أجيو نتعاونو وندخلو السعادة لحياتنا؟

[عطر عربي]

ههههههههه غير ما تعصبيش اختي بشوية عليك بالحرف بالحرف حتى تكمل احنا معاك ومتبعين كل الخطوات :74:

هههههه عرفتي مع دوزت تقريبا شي ساعتين وانا كنكتب وكنقلب على الصور حتى قاديت كولشي ودرت اللوينات وصيفط الرد ساع تبلوكا البيسي ودابزت معه شحال وفاش شعل لقيت دكشي ليكتبت طار منكدبش عليك حسيت بصهد فودنيا وحرارة ودوخة وجاتني البكية ههههههههههه

ان شاء الله نعاود نكتب من جديد الله يقدرني

[زوجي دنيتي]

هههههه عرفتي مع دوزت تقريبا شي ساعتين وانا كنكتب وكنقلب على الصور حتى قاديت كولشي ودرت اللوينات وصيفط الرد ساع تبلوكا البيسي ودابزت معه شحال وفاش شعل لقيت دكشي ليكتبت طار منكدبش عليك حسيت بصهد فودنيا وحرارة ودوخة وجاتني البكية ههههههههههه

ان شاء الله نعاود نكتب من جديد الله يقدرني

ههههههه حتى انتي عصبية بحالي رخفي على نفسك شوية كيف بقيتي دابة

[ام محمد ريان والاء]

حبيبتي مشاء الله عليك بداية موفقة ونحن معاك حتى الاخير انشاء الله

[عطر عربي]

jamiiiil okhti hada tar7 machallah 3aliki motamayiza nantadiro itlalataki ra9iya inchallah.9obolatiiii

انت الأجمل اخيتي وسعدت جدا لمرورك وتشجيعك اتمنى الا تحرموني من تواجدكم فبدونكم لا اهمية لما اكتبه. واحلى القبلات الاخوية لك

ههههههه حتى انتي عصبية بحالي رخفي على نفسك شوية كيف بقيتي دابة

لالا ماشي عصبية غي بقا و فيا دوك الساعتين كتبت فيهم جريدة ههه ولكن لعله خير الحمد لله هاني بديت تنعاود نكتب ان شاء الله يوصل ليكم كلامي ويوصل ليا حتا انا معكم

حبيبتي مشاء الله عليك بداية موفقة ونحن معاك حتى الاخير انشاء الله

بارك الله فيك حبيبتي في الله وشرف لي ان تتفاعلن مع الموضوع جزاكن الله خيرا

[عطر عربي]

قال تعالى
وماخلقت الجن والإنس إلا ليعبدون



وطبعا كلنا عارفين أن الهدف الأسمى من تواجدنا فهاذ الكون الرحب هو نعبدو الله حق عبادته هدا هو الأساس فكل شئ ولي خصنا نوضعوه قدام عينينا فكل خطوات حياتنا أي حاجة بغينا نديروها نشوفو واش تتقربنا من الله أو تتبعدنا منو تعالى هادشي لي خصو يدار وخا الله يسمح لينا بعض المرات كنجارفو ضد التيار وكنساو هادشي وكنتلاهاو مع الحياة وكيغرنا الشيطان الله يلعنو ولكن مخصناش نستسلمو مادمنا احياء خصنا ديما نجاهدو ونقاومو الشيطان حيث هو أضعف منا وبزاااافوحنا فهاد التجمع بغينا نحاولو نتعلمو كيفاش نعيشو حياتنا بسعادة ونرضاو بالواقع ديالنا وانفسنا ويبغيونا الناس ليدايرين بينا وهادشي كولو المفتاح ديالو هو اولا نرضيو الله ليخالقنا ونوصلو لحب الله



بيني وبينكم ضروري تكونو صادفتو فحياتكم شي سيدة متتعرفوهاش ومن اول لقاء معها كتبغيوها لله كتحسو بواحد الاحساس غريب من جهتها وخا متتعرفوهاش تتمناو تبقاو غي تشوفو فيها وكتشتاقو ليها وكدخل لخاطركم من باب الواسع تحسو بيها نقية وظريفة وطيبة متملوش منها ياك؟؟وكتفاجأو بان ماشي غي نتوما لي كتبغيوها انما ليجلسات معه تيحبها الصغار والكبار الى دخلات لشي مجلس كلشي كيفرح بمجيتها والى مكانتش فشي بلاصة كيسولو عليها الناس وكيفتقدوها؟؟؟؟عرفتو السر اشناهو؟؟؟



السر كين فهاد الحديث الصحيح

عن أبي هريرة عن النبي صلى الله عليه وسلم قال إذا أحب الله عبدا نادى جبريل إن الله يحب فلانا فأحبه فيحبه جبريل فينادي جبريل في أهل السماء إن الله يحب فلانا فأحبوه فيحبه أهل السماء ثم يوضع له القبول في أهل الأرض

ملي قريت هاد الحديث عرفت بان محبة الناس لشي حد ماشي مبنية على المظاهر فمهما طلينا وجوهنا ولبسنا الغالي وتزينا وتعطرنا بأفخم العطور ومهما حاولنا نكون راقيات وزوينات ومهما حاولنا ندخلو لقلوب الناس بهاد الطريقة مغاديش نفلحو .اه ممكن ينبهرو بينا الناس ويحبونا ولكن هاداك الحب كيكون وقتي غي تيفوت واحد المدة كيمشي وكتولي عندهم عادية ولا أقل من عاديةاما الحب والقبول لي كيوضعو الله للناس ليقراب منو فهو حب مغانحصلوهش فبلاصة اخرى من غير التقرب منو وسعينا لنيل حبه تعالىكنظن اننا كلنا بغينا نحصلو على حب اقرب الناس لينا عائلاتنا اصدقائنا ...الخ وكلنا كنتمناو نكونو مقبولين ماشي منبودين ايوة مهما حاولنا ومهما تعلمنا فنون الحب وفنون التعامل مع الناس مغاديش نوصلو لهدشي الا بطريق الله


قراو معايا كذلك هد الحديث

وعن أبي هريرة رضي الله عنه قال : قال رسول الله صلى الله عليه وسلم : (( إن الله تعالى قال : من عادى لي ولياً ، فقد آذنته بالحرب، وما تقرب إلي عبدي بشيء أحب إلي مما افترضت عليه، وما يزال عبدي يتقرب إلي بالنوافل حتى أحبه، فإذا أحببته، كنت سمعه الذي يسمع به، وبصره الذي يبصر به، ويده التي يبطش بها، ورجله التي يمشي بها، وإن سألني، أعطيته، ولئن استعاذني، لأعيذ نه )) رواه البخاري


وقال تعالى: ( قُلْ إِنْ كُنْتُمْ تُحِبُّونَ اللَّهَ فَاتَّبِعُونِي يُحْبِبْكُمُ اللَّهُ وَيَغْفِرْ لَكُمْ ذُنُوبَكُمْ وَاللَّهُ غَفُورٌ رَحِيمٌ ) [آل عمران:31]


خلاصة القول خصنا نجددو النية ونقويو علاقتنا بالله ونتبعو الرسول عليه الصلاة ونحاولو نغيرو طريقة صلاتنا نغيروها للأحسن نتخشعو فيها ونستغفروووو نستغفرو بزاف بزاف باش الله يغفر لينا خطايانا واي حاجة بغينا نديروها نشوفو اولا واش غتقربنا ولاتبعدنا من الله... وطبعا فالانترنت كين بزاف ميتقرا فهاد الجانب وكلنا تقريبا كنعرفو كيفاش نتقربو من الله وماعلينا غي نزيدو نقراو على أهمية تجديد النية والتعلق بالله وماشي الى واجنا اي مشكلة نجريو ندقو كل البيبان ونبكيو ونتشكاو وننتقدو الظروف ونتشاءمو ونساو بان فوق كل الظروف وفوق كل الخلق كاين خالق قادر فلحظة يفرج هم كل واحد فينا ويبدل حزن ديالو بسعادة



يالاه حبيباتي نطبقو الخطوة الأولى ونتقربو من الله بكل الوسائل نشوفو فين مقصرين فعباداتنا نصلحوها ننقيو قلوبنا من الاحزان والامراض والحسد ونتوبو لله ونخليو هاد البداية ولادة جديدة لينا بحال الى عاد جينا لهاد الحياة


خليونا منكونوش انانيات ونفكرو غي فريوسنا بل نفكرو فالله قبل كلشي نشوفو شنو لي ناقصنا ونجلسو جلسة محاسبة للنفس نحاسبو فيها انفسنا على أخطاءنا وذنوبنا وتقصيرنا في العبادات ونطلبو الله يعينا باش نرتقيو ونرددو ديما



اللهم رزقنا حبك وحب من أحبك وحب عمل يقربنا إلى حبك
اللهم حببنا اليك وإلى ملائكتك ورسلك وجميع خلقك


اشراقة لي بغات تصلي بخضوع وتستمتع بالصلاة كنصحها تشوف هاد السلسلة سميتها كيف تتلذذ بالصلاةhttp://www.youtube.com/watch?v=JPxzYEScHHs



كنتمنى لي عندها اظافة لهاد الجزء تضيفو باش نستافدو وناقشو الموضوع ميكونش مقتصر فقط عليا راه هذا موضوعنا جميع بغينا نتعاونو فيه ونشجعو انفسنا باش نتغيرو للأحسن وخصوصا اننا على أبواب رمضان بغينا تكون هدي بداية لينا ان شاء الله بداية السعادة والحب في حياتنا...في انتظاركم
أحبكن في الله



مخرج

[عطر عربي]

السلام عليكم اين انتن عزيزاتي معجبكمش الموضوع

[amira dud]

تبارك الله عليك اختي عطر عربي والله اجعلوا في ميزان الحسنات
موضوعك مميز يستحق الشكر
الله يعطيك الف صحة وعافية
بوركت جهودك المثمره
قلم مبدع ورائع
احسنت الانتقاء
تحيتي لسموك الراقي

[ام جومانة]

بارك الله فيك
عليكم السلام ورحمة الله اكيد اختي مرحبا بيك الف مرحب لي بغا يحبوه الناس ويبغيوه ويعيش فساعدة خصو اول حاجة يبغي راسو ويدللها ويقلب على السعادة فداخل ديالو لشي لي كينعكس على الاخرين ولي بانلي ان كل المواضيع او اغلبها كتحدث عن كيفية اسعاد الاخرين وكينساو انفسهم وانا بغيت فهاد الموضوع نركز على النفس قبل الغير وانا سعيدة حيث نضميتي ليا منبقا تنتحدث غي بوحدي هههه
مرحبا بيك اختي نورتيني وان شاء الله نبداو اول خطوة

ألف شكر على هاد الموضوع الأكتر من رائع
فعلا أختي أنا من النوع اللي دائما أطمح لإسعاد الآخرين وأنسى نفسي وديمة نلوم نفسي على أي حاجة طرات وهدي لاحضها فيا راجلي وتيقولي ديما رخفي على راسك راه شي نهار تصطاي

[للسبيل عابرة]

السلام عليكم اين انتن عزيزاتي معجبكمش الموضوع

و عليكم السلام و رحمة الله و بركاته

كيفاش اختي ما عجبناش الموضوع؟؟ بالعكس نقدر المواضيع التي تكون من المجهود الشخصي
بداية موفقة و ننتظر المزيد جزاك الله خيرا على كل هذا المجهود الذي تبذلينه من أجل إفادة أخواتك في الله
موضوعك يستحق التقييم و التثبيت سلمت يمينك
متابعة معكن إن شاء الله

[للسبيل عابرة]

إهداء لكل المشاركات في رحلة البحث عن السعادة الحقيقية .....