إعـــــــلان

تقليص
لا يوجد إعلان حتى الآن.

اسرارغريبة البهلة ضيفي ليها مكون ميخطرش على بالك تتشقق مثل البركان

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • #11
    هاذي
    في لاطة عادية وبلا صودا

    تعليق


    • #12
      وهاذي هي لي نزلت

      [img]https://www.anaqamaghribia.com/pic/uploads
      /159576290923952.jpg[/img]




      وعملت وحدة اخرة من بعدها نفس النتيجة غير تخطفات لي شوية فالفرن وزدت شويةدالصودا عملت غير بيدي وجات مفرقعة بزاف اكثر من الازم



      تعليق


      • #13
        تبارك الله عليك اختي ريم الله يعطيك الصحة باينة لذيذة

        تعليق


        • #14
          المشاركة الأصلية بواسطة السفيرة مشاهدة المشاركة
          هههههه ذاكرتي ياك متقلقتي من النتيجة ؟؟!!!
          انا بعدا في بلاصتك مانتقلقش ...
          ياما داروها بي الحلويات و الكيكات خصوصاا..تكون معتمدة عندي و نهار تعكس متصاوبش حتى تشككني في راسي ...
          ياك ما كنت مجهدة الفران؟؟ او ماشعلتيه حتى وجدتيها ؟؟؟

          الله يخلف عليك لي ضاع و ان شاء الله تنجح لك المعتمدة عندك و تفرحي مول الدار ..ربي يخليكم لبعض و يفرحكم
          بالعكس سفيرتي علاه حنا ماشي في مدرسة التجارب انا كنت معتمدة طريقة خديجة لي كانت باسم راضية او ام امامة وبدر فبقات ساهلة ماهلة والنتيجة روعة لكن قلت نجرب هاذي ولكن هيهات هيهات راني غادي نعاودها قلت اكيد كاينة شي حاجة غلط ولكن انا لها بالمرصاد هاذي راها ريم واجرك على الله تعلمت منها بزاااف الحلويات وبزاف الاطباق صراحة الله يعطيها الصحة مبدعة وتحياتي لها في كل وقت
          لي بغات متابعتي تفضل عندي هنا مرحبا بها منورة ومانسة ان شاء الله موقعنا الجديد فيه كل ما لذ وطاب من المنوعات الراقية والانيقة دائما

          https://www.aniqat.com

          تعليق


          • #15
            المشاركة الأصلية بواسطة ريم 2012 مشاهدة المشاركة

            حبيبة قلبي ذاكرة انا لي تناسف بزاف ومعصبة بزاااااااف بزاف لعدم نجاح الوصفة معاك لان المقادير مضبوطة وتنعملهم ديما وناجحة 100/100 صراحة لما شي اخت تتجرب لي شي وصفة ومتتنجحش انا تنحس بالفشل والاحباط اكثر منها متيعجبنيش الحال فمرة وتنحس بالذنب لدوك المكونات لي ضاعو احساس خايب صراحة وتتوقع لي حتى انا فبزااااف المرات تنجرب شي وصفة لشي اخت وتنكونواثقةمنوصفاتها ونجاحهم ومتينجحوش معايا ولكنتنرجع لالخطا لي انا تنقول هناك شي حاجة ناقصة عندي مؤخرا جربت كيك لاخت ثقة بالبيسكوي الوصفة بحذافرها مفلتشي ولا حرف وعملت اوريو النوع الغالي وفي الاخير كيف نزلتها فالمول كيف بقات مطلعات ولا سنتم وسامطة ومن بعد التحريات ههه لقيت الخمارة لي عملت باردة عملت لها تجربة فالماء بحلي علمت الدقيق مفارتش عرفت راه الفايومن الخمارة ماشي من الوصفة
            دخلي للقناة اذا حبيبتي وشوفي الوصفة يكون احسن ودائما تنقول للمتتبعات فالقناة منين تبغيو تجربو شي وصفة لاول مرة جربو باقل كمية ممكنة متجربوش بكميةكثيرة حتى لقدر الله ومصدقادش منخصروش بزاف
            ومرة اخرى انا اسفة حبيبتي الغالية الله يعوض عليك الخسارة وخيرها فغيرها كونكنت قريبة لي نعدلها ونجبها ليك حتى لباب الدار
            غادي نزل ليك الصور راها معتمدة عندي لي والفقاص متيخطاونيش حتى انا الراجل ديالي هي المفضلة عندومتياكلش داللوزوهي ضروري
            لا غاليتي انا متاكدة من طريقتك ومن اطباقك كلها عندي ناجحة والكعبة منك زدت خبرة فيها يعني الغلط كان مني اكيد ما ضبطتش الامور مزيان وسمحي ليا غاليتي ما كانش قصدي انك تعصبي بزاااف على قبل تصريحي لكن انا قلت النتيجة حيث واعدت البنات انني غادي نديرها وحضرت لها لكن اكيد هناك شي خطأ درتو بدون ما ننتبه ويسحب لك انا من النوع لي كيستسلم ابدا نبقى مع الحاجة حتى تطلع لي مزيان ما ضاعت حتى حاجة البنة واعرة الله يعطيك الصحة والشكل انا لي نتحمل نتيجتو يمكن في الفران كان باقي بارد يعني بزاف الامور غادي نداركها وكنواعدك انني غادي نعاودها ونرد عليك حبيبتي انتي مبدعة وشاف على راسي وعيني وراني متبعاك في قناتك الرائعة وبمزيد من النجاح والتوفيق يارب وطبعا عالم الطبخ فيه تنتظري كل النتائج وغير الكيك وحلويات لاكريم شحال جربت فيهم الله يسمح ليا نتقدا المقادير وما تطلعشش لك الحاجة فخيرها في غيرها حتى انتي علاه باش غادي نتعلموا ولكن هاذ البهلة ديالك بغات تهبلني انا غادي نتولاها ولاعليك ريمتي المبدعة الله يعطيك الصحة وينور طريقك ويجعل كل ما تقدمين في ميزان حسناتك نيت ناوية على الفقاص غدا بالحق نخليك حتى تنزلي فقاصك ونطبقوا ان شاء الله وانا متاكدة من وصفاتك ما تاخذيش في بالك راه الغلط مني انا اكيد غادي نعرف الخلل فين كان والتجربة خير برهان نكررها وبس سمحي لي حبيبتي خاطرك غالي عندي وافضالك كثيرة عليا في شحال من طبق تبارك الله عليك وربي ينصرك دائما وربي يخليك ويعطيك الصحة ويحفظ لك الذرية يارب والله ما قصدي نعصبك ولا تقلقي راك عزيزة وغالية وربي شاهد انا عارفة كيكون احساس شوية بالخيبة ولكن ماشي عليك على هذاك الفران لي سخفني بالصهد هههههههه وليت نغلي فقلت يمكن كنت معصبة مع الحرارة الله المستعان
            لي بغات متابعتي تفضل عندي هنا مرحبا بها منورة ومانسة ان شاء الله موقعنا الجديد فيه كل ما لذ وطاب من المنوعات الراقية والانيقة دائما

            https://www.aniqat.com

            تعليق


            • #16
              علاه هاذيك البهلة رميتها مالي منونخة راني باركة عليها هاك بلاك بوحدي ههههههههه قالي واش درتيها قلت لو باقي بغيت حتى نكمل شقايا باش نديرها ملي ما يكونش بهلتي الصامتة والحشمانة درتها في بواطة وكنقب منها وغادي نعاودها بيا ولا بيها
              لي بغات متابعتي تفضل عندي هنا مرحبا بها منورة ومانسة ان شاء الله موقعنا الجديد فيه كل ما لذ وطاب من المنوعات الراقية والانيقة دائما

              https://www.aniqat.com

              تعليق


              • #17
                تبارك الله عليك ريمتي شكلها كيحمق اللهم بارك غادي نعاود الكرة هاذ المرة تنجح معايا طريقتك ان شاء الله
                لي بغات متابعتي تفضل عندي هنا مرحبا بها منورة ومانسة ان شاء الله موقعنا الجديد فيه كل ما لذ وطاب من المنوعات الراقية والانيقة دائما

                https://www.aniqat.com

                تعليق


                • #18
                  بصحتكم الحلوى خسارة ماشي ف داري كون جربت حتى انا البهلة حتى نرجع ان شاء الله

                  تعليق


                  • #19
                    المشاركة الأصلية بواسطة ذاكرة مشاهدة المشاركة
                    تبارك الله عليك ريمتي شكلها كيحمق اللهم بارك غادي نعاود الكرة هاذ المرة تنجح معايا طريقتك ان شاء الله
                    ان شاء الله تنجح معاك احسن مني وتفرحيني 😍😘
                    وعواشرك مبروكة حبيبة قلبي ❤

                    تعليق

                    يعمل...
                    X