ثم التثبيت في تاريخه.....................تيليلة




السمن الحار



المقادير
1كلج زبدة بلدية جيدة
زلافة ملح غليضة او ما يعدلها ملح حية وهدا افضل بكثير
قبطة زعتر طري واخرى زعيترة ان اوجدت والا فالزعتر كافي ولمكانشي الطري يستبدل بزلافة يابس
لتر ونصف ماء مغلي

الطريقة

نقيو الزعتر ونغسلوه ونشفوه ونعملوه في اناء ونزيدو عليه الملح ونصبو عليهم الماء مغلي ويغطى ويترك حتى يبرد تماما





ويصفى بحدر باش مينزلشي الرواسب لي تتكون في القعر





ناخدو الزبدة ونغسلوها مزيان بالماء عادي حتى يزول اثر اللبن منها نهائي
ثم نصبو عليها مقدار كاس من المحلول ونخدمو مزيان ونزلوه ونعادو نفس العملية حتى نساليو نصف كمية المحلول







وفي الاخير نصب نصف المحلول المتبقي كلو على السمن ونغطيوه مزيان ببابييي فيلم ثم بمنديل باش ميدخلشي لو الضو ونخليوه 7ايام
يتشرب





ومنين دوز المدة نزولو الماء ديالو نعملوه في ايناء لي غادي نحفضوه فيه يكون حتى هو مشلل بنفس المحلول




ونحاولو منهزوشي الماء نهائي نهزو مقدار م ك ونزلو في الاناء حتى النهاية



ونعملو عريشات دالزعتر من الفوق



ونخزنو في مكان مظلم لمدة لا تقل عن 40 يوم وكل ما طال كل ما كان احسن وتيزيد يحرار



يمكن اضافة تنسيمات عليه
- ورقة سيدنا موسى وعود سكين جبير يابس وازير بلدي ونجمة باديان وشعيرات زعفران حر هاد الشي كلو مع الزعتر والماء طايب ونفس الطريقة تيجي منسم بطريقة رائعة
وبالهنا والشفا