إعـــــــلان

تقليص
لا يوجد إعلان حتى الآن.

شاركينا بطاجينك انيقتي موضوع متجدد بادن الله (موضوع خاص بالطويجنات فقط ماشي الردود )

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • أم آلاء و إسراء
    رد









    دجاج على حساب لقياس لي بغيتي

    مالح /بزر / خارقووم / تحمير / شوية قرفة /شوية كمون / توما / و زيت زيتون

    تندر هاد لمقادير حتى يتشاحار دجاج مزيان و نقطعه عليه lbasla تكون كتيرا و maticha و قازبوور

    حتى يقارب يطيب نزيد عليه برقوق و عصير د لحامض مصير

    و ناكله ب صحة و لهنا

    اترك تعليق:


  • ريم 2012
    رد
    ها واحد الطجين من عندي هدية لكل محبي الطجين
    اليوم السحور على حسابي انتما وجدو غير شلادو والمونادا هههههه
















    وبالصحة غير ردو البال مع العطش
    راه الطجين والماء اخوة هههههه

    اترك تعليق:


  • فــــــــردوس
    رد
    موضوع غزال ماشاء الله تبارك الله عليك أختي أمونة
    لك مني أحسن تقييم أختي
    فكرتيني ف تويجين والدة مالي شفت ديالك كدر لينا بحاله ب خضرة

    ماشاء الله عليك

    إوا هاهو ديالي قبل عليا



    طاجين ب لحم و برقوق



    المقادير
    لحم على حسب الأشخاص
    ملح+بزار+زعفران +شوية ديال سكنجبير +زيت رومية و بلدية +خارقوم
    بصل +١ طماطم
    زيتون أنا كاييعجابني بزاف ضروري عندي ف ماكلة
    برقوق +بيض مسلوق لتزيين
    طريقة
    أنا كاناخود طاجين تندر فيه شوية زيت بلدية و رومية و ندير لحم و شوية مالح و توابل و نقليه مزيان حتى تقلى و ندير ليه بصلة و نخليه شوية حتى طلاق ماء ديالها
    و من بعد درت ليه شوية طماطم غي وحيدة + إلى بغيتو شوية ربيع ديرو خالوه اطيب من بعد نزيد زيتون و برقوق و نخاليواه شوية اطيب حيت عندي برقوق داغي اطيب صافي مالي توقف مرقة نزاوقو ب بيض
    هذا غي طاجين ديال دار أما ضيف ب طبيعة الحال ندره ب طريقة أخرى
    ملاحظة اطيب ف عافية مهلة من غير ماء إلى هتاجناه نديرو شوية صافي
    كانتمننا إعجابكم أخواتي

    اترك تعليق:


  • omo anass
    رد
    موضوع غزال الله يسهل امرك بلي بغا خاطرك
    كنشحر اللحم مع العطرية واحد الشوية حتى كتبدى الكشكوشة كنزيد الربيع وشي مرات الثومة مع اللحم اما الدجاج او الحوت فضروري منها,ونخليه يتشحر نزيد البصلة شرائح ونستف الخضرة لي بغيت ونرش الربيع وشوية الملح والبزار ونرش معلقة زيت العود من الفوق ونخليه على نار مهيلة حتى ينشف,ضروري قصديرة تحت من الطاجين

    وهدا طويجين بالبصلة البيضاء الحلوة ماشي لي مرة

    اترك تعليق:


  • شاركينا بطاجينك انيقتي موضوع متجدد بادن الله (موضوع خاص بالطويجنات فقط ماشي الردود )

    ملف مثبت
    خاص بوصفات الطاجين المصورة










    يالله المحبات الطواجن بانو

    الانيقات الحادڭات للي من محبات الطويجنات يشاركونا بوصفاتهم تجاربهم... و طويجناتهم المصورة لتعم الاستفادة ان شاء الله

    هذا الموضوع ان شاء الله خاص غير بإدراج الطويجنات المصورة فقط
    للي بغات تخلي تعليق او رد على المشاركات ممكن تشاركنا فموضوع الدردشة فهاد الرابط :


    الي محبات الطواجن مرحبا مرحبا........(هنا تضعن ردودكن )



    باش يبقى الموضوع الاصلي خاص بالطويجنات و يسهل تصفحوا نتمنى يكون التفهم من الجميع بإذن الله


    نرجعو لموضوعنا كيف سبق الذكر الموضوع خاص غير بالطواجن اللي معا عصر السرعة بداو ينقرضو
    ولكن وخا يبقا ديما الطاجين بنيين وساهل وصحي
    يالله قولو ليا باركة من الهضرة ههههههههه
    كل واحد وطريقتو باش كيصوب الطاجين هداك شي باش فكرت انحل هاد الموضوع ونتشاركو كاع الطرق و الخبرات فطبخ الطاجين و منتمنى منبخلو على بعضنا بطويجنا يا انيقات






    بسم الله نبدا بطريقتي
    اول حاجة نشحر اللحم امعا البصلة و الملح والابزار وخرقوم وزيت العود ..انا ماتنديرش الرومية فالطاجين وماتنديرش التومة امعا اللحم
    نصيحة باش طاجين مايتحرقش كنحط تحت منو المقلاة تقيلة



    من بعد ماتشحر كنفرش خيزو تحت اللحم باش مايتحرقش ليا اللحم


    دابا نفرشو الخضرة اللي بغينا انا درت الجلبانة والبطاطا ومطيشة والحارة وخا ماتنكلهاش ولكن عزيزة عليا تكون فطاجين نتفرج فيها هههههههه والربيع من الفوق
    وندير جبانية صغيرة نخلط فيها الملح والابزار وزعفران وشوية سكنجبير والماء ونخويوه فوق الخضر باش تجي بنينة





    ونضيفو كاس الماء طايب ونخليوه ايطيب اعلى خاطرو


    والزيتو ن والحامض ديال الدار احتا يقرب الطاجين ايطيب
    وماللي يطيب نزيدو ليه شوية زيت العود من الفوق ويكون ناشف مزيان تبقا فيه غير زيت صافي




    وهاهو ماللي طاب قدمتو امعا بطبوط بالقمح بالنخالة وعصير
    بالصحة والراحة
    راه تيجي بنين









    اليوم غادة نقدم ليكم طاجين باللحم والملوخية شهوة منو
    المهم نفس طريقة النصيب كتبقا واحدة
    بعدما يتشحر اللحم



    كنضيف كاس ماء طايب
    ونستف الخضرة
    وقبل انكون سلقتها كناخد السلاوي يتنقا ونضيفوه فالماء اطايب غير يغلى 5 دقائق نسفيوه ونكبو اعليه الماء البارد باش يبقا اخضر
    ونفس الطريقة تنديرها لملوخية.....ونضيف مطيشة والربيع والحارة اللي تعجبني غير ديكور ههههههههه



    وهاهو ماللي طاب وينشف مزيان




    بالصحة والراحة

    اليوم طاجين بالحوت
    اول حاجة نغسل الحوت مزيان ونرقدو فالماء والملح والخل او الحامض
    تم نشللو ونشفو مزيان
    وعاد نرقدو بالشرمولة الملح والابزار والطحميرة وقزبر يابس والسودانية والخرقوم والتومة والربيع
    شي ساعتين او اكتر
    وها باش خضرتو وصور تشرح ليكم








    وهاهو ماللي طاب
يعمل...
X