23/03/10
34437
Tweet
السلام عليكم
اليوم بغيت نشارك معاكم بهاد المثلج نتمنى يعجبكم مكوناتو بساط والأهم أنه لذيذ وكيبرد فهاد الصهد هههههههه
المقادير :
ربع ليتر كريم فريش هولالا
3 بيضات
نصف حك نسلي طايب (كرامليزي )
قبصة ملح
كيس فاني
للتزيين
حبوب الشكلاط
الطريقة :
في ايناء كنخلط بالطراب الكهربائي نصف كمية الكراميل مع اصفر البيض ونخلطو مزيان حتى يتجانس الخليط
في ايناء أخر نخدمو لاكريم فريش ونطلعوها مزيان ونضيفوها على الخليط الأول
ثم من بعد نخدمو أبيض البيض حتى يولي بحال الثلج ونضيفوه تدريجيا على خليط لاكريم وأصفر البيض مع التحريك بالمعلقة خشبية من الأسفل الى الأعلى
ناخد ايناء طويل نضع نصف الخليط ثم الكراميل اللي خلينا ثم باقي الخليط وندخلوه المجمد ليلة كاملة
من بعد مانبغيو نقدموه نخرجوه قبل بشي 15 دقيقة ونحطوه فطبق التقديم ونزوقوه حسب الرغبة والموجود أنا زينتو بحبيبات الشكلاط كبار وصغار وبالصحة والراحة
نخليكم مع المراحل المصورة نتمنى يكون الشرح واضح
* ملاحظة :
ممكن عوض لاكريم فريش نديرو كيس من بودرة كريم شانتي مع كاس كبير الحليب حتى هي كتجي زوينة
نتمنى ينال اعجابكم
وهذا طريف لأول وحدة دخلات لموضوعي
تعليق