السلام عليكم
نتمنى هاد التطبيقات يعجبوكم




تطبيقي لجينواز المشرفة لونا الله يعطيها الصحة





موجودة هنا

http://www.anaqamaghribia.com/vb/sho...d.php?t=249688

تجربتي لكاطو سواري بطريقة ناني 73 الله يجازيها عنا كل خير



المقادير كيف ما سجلتهم :
7 بيضات / 210 سكر / 210 دقيق / 2 اكياس فاني / 2 خميرة
طربت البيض مع 4 معالق ماء ساخن و الفاني شي 2 دقايق تقريبا
عاد زدت السكر على ثلاث مراحل و مواصلة الضرب على السرعه العاليه حتى طلع الخليط مزيان و نزلت السرعه و بديت كنزيد الدقيق + الخميره شويه شويه حتى تجانس ممكن تستغنيو عن الضراب الى كتزيدو الدقيق و تستعملو الملعقه الخشبيه فقط و نصبوها في طاوة مغلفه بورق سيلفيريزي ثم نخبز الجينواز في الفرن على درجة 5/6
منين تخرج من الفرن نخلليها تبرد شويه و نقطع الجوانب نقسم الجينواز على زوج نسقي كل قطعه بليمونادا (سبرايت) و كنسقي كل وجه بكاس صغير (يعني كنقلبها ) و حتى القشره الغامقه كنزولها كنغطي القطعه بالشانتيي و نرشها بحب الملوك مقطع صغير و نغطي بالقطعه الثانيه من الجينواز اللي حتى هي سقيتها بالليموناد من الوجهين و نغطي بطبقه كثيفه من الشانتيي ندخلها للثلاجه

وأيضا جربت صابلي الخنجر والشميشة من منتدى آخر للآخت أم أميمة الله يخلي ليها وليداتها







المقادير كالتالي
صابلي الخنجر:

100 غ زبذة،غ70 سكر كلاصي،بيضة،غ60 بودرة اللوز،شوية الملح،فاني،الطحين حسب الخليط
كنخدمو الزبذة مع السكر كلاصي الفاني ولملح
ثم كنضيفو البيضة
ثم بودرة اللوزثم كنضيفو الطحين بشوية بشوية حتى يتجع لينا الخليط كنطلقو العجين بلمدلك ثم كنعاودو ليه بمدلك لمشرط
وكنطبعو بطابع على شكل خنجر وكندخلو الحلوى للفرن مين كتخرج من الفرن كنغطسو يد الخنجر في الشكلاط
وكندهنو الرأس بالناباج المخلوط مع الكليكوز وكنرشو باللوز المحمر والمهرمش

بالنسبة لية مزوقتوش باللوز حيت خرجلي الرشم صغير ماشي كبير

صابلي الشميشة معمرة:

غ250 زبذة،كاس الزيت،2 كيسان سكر كلاصي،راس م.ص بودرة الفاني،حامضة محكوكة،2 بيضات،2 م.ك لوز مطحون بقشوره والطحين حسب الخليط
كنخلطو الزبذة والزيت والسكر كلاصي والفاني والملح
ثم كنضيفو البيض ثم اللوز ثم كنضيفو الفورص بشوية بشوية حتى يتجمع لينا
الحشوة
50 غ عسل،غ50 كليكوز،غ50 زبذة،غ50 سنيدة،غ100 لوز مهرمش
كنديرو العسل والزبذة والكليكوزوسنيدة فوق النار حتى الغليان ثم كنضيفو اللوز ونحركوه بسرعة ومزيان ثم كنزولوه من فوق النار ثم كنضيفو ليه روح البيستاش أو روح الفرمبواز
كنطلقو العجين وكنطبعو بطابع شميشة وكنطبعو الوسط ديالها وكنزورو ديك العجين باش تصبح فارغة وكنعمرو بالحشوة وكندخلوها للفرن

وأيضا صابلي باللوز والكراميل للمشرفة أم هداية[/
COLOR]


المقادير بالرابط
http://www.anaqamaghribia.com/vb/sho...d.php?t=262078


والعصير المرافق هو عصير بديعة الله يعطيها الصحة

والى اللقاء في تجاريب أخرى ان شاء الله