إعـــــــلان

تقليص
لا يوجد إعلان حتى الآن.

انضموا إلينا أنيقاتي للاستعداد لعيد الاضحى المبارك 1441 ه

تقليص
هذا موضوع مثبت
X
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • انضموا إلينا أنيقاتي للاستعداد لعيد الاضحى المبارك 1441 ه






    صبااحكن معطر بذكر الباري أخواتي...
    من بعد التفااعل الجميييل ..لي شفتو في موضوع " موسم ٢٠٢٠ للحداكة و التاويل ".. و من بعد ما اصبحت صفحاته كثيرة ماشاء الله ...
    و من بعد ماشفت موضووع جميييل لعضوة ساابقة في المنتدى ...


    جيتكم بهاااد الموضووع لي غيكوون خاااص بالاستعداد لعيد الاضحى ... العضوة هي قرة عين زوجها و الموضوع كان في ٢٠١٠ و احنا في ٢٠٢٠ ....
    سبحااان الله ...


    العيد هاد العام شخصيا مزال معرفناش كيفاش غدي يدوز ...
    و لكن علينا العمل بالأسباااب كأنها كل شيء ...ثم التوكل على الله و كأنها لا شيء...


    الموضوع هذا غيكون مختلف شيئا ما عن موضوعي السابق و مشاابه للموضوع لي ذكرت ...



    فيه مزيج بين الحدااكة و الجمال و الدين ...
    هدو ثلاث اسس يجب على المرأه الحفاظ عليها و عدم التفريط في أحدها....
    الحداااكة نتيجتها بيت نظيف و صحي...
    الجمال نتيجته امرأة تكون لؤلؤة بيتها ..
    الدين نتيجته الدخول للجنة بإذن الواحد الأحد ...



    بقي عشرون يوما على عيد الاضحى المبارك..
    لذلك سنقسمها ال قسمين ..
    العشر الاولى ...خااصة باتمام ما بدأناه في الموضوع الاول ..
    العشر الثانية نخصصوها لصيام هاد الايام المباركة و للطاعات و فعل الخيرااات و لشغل خفيف ان شاء الله


    غدي نوضعو برنااامج نمشيو عليه من الأول ...
    حتى تكن على علم بالخطوات مسبقا ...
    وحتى تستطيع كل عضوة اللحاق بنا في اي وقت ترى فيه الموضوع ان شاء الله ...
    و البرنامج غيكون مفتووح بدون مهمة مخصصة لليوم ..

    المطلوب مشااااركاااات مكثفة و تقاارير مليئة بالحيوية...لي قراتها تتعادى بالنشاط و تنفض العجز لي كيجي مع الصهد ...


    و للإشارة الموضوع غدي ينتهي ان شاء الله بانقضاء عيد الاضحى المبارك ....اذن الفترة المحدوود لمن أرادت الانضمام ...





    هذه هي النقط الرئيسية لي شفتها ضرورية لكل بيت مع اللنتباه لخصوصية كل منزل عن غيره...


    بالنسبة للحداكة :
    * تنظيف الغرف.
    * ترتيب الخزانات.
    * مسح الأرضيات و الجدران.
    *ترتيب خزانات المطبخ.
    *غسل الأغطية و اللحافات ..
    * تنظيف الزرابي.
    * مسح النوافذ.
    * تغيير ديكور الغرف .
    و الله الله على الروائح الزكية المنتشرة في كل مكاان بطرقكن في التعطير..
    كاينين امور انجزناها في الموضوع الاول ..ماعلينا سوا نحافظو على النتائج لي حصلنا عليها باعتناء خفيف ..


    والمميز في هاد الجانب هاد المرة تخصيص حيز من التقارير للشهيوات الخاصة بالعيد..شاركونا اشنو غدي توجدو ..سواء بمقادير او صور او روابط لشهيوات طبقتوها...



    فيما يخص الجمال :

    مبغيتش نطفل على تخصص الجميلة ذاكرة لذلك غدي نحط نقط كنشوفها أساسية ...وهنا غدي نشاركو روتيناتنا و وصفاتنا المعتمدة ان شاء الله ...


    * يوم في الاسبوع مخصص لعمل مقشر طبيعي للوجه ثم بخار للوجه ثم غلق المسام فترطيب..

    * يوميا قبل النوم دهن الوجه بسيروم او زيت من اختياركن ..


    *يوميا العناية بالشعر بتسريحه و عمل قناع او حمام زيت مرة في الاسبوع ...


    * يومين في الاسبوع الى ثلاث لعمل قناع مغدي للبشرة ..

    * الاهتمام باليدين و الرجلين ..


    * حمام مغربي على حقه و اصوله مرة في الاسبوع
    ..





    الجانب الديني : سنحاول اكتساب عادات جديدة كتعلم ذكر او حديث ..

    * الحفاظ على ورد يومي من القرآن الكريم...

    * الحفاظ على اذكار الصباح و المساء ..

    * المداومة على قراءة سورة الكهف يوم الجمعة ..

    * صيام العشر الاوائل من ذي الحجة ...

    * عمل طيب تأجرين عليه يوم القياامة يوميا و لو بتبسم في وجه أخت مسلمة ...






    هدو نقط رئيسية غدي نعملو جميعا على تطبيقها ..و تقديم تقارير يومية على الاعمال المنجزة للتحفيز و التشجيع ..و كذلك مشاركة الأفكار و تبادل الخبراات ..

    و طبعا ديما نقولها لي بغاتنا نزيدو شي حاجة تفضل تكتبها و تقترحها ...الموضووع ديالكم ماشي ديالي ...انا بغيت نكون ضيفة عندكم و انتوما اصحاب الدار...


    الله يحفظكن و ينوركن و يجمعنا تحت ظله يوم لا ظل الا ظله ...




  • #2

    تبارك الله على منبع الحماس والتخفيييز ان شاء الله معاك


    تعليق


    • #3
      يا سلام على افكارك يا سفيرتنا جميعا ..انا من دبا معاك باغية نحافظ على النتيجة لي وصلنا ليها في الموضوع الاخر ونزيدو ديننا وجمالنا علاش لا
      بالنسبة منضمة من دبا ههه
      وما شاء الله فكرتينا في الاخت هويدة قرة عين زوجها كانت تقاريرها رغم بساطتها محفزة
      وسمحولي جبت معايا اقتباسات اخواتي من موضوع الصيف 2020

      المشاركة الأصلية بواسطة قوتي في صمتي مشاهدة المشاركة

      أهلا حبيبتي
      بالصحة المسمن مكرهتش شي طريقة نصوب كمية مهمة فوقت وجيز
      هذا الصباح نظفت حائط فقط فالمطبح
      من الأفضل تبات فيه الخلطة حتى يطول التفاعل ويذيب الدهون المتراكمة فالصباح مني تصبي الماء المغلي يكشط كلشي معه إلى خفتي تنساي وتفتحي الصنبور كتبي إنذار ههه فورقة وعلقيها فالصنبور
      ردي البال شي مرة تلمسي الخلطة وتحكي عينك أو أنفك
      الطريقة جد فعالة ومعتمدة عندي من سنين
      ولمزيد من الفائدة نفس الخلطة تعقديها بصابون الكف مبشور وتطلى للسيما البيضاء اللي كتمسك بين كل زليجة نصف ساعة أطول مدة ورجعي لها حكة خفيفة بشيتة صغيرة وشللي تقولي عاد حطيتي الزليج جديد تزيل التراكمات ولو تنظفي يوميا مابين الزليج كيغمق له اللون فالأرضيات الحمام المطبخ
      الخلطة غير صالحة للرخام تذهب لمعانة
      الف الف شكر سوسو على الوصفة الراىعة باقي مخديت حجرة اللبم هي لي مزال ما لقيت ليها وقت نخرج على سبتها
      وباش ما ننساش الوصفة فيها
      بيكاربوناد الصوديوم وسنيدة الحامض والخل نحطوهم في مجرى الليفيي ونخليهم يتفاعلو ليلة كاملة وفي الصباح نخوي ماء ساخن
      اضيف صابون الكف محكوك باش يخترها وندهن بها الزليج نصف ساعة ونرجع نحكها حكات خفيفة هذا للمعان الزليج

      المشاركة الأصلية بواسطة زهرة الكاردينيا مشاهدة المشاركة
      السلام عليكم ورحمة الله وبركاته انيقاتي الجميلات
      اخت لطيفة تبارك الله حبيبتي والله انقيك من الذنوب و ايسر لك امورك واسهل لك ماصعب يارب انت وجميع الانيقات على طريقة تنظيف الاواني سهلة ساهلة سهلة
      الله يحفظك وبالصحة والحمد لله لي عجباتك الوصفة كيف حتى انا عجباتني وصفة قوتي صمتي

      تعليق


      • #4
        السلام عليكم ورحمة الله وبركاته
        موضوع مميز سفيرة أناقة للحداكة والتاويل فكرتيني فتجمع نساء الهمة
        منضمة ان شاء الله

        تعليق


        • #5
          ههه واييه الله يعطيها الصحة سفيرتنا

          تعليق


          • #6
            الله يبارك فيكن جميعا أنيقاتي ...
            شوفو هاد الحمااس ما شاء الله حدو الصيف ههههه بعكس ذاكرتي لي مشغوولة دبا ...انا و لله الحمد عندي رغبة و نشااط في تغيير أمور في حياتي و تنظيمها أكثر و أكثر ...
            و هدشي نقدر نحققو في الصيف لعدة عوااامل باش في الشتااء ان شاء الله تبقى عندي مهمة الحفاظ على الانجازات المحققة ...
            و الله المستعاان ..

            سعييييدة جداااا بانضمامك زهرتي و لطووفتي و المستغفرة استاذتي ...

            ارجو من الانيقات ينضمو ماحدنا في البداية و يبداو معنا المشوار من الأول ...

            تعليق


            • #7
              المشاركة الأصلية بواسطة السفيرة مشاهدة المشاركة
              الله يبارك فيكن جميعا أنيقاتي ...
              شوفو هاد الحمااس ما شاء الله حدو الصيف ههههه بعكس ذاكرتي لي مشغوولة دبا ...انا و لله الحمد عندي رغبة و نشااط في تغيير أمور في حياتي و تنظيمها أكثر و أكثر ...
              و هدشي نقدر نحققو في الصيف لعدة عوااامل باش في الشتااء ان شاء الله تبقى عندي مهمة الحفاظ على الانجازات المحققة ...
              و الله المستعاان ..

              سعييييدة جداااا بانضمامك زهرتي و لطووفتي و المستغفرة استاذتي ...

              ارجو من الانيقات ينضمو ماحدنا في البداية و يبداو معنا المشوار من الأول ...
              نفس الشيء عزيز عليا نظم راسي في الصيف باش في الشتاء مللي نرجعو للنظام العسكري مع المدارس نكونو واجدين من كل النواحي
              نعطيووا للانيقات فرصة شوية على ما يلتاحقو

              تعليق


              • #8
                المشاركة الأصلية بواسطة اخت لطيفة مشاهدة المشاركة

                نفس الشيء عزيز عليا نظم راسي في الصيف باش في الشتاء مللي نرجعو للنظام العسكري مع المدارس نكونو واجدين من كل النواحي
                نعطيووا للانيقات فرصة شوية على ما يلتاحقو
                انا يله فهمت هاد القضية
                ( الرد طار قبل مانكملو ههههه و لكن انا له بالمرصاد بالتعديل ههههه )و بغيت نطبقها ان شاء الله...

                الجمييل في هاد الموضووع ليس فيه مهمات يومية و لكن فيه افادات يومية ان شاء الله و تقارير غنية
                و اي وحدة تقدر تلحق بنا غير هو راه الوقت كالسيف و العشرين يوما تنقص يوما بعد يوم

                تعليق


                • #9
                  اشنو زعما دايرا معايا قاش قاش سفيرتي الغالية جبتيها في التمام والكمال وجات في وقتها يعني عندنا الوقت الكافي حتى للعيد اللهم بارك شعلة من الحماس والهمة العالية الله يعطيك الصحة موضوع ولا في الاحلام معاك ومرحبا بالجميع
                  وبكل جد عجبتني الفكرة جزاك الله خيرا ونفع بك حبيبتي برنامج متول ومنظم وان شاء الله نكونوا فيه مميزات ونحقق فرحة العيد بعد القيام بما يزكي الاعمال الدينية وان شاء الله ربي يقدرنا نصوموا 9 ايام من العشر ذي الحجة لي فضلها كبير عند الله سبحانه وتعالى ان شاء الله نكونوا في المستوى المرغوب جميعا من اجل كل ما هو جميل في حياتنا ونسال الله تعالى ان يرزقنا الصحة والعافية وان يجعل بيوتنا بيوتا عامرة بذكر الله تعالى ويطهر النفوس والقلوب ان شاء الله لما يحب ويرضى لنا ......

































                  لي بغات متابعتي تفضل عندي هنا مرحبا بها منورة ومانسة ان شاء الله موقعنا الجديد فيه كل ما لذ وطاب من المنوعات الراقية والانيقة دائما

                  https://www.aniqat.com

                  تعليق


                  • #10
                    محضرة لكم شي وصفات خاصة بالجمال روعة ونتائج من اول استعمال ان شاء الله نقاد لها الموضوع ونزلها لكم هنا نيت اللهم يسر
                    لي بغات متابعتي تفضل عندي هنا مرحبا بها منورة ومانسة ان شاء الله موقعنا الجديد فيه كل ما لذ وطاب من المنوعات الراقية والانيقة دائما

                    https://www.aniqat.com

                    تعليق

                    يعمل...
                    X

                    معالجة المعلومات