إعـــــــلان

تقليص
لا يوجد إعلان حتى الآن.

كيكة الكوكوط غزالة و فنة(بالتفصيل الممل)

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • كيكة الكوكوط غزالة و فنة(بالتفصيل الممل)


    31/05/2013




    السلام عليكم
    غادين تقولوا ليا صدعتينا بكيكة الككوط غادي نقول ليكم جربوها بطريقتي و غادي توليوا مدمنين عليها بحالي.فايت لي حطيتها ويني ماشي بالتفاصيل و بزاف د الاخوات طلبوا ليا المقادير و الطريقة و الكاس د العبار.
    تلبية لرغباتهن. ها طريقتي و مقاديري كتجي غزالة وفنة و رطبة بحال الجينواز وفازكة بوحدها بلاما تسقيوها و لي كلاها عندكم غادي يحماق عليهاو ميمشي حتى يطلب المقادير ديالها.
    واقيلا كترت من الاشهار ياك ههههه
    المقادير
    4 البيضات
    ك ونص سنيدة
    ك صغير زيت
    ك كبير و ربع ما طايب مخلط بنسكافي
    3 م ك كاكاو
    2 م ك خل (نسيت ما صورتو)
    3 ك طحين
    3 الخمارات
    الكيسان باش كنعبر (فالصورة) كبار شوي حنت كندير الكيك فالككوط الكبيرة (6 او 8 لتر) هداك لي فيه سنيدة قد قياس العنبة.


    الطريقة
    كندير سنيدة و البيض و الخل و الزيت فمولنكس

    كنخويهم فشي اناء و نزيد عليهم الطحين مغربل و الكاكاو و الخمارات

    نخلط مزياااان

    عاد نزيد الما طايب هو الاخير

    ونعملها فالككوط مدهونة طبعا بالزبدة و مغبرة بالطحين
    نصيحة
    ديما طلعو الدهين ديال الزبدة مزيان حنت الكيك كيبدا طالع تابع الزبدة


    نسدو عليها بلا صفارة على اصغر كانون و على عافية مهييييييييلة و متنساوش الحديدة تحت من الككوط
    (ضروري)و نخليوها 40 حتال 45د (نقلبو بالموس واش طابت)

    هاهي طابت
    [/URL]
    نحطوها فوق الشبكة تبرد (ما عنديش كنعدي غير بالغربال ههه)

    نقسموها على 3
    كناكد حتى تبرد عاد نقسموها باش ما تفرتتش حنت رطبة بزاف

    كنوجد 2 بلاستيكات وحدة فيها الشكلاط كحل و دانون والتانية فيها الشكلاط بيض وغير شوي
    الحليب باش يجي fondu )ايلا درناه بوحدا كيجي قاصح و كيتهرس ملي نبغيو نقطعو الحلوة)
    كنديروهم فمقراج ديال الما طايب حتى يدوبوا على ما مونطينا الكيك

    كنعمروها بالكريم باتسيير

    كنفرشو تحت منها بلاستيكة ونخويو عليها ganach لي وجد وداب

    وكنزوقوها بالشكلاط بيض مع الحليب او لي حبيتو انا يلا كانواجايين الضياف كندير الكركاع او اللوز فالجناب فالجناب

    كنخليوها شوي حتى يجمد الشكلاط عاد نزلوها فالطبسيل
    هاهي

    من الفوق

    من الاحسن نوجدوها فالليل كتصبح غزالة
    ها ككتجي من الداخل



    ها حقكم







    نتمنى تعجبكم
    لي ما فهماتش شي حاجة انا رهن الاشارة
    في امان الله

    ​السلام عليكم
    هاني صورتها ليكم ملي درتها اخر مرة باش تشوفو بلي كتجي طايبة مزيان من لفوق وممعجناش وصورت حتى الطريقة باش كنزلها من لككوط حنت كاينين لبنات لي كيقلبوها فالطبسيل وكتهرس ليهم





    هادي قسمتها من لوسط وهي مازالا سخونة حنت غادي نفرتتها لواحد لكيك بلفلون







    التعديل الأخير تم بواسطة أم أســامة و إيمــان; الساعة 17-06-2013, 15:23.

    السلام عليكم
    بسم الله الرحمن الرحيم
    sigpic
    اللهم صل على محمد و على ال محمد كما صليت على ابراهيم و على ال ابراهيم وبارك على محمد و على ال محمد كما باركت على ابراهيم و على ال ابراهيم في العالمين انك حميد مجيد






  • #2
    تبارك الله عليك اختي جاتك غزااااااااااالة الله يحفظك .انا خديت هاد الطريف فيا الجوووووووووووع ههههههههه

    اللهم إني أستودعك نفسي وزوجي و اولادي واعيذهم بكلمات الله التامة من كل شيطان وهامة ومن كل عين لامة اللهم بارك لي في اولادي ووفقهم لطاعتك وارزقني برهم اللهم وافتح عليهم من بركات السماء والارض انك سميع مجيب.اللهم حبب اليهم الايمان وزينه في قلوبهم وكره اليهم الكفر والفسوق والعصيان واجعلهم من الراشدين .
    وصل الله علي سيدنا محمد وعلي اله اجمعين والحمد لله رب العالمين.


    اللهم ارزق اخوتي في الله الذرية الصالحة السليمة المعافاة.

    تعليق


    • #3
      في الحقيقة غزالة غير انتي خسرتيها في الزواق، دبا غادي نزعم نعملها إن شاء الله حيث كنت خايفة منها طريقتك مفصلة الله يعطي الصحة.
      sigpic

      تعليق


      • #4
        تبارك الله غزالة ولكن كنخاف نجربها هههه و تبقالي فراسي يجي الراجل ديالي يضحك علي هههه

        تعليق


        • #5
          تبارك لله عليك احبيبة وعطاك لله الصحة

          زعما لمجربنهاش بهاد طريقة الإقناع ديالك عمرنا منجربوها هههههههههههههه

          أكيد نجربها إن شاء لله

          تم التثبيت



          إضغط على الصورة لمشاهدة الفهرس





          تعليق


          • #6
            ما شاء الله غزالة الله امتعك بالصحة اختي
            perpignan

            تعليق


            • #7
              تبارك الله غزالة و حتى الزواق زوين الخطوط العشوائية حتى هيا عندها تعبير خاصنا غير نكونو فنانات و نفهمو هاديك الكيكة التشكيلية

              تعليق


              • #8
                تبارك الله عليك اختي جاتك غزااااااااااالة


                تعليق


                • #9
                  غزالة اختي الله يعطيك الصحة


                  تعليق


                  • #10
                    بسم الله الرحمن الرحيم السلام عليكم ورحمة الله وبركاته تبارك الله عليك عافاك بغيت نسولك واش ممكن نديرها فديال الومنيوم نتمنىتجاوبي

                    تعليق

                    يعمل...
                    X