ArabicEnglishFrenchSpanish

إعـــــــلان

تقليص
لا يوجد إعلان حتى الآن.

محتارة شنو تعملي في الڭوتي او الكاسكروط؟ دخلي انيقتي نستافدو جميع

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة
    • WhatsApp

    محتارة شنو تعملي في الڭوتي او الكاسكروط؟ دخلي انيقتي نستافدو جميع

    ثم التثبيت في تاريخه من طرف تيليلة


    إن الحمد لله ، نحمده ونستعينه ، ونعوذ بالله من شرور أنفسنا ، وسيئات أعمالنا ، من يهده الله فلا مضل له ، ومن يضلل فلا هادي له ، وأشهد أن لا إله إلا الله وحده لا شريك له ، وأشهد أن محمدا عبده ورسوله
    اما بعد
    عزيزاتي أنيفات نتمنى من الله تكونو كاملات بخير
    كما هو واضح من العنوان هدا موضوع مخصص لكل وصفات اللى كتعلق بوجبة الڭوتي او الكاسكروط







    هدا الوجبة اللى كتعتبر عندأغلبية ناس ضرورية كباقي الوجبات
    وللاسف كنطلق من نفسي ان في بعض لأيام كنحير اش نحضر لهدا الوجبة

    وكنضن هدا مشكيل عند جميع نساء ماشي غير انا ؟؟






    لهدا
    ااجي انتى وانتى وانتى وانا نتعونو
    كل وحدة فينا تورينا اش كتحضرالڭوتي لوليداتها وهاكا غادي تعم الفائدة واستفادة تكون عامة ونتبدلو أفكار




    وهدف موضوع وووواضح
    هو نفيدو ونستفدو




    وامانة عليكم ان كل ما تقدمو لينا يكون مجرب ولو يكون ماشي وصفتك شخصية مهم دكر اسم صاحبت وصفة الاصلية
    وامر كيتعلق بكل انوع كيك/مسمن/ كروص/كرواصة /بتبان /انواع الخبز/بغرير /طروطات /انوع مشربات

    كعصائر وقهوة وأتاي وعلاش لأن كل وحدة وكيف كتحضرهم
    القائمة طويلة مهم كل ما كيتعلق بهده الوجبة يعني ما يخص الڭوتي فقط ما بغينا لاعشا ولا غدا ولا فطور بغنا غيرالڭوتي يعني موضوع منحضر
    هههههههه
    مشا فيها الكاسكروط





    ونقول بسم الله توكلنا على الله
    ونتمنى يكون تفاعل من جميع العضوات ماشي غير مميزات في هدا القسم
    وكدلك استعمال لوحة مفاتيح بالعربية
    يلا البنات
    نتشرررررررررررررو

    وورونا حنت ايدكم الحادكات

    هههههههه
    احبكن في لله دون اسثتناء



    يا رب ♥ إن كان هناك ذنـــب ♥ ... يحـــول بيني وبين رضــــآكـ♥ ............ فـ أبعـــده عني و ابعدنـــي عنه♥ و اغفـــــــره لي يَا اللـہَ ♥ اللهم إنك أعطيتنا الإسلام من غير أن نسألك♥ فـلا تـحـرمنــــــا الجـــــنــة ونـحن نســـــألك






    فهرس وصفاتي مصور إهداء للجميع **متجدد بادن ** الله
    • WhatsApp

    #2
    متجدد بادن الله

    بسم الله
    هنا كل مرة نزل ليكم وصفة ان شاء الله





    بيني
    [IMG][/IMG]
    مقادير
    250غ فورص ممتاز
    80غ زبدة مدوبة
    2اكياس فاني
    2معالق كبار خميرة المعجونة
    4معالق كبار سنيدة
    حليب دافي للعجن
    ممكن تعملو مقادير على زوج مرات
    طريقة
    كنعجنو جميع عناصر فحال لعجينة عادية و كنخلوها ترتاح 15دقيقة
    ومن بعد كنسرحو عجينة بالمدلك فوق مائدة مرشوشة بدقيق ونبدو نقطعوها على بكأس او مول نتاع الحرشةاونعملها وعلى شكل سفنج
    ونخليهم يخمرو مزيان ونبدو نقلوفي زيت سخونة مزيان
    ومن بعد ما يبردو شوية كنفتحهم من الجنب ونعمرهم بكريم باتسير او مربى
    ونرشو عليهم سكر سنيدة
    وبصحة وراحة



    حرشة في مقلة تقيلة
    1/2 ك سميدة رقيقة
    كاس دانون فاني
    كاس سنيدة
    كاس زيت
    1/2 لترو حليب دافئ
    2خمرات
    م،ك رزبدة
    100غرام كوك
    نخلطو جميع عناصر ونفرغهم في مقلة اللى دهنا بزبدة ورشنها بسميدة من قبل
    ومن بعد ما طيب نتكها بسكين ونسقوها بعصير الليمون
    وتزين حسب الرغبة
    بصحة وراحة


    كيك بكريمة الليمون
    2لليمونات
    كاس ونص سنيدة
    كاس زيت
    4بيضات
    3خمرات
    وديق حسب خليط (كيك عادي)
    كاس كوك
    طريقة
    كنخدو الليمونات وكنسلقهم حتى يفتحو وهو كيتسلقو وحنا كنغير اللما اللى كيتسلقو فيه 3مرات
    من بعد كنطحنهم ونتركهم يبردو شوية
    كنخدمو عناصر اللى عندنا بستتناء دقيق وخميرة
    كنضيفو كريمة الليمون ونخلطو مزيان وفي الاخير كنزيدو دقيق وخميرة
    ونعملها في مول مرشوش بدقيق ومدهون بزبدة
    ولما طيب
    كنسقولها بعصير الليمون
    وبصحة وراحة


    وهدا كاسكروط ديال جددتنا وامهتنا الله يحفضهم لينا


    http://www.anaqamaghribia.com/vb/sho...%ED&highlight=






    هدا بغريرخديتو من منتدى مع بع تخيرات طفيفة
    ونصيحة لكل من ما كيصدقش ليها بغرير تجربو وترد علينا لخبار

    مقادير
    4كسان ديقيق الفينو ممتاز
    3كسان ماء دافء
    4م/ك فورص
    شوية خميرة نتاع الخبز
    خميرة وحدة نتاع الحلوة
    م/ك سنيدة
    طريقة
    كنعملو كلاشي في خلاط كهربائي ونخدمو مزيان ونتركه يرتاح15 ديقيقة
    ونبدو نطيبو

    وبصحة وراحة



    هاد كرص اللى ما كيخطونش دائما كنحضرهم ونرميهم في مجمد


    http://www.anaqamaghribia.com/vb/sho...%D1&highlight=


    حرشة ساهلة ماهلة وكتوجد بسرعة وكتجي هشيشة

    حرشة اخير موديل كتوجد في 10دقيق.. بالصورة
    بصحة وراحة



    مسمنة مورقة بالعسل واللوز اااكيد من مطبخي


    كيك بكريمة كاكاوجد رررررائعة من مطبخي

    بصحة وراحة
    هادي كيك بالهرنسي جربتها وحتى هي ممكن نزلوها في كوتي


    كيكة بهنريس بالصور المفصلة


    هدا شنيك وفوري بالعجينة مورقة للحبيبة رريم الله نتمنى ليها كل خير


    كرواصة وبتيبان الشيف ساهلة ومورقة


    هادي ماضلين بالشعرية شكلاط نصحكم تجربها لانها قتصادية ولديدة
    ان شاء الله نزل رابط بحت عليه الان وما جبرتوش



    وهدا واحد مولاي بانيني ما شهتكم فيه
    حتى هو كنقدمو في كوتي بعض مرات


    بانيني ولا بيتزاهوت وواااكيد بالصور
    يا رب ♥ إن كان هناك ذنـــب ♥ ... يحـــول بيني وبين رضــــآكـ♥ ............ فـ أبعـــده عني و ابعدنـــي عنه♥ و اغفـــــــره لي يَا اللـہَ ♥ اللهم إنك أعطيتنا الإسلام من غير أن نسألك♥ فـلا تـحـرمنــــــا الجـــــنــة ونـحن نســـــألك






    فهرس وصفاتي مصور إهداء للجميع **متجدد بادن ** الله

    تعليق

      • WhatsApp

      #3
      الذين يشاهدون الموضوع الآن: 2 (2 من الأعضاء و 0 زائر)

      badiakh,الهام ام سعد+,


      شديتك ههههههه السلام عليكم جيت نسول فيك اش خبارك لباس عليك اوا مابغاش تعرفي جديدي؟
      راني رجعت مع هبالي هههههههه مجنونتي








      أحبكن في الله

      تعليق

        • WhatsApp

        #4
        السلام عليكم ورحمة الله وبركاته
        والله العظيم اختي عندك الحق, الكوتي هو ليتيحير الجميع ماشي بحال الوصفات الاساسية وخصوصا الى كانت الام تتشتغل . تتملي من المخبزات والوقت مكينش
        ياله فيدونا الانيقات الحدكات والله يخلصكم

        تعليق

          • WhatsApp

          #5

          السلام عليكم و رحمة الله

          الله يعطيك الصحة احبيبة
          كالعادة مواضيعك كلها مميزة

          موضوع فالصميم هم كل ربة بيت خصوصا للي عندها وليدات




          شخصيا كنحير مع الڭوتي
          و كنبقى ندور بين السفنج ، مسمن ,مسمن معمر، ملوي ، رزيزة، بطبوط مسقي او معمر او محشي

          و لو عندي الوقت كندير شي كيك








          او مافن





          و كاب كيك























          او طارط مالحة او حلوة



          او دواز اتاي










          بحال هاد الشكل :


          الشورت بريد






          ساهل كيوجد بالخف و مقاديرو بسيطة ممكن يتعمل بيه اشكال كثيرة و يتضاف ليه للي بغيتي
          ممكن يدار حلو او ملاح بالفرماج بدل السكر


          سابلي قشور الليمون بالزنجلان































          سابلي الزبيب معلك ساهل/اقتصادي/لذيذ



          سابلي الزنجلان منكه بالخوخ اقتصادي/لذيذ

































          للي مزيان فالسابلي مالح او حلو هو انه كيتحفظ مدة طويلة فبواطة و كينفع لو جاك شي ضيف للڭوتي على غفلة او مكان ميتحط





          و مرات اه الا تحفاو ليا و كيكون الخبز للي لابد منو مع الزليفات حسب الموجود و كندير معاه الڭلية باش تحلى الجلسة على بريريد اتاي

          الڭلية او الذرة مقلي








          و اسهل شي للتحضير فالڭوتي المعجنات السريعة التحضير :
          بحال البغرير

          بغرير




















          و الكريب
          و الپانكيك

          پانكيك ساهل و لذيذ


































          و الحرشة بانواعهم

          الحرشة في دقائق





          الحرشة كتبقى اسهل شي و كتقدري تنوعي فيها مالحة و حلوة معمرة او معجونة بمكونات متنوعة

          حرشة معمرة بالطون




























































          حرشة معمرة بالدجاج



























          حرشة بالكوك

























          حرشة معمرة بالشكلاط السوداء




























          حرشة معمرة بالشكلاط و اللوز





          حرشة معمرة بالكنفيتير و الكوك






          حرشة معمرة بالشكلاط و الكنفيتير
































          او لو عندي معجنات فالكونجيلاتور كتعتقني







          بحال الشنيك

          الشْنيـك لليمبقاش يخطاني الله يجزا مولاتوخيرات الدارين



























          و البتيبان و الكرواصون


          جربت وصفة كرواصة وبتيبان الشيف ساهلة ومورقة للحبيبة rim2012




























          و الڭرص و القراشل

          كريصاتي (بريوش)



          و البيني بانواعو



          بني من بقايا عجين لابات أشو










          و الرغيفات و المسمن ...

          و طبعا البطل ديال الفطور والكوتي الخبز بانواعو خبز الدار او بطبوط (قمح، ذرة، شعير ...)



          خبيزات سهلة و شهية
















          عجينتي لي كنستعمل للخبز البيتزا السندويش





























          هذاك لابد منو مع الزيت و العسل و الزبدة و الفرماج او حسب المتوفر

          الى عندي الخبز پاريزيان او خبز السوق كنڭرملو و



          نحطو مع اتاي كيجي زوين الى تدهن بالفرماج او الزيت اوالزبدة ...

          او كندير الخبز مغمس فالبيض و الربيع و الحليب


          الپان پيردي للي كنقولو ليه حتى هو كيجي زوين و كيعجب الكبار والصغار للڭوتي


          و مرات كندير العصيدة او الروز او الشعرية لو مكان مدير كيقضيو الغرض


          العصيدة


























          او ندير امليط بالبيض او طرطيلا بالبيض و اضافات اخرى حسب المتوفر



          أومليت بالخرطال و صوص الصوجا




          و كيكون تنويع (و ڭوتي و عشا فوقت واحد)


          اغلبية الوقت كنعمر اتاي بالنعناع
          و مرات قهوة وحليب على شكل كپتشينو حيت معنديش مع القهوة و حليب العادية كتجيني خفيفة و مزرڭة هههه وحدة بوحاطية

          حليب و قهوة موس





















          ان شاء الله لي عودة مفصلة الى هدى الله هاد لاكونيكسيون مرضاتني هاد الايام


          ان غبت عنكم
          و ساغيب في يوم من الايام
          فاتمنى من العلي القدير
          ان يكون لي نصيب خير بما خطته يدي
          يصلني بدعائكم لي
          اينما كنت فوق الارض او تحتها


          أمنارAmanarre
          أم ريان و كاميليا
















          فهرس اطباقي المصورة (متجدد ان شاء الله)




          ترقبن جديد وصفاتي المصورة بإذن الله



          تعليق

            • WhatsApp

            #6
            ما شاء الله موضوع رائع ..الكل حاير مع الكاسكروط والله العظيم ملي نفيق صباح وانا نخمم منرتاح حتى نوجدو مع لغدا ...
            ...وبعض المرات كيكون كوتي وعشا ونهي السوق ....انشاء الله كل وحدة فينا تحط شنو وجدت ...
            ​​​​​​





            ربي ارحم أبا لم يحرمني شيئا و لا تذقني حياة دون أمي ! triste

            تعليق

              • WhatsApp

              #7



              تبارك الله عليك موضوع زوين وجا في وقتو
              كل ربة بيت فينا تلقايها حايرة اشنو توجد للكاسكروط
              نتمنى يلقا تفاعل من طرف الانيقات لانه موضوع يستحق

              هذا
              بريوش غالبا منستعملو للكاسكروط كيجي غزااااال بزاف


              هذا الرابط ديالو اللي بغا المقادير ديالو نتمنى يعجبكم
              http://www.anaqamaghribia.com/vb/showthread.php?196704-%C8%D1%ED%E6%D4-%C8%E3%DE%C7%CF%ED%D1-%DB%D2%C7%E1%C9-%E3%E4-%E3%D8%C8%CE%ED&highlight=





              حريشات باللبن نتمنى يعجبوكم كيجيو رطبين بزاف


              مقادير الحرشة

              عملت نصف كيلو سميدة رقيقة مع كاس سميدة غليضة
              نصف كاس زيت
              كاس سنيدة
              معلقة زبدة
              2فاني
              2خميرة الحلوى
              النافع والزنجلان اختياري
              بسبست كلشي المقادير وجمعتهم باللبن وخليتها شوية جارية
              عملتها نصف كويرات فندتهم في السميدة غليضة وزينتهم بالموس خطوط
              نصف الثاني عملتهم على شكل كومير وحتى هي فندتها في السميدة غليضة وزينتها بالموس
              دخلتهم الفرن ساخن من قبل وعملتهم يطيبو من الفوق هو الاول حتى تشقق بحال الغريبة عاد هبطتهم االتحت كملو طيابهم
              وبالصحة والراحة






              الباكيت من مطبخي



              الرابط ديالو اللي بغا المقادير والطريقة
              http://www.anaqamaghribia.com/vb/showthread.php?197254-%C7%E1%ED%E6%E3-%CC%C8%CA-%E1%ED%DF%E3-%C7%E1%C8%C7%DF%ED%CA-%E3%E4-%E3%D8%C8%CE%ED&highlight=



              كيك الحامض

              3بيضات + كاس سكر + كاس زيت + 2 كؤوس الطحين + 2خمارات
              االسقوة:
              + حامضات معصورين + معلقة كبيرة سكر نوجدها قبل
              الطريقة: نخلطو بيض +سكر+زيت +الطحين + 2خمارات نعملوه في المول يطيب
              تقسمو الحلى على 2 نسقوها
              الحشوة 3 دانون بيرلي حلو + 4 كيري نخلطهم مزيان نعملو فوق الجز الاول نغطيه تم نزوق الوجه من بعد نزوق اما بالسكر كلاسي او لوز مهرمش بالصحة والراحة










              تجربتي لكيكة قدرة قادر
              غزالة





              نتمنى تعجبكم
              المقادير
              المقادير
              لونا هما هادو ياك كيكة قدرة قادر انا جبتهم هنا باش كلشي يستافد منهم
              مقادير الكريم :
              4 بيضات (الى كان صغير نديرو 5)
              كاس صغير حليب نستلي
              3 كيسان كبار حليب
              كاس صغير حليب بودره (4 معالق كبيره)
              معلقه صغيره فاني
              قشرة حامضه كبيره محكوكه
              كنحضرو الكراميل بكاس كبير سكر ندوبوه على نار هادئه حتى يولي لونه بني فاتح
              و نصبوه فقالب اللي غادي نطيبو فيه الحلوى
              عاد باش نبداو نحضرو الكريم
              نضربو مقادير الكريم كلها فالخلاط إلا الحليب السائل نضيف الحليب السائل و نكمل الخلط نصب خليط الكريم فالقالب فوق الكراميل
              مقادير الكيك :
              3 بيضات
              كاس صغير سكر
              كاس صغير حليب
              كاس صغير زيت
              معلقه صغيره فاني
              قشرة حامضه كبيره محكوكه
              معلقه صغيره نسكافي
              3 معالق كبيره كاكاو
              معلقه صغيره و نصف خميرة
              2 كيسان صغار و نصف دقيق
              نحطو الحليب يغلى و نزيدو عليه نسكافي و نخليوه على جنب حتى تنزل حرارته نطربو البيض+ السكر و الفاني و قشرة الحامض حتى يبياض و يتضاعف حجمه نضيف الزيت و نحرك بالضراب السلك نضيف خليط الحليب و نسكافي نضيف خليط الدقيق + الكاكاو + الخميرة بالتدريج حتى يتمازج كلشي مزيان نصب خليط الكيك على الكريم
              يصب الكيك و سط الكريم و بشويه و نحطو القالب وسط قالب آخر فيه الماء غليان و ندخلها للفرن ما بين 45د حتى ل 55د نخرجو من الفرن و نخليه يبرد عاد باش ندخلو للثلاجه على الأقل 4 ساعات (انا تنخليه يبات )
              عاد باش نقلبوه برفق فطبق و نقطعها قطع






              كيكة رايبي واخداها من هد المنتدى
              4 بيضات
              كاس رايبي
              كاس عنبة وربع زيت
              2 كسان عنبة سنيدة
              4خميرات
              4 كسان عنبة دقيق

              تخلاط عادي ونديروها في مول كبيييير راني قلت كبير راها كتجي كبيرة ههههههه
              الا بغيت قياس كيكة عادية كندير نصف مقدار
              المول مدهون بالزيت ومرشوش بالدقيق
              فاش تخرج وهي سخونة كندهنها بدانون دابيت ورشها بالكوك ولكن الاختيار








              كيك السميد مسقي
              كيجي بنين
              1/2 كيلو سميدة +2/1 لتر حليب + ك سنيدة+ك زيت + 2/1 ك زبدة مدوبة + 2 خماير حمرين+ 1 فاني أو قشرة لبمونة لكم الاختيار قليل زبيب للتزيين + 1ك مونادا فانتا او سترون
              ندوزو للطريقة
              الا غنسمو بفاني كندفيو الحليب مع عود قرفة
              نخلط المقادير في الخلاط و نضيف السميد شوي بشوي نكونودفينا الفرن ندهنو المول بالزبدة و نرشوه بسميد رقيق و غليض نصبو الخليط و نترو فوقو حبات زبيب ويطيب 45 دقيقة بحرارة 180
              بعدما تطيب نسقيوها و هي سخونة بمونادا و نخليوها حتى تبرد مزيان عاد نقطعوها ما تزربوش عليها لتولي دشيشة ها ها ها حيت هشيشة و كتفرتت الى سخونة






              كيكة جيرفي كاتجي بنينة و غزالة هانا الهام تقولي مخداماش معاك راني تلميذة مجتهدة ههههههههههه
              مقادير الكيك:
              3 بيضات + كاس زيت + كاس سنيدة + كاس حليب + شوكولات غبرة +2 كيسان و نص دقيق + 3 خمارة حمرين .
              الطريقة
              طربي بيض + زيت + سنيدة + حليب + شوكولات غبرة +دقيق + خميرة حتى تصبح عجينة لكيك .
              ديره في مول ديال لكيك مدهون بي شوية زبدة + مرشوش بي شوية دقيق من بعض صبي خليط الكيك و دخليها للفرن درجة حرارة 180 مدة 30 دقيقة
              تزيين الكيك :
              ديري دانون كريمي ديال فريز + دانون جيرفي كبير + معلقة سنيدة خلطي الكل جيدا و صبيه على الكيك من بعد حكي فوق شوكولات رقيق و دخليها تلاجة تقدم با










              شوصون بالطون و الفلفل

              وصفة ساهلة وفي متناول الجميع
              المقاديرفلفلة حمراء-فلفلة خضراء-فلفلة صفراء)مقطعين مكعبات صغار+روز مصلوق+ طون ديال الزيت+ ملح+ ابزار +كمون+سكنجبير+ بيضة للدهن
              العجينة تقدري تستعملي العجينة المورقة او اي عجينة رقيقة
              الطريقة:نقليوا الفلفل في الزيت و نخلطوه مع باقي المقادير و نعمرو بهم الشوصون و ندهنوهم بالبيض و ندخلوهم الفرن المسخن لمدة 15 دقيقة
              بالصحة و الراحة





              ملفوف بالكاشير بحال شنيك
              العجينة : نص كيلو ديال الفورص - 2 معالق صغار ديال الخمارة - قريصة ملحة - 3 معالق كبار ديال الزبدة - كاس صغير ديال الحليب
              الحشوة : 2 معالق كبار كيتشاب - معلقة كبيرة زعتر يابس - بصلة مشلضة و محمرة فالزيت - 100غ كاشير مقطع صغير انا كنحكو - علبة صغيرة ديال الشومنيون مقطع رقيق - 100 غ فرماج محكوك
              نخلطو مقادير العجينة بالحليب الى جات قاصحة نزيدو, نخليوها ترتاح 5 د، انا زدت من راسي واحد القرييييصة ديال المعجونة جات رطبة ومفشفة اكثر
              من بعد نسرحوها رقيقة بالمدلك على شكل مستطيل ندهنو بالكتشاب ونرشو بالزعتر نزيدو من الفوق البصلة لي حمرنا, الكاشير والشومبنيون انا ما كانش عندي ما درتوش ثم نرش بالجبن.. والحشوة خاصها تسرح مزيان وبالتساوي كنلفو العجينة على بعضها بحال السكار ونغلفوها بالبلاستيك الغذائي ونديروها فالمجمد باش تقصاح وتجينا ساهلة فالتقطاع..نجبدوها ونقطوها بالموس دوائر فيها 2 سم فالعرض انا كنقطعها عوجة باش كتجيني بيضوية الشكل من بعد نستفوها فلاطة مدهونة ونرشو كل دائرة بالفرماج والزعتر والى الفرن شي 20 د وبالصحة والراحة فيها واحد المذاق هااائل ما نكولكومش عليه




              حرشة معمرة بطريقة جديدة للاخت ness kech
              هاهي تجربتي





              الرابط الاصلي للوصفة
              http://www.anaqamaghribia.com/vb/showthread.php?189747-%C7%E1%CD%D1%D4%C9-%E3%DA%E3%D1%C9-%C8%D8%D1%ED%DE%C9-%CC%CF%ED%CF%C9-%C8%C7%E1%D5%E6%D1&p=3254103&posted=1#post3254103






              هذا مسمن بالفاني كيجي غزال كنت مجرباه للاخت لونا الغالية نتمنى تكون بخير
              هذا رابط الوصفة الاصلية
              http://www.anaqamaghribia.com/vb/sho...E1%DD%D1%C7%E4
              وهاذو تصاور التجربة ديالي

              حلمـي أن أكون .،
              بالقرب من الكعبة .،
              أصلي تحتھا وفي أخر ,..
              سجدة ملك الموت يھمس بأذني
              (( يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً ))

              اللهم توفني و أنا ساجدة بين يديك


              تعليق

                • WhatsApp

                #8
                والله العظيم موضوع جا في وقتو يلاه لقيتيني حايرة اش غندير لكسكروط
                ياريت تفيذونا وشفت تعييت صايبت لكيكة تفاح لسبق ليك وحطيتيها
                حيثاش تتعجب راجلي لعزيز

                الهام ام سعد راني درت ليك اشهار كاع لحباباتي جاو لموضوعك



                كروصة تتجي مورقة وزوينة ديما تنديرها في كسكروط

                ونخليكم مع


                المقادير

                بياض وبيضة انا مااستعملتهاش

                5 كيسان الطحين فورص ممتاز

                نصف كاس سنيدة

                نصف كاس زيت او زبدة

                3 معالق كبار حليب غبرة او حليب سائل

                خمارة د الحلوة

                لافاني

                1 معلقة كبيرة د خميرة د الخبز

                الملح

                2 كيسان د الماء






                لتوراق

                و 3 معالق كبار د الزبدة رطبة بحرارة المطبخ

                للحشو

                الشكلاط مقطع ظريفات

                لذهن كرويصات : صفار بيضة مع نقيطة خل

                الطريقة

                كنخلطو المقادير كاملة و دلكوها مزيان و نقسموها علا 8 الكرات

                نورقو وحدة و ندهنوهم بالزبدة

                نعملو وحدة على وحدة و هكذا حتى نكملو لكويرات نغطيوها ببلاستيكة و ندخلوها للتلاجة

                بعد نصف ساعة نورقوها و نقطعوها بالشكل اللي بغينا و نخليها تخمر كتر من 5 ساعات و ندخلوها للفران

                كتجي ممتازة


                نخليكم مع الصور
























                شوفوها كيفاش تتجي من داخل اناراني درت غيرنصف مقادير عطاتني غير 3كويرات

                الى بغيتي فيوطاج كثر ديري مقادير كاملة باش تعطيك 8 كويراة يكون احسن



                هذا لأول رد راني كثرت معاك او بزززززززززززززززاف هههههههههه




                بالصحة والراحة

                ونتمنى تجربووووووووووووووووووووووها على تتجي غزالة وشهوة منها




                بغرير تيجي خفيف ومثقب


                ربعة سميدة رقيقة ـ ربعة فينو ـ ملح ـ خمير لخبزـ 1خميرة لحلوى ـ شوية لحليب ـ ملعقة صغيرة سنيدة ـ ملعقة فورص من نوع ممتاز

                نخلطو هادشي مزيان في خلاط كهربائي ونخليو يخمر مدة ربع ساعة او نصف ساعة لحسب الجو ونبداو نطيبو فيه

                ايوى بالصحة والراحة







                الحبيبة راني درت لكيكة تفاح لسبق ليك وحطتيها في دورة



                هذا كرص بالفينو جربتو جاغزال ولذيذ اللهيعطي مولاتو الصحة تيصلاح لكوتي ولفطور وحتى لبغيتي ديري به سندويتشات غير خاصك تنقصي كمية سكر



                هاهو رابط ديالو

                http://www.anaqamaghribia.com/vb/sho...%E6&highlight=










                ربي هب لي من لدنك الذرية الصالحة الساليمة والمعافاة لا زيادة ولا نقصان


                تعليق

                  • WhatsApp

                  #9
                  السلام عليكم الحبيبة
                  انا اليوم حايرة فالفطور ههههههههههههه عاد ايحن الله فالكوتي
                  موضوع غزال ان شاء الله وقت ماصوبت شي حاجة لكوتي نحطها


                  دارت فالكوتي البيتزا بعجين 10 دقائق








                  تعليق

                    • WhatsApp

                    #10
                    موضوعك جاء في وقته الزين تبارك الله عليك
                    بصراحة كنا كندوخ اش نوجدوا انا بعدا دايما ضايخة واش الفطور ولا الغداء ولا العشاء الناس ناعسين وانا كنخمم لغدا اش نطيب اما كسكروط معنديش مشكل فيه كل نهار واش كندير مرة كنجمع عشاء وكسكروط ونوض هي هديك نعطيك واحد ليستا ديالي
                    مرة كندير في سباكتي مرة ندير فيه الحريرة مرة في ايام البرد ندير الخبز بالحلبة كنموت عليها (ختك بلدية مع راسها)مرة ندير فيه السميدة بفليو
                    بالصيف كندير الكيك والعصيرفقط
                    مرة ندير المعقودة والصوص والزيتون بحال السندويتش الزنقة ونيد ليهم اتاي
                    مرة حريشة البيض مصلوق فرومج الزيتون زويتة كاشير براد اتاي
                    مرة البتيبان والحليب والقهوة فقط
                    مرة ناخد الباكيت ندهنو بالفروماج واحد بالشكلاط ونديرو في بانيني
                    ايوة وكل نهار واش كيطيح عليا ندير

                    اختي الهام انا هعطتكم فكرة وصافي متسحابنيش طالبة الوصفة بالصور ولكن ان شاء الله نحطهم

                    قال تعالى:
                    (( ( فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا
                    وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا ) ))



                    صدق الله العضيم
                    ​​




                    تعليق

                    يعمل...
                    X