أجيو نتعاونو وندخلو السعادة لحياتنا؟

[عطر عربي]

السلام عليكم ورحمة الله وبركاته حبيبااااااااااااااااااااااتي انا اسفة بزاااااااااف على التأخير الخارج عن الارادة كانت عندي بعض الظروف ومدخلتش النت هاد الايام وملقيتش الوقت باش نخبركم عن غيابي سمحوووولي
والان هاانا جيييييييييييييت وكلي امل خصوصا ان هاد الايام ايام مباركة وحنا مقبلات على شهر عظييييييييييم خصنا نستاغلوه احسن استغلال باش ندخلو السعادة لحياتنا ولبيوتنا وصدقوني الى درنا يد فيد وتعاونا غادي نعيشو احسن رمضان فحياتنا بحول الله وقوته غير نتوكلو على الله باش نعيشو احلى سعادة في الدنيا ولي مفتاحها أكيد هو الدين
كنشكر كل الاخوات لي سولو عليا الله يجازيكم كل خير اسعدني سؤالكن عني كثيرا بارك الله فيكن واشكر كذلك كل اخت خطت في هاد الموضوع الله يجعلو في ميزان حسناتنا جميعا
ان شاء الله غانجاوبكم وحدة وحدة غير دبا معرفت واش نكمل الفقرات والخطوات ليكنت كتبت في الاول أولا نديرو فقرات اخرين خاصين برمضان باش نميو فيه انفسنا على الصعيد الديني ومن بعد رمضان ان شاء الله نكمل دكشي ليجا في الفهرس؟؟؟؟كنتمنا تقولولي ارائكم ؟؟؟؟؟؟؟؟؟؟
رمضان مبارك كريم ادخله الله عليكن باليمن والبركات وجعلكم الله وايانا من العتقاء
اللهم بلغنا رمضان وانت راض عنا

[المعتمدة على الله]

اهلا اختنا صاحبة الموضوع الرائع
من رايي المتواضع مادام ان هاد الايام ديال رمضان الكريم نستغلوه افضل استغلال،ومن بعده ان شاء الله تستأنفي معانا اللي بديتيه و جزاك الله اختي خير الجزاء على المجهود الرائع
رمضان كريم.

[ام الحبايب 2]

على السلامة أختي عطر حتى أنا من رأي فقرات تخص رمضان بارك الله فيك وعلى مجهودك القيم
ومبروك عليكم رمضان والله يدخلوا عليكم بالصحة والراحة وزيادة في الإيمان وباشما تمنيتوا

[عطر عربي]

اهلا اختنا صاحبة الموضوع الرائع
من رايي المتواضع مادام ان هاد الايام ديال رمضان الكريم نستغلوه افضل استغلال،ومن بعده ان شاء الله تستأنفي معانا اللي بديتيه و جزاك الله اختي خير الجزاء على المجهود الرائع
رمضان كريم.

ترحب بيك اعالي الجنان أختي الغالية
بارك الله فيك وعلى فكرة الولييد لي فالصورة كيحمق ماشاء الله عليه وتبارك الله الى كان ولدك الله يخليه ليك ويحفظو ويجعلو من الصالحين البارين وحتى لمكانش ولدك الله يصلحو
شكرا على رأيك عزيزتي حتى أنا رأيي من رأيك

على السلامة أختي عطر حتى أنا من رأي فقرات تخص رمضان بارك الله فيك وعلى مجهودك القيم
ومبروك عليكم رمضان والله يدخلوا عليكم بالصحة والراحة وزيادة في الإيمان وباشما تمنيتوا

الله يسلمك وينجيك أختي أم الحبايب مشكوووورة على الرأي كنظن غيكون رأي كل الاخوات لي معنا هو نفسه لذلك نوقفو الفقرات لي كنا بادينها تالمور رمضان بحول الله ونخصصو هاذ الشهر لتحسين علاقتنا بالله عز وجل باش تكون البداية مبنية على أساس قوي ومن بعد غيجي التغيير اسرع ويكون اسهل ان شاء الله
اللهم آمين يارب ولك بالمضل اختي الله يدخلو عليك بكل ماهو جميل ان شاء الله وعلى كل اخت مسلمة

[أصيلة المسلمة]

أختي عطر عربي على سلامتك والحمد لله على ان غيابك في خير.وأنا معك ورايي من راي أخواتي المعتمدة عليه وأم الحبايب 2.والله يوفق الجميع لمرضاة الله عز وجل .

إعادة للمشاركة للتنبيه فقط

السلام عليكم ورحمة الله أخواتي الغاليات عضوات هذا التجمع أحبكن في الله عواشركم مباركة ارحو لكن السعادة والهناء.لنتحد ونكون اسرة واحدة يجمعها الحب والاحترام المتبادل ونساعد بعضنا البعض قدر المستطاع ونسال عن الغائبة منا .وندخل السعادة على بعضنا .فأنا محتاجة للصحبة وللحب .والدعوات الطيبة .والخير الدي لا يعدم من اي اخت منكن .

[عطر عربي]

أختي عطر عربي على سلامتك والحمد لله على ان غيابك في خير.وأنا معك ورايي من راي أخواتي المعتمدة عليه وأم الحبايب 2.والله يوفق الجميع لمرضاة الله عز وجل .

إعادة للمشاركة للتنبيه فقط

السلام عليكم ورحمة الله أخواتي الغاليات عضوات هذا التجمع أحبكن في الله عواشركم مباركة ارحو لكن السعادة والهناء.لنتحد ونكون اسرة واحدة يجمعها الحب والاحترام المتبادل ونساعد بعضنا البعض قدر المستطاع ونسال عن الغائبة منا .وندخل السعادة على بعضنا .فأنا محتاجة للصحبة وللحب .والدعوات الطيبة .والخير الدي لا يعدم من اي اخت منكن .

الله يسلمك أختي أصيلة وامين يارب الله يوفق الجميع
مشكوورة على رأيك السديد اخيتي الغالية وماشاء الله عليك ردودك جميلة
اما بالنسبة للتنبيه اوافقك الرأي فلنكن أخوات يجمعنا الحب في الله والتناصح لله ولنكن أسرة واحدة نأخد بأيد بعضنا البعض نحو السعادة ونحو القمم كل منا تساعد الأخرى بما تستطيع وتحتسب الأجر على الله ولانبخل على بعضنا بالنصح والرأي والمساعدة..
أسعد الله أيامك عزيزتي اعتبريني صديقة وأخت لك ونا بالمقابل أعتبرك وأعتبركن جميعا أخواتي في الله جعلنا الله واياكن ممن يضللهم الله بظله يوم لاظل الا ظله
لاتحرمينا من تواجدك ومن ردودك وأفكارك

[المعتمدة على الله]

اختي عطر عربي ما شاء الله عليك و بارك الله فيك على كل الكلمات الطيبة التي تنزل على قلوبنا كالبلسم الشافي،اختي نعم هو ابني و الوحيد و اسال الله تعالى ان يجعله قرة عين لي و لابيه و لجميع المسلمين و المسلمات و هو و جميع ابناء امتنا يارب.

[عطر عربي]

السلام عليكم ورحمة الله اخواتي


عواشكركم مبروووووووووكة الله يجعلكم وايانا من العتقاء

كنتمنى ليدخلات تقولينا كيفاش بغات يكون هاد رمضان وشنو ليبغات تغير او تصحح فيه؟؟ وواش درتو شي برنامج معين؟

[عطر عربي]

اختي عطر عربي ما شاء الله عليك و بارك الله فيك على كل الكلمات الطيبة التي تنزل على قلوبنا كالبلسم الشافي،اختي نعم هو ابني و الوحيد و اسال الله تعالى ان يجعله قرة عين لي و لابيه و لجميع المسلمين و المسلمات و هو و جميع ابناء امتنا يارب.

امين يارب العالمين الله يحفظ اولاد المسلمين من شر الفتن ومن كل بلاء ويهديهم يارب

[عطر عربي]

موضوع زوين بزاف وانا فاشد الاحتياج لكل كلمة كتكتبيها الله يفرحك كيفما فرحتيني

الله يزين ايامك ويعلي مقامك اختي وشكرا بزاف على هاد الدعيوة الجميلة

عندك لحق أختي عطر عربي، الجمال مكيعنيش حب الناس والثقة أبدددددا ، أنا غنعطيكم أمثلة من لواقع ديالي ، في لعمل ديالي كنشوف مثلا شي بنت مشي جميلة وكنشوف بأنها واثقققة من نفسها والشخصية قوييية، وأيضا كاينين شي بنات مثلا كتلقايها غليييييييظة بززززاف ومع ذلك تبارك الله واثقة من نفسها ، في حين أنا لحمد لله جسمي عادددي وكنقول في نفسي لو كنت مكانها مححححال واش غتكون عندي هد ثقة كامللللة ههههه، لأنو أنا لحمد لله معديش مشكل في الوزن ديالي ومعنديش هد ثقة هههه، وأيضا كنشوف أنهم لابسين ملابس بعض لمرات مكتكونش جات معهم أو متبرجة مثلا مزيرة وكتبين شي مناطق في لجسم وواثقققين من روسهم هههه في لمقابل أنا محجبة واللبسة جات معايا ومواثقاش في نفسي هههه٠ أما أختي أنا ملي كنكون حزينة وقبي عامرررر وهد لخصلة أصبحت في غي هد سنوات لأخيرة مبقققققيتش كنعاود على شي شخص وخى يكون قررريب أو كجيني، لا ، وليت غي كنكمل صلاتي و كنشكي ونفرغ قلبي لله تعالى ونتكلم ونقول لي ضارني ودعييي والله العظيم كنحس أن داك لحمل لي كنت هازا خفاففف وخرجت كولشششي وكنحس في ديك لحظة بواحد ثقة كبببيرة٠ أنا حكيت ليكم أخواتي أهم لمواقف وبغيتكم تستافدو وحتى نتوما حكيو لينا باش نفيدو بعضنا ونساعدو بعضنا، ونغنيو هد تجمع، ومنخلوش لأخت عطر عربي بوحدها غنرجع إن شاء الله٠

ربي يحفظك راكي منورة اختي اسماء وعندك الحق كنتمنى من البنات يتفاعلو معنا وكل وحدة تعتابر هاد الموضوع موضوعها
اما بخصوص الثقة فنفس لي هضرتي عليها عندك الحق كينين بزاف ماشاء الله ليعندهم الثقة فراسهم قوية رغم كل العيوب ليفيهم كنقدرهم صراحة حيث حتى واحد ماكامل الكمال لله تعالى الانسان هو لي يقوي شخصيتو ويثيق فراسو باش يقدر يعطي وينجز اما ليفاقد ديك الثقة راه غيبقا غي حابس راسو فدار مغايدير والو وهادش انا مريت منو شي نهار ان شاء الله نحكي لكم قصتي ولي تفكرت دبا هي واحد الاخت الله يذكرها بالخير فاش كنت تنقرا كنت كنتلاقا معها ديما فالمحطة حتى تعارفنا ومسكينة معندهاش واحد اليد وقع ليها شي حادث فالصغر وضطرو يقطعو ليها اليد من الذراع الله يحفظ المسلمين ولكن ماشاء الله عليها كن تشوفي شخصيتها تبارك الله واعاقة ديالها مخلاتهاش عائق باش تجلس فالدار بالعكس تسجلات فشي معهد كتعلم الفصالة وكتكافح وتركب فطوبيسات وخا مرة مرة كانت تحكي لي على معانات ديالها ونظرة المجتمع ولكن قدرات تحدى كل الظروف وتفرض شخصيتها وانا فواحد الفترة غي وقعو لي شي مشاكل وانا نحبس راسي فدار مكنخرج مكندرج قاطعت العالم كاملو باش تشوفي الفرق وكتاشفت بان الانسان الى ماقوى شخصيتو اي هزة صغيرها تقدر تحبطو وتسبب ليه اكتئاب اما لي عندو شخصية قوية رغم كل الصعاب كيقدر يجمع قوة ديالو ويكمل حياتو بحلوها ومرها
اما بالنسبة للحل لي عطيتي فهو احسن حل مكين مااحسن الواحد فوقما حس بهم وحزن يفرش صلايتو ويصلي يقرا قرآن يدعي الله يفرج همو اكيد عيحصل على لذة مابعدها لذة
كنتمنى الاخوات يشاركونا وتبارك الله عليك اختي متحرميناش من مشاركاتك

في الحقيقة اختي عندك الحق في كل ما قلتيه،ولكن القدرة انك تسعدي نفسك شوية صعيبة،ماشي مستحيلة،ولكن خاصها مراحل،وايمان كبير بان انفسنا و اجسادنا امانة عندنا خاصنا نحافظو عليهوم،و ممكن الانسان يوصل لهاد القناعات بعد معاناة و مجاهدة كبيرة للنفس.
اهنئك على الموضوع و على المجهود الرائعين،و انا بدوري محتاجة لهادشي كله،مع اني حسيت اني تغيرت بزاف و بديت كنقرب لنفس افكارك،و لكن بعد ماذا؟بعد معاناة و معاناة،و لكن الحمد لله ان الله تعالى كيوقف معانا،وفكل ابتلاء حكم و حكم......

نعم عزيزتي هي مهمة صعبة بزاف كنعترف بيها وماشي بين ليلة وضحاها نقدرو نتبدلو ولكن كيف يقولو قطرة بقطرة تيحمل الواد كون شتي انا المعاناة ليدوزتها وشحال وانا كنقلب ونقرا ونسمع قصص الناس حتى قتانعت اخيييييييييييييرا ان التغيير ممكن رغم كل شئ وقررت اني غادي نتغير ان شاء الله وغاندير المستحيل باش نرجع كيف كنت حيث كنت كنسعد راسي براسي وفواحد الفترة تبدلت 360 درجة وليت فحالة احباط ومعاناة وحزن دامت سنين لكن الحمد لله لي ساعدني وخرجت راسي من دك الحالة لي كانت غاتقضي علي وكيف قلتي الحمد لله لي تيساعدنا باش نتجاوزو الصعاب وكيوقف معنا ...ومازال خصني بزاف مزال كنقاتل لذلك حليت هاد الموضوع باش نتعاونو ونديرو يد فيد باش نتغيرو للاحسن مكينش مستحييييييييييييييييييييييل كل شئ ممكن كوني اكيدة اننا نقدرو نتغيرو للأحسن بحول الله وقوته
كيفرحني تواجدك اختي الغالية اشكرك جزيلا

جزاك الله خيرا أمتفقة معاك في كل ماقلتيه

وجزاك بالمثل وزيادة اختي اسعدني ردك

السلام عليكم ورحمة الله بارك الله فيكن اخواتي عن التفاعل اختي عطر عربي فعلا إن الثقة بالنفس الحميدة لها تاثيرات ايجابية ومنافع كثيرة على الفرد والمجتمع والمقترنة طبعا بالثقة بالله والتوكل عليه .فعلينا ان نتشبت بمبادئ ديننا الاسلامي ونتعوذ دائما من الشيطان الرجيم ومن النفس الامارة بالسوء ونجاهداهما حتى نرضي ربنا عز وجل . وان نتبع نهج سيدنا محمد صلى الله عليه وسلم بالاطلاع على سيرته النبوية وسيرة الصحابة والصحابيات رضي الله عنهم والعظماءلنتعلم منهم و لنقوي ايماننا واعتقاداتنا ونصبر ونستيقن ان هذه الدنيا دار ابتلاءات ودار فناء والاخرة هي دار النعيم و نترك وراءنا المخلفات المحبطة التي تؤدي بالمرء الى الانزواء وعدم الرضى . و تمنعه من الشعور بالسعادة والاستمرار في العطاء والتنمية .
إدا أحسست بضيق اتوضا وأصلي ركعتين اناجي فيها ربي واقرا كتاب الله عز وجل .ولاانسى الاذكار اليومية والله إنها لسعادة لا مثيل لها. فالحمد لله على نعمة الاسلام .

جزاك الله خيرا على هذا التدخل الرائع وصدقت بالفعل اطلاعنا على قصص العظماء وقبله قراءة سيرة رسولنا الكريم عليه افضل الصلاة والسلام تعطينا حافزا قويا لنتغيرولنعرف ان حياة بدون مشاكل لاتوجد الا في المدينة الفاضلة وفي مخيلة البعض وفي القصص الخيالية اما حياتنا فهي دار ابتلاء ودار كفاح وماهي الا قنطرة عبور وجب علينا ان نعد منها عدتنا نحو الحياة الخالدة نسأل الله ان يهدينا الى الصراط المستقيم ويعيننا على التغيير نحو الافضل
مشكوووووووووورة حبيبتي

موضوع ممميز تابعي اختي

بارك الله فيك اختي وشكرا على المتابعة

موضوع رائع اختي نحن جميعا في حاجة إليه ان شاء الله متبعة معاك ولي عودة باذن الله

مرورك اروع رزقك الله الفردوس الاعلى اختي
وشكرا على التفاعل
لاتحرمينا من تواجدك

ياريت أخواتي تعطونا مواقف وأمثلة من حياتكم كيف قالت لأخت عطر عربي ، باش نستافدو أكثر كيفاش اكتاسبتو صفات لي تكلمنا عليها والظروف لي ساعدتكم باش يتم إغناء لموضوع ، لأنو بلا تجارب وأمثلة من واقعنا كنشوفوهم ، في نظري غيكون كلام بدون تطبيق، لأنو لأخت عطر عربي بدات وعطاتنا أمثلة وحنا مخصناش غي نقراو وصافي ونكتفو بالشكر فقط ، خاص تكون واحد لمشاركة وهد شي لي كنتمنى

الله يرضي عليك اختي هادشي لي انا باغيا
بغيت نتبادلو الاراء ونتناقشو وكل وحدة تعاود تجاربها وافكارها باش نقدرو نفيدو ونستافدو ويكون الموضوع غني لللي باغي يتغير ياخد افكار ويستافد من قصص الاخرين مشكووورة على تفاعلك الجميل اسماء كوني ديما بالقرب الله يجازيك بخير

( قُلْ إِنْ كُنْتُمْ تُحِبُّونَ اللَّهَ فَاتَّبِعُونِي يُحْبِبْكُمُ اللَّهُ وَيَغْفِرْ لَكُمْ ذُنُوبَكُمْ وَاللَّهُ غَفُورٌ رَحِيمٌ )

احببتكن في الله
من المتابعات ان شاء الله
دمتن بود

أحبك الله الذي أحببتنا فيه شكرا جزيلا

شكرا لك اختي الغالية وجزاك الله عنا كل خير والله يحسبو في ميزان حسناتك

اللهم آمين والله يجعلو في ميزان حسناتكن كذلك ويجازيكم بالمثل واكثر اختي ام سمية