ArabicEnglishFrenchSpanish

إعـــــــلان

تقليص
لا يوجد إعلان حتى الآن.

متغامروش بصحة ولادكم

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة
    • WhatsApp

    متغامروش بصحة ولادكم


    السلام عليكم
    بغيت نقلكم تجربتي أخواتي الكريمات باش تستافدو او تحضيو راسكم او ما تيقوش دغيا

    ولدي عندو 4 سنوات فاش كانت عندو 3 سنوات لاحظت ان رجيلاتو بجوج معوجين شوية من جهة الركبتين الى الداخل يعني الى وقف نيشان كيبان ليك الركابي متلاصقين تقريبا انا وباه بقينا مخلوعين عليه وخا هو عادي كيجري ويلعب معندو لا حريق لا والو زيرت الراجل حيت خلعوني العيالات قلتلو ضروري نديوه للطبيب دابا راه الطب تطور او كاين ما يسمى الطب التقويمي انا ساكنة في صفرو ديتو لطبيب اختصاصي ديال الاطفال في مستشفى عمومي قالي راني غنكتب ليك برية بحالتو ديها لفاس للمستشفى الجامعي عند اختصاصي ديال العظام ديناه لقينا الاختصاصي مرا المهم قالت لينا خاصو إما الترويض بالاجهزة أو عملية جراحية واللي غيحدد لينا اشنو نديرو هو واحد الراديو ب 700 درهم ديروه نشوف درجة الاعوجاج او عاد نقرر مشينا نديرو الراديو لقيناه خاسر كان هاد شي قبل العيد الكبير ديال هاد السنة 2011 قلت للراجل منديرو والو يالاه نديو ولدنا يكمل قرايتو حتا العطلة او نجيبوه او ندوزو العيد بخير او هادا ماكان وانا كنت كنخمم فولدي اللي صغر منو حيت الى دار العملية ولدي الكبير كي غندير للصغير حيت غيشدوني ننعس مع ولدي المهم غير جات العطلة اللي دازت هبطناه لفاس مشينا نيشان نديرو الراديو لقيناه مازال خاسر راجلي طلعلو الدم قالي نديو الولد لكلينيك فين ولدته كلينيك الكوثر دخلناه للطبيب يشخصو او الطبيب هو مدير الكلينيك واختصاصي العظام والمفاصل قالي انا مكرهتش الفلوس ولكن منشدش الفلوس هاكاك قالنا سيرو ديو ولدكم معندو والو داكشي طبيعي راه كيكبر او غيتقاد مصدقتش قالي كون قستيه بعملية او ترويض غتعطبيه او شافني بحال الى مندهشة قالي باش تمشيو مرتاحين ديرو هاد 3 راديوات او جيبوهم درناهم ديك الساعة عندهم ب 500 درهم ب 3 او رديناهم لو كي؟أكد اللي قالنا فالاول او قالي الى بغيتي ترتاحي اكثر كل 6 أشهر عاودي هاد 3 راديو او غتلاحظي الفرق. شوية معطبت ولدي بوسواسي حتا الاطباء ماشي بحال بحال معمركم تغامرو بصحة ولادكم
    [FLASH=http://im62.gulfup.com/ZqjYN7.swf][/FLASH]
    • WhatsApp

    #2
    والله ياختي الى خلعتيني ودرتي فيا الشك والوسواس حيت حتى انا عندي بنتي رجيلاتها مقوسين خصوصا اليسرى عندها عام و 4شهور وكنت ناويا نديها لطبيب بدير ليها الراديو لي قلتي وخا الناس كيقولو لي را عادي وغادي يتقادو رجيلاتها من بعد دابا ماعرفت ماندير والله

    تعليق

      • WhatsApp

      #3
      الحمد لله على سلامتو
      ويكون فعونك ديك الساع
      ان شاء الله يكون كلشي بخير
      الله يصلحهم ويخليهم لك

      تعليق

        • WhatsApp

        #4
        اختي الحمدالله ربي تيدير الخير اما الاطباء الاغلبية لهلا يوصل عندهم شي مسلم الله يرزقنا الصحة والشفا من عندو وعلى سلامت ولدك الحبيبة ربي بغاكم من التكرفيس الله يحد الباس على جميع المسلمين

        تعليق

          • WhatsApp

          #5
          الحمد لله على سلامتو
          ويكون فعونك ديك الساع
          ان شاء الله يكون كلشي بخير
          الله يصلحهم ويخليهم لك


          قال تعالى : ** مَن يَعْمَلْ سُوء اً يُجْزَ بِهِ ** النساء123

          تعليق

            • WhatsApp

            #6
            تيقولو كل توخيرة فيها خيرة وعسى ان تكرهو شيئا وهو خير لكم الحمد لله على سلامة ولدك وربي دار ليك فيها خير
            والمشكل لي عند ولدك عادي محدو تيكبر ورجليه يتقادو غير حاولي توكليه مزيان الاشياء الغنية بالكالسيوم والحديد


            تعليق

              • WhatsApp

              #7
              اوا الحمد لله اختي وعلى سلامة ولدك ربي كيحفظ الحمد لله

              تعليق

                • WhatsApp

                #8

                اوا الحمد لله اختي وعلى سلامة ولدك ربي كيحفظ الحمد لله






                اللهم إجعل والدي ممن تقول له النار اعبر فان نورك أطفأ ناري





                تعليق

                  • WhatsApp

                  #9
                  ربي يخليه ليك


                  الهدف الاول 62 ان شاء الله
                  sigpic


                  ام ادم وريان

                  تعليق

                    • WhatsApp

                    #10
                    اختي ربي دار ليكم السبب باش تأجلو ان شاء الله يكبر وتقاد كلشي ، انا عمري مانتبعه لولدي غدا نصبح عليه نفحصو بعويناتي ههه

                    تعليق

                    يعمل...
                    X