ArabicEnglishFrenchSpanish

إعـــــــلان

تقليص
لا يوجد إعلان حتى الآن.

بيتزا بعجينة رائعة غادي ترحموني عليها وحشوات مختلفة من مطبخ وفية

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة
    • WhatsApp

    بيتزا بعجينة رائعة غادي ترحموني عليها وحشوات مختلفة من مطبخ وفية

    تبث في 21/09/2011
    bent bladi




    مقادير العجين :
    زلافة فورص ، بيضة ، معلقة زيت ، معلقة سكر ، معلقة زبدة ، معلقة خميرة الخبز ومعيلقة صغيرة خميرة الحلوى ، ملح ، ماء لجمع الخليط .
    الطريقة :
    نخلط أولاً الماء الدافئ مع باقي المقادير ما عدة الملح والفرينة ، من بعد نزيد الفرينة وندلك مزيان حتى نسالي عد نزيد الملح ، خاص تكون العجينة رطبة ومخدومة مزيان ومكتلسقش فاليد ، من بعد ما صبحت عندنا واجدة ، ندهنو إناء بزيت ونخلوه تخمر من ساعة حتى ساعتين ، حتى يضعف لينا الحجم ديالها .




    نخليكم مع صور بنسبة العجين .







    إو دبى ، بسم الله الرحمن الرحيم ندوزو المعقول هههه


    بنسبة الحشوة أنا عملت 3 مختلفين وكل وحدة ودوق ديالها .
    الاولى : مطيشة طرية وشي بصلة صغيرة وشوية الحبق طري وملح وابزار وزيت زيتون اى شوية زعتر وتومة صغيرة .
    الطريقة : نحكو مطيشة فالحكاكة ونحكو البصلة ونقطع حبق بحل ربيع ، ونعاملو زيت زيتون فالمقلة على نار مهيلة ونزيد ديك تومة وخليط ديالنا المحكوك هههه وبزار وملح وزعتر ، غي شوية فوق البوطة نص طيبة ونطفو عليهم ، وهى الحشوة الاولى واجدة ، على فكرة حبق لديد بزاف أنا من عشاق ديالو هههه





    نخليكم مع صور هههه سخفتوني:79:








    دابة ندوزو الحشوة تانية : على بركة الله
    سهلا محلا وبنينة بزاف ، أنا بعدة كتعجبني ههههه خاص حتى نتومة تعجبكم صحة هههه
    هي بصلة ، اااه بصلة ممم يا سلام ، ناخد بصلة ونقطعها شرائح ونشحرهة ف زيت زيتون ونضيف عليها ملح ابزار زعتر وإلى حبيتو شوية ديال سكر سنيدة وهى هي واجدة .



    صور ، صور ، هههه






    إو دبى ندوزو الحشوة أخيرة ههههه
    هي ديال فلفلة و كروفيت وصلصة طماطم
    ناخد صلصة طماطم هديك الواجدة هههه ونزيد عليها الملح وابزار وتوم وزعتر وورقة سيدنا موسى ومعلقة صغيرة من خل وربيع مقطع ، إو نشرحها شوية فوق البوطة .
    فلفلة نقطعها شرائح ونشرحها حتى هي مع بزار وملح وزعتر
    نفس شيء كروفت من بعد ما سلقت ف شوية ديال ماء ، نقيتو وشرحت فشوي ديال زبدة وملح وابزار
    إو هادشي ما عطا الله ههههه عييت !!!!!!







    دبى هنا عندنا كلشي واجد
    بسم الله الرحمن الرحيم ، أستغفر الله وأتوب إليه ، سبحانك إني كنت من الضالمين
    ناخد العجين ديالنا ونطلقوه بالمدلك ، أنا عملتو بيزات صغار ، أنتم يمكن تعمل وحدة كبيرة أو كيف حبيتو .
    كنقتعو دوائر ، ونخله يرتاح شي 10 دقائق
    ندخلو الفرن يطيب نص طيبة من فوق وتحت ، شي 15 دقيقة تقريباً خدة ليا والفرن أكيد يكون سخون مسبقاً .
    من بعد ما نخرجها من فرن ، نعاملو الحشوات ديالنا ونرجعها طيب من جديد واحد 15 حتى 20 دقيقة ، حسب كدلك نوعية الفرن


















    بصحة وراحة أنيقاتي سامحوني مصورثش من بعد ما خرجتها من فرن لأنه فهديك لحضة بدات تاصلت بية صديقتي وخبرتني بأنه ولدها عمل حادت حمدلله على سلامتو ، وغي خرجتها بقات هكدك ما دقتها حتى الغد ليه عجينة رائعة وكتبقى رطبة وبنينة ، بنسبة الحشوات نتومة واختياركم هاي هي عندي ملاحضة بسيطة إلى قبلتو عليا ، ههههه كنشوف بعد الناس مني كيعملو بيتزا ، كيعملو تون وفروماج وشمبنيون وزيتون أسود وموزاريلا وطماطم ، يعني قنبلة صافي ، من أحسن انسان إختار مكونات محدودة بس يحس بطعم ومداق صحيح وأعتدر فكرة 1 : بنسبة هاد بيتزا يمكن كدلك طبخها بيضة و دهنها بشكلات لوليدات مع شوية لوز محمر ومهرمش من فوق فكرة 2 : يمكن كدلك تعمل لها فقط زيت زيتون وإكليل جبل وملح من فوق فكرة 3: حبيبتي مارغرتا ، صلصة طماطم وموزاريلا وشوية زعتر أو حبيبي الحبق لتزيين فكرة 4: درة وموزاريلا حتى هي كتجي هائلة ، تعمل درة فوقها وتغطوه بالموزاريلا بصحة وراحة نتسانا من عندكم شي دعوة من القلب وأي إستفسار أنا فالخدمة
    sigpic[CENTER]
    فهرس وصفاتي هدية للأخوات الغاليات وأسألكن الدعاء

    http://www.anaqamaghribia.com/vb/sho...d.php?t=342606

    y
    • WhatsApp

    #2
    سمحو ليا مع زربة نسيت ما كتبت لكم من بعد ما نتيبهة نص طيبة ونخرجها من فرن نتكوهة بشوكة
    sigpic[CENTER]
    فهرس وصفاتي هدية للأخوات الغاليات وأسألكن الدعاء

    http://www.anaqamaghribia.com/vb/sho...d.php?t=342606

    y

    تعليق

      • WhatsApp

      #3
      نت دايرة لبيزا ومخبيهة عليا هههههه
      تبركالله على صحبتي

      تعليق

        • WhatsApp

        #4
        المشاركة الأصلية بواسطة bimby مشاهدة المشاركة
        نت دايرة لبيزا ومخبيهة عليا هههههه
        تبركالله على صحبتي
        لا لا يا صحبتي وختي حشى وش نخبي عليك هادي راني سيبتها نهار الأحد ، نهار لوقع المكتب لولد فوفو ، و دبى راحة 10 أيام وكنتسنة غي نهار المناسب فن نزلها ، أما اليوم راني فطرت برفيسة واتاي ههههه
        sigpic[CENTER]
        فهرس وصفاتي هدية للأخوات الغاليات وأسألكن الدعاء

        http://www.anaqamaghribia.com/vb/sho...d.php?t=342606

        y

        تعليق

          • WhatsApp

          #5
          السلام عليكم ورحمة الله وبركاته
          تبارك الله عليك أختي wafiyya باينة بيتزا غزا لة وكتشهي حتى أنا عزيز عليا الحبق
          إن شاء الله نجرب طريقتك راك شوقتيني نشوف شكلها النهائي هنا كنتسنا أختي حتى
          تكملي على خاطرك مغنجوب حتى تسالي أختي باش منخسرش لك الموضوع
          المهم تبارك الله عليك وأكيد بيتزا لذيذة وغزالة الله يعطك الصحة وربي يحفضك أختي




          تعليق

            • WhatsApp

            #6
            تباركالله عليك وخلاص تقديم رائع ووصفة روعة
            الله ينولك لفبالك

            تعليق

              • WhatsApp

              #7
              يجب أن تضع للبعض سمعات قبل إعطائها إلى wafiyya مرة أخرى

              Read more: http://www.anaqamaghribia.com/vb/sho...#ixzz1YXHN3lFy

              تعليق

                • WhatsApp

                #8
                المشاركة الأصلية بواسطة faty2011 مشاهدة المشاركة
                السلام عليكم ورحمة الله وبركاته
                تبارك الله عليك أختي wafiyya باينة بيتزا غزا لة وكتشهي حتى أنا عزيز عليا الحبق
                إن شاء الله نجرب طريقتك راك شوقتيني نشوف شكلها النهائي هنا كنتسنا أختي حتى
                تكملي على خاطرك مغنجوب حتى تسالي أختي باش منخسرش لك الموضوع
                المهم تبارك الله عليك وأكيد بيتزا لذيذة وغزالة الله يعطك الصحة وربي يحفضك أختي
                ربي يخليك fatiنورتيني بتواجدك فالموضوع وتشجيعك إن شاء الله تجربه وتحمر ليا وجه معك ختي هداك صور أخيرة كتشابه شكل نهائي هههه غير كتكمل في طيب وصافي هديك ليلة مبقتش قدرة حتى نزيد لحضة وحدة وتقووولي حيت صحبتي تصلت بية كتبكي ولدها تهرس وكنت بحدي في دار ما حيلتي فرن ما حيلتي لباس ، وليت كنشوف غي ف سبيتار وسلام وحمدلله دبى راه شوية حدة هو سبب لخلاني منسورهش وهي كاملة مكمولة هههه تبارك الله عليك أختي وشكراً على مرور مرة أخرى
                sigpic[CENTER]
                فهرس وصفاتي هدية للأخوات الغاليات وأسألكن الدعاء

                http://www.anaqamaghribia.com/vb/sho...d.php?t=342606

                y

                تعليق

                  • WhatsApp

                  #9
                  مممممممممم هادشي تايشهي ههههه

                  لله يعطيك صحة أختي وافية و تبارك لله على ليدييات لي خدمووها و صورها وحطوها لينا هههههه

                  و ربي يشفي ولاد صاحبتك مسكين ويخليه لماماه يارب




                  تعليق

                    • WhatsApp

                    #10
                    بسم الله ماشاء الله تبارك الله عليك أختي جاتك فنننننننننة وكتشهي
                    راني شفتها ربي يحفضك أختي ويعطك ماتمنيتي فخاطرك يارب أمين




                    تعليق

                    يعمل...
                    X