ندوزو دبا إن شاء الله للجزء الموالي لي كيتحدث عن حب النفس واعطاءها حقها

كنظن كتعرفو حديث سلمان المعروف مع أبي الدرداء

عَنْ عَوْنِ بْنِ أَبِي جُحَيْفَةَ عَنْ أَبِيهِ قَالَ آخَى النَّبِيُّ صلى الله عليه وسلم بَيْنَ سَلْمَانَ وَأَبِي الدَّرْدَاءِ فَزَارَ سَلْمَانُ أَبَا الدَّرْدَاءِ فَرَأَى أُمَّ الدَّرْدَاءِ مُتَبَذِّلَةً : فَقَالَ لَهَا مَا شَأْنُكِ ؟
قَالَتْ : أَخُوكَ أَبُو الدَّرْدَاءِ لَيْسَ لَهُ حَاجَةٌ فِي الدُّنْيَا ،
فَجَاءَ أَبُو الدَّرْدَاءِ فَصَنَعَ لَهُ طَعَامًا ، فَقَالَ : كُلْ قَالَ : فَإِنِّي صَائِمٌ ، قَالَ مَا أَنَا بِآكِلٍ حَتَّى تَأْكُلَ ، قَالَ فَأَكَلَ
فَلَمَّا كَانَ اللَّيْلُ ذَهَبَ أَبُو الدَّرْدَاءِ يَقُومُ ، قَالَ نَمْ فَنَامَ ثُمَّ ذَهَبَ يَقُومُ فَقَالَ نَمْ فَلَمَّا كَانَ مِنْ آخِرِ اللَّيْلِ ، قَالَ سَلْمَانُ قُمِ الْآنَ ، فَصَلَّيَا
فَقَالَ لَهُ سَلْمَانُ : " إِنَّ لِرَبِّكَ عَلَيْكَ حَقًّا وَلِنَفْسِكَ عَلَيْكَ حَقًّا وَلِأَهْلِكَ عَلَيْكَ حَقًّا فَأَعْطِ كُلَّ ذِي حَقٍّ حَقَّهُ "
فَأَتَى النَّبِيَّ صلى الله عليه وسلم فَذَكَرَ ذَلِكَ لَهُ فَقَالَ النَّبِيُّ صلى الله عليه وسلم صَدَقَ سَلْمَانُ ) رواه البخاري .



شفتو معايا أن حق النفس كيجي من بعد حق الله تعالى متوقعيش أبدا يحبوك الناس إلى كنتي أصلا محاملاش راسك غتقولو ليا واش كاينة ليمكتحمل راسها؟؟

آه كاينة
كينة للي متتحملش تشوف راسها فالمراية حيث مكيبانليها إلا الجانب الخايب, ولي مكتحملش تجلس بوحدها باش متفكرش فحظها السيئ , ولي كتفكر غي فلي ناقصها والى قلتيلها تكتب لك سلبياتها وايجابيتها فورقة غتكتب ليك لائحة مااطولها من السلبيات أما الايجابيات يعدون على أطراف الأصابع..وكينة لي ديما كتقارن بينها وبين النساء الأخريات وتندب حظ ديالها وتقول معندي زهر أنا مكنسواش أنا نستاهل اللي جرالي عندهم الحق الناس يكرهوني..كينين بزاااف ديال ضواهر تحقير الانسان لذاتو الى بديت نعاودهم مغاديش نسالي وهدشي مكنقولوش غي من فراغ بل من تجربة خاصة حيث كنت تنعاني من هاد الأمر والحمد لله قدرت نتجاوزو ونسترجع ثقتي بنفسي وحبي لنفسي قبل كل شئ وبغيت لي كتعاني منكم تاهي تخلص من هاد التعديب النفسي لي كديرو لنفسها

واش لي كتبقى كل ماتجلس مع صحاباتهاأو مع الناس تحدث على راسها بالخايب انا معكازة أنا مكنحملش راسي أنا حمارة"حشاكم" أنا معقدة أنا عندي مشكل فنيفي أنا فمي عوج أنا راسي كبيرمعنديش الزهر انا خيبة وزيد وزيد اربي واش توقعو الناس غيحبوها؟؟؟؟؟ يقدر يحسابليها كيبغوها حيث عندها بزاف الصديقات وتقدر تقول انا محبوبة حيث كيتصلو بي البنات يسولو علي الخ الخ ولكن صدقوووووووووووووني راه ماشي كيجالسوها حبا فيها انما شفقة عليها وغيجي النهار لي غتلقا الناس كيتفادو حتى يتلاقاوها وتقدر تلاقى مع اللي يستغلها ويبدا يستزف فيها وهي مسكينة ماصدقات لقات صديقة تحكي ليها عن مشاعرها السيئة وضروفها السيئة وحظها السئ......

معمرك تهبطي من قيمة راسك ولا تستصغري راسك لا قدام راسك ولاقدام الناس مهما وصلات بيك الحال ومهما كانت ليقدامك صديقة عمرك أو حتى اقرب المقربين منك متحدتيش على راسك بكره واستحقار راه غتبدلي نظرة نفسك لنفسك وحتى نظرة الآخرين ليك وخا كانو كيبغوك مع الوقت غيوليو ياخدو عليك النظرة لي انتي عاطياها لراسك وغيردو البال غي لنواقص ليعندك فاش تتقولي أنا نيفي كبير معقدني مثلا وخا تكوني زوينة راه كثيري انتباه الاخرين لنيفك كيوليو يلغيو كل الجمال ليفيك وينظرو غي لنيفك لي يقدر ميكون كبير لوالو غي انتي عاطيا الامر اكثر مما كيستحق فهمتووووني هدي ماشي دعوة للكبر والعياد بالله هدي دعوة لحب النفس وعدم بخسها حقها فقططططط باش متفهمونيش غلط حيث كين فرق بين الثقة بالنفس والكبر والتكبر الله ينجينا منووووو



يتبع ان شاء الله
مازال هناك المزيد والمزيد فلا تحرمووووني من تفاعلكن مع الموضوع باش منحسش اني كنهضر غي مع راسي ولراسي وشكراااااااااااااااااااااا

لي عودة ان شاء الله حيث هاد الجزء مهم بزاف بزاف بزاف وفيه ميتقال

السلام عليكم موضوع رائع كلمة السعادة كل حسب تفكيره ولكن تبقى السعادة البحث عن رضى الملك جل جلاله اللهم خذ بنواصينا اليك اخذ الكرام عليك اللهم احسن عاقبتنا في الامور كلها واجرنا من خزي الدنيا وعذاب الاخرة اهديك هذا البيت الشعري رب يوم بكيت فيه فلما صرت في غيره بكيت عليه لا تنسي اختي تحري ساعة استجابة الدعاء ما بين العصر والمغرب ادعي بصلاح حالي وحال المسلمين:84:

ها احنا سمحي لي تعطلت بالرد غفيت شوية لعقال لوليداتكم ولبنياتكم وللاخوات كانت خطبت اختي اول البارح ودارو العقد البارح الله يكمل عليهم بالخير وعاد رجعت للموضوع المفيد بزاااف
شكرا لك اختي الغالية وجزاك الله عنا كل خير والله يحسبو في ميزان حسناتك احسنت اختي جزاك الله خيرا

عليكم السلام ورحمة الله آمين يارب
اكيد اختي قمة السعادة هي البحث عن رضى الله
اسأل الله لي ولكم صلاح الحال آمين

خودي راحتك اختي
الف مبروك لأختك الله يكمل ليها بخير ويجعل كلش مبارك ومسعود والله يوفقها فحياتها
لاشكر على واجب عزيزتي وشكرا ليك على التواجد
نورتي

الله يبارك فيك اختي العزيزة عقبال لوليدات والبنيات ولعزيز عليك ولكل اخت باقة مامزوجاش الله يوفقهم ويرزقهم ازواج صالحين ويسعدك ويسعد كل الاخوات

معاك الحق إلا ماكانت الثقة في النفس وإعطاءها حقها ماكاين والوا وحتى أنا مريت من هاذ المشكل وكانت تقتي في نفسي معدووووووووومة

امين الزين وعقبالي تاانا هههههه اختك راه باقي مادة يديها للحنة
الله يسعدك ويحفظك منورة ليا الموضوع الحبيبة

اه اختي والله اخيب حاجة الانسان يحقر راسو كيفقد الثقة وحتى الناس لي كيعرفوه تيحقرووه اما الانسان الى عرف قدر نفسو وعندو الثقة فالنفس وكيحترم ذاتو كيما خلقو الله تعالى اكيد كيفرض الاحترام على الاخرين وصراحة كنظن كلشي داز من هديك المرحلة المهم غي الانسان يتدارك الموقف وميطولش فهديك الحالة حيث هي دمار بعينو
مشكووووووووووووووووووووورة

سلام...أهنئ العطر العربي المميز على موضوع الجميل و السعيد لأنو جاي من السعادة
شكرا شكرًا و جزاك الله خيرا .