السلام عليكم الانيقات


يتبث الموضوع
بسمة الأمل
21/06/2012


جبتلكم اليوم طريقتي في تحضير المسمن المعمر خصوصا للمبتادئات حيت كلنا مرينا من نفس المرحلة اكنحتاجوا ليشرح لينا بتفاصيل المملة لمهم بلا من نطول عليكم

هنحتاجو عجينة عادية ديال لمسمن
الحشو
بصلة مشلضة
فلفلة مقطعة رقيق
هبرة دجاج مقطع رقيق
قزبور مقطع رقيق
م ص قزبور يابس
م ص هريسة( الحار)
م ص معجون الطماطم
نصف م ص كامون
م ص ملح +ضامة كنور
نصف م ص بزار
نصف م ص سكنجبير
شوية دزيت باش نشحر لحشو
الشعرية الصينية
فرماج
دابا ندوزو لطريقة
كنشحر لبصلة ولفلفلة بشوية دزيت تنضيف عليهم تقاطع الدجاج ولعطرية
وتنخليهم اتقلاو شوية تنكون رقدت الشعرية الصينية في الما طايب او درتها تستقطر فشي شبيكة
من بعد متقلات ليا الحشو كنخليها تبرد ونضيف عليها الشعرية

كنبسط كويرة دلعجينة رقيق بزيت ونضيف الحشو لوسط طريفات دجاج الكبار نفرتتهم بدية باش ميقطعوش ليا العجينة تم ندير الفرماج من لفوق نتني لجوانيب لكن الجانب الاخير نقلبو للخلف باش ميخرش ليا الحشو



نخليها تترخف شوية ونسخن لمقلة مزيان او نبدا نطيب
هاهو الشكل النهائي

نتمنى يعجبكوم غير جربوه راه كيجي بنين بزاااف
كنتضر تشجيعاتكم و شي دعيوات دلخير
في امان الله