ArabicEnglishFrenchSpanish

.

غريبة اللوز بالشكلاط و نكهة البرتقال حلوة راقية للمناسبات السعيدة من مطبخي بالصور

X
 
  • -
    • WhatsApp

    غريبة اللوز بالشكلاط و نكهة البرتقال حلوة راقية للمناسبات السعيدة من مطبخي بالصور



    أخواتي الحبيبات
    نتمنى من الله تكونوا كلكم بخير و بأحسن حال.اليوم جايبة ليكم غريبة راقية ممكن تحضروها فالمناسبات و الأعياد.عليها الطلب بزاااف فالأعراس مؤخرا صايبتها لواحد الخطوبة وقلت علاش ما نعطي أخواتي المقادير ديالها و الطريقة باش تصايبوها و تتبرعوبيها على روسكم و وليداتكم و أحبابكم...

    بسم الله و توكلنا على الله



    غريبة باللوز و الشكلاط







    المقادير:

    نصف كيلو لوز بلدي مفسخ و مطحون مع
    رابعة سكر سنيدة
    2 أكياس خميرةالحلوة
    قشرة ليمونة برتقالةمحكوكة
    2 معالق كبار شكلاط غبرةمن نوع جيد
    3 أصفر البيض
    2 معالق كبارالماء الزهر
    ملعقة كبيرة الزبدة مدوبة
    ملعقة كبير كونفتير المشماش


    للتزيين
    الماء الزهر
    السكر كلاصي


    الطريقة

    نطحن اللوز مع السكر .نضيف ليه الشكلاط غبرة مغربل,قشرة الليمونة,صفار البيضات الزبدة مدوبة,الكونفتير و الماء الزهر.نخلط مزيان نغطيه بالبلاستيك الغدائي و نخليه لمدة 12 ساعة على الأقل في الثلاجة.من بعد نزيد الخميرة و نخلط مزيان.




    ندهن يدي بالماء الزهر و نعمل كويرات




    ندوزهم في السكر كلاصي و نضغط عليهم شوية.






    نحطهم في لاطة مفروشة بالورق السولفيريزي





    ندخلهم لفرن ساخن و ننقص عليهم .نخليهم حتى تشقق مزيان الغريبة و تشد فراسها.و هاهي واجدة.







    اللهم أدمها نعمة و بارك لنا فيها و احفظها من الزوال

    إن شاء الله تجربوها و اللي عجبتها تدعي ليا شي دعوة الخير بظهر الغيب و ربي يعطيها مثل دعواتها و يجازيها بأحسن منها.

    لكن تحيتي و خالص محبتي



    • WhatsApp

    #2
    تبارك الله عليك حلوا غزال رنني عدي ناخد منها الل بعيتي حيت دخلت انا الاولىههههههههههه

      • WhatsApp

      #3
      الله يعطيك ما تمنيتي

        • WhatsApp

        #4
        باينة غادي تكون حلوة لديدة ,الله يعطيك الصحة اختي
        ويجازيك بالف خير
        تم التقييم عزيزتي

          • WhatsApp

          #5
          باينة غادي تكون حلوة لديدة ,الله يعطيك الصحة اختي
          ويجازيك بالف خير
          تم التقييم عزيزتي

            • WhatsApp

            #6
            شكرا على هده الحلوة و الله يعطيك كل ما تمنيتي

              • WhatsApp

              #7
              اختي وردة سمحلي نسولك واش نسبقوها في الفرن من تحت عاد نطلعها الى الفوق وشكرا

                • WhatsApp

                #8


                تبارك الله عليك جاتك فننننننننننننننننة احلى تقييم مع شكر واعجاب




                  • WhatsApp

                  #9
                  الله يعطيك الصحة اختي ليلى
                  ويجازيك بالف خير ويعطيك ماتمنيتي في خاطرك








                  أحبكن في الله

                    • WhatsApp

                    #10
                    بارك الله فيك اختي غريبة تشهي ومنظرها رائع
                    سلمت يداك

                    ...
                    X