السلام عليكم ورحمة الله وبركاته
هاد الڭرص نزلتو لعيون حبيبتي وصديقتي نوال ام انس ، ولعيونكم ياغاليات اناقة مغربية ، نتمنى يعجبكوم وماتنساونيش بدعواتكم
نبدأ باسم الله الرحمان الرحيم
المقادير :
ڭرص ساهل ماهل والاهم تيجي زوين ورطب من الداخل ومقاديرو موجودة في كل دار
2 بيضات
كاس زيت
كاس سنيدة
كاس حليب دافي
2 كيسان ماء دافي
معلقة كبيرة خميرة الخبز مدوبة في شوية ماء
خمارة حمراء
معلقة ماء زهر
قشور حامض او برتقال
الدقيق حسب الخليط تكون العجين خفيف شوية لمهم ماشي خفيف بزاف وماشي مدقص
الطريقة : نخلط البيض مع سنيدة وشوية ملح ونطربهوم مزيان حتا يرغوي ومن بعد نضيف الزيت ونحرك تم الحليب وحنا كنخلطو من بعد الماء والخميرة لي دوبنا قبل في شوية ماء ونبدا نضيف الدقيق بشوية وعاد نضيف الخمارة حمراء ونخلي العجين خفيفة شوية ونتركها تخمر 2 ساعات
من بعد ما تخمر نبدا ندهن يدينا بالزيت ونشكل كويرات ونخليوهم يخمرو مرة اخرى واحد الساعة من بعد ندهنهم باصفر بيضة مخلطة مع معلقة حليب وقهوة سريعة الدوبان وندخلهم الفرن مسخن من قبل وتكون حرارته متوسطة



دمتن بود