي تسطير المهام مزال مادرت هاد الخطوة...
و بالنسبة لتقريري حتى يكمل نهاري و نجي نحطو ان شاء الله...
اليوم شفت فيديو لواحد الاخت دارت برنامج زوين للايام العشر من ذي الحجة ...غنصاوبو و نجيبو لكن تستافدو جزاها الله خيراا ....و نديروه كتحدي لنا في هاد الايام المبااركة لي اغلبنا غافلات عليها و على اهميتها يله كنعرفو صيام يوم عرفة و حتى هو كان واحد الوقت يقولو واش نصومو عرفة ديالنا و لا ديالهم (الدول الخليجية الى كانو سابقينا في نهار)..!!!!
وهو راه يوم عرفة واحد لي كاين ..لي هو يوم وقوف الحجاج في جبل عرفة ...

نهاركم مباارك ♡..

اهلين سفرفر الغالية ان شاء الله نشدو الهمة وانغتنمو هذه التسع المباركة يارب اميين
بالنسبة للمهام انا سطرت الجدول دمهام اليوم ويوم ويوم وطبقتهم الحمد لله
جمعت الصالون
غرفة الاطفال
غرفة النوم
الحمامات
والمطبخ
ويوم ويوم
نظفت البالكونة
وصبنت الملابس

وكمهمة استثنائية نظفت المجمد
الحمد لله ساليت باقي تنفكر نوجد واحد الكيك الكوتي

و درت ماسك الارز لوجهي

و دابا انا كالسة نرتاح شوية
وانتم؟

صبااحكن ورد غالياتي اخت لطيفة اخت الكل ♡ ..تحدي الصعااب و زهرة الكاردينيا..

قربات الايام العشر ...
نعزمو النية بالصيام و بالصدقات بأنواعها و فعل الخيراات...و ربي يتقبل منا و منكن ان شاء الله

البنات خااصة كاردينيتي و ام سوسو اشنو المطلوب نديروه دبا ...واش كاينين مهمات نقومو بيهم او تحدياات ؟؟!!
اليوم هو الاثنين لي تفقنا نبداو فيه معاك التحدي يا تحدي الصعاب ♡...

صباااحك امل غاليتي..
نونو ماتقوليش هاد الكلمة ... ضروري يكون شي حل..
الى انتي فقدتي الامل اشغايقولو تلميذاتك النجيبات ؟؟!!
منعرف واش هاد الطريقة تنفعك اولا ..
سواء كنت كدخلي من البيسي او التلفون ...مسحي كاع cache +personal data +les ******s+ +history

الكلمة لي بالاحمر هي ليكوكيز (شفت النجوم عرفتها اخت كلمة كراااكيييب هههههه)

مسحي كلشي..غير الى كانو عندك باسوورد عقلي عليهم او سجليهم ..لانه ملي غتمسحي كلشي ...اي موقع مغديش يكون الدخول ليه تلقائي غيخصك ديري تسجيل الدخول ...

يمكن تكوني عارفة هدشي و يمكن تستافد شي وحدة منو ...

السلام عليكم ورحمة الله وبركاته حبيباتي كيف اصبحتن؟

​​​​​​استاذتنا الغالية شريفة مرحبا بك من جديد وعلى سلامتك وارجو الا تفقدي الامل

لطوف اخت الكل كيفك حبوبتي اسأل الله العظيم رب العرش العظيم ان يشفي والدتك شفاء لا يغادر سقما يارب

سفرفر الراقية وام سوسو الغالية انا هنا غير كنت مشغولة شوية اعتذر منكن بشدة

​​​​​​
​​​​​

السلام عليكم اخواتي وحشتوووني
سفيرتي لم اكتفي بالابتسامة بل ضحكت بكل سعادة غاليتي
سفيرتي اضن اغلب العضوات وقع ليهم بحالنا على سلامتك اختي لي قدرتي تدخلي انا مزال رافضني هه

وأنا أسعد بالوصل معكن سفيرتي
الله يهديه علينا وصافي بدأت أفقد الأمل