إعـــــــلان

تقليص
لا يوجد إعلان حتى الآن.

طويسات د الكفتة بالبشاميل من مطبخي بالصور مذاق من أروع ما يكون

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • طويسات د الكفتة بالبشاميل من مطبخي بالصور مذاق من أروع ما يكون

    السلام عليكم و رحمة الله تعالى و بركاته أنيقاتي الغزالات هانا جيييت هههه كيف عاملين نتمنى من الله تكونو مزيانين و قولولي مبرك على الاسم الجديد انا هي basma159 رجعت اللي كنتلقاه في المنتدى كنقولو انا هي فلانة ههههه المهم الحبيبات ديالي اليوم جبتلكم واحد الشهيوة كتحمق و كتحمر الوجه حدا الضياف الطويسات د الكفتة و البشاميل كيجيو لذااااذين كنعملوم نهار كيكون ماجي عندي شي واحد كنزلهم فميريندا غزلان و كلشي كيسقسي على القياس المهم نبداو بسم الله بلحاق طلب ديالي دائما اللي تدخل تخلي شي دعوة مزيونة الله يعطيها جنان الخلد و تقييم ن الموضوع بلا منطول عليكم نبداو بالعجينة كناحتاجو

    نصف كيلو من الدقيق
    ربع كيلو من الزبدة ( تكون خرجتيها من الثلاجة بشي 3 د ساعات)
    كأس صغير من الماء
    ملح و ابزار


    كنخلطوا المقادير كاملين و ملي نكونو كنجمعو العجينة نجمعوها غير بصبيعات د يدنا حيت هي مخساشي تعجن بزااف كتجي خفيفة فحال هيدا هاد المقادير كتخرج 40 طويسة انا كنعدلها و كنعمل القياس اللي بغيت و اللي بقالي من العجينة كنلويه ف ورق سلفيريزي و كنحشيه ف كونجلاطور كتبقى غزالة


    كنعملو كويرات و نزلوهم ف الطويسات و نطلقوهم على هاد الشكل من بعد نشوكوهم و ندخلوهم يطيبو فالفران






    ندوزوا دابا ن الحشوة كناحتاجو
    ربع كيلو د الكفتة بليقامة (حكلها شوية د البصلة شوية د المعدنوس الكيمون الملح )
    بصلة كبيرة مشلظة
    ساشي د الزعفران
    ملعقة كبيرة د الزبدة
    شوية د الزيت رومية
    ملح ابزار سكنجبير
    أربع بيضات


    نشبرو المقلاة نعملو فيها الزيت نسخنوه نزيدو البصلة زعفران ملح ابزار سكنجبير و نخليوها تشحر مزيان حتى ترجع فحال هيدا




    من بعد كنزيدو الكفتة بالتوابل ديالها و نخليوها تشرب ديك البصلة مزيان


    نشبرو مقلاة اخرى و نعملو فيها الزبدة و الزيت و نخلطو البيضات مزيان و نكبوهم فديك المقلاة و نقطعهوم بملعقة خشبية على هاد الشكل



    نضيفو البيض على الكفتة و نخلطوه مزيااان و نخليواه على جنب


    دابا نحضرو صلصة البيشاميل كناحتاجو
    نصف ليتر من الحليب
    ملعقتين كبيرتين من المايزينا
    ملح ابزار
    ملعقة كبيرة من الزبدة
    واحد جبينة (انا كيحمقني الجبن دائما حشياه فاي حاجة كنعدلها هههههه بلحاق هديك جبينة كتلذذ البيشاميل و الله)


    فواحد الكاسرول كندوبوا الزبدة مع الطريفات د الجبن من بعد نضيفو الحليب ملح ابزار غير يبدا يسخون زيدو المايزينا و حركو بشوية حتى تعقد




    دابا ها كلشي واجد معلينا غير نعمرو الطويسات ديالنا نعملو الكفتة البيشاميل و الجبن الاحمر محكوك و نعملوها تحمر فالفران غير من الوجه



    و هالشكل النهائي ديالهم غير شنو انا محمرتهاشي بزاف راجلي مكيبغيهمشي محمرين


    كيجيو لذاااذين بزااف و كيشرفو قدام الناس نتمنى يعجبوكم و متنساونيشي من الدعاء و التقييم الله يعطيكم متمناو ان شاء الله
    اللهم ادمها علينا نعمة و احفظها من الزوال
    التعديل الأخير تم بواسطة ريم 2012; الساعة 30-10-2012, 12:25. سبب آخر: تعديل








    اللهم إني أستودعك جنيني الذي في رحمي، أنت الذي لا تضيع ودائعك يا الله

    اللهم يا مقلب القلوب ثبت قلبي على دينك


  • #2
    السلام عليكم
    مرحبا باختي بسمة العيون
    نورتي مطبخ اناقة
    عطاك الله الصحة
    تم التثبيت
    تم التقيييم5نجماااااااااااات


    وحي القبور

    http://www.anaqamaghribia.com/vb/sho...098&highlight=

    تعليق


    • #3
      الله اختي يرزقك ما كتمناي باينين كيشهيو


      url=http://tickers.doctissimo.fr/][/url]



      url=http://tickers.doctissimo.fr/][/url]

      تعليق


      • #4
        تبارك الله عليك جاو غزااااااالين الله يعطيك الصحة ا بسومتي


        تعليق


        • #5
          الله يعطيك الصحة روووعة ، نجربهم أكيد إن شاء الله
          [COLOR="teal"]اللهم إتي أسألك زيادة في الدين و بركة في العمر و صحة في الجسد و سعة في الرزق و توبة قبل الموت و شهادة عند الموت و مغفرة بعد الموت و عفوا عند الحساب و آمانا من العداب و نصيبا من الجنة و ارزقني اللهم النظر إلى و جهك الكريم ، اللهم آمين.

          تعليق


          • #6
            اتبارك الله على الحادكة باينين زوينين تبارك الله عليك الحادكة تاع اناقة تستاهلي تقييم
            [FONT=tahoma][COLOR=#FF0000][SIZE=7]صل على حبيب ورسول الله محمد عليه افضل الصلاة والسلام الحمد لله كثيراً ألف حمد وشكر لك يارب حمداً كثيراً مباركا فيه

            تعليق


            • #7
              تم التقييم تستاهلي

              تبارك الله عليك



              متجر وديان للصحة والجمال

              الي بغات تضعاف في 9 أيام طبيعي ومجرب


              اللهم ارحم با قبطان واجعله من أهل الفردوس الأعلى وألهمنا الصبر ياااارب

              تعليق


              • #8
                الله يعطيك الصحة

                تعليق


                • #9
                  تبارك الله عليك الله يعطيك الصحة
                  اللّـهم صلّ وسلّـم وبـارك على سيّدنا محمّد خاتم النبِيّين والمرسلِين وصاحب الخُلُق العظيم ربّ اجعلني على الصلوات محافظا وعلى طاعتك وعلى ذكرك وشكرك مداوما ما أحييتني يا رب العالمين لا تبخل وصلّ على الحبيب المصطفى رسول الله صلّى الله عليه وسلّم

                  تعليق


                  • #10
                    تبارك الله عليك
                    أستغفر الله , أستغفر الله , أستغفر الله

                    تعليق

                    يعمل...
                    X