تبارك الله عليك أختي موضوع رائع ماشاء الله ,وعندك الحق الحبيبة فكل شيء ذكرتيه.

اختي بارك الله فيك موضوع قيم ومهم ومابقا لينا مانزيدو من ورائك الله يجزيك بالخير
متابعة ليك بإذن الله ونجددو التوبة وخصوصا اننا على أبواب رمضان

السلام عليكم ورحمة الله وبركاته فرحتوني بردودكم حبيباتي وعطيتوني حافز باش نكمل ان شاء الله الله يخليكم ويجازيكم بخير وعواشكركم مبروووكة الله يبلغنا رمضان ويتقبل منا ويهدينا آمين

آمين يارب الله يجازيك بمثل مادعيتي لي اختي وشكرا جزيلا على التشجيع والرد الذي اسعدني

العفو عزيزتي
لا أكبر غلط اختي تنديروه هو اننا تنساو راسنا وتنحاولو نسعدو الناس ولكــــــــــــــــــــن فاقد الشئ لايعطيــــه غي بقاي معنا غنتعلمو مع بعضنا كيفاش نغيرو طريقة عيشنا للافضل ان شاء الله وغنعيشو فسعادة لي غتنعكس على كل لي حدانا بحول الله
مشكوووووووووووورة
الله آمين يارب ولك بالمثل واكثر اختي اسعدتيني بهذا الكلام اسعدك الله واسعد كل أخواتي هنا
ويسرني تواجدك لاحرمناه
هدية جميلة منك اختي الشكر الجزيل لشخصك الكريم ونسأل الله تعالى أن يكرمنا بالسعادة والايمان والقرب منه


الله يبارك فيك وينورك اختي
امين وبارك الله فيك اختي ام الحبايب والله يخليلك الحبايب ويحفظهم
شرف لي ان تتواجدي معنا هنا لاحرمنا هذا الشرف
نعم اختي خصنا نجددو التوبة ونشوفو الحياة بمنظور اخر ونسأل الله ان يبارك لنا في مسيرتنا نحو التغيير خصوصا واننا على ابواب اعظم شهر
اللهم بلغنا رمضان

غدا إن شاء الله نهضرو على الخطوة الثانية لي هي

الخطوة الثانية: لا تتوقعي أن يحبك الناس مادمت تكرهين نفسك

جزاك الله خيرا اختي على موضوعك القيم وجعله في ميزان حسناتك ننتظر التتمة

السلام عليكم ورحمة الله نهاركم مبروووك أخواتي

ام محمد الله يبارك في عمرك أختي وشرفني مرورك

اخواتي قبل ماندوز للخطوة الثانية بغيت نضيف شي حاجة على الخطوة الاولى الى سمحتولي نسيت مذكرتها

هدي شحااال مشينا انا وصحاباتي عند صحبتنا فدارهم وجلسات معنا أختها وهو يأذن الظهر وناضت خلاتنا شوية وهي ترجع وهي أنيقة ولابسة ملابس الخروج ودايرة ريحة وجلسات معنا كتلبس التقاشر وهي تسولها وحدة من صحاباتي فلانة غتخرجي قالتليها لا بغيت غي نصلي علاش؟قالتلها غي شفتك لبستي وتأنقتي قلت ياكما معروضة وهي تجاوبها واحد الجواب لحد الساعة باقي تنعقل عليه وكنقدرها على دك التفكيـــر بزااااف قالت احنا تنوجدو ونلبسو احسن ماعندنا ونتعطرو الى كنا معروضين والأولى نلبسو أجمل ماعندنا ونكونو فأحسن حلة واحنا وقفين قدام الله فالصلاة
وفعلا عندها الصح الى فكرنا كيتتكون حالتنا فوقت الصلاة وكيكتكون فاش تنكونو خارجات لشي عراضة كنلقاو اختلاف كبيــــر وغريب
كنت سمعت فواحد البرنامج ديال أحمد الشقيري كيهضر على الخشوع وكان من بين النصائح انك تخصصي لباس خاااص تلبسيه غير فالصلاة يكون زوين وووقتما بغيتي تصلي تلبسيه وديري عطر يكون تاهو غي لوقت الصلاة باش مع الوقت غي تفرشي صلايتك وتلبسي لباسك وديري دك العطر كدخلي فجو الصلاة وكتنساي الدنيا
هي فكرة زوينة, مثلا الى فايت ستعملتي عطر معين فشي فترة من حياتك فالماضي وقتما شميتيه دبا كترجعي لديك الفترة واحاسيسك كلهم كيتغيرو فلحظة كتفكري شي بلاصة كنتي فيها ولا شي ناس كنتي معهم ساعتها؟؟ ايوة راه نفس المبدأ

هذي هي الحاجة الأولى ليكنت بغيت نضيفها وتاني حاجة كتخص الذكر
عندي فكرة باش تحافطو على الأذكار فالمنزل كتختاري ذكر معين بحال التسبيح مثلا في الوقت ليتتكوني فيه تتجمعي الدار وتصيقيها والتحميد الى كنتي فالكوزينة والاستغفار الى كنتي جالسة مكديري والو الخ يعني كتربطوه مع الاشغال باش تبرمجو على الذكر فالبيت وهكا غتتفكري تذكري الله فكل الأوقات

تبارك الله عليك أختي
إن شاء الله نكون معكم

موضوع جميل جزاكي الله خيرا عليه
ساتابع معك

السلام عليكم
أم بسمة المغربية والطيبة الله يبارك فيكم حبيباتي ومرحبا بيكم نورتووووني نهاركم مبرووك ومليئ بالطاعات