حشوة الاولة

كنخد بصلة +زوج خيزويات +عركة خضراء

تنقطع البصلة رقيقة وتنعملها في كسرولة ونضيف ليها شويش الزبدة او زيت و الملح وابزار وقليل من خروق البلدي ونشحرها حتى تنزل

من بعد تنخد الخيزويات والكرعة تنقشرهم



ونحكهم في حكاكة جيهة لغليضة



وتنضيفهم على البطلة




ونترك الكل يطيب على نار متوسطة حتى ينزلو تماما ومنين تبرد الحشوة

تنضيف ليهم زيتون اخضر مقطع+شوش معدنوس




واخير تنضيف الطون اللى نقصت منوالزيت




وتنفتح البطبوط ونبدء نعمرو
















يتبع..........

حشوة تانية


تنخدو صدر دجاج او ديك الرومي جاهز او كنخد دجاج عادي وتنزول ليه لعضيمات فحال هاكا



ولعضيمات تنحتفض بيهم اما نعمل بيهم مرق او شوربة مهم غير جمعهم هههههههه ماشي سوقكم هههههههه

كنقطع دجاج والبصلة مربعات صغيرة كما هو واضح لكن دجاج يكون مقطع اكبر من البصلة تنعملهم بزوج في اناء




تنضيف ليهم توابل شورما وملح فقط





ونتركهم على اقل ساعة


نعملهم في مقلية ونضيف ليهم شويش الزبدة ولا الزيت ونشحرهم مزيااان على نار متوسطة حتى يطبو (بسرعة تيطبو)





من بعد ما تبرد الحشوة تنضيف ليها لخيار مخلل(كورنشو) وزيتون خضر





ونمزج الكل جيدا


كنخد البطبوط نفتحو وندهنو اما بالفرماج نتاع الكاس او الميونيز (نفس النتيجة)






عاد نعمل مقادر معلقة كبير ونصف من الحشوة

وبالصحة وراحة











على فكرة حشوات بزوج من ابتكاري الخاص


جربوهم وردو عليا لخبار باش نزيد في خترعات ولا غير نفراني هههههههههه

تبارك الله عليك اختي اللهم ادمها نعمة واحفضها من الزوال

تبارك الله عليك دائما مبتكرة الله يعطيك الصحة

تبارك الله على المخترعة ديالنا

صباح النور الزين ديالي كيدايرة لاباس عليك كيدايرن الوليدات و العائلة نتمنى كلشي يكون بخير
مالك اختي صابحة علي بهاد الخير كامل باغا تهاوشيني و انا ممسحراش هههههه الله يعطيك الصحة الزين و يحفظ ليك كل غالي و عزيز يااااربي اميييييين و التقييم راه مابغاش يدوز
و 5 نجمات النجمة ديالنا

عطاك الله الصحة

تبارك الله عليك الله اعطيك الصحة

تبارك الله عليك الفنون
بلا متفراني غير جيبي لينا المزيد
تقييم داز لهيه