ArabicEnglishFrenchSpanish

إعـــــــلان

تقليص
لا يوجد إعلان حتى الآن.

ارجوكن يا بنات اكادير ساعدنني

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة
    • WhatsApp

    ارجوكن يا بنات اكادير ساعدنني

    السلام عليكم ورحمة الله وبركاته اخواتي الكريمات كنطلب منكم يا ساكنات مدينة اكادير تساعدوني اللي كتعرف شي طبيب اختصاصي في امراض الجهاز الهضمي والامعاء تفيدني بسميتو وعنوانو الله يجازيكم بخير راه ولدي في عمرو 4 سنين ونصف وهادي تقريبا عام وهو كيعاني من مرض في الامعاء اغلب الاوقات فيه اسهال مائي مرفوق بمخاط (او الخناين) اعزكن الله .الشهية عندو ناقصة بزااااف. الشئ اللي ادى به لفقر الدم وزنه ضعيف بزاااف فيه 14 كيلو.وفات خديناه عند طبيبة فانزكان سميتها حبيبة راشيد دارتليه ايكوكرافي قالت لنا عندو انتفاخ فكرشو وعطاتنا شي دوا فيه دوا فقر الدم وطلبات مجموعة من التحاليل فيهم وحدة خاصة بتحليل البراز اعزكن الله تتمشي لفرنسا.المهم عملناهم له وخرجو مزيانين الحمد لله.شرب ولدي الدوا ما دار له والو بقى كما هو.رجعنا عندها سولتنا واش تحسن شوية قلت لها لا رجع له نفس المشكل وعطاتنا تحاليل اخرى عملناهم وخرجو مزيانين الحمد لله ولكن الولد بقى مريض ملي سولناها اش نديرو قالت لنا عاودو له نفس الدواء.صافي رجعنا وحنا فحزن كبير كنشوفو الولد مريض وما بيدنا والو وكندعيو الله سبحانه وتعالى يشافيه من عندو خليناه 4 شهور حتى بدا الاسهال على شكل ماء وفيه مخاط .الولد غير كياكل شي اكلة كيفما كانت كيجري مباشرة للمرحاض اعزكن الله وكيخرجو منو غازات باصوات قوية جدا وماء وبدا كل ملرة كيخسر حوايجو كنبدل له 3 المرات فالنهار.وخديناه عند واحد اختصاصية فطب الاطفال(pédiatre) فتارودانت بعد ما شافت الدوا اللي كان خداه والتحاليل بقات تتعجب قالت كلشي عندو مزيان قلت لها راه هنا مربط الفرس علاش التحاليل مزيانة وهو مريض المهم كشفات عليه غير بيديها قلباتو كلو وسولاتنا شي اسئلة.وفالاخير قالت بلي ممكن عندو شي ميكروب ووصفات له 6الادوية من بينهم دوا فقر الدم لانها قالت لي راه صفر بزاف فيه فقر الدم حيث الاسهال مكيخليش له الفيتامينات والحديد فجسمو وقالت لي دوا دالحديد يشربو شهر الى رجع لونو بحال الناس نعطيه شهرين اخرى الى بقا صفر نرجعو لها تعطيني شي تحاليل.صافي عطيناه الدواء مسكين كيشربو بزز خصوصا تاع الحديد حيث حااااار.المهم ملي بداه 5 ايام الاولى تحسن ما بقاش فيه اسهال بزاف كرشو قساحت.من بعد رجع نفس المشكل وكمل الدوا وباقي مريض .وما زال ما كمل شهر وواتصلنا بالمصحة باش نشوفو ديك الطبيبة ما كايناش .انا وباباه كنشوفوه كنتالمو وكنتقطعو حيث ما عرفنا فين نديوه ولا اش نديرو له.لهذا كنطلب منكم الله يجازيكم بخير والله يحفظ لكم وليداتكم يا اللي ساكنات فاكادير تساعدوني الى كتعرفو شي طبيب محنك اختصاصي فالجهاز الهضمي والامعاء تدلوني عليه ولكن دعوة في ضهر الغيب بغيت نشوف ولدي بصحتو بحال باقي الاطفال واللي دخلات تدعي مع ولدي بالشفاء والله يجازيكم الجنة والسلام عليكم ورحمة الله وبركاته
    اللهم ارزق أمي الفردوس الأعلى من الجنة واحفظ أبي ومتعه بالصحة والعافية وارزق أخواتي الأزواج الصالحين آمين.
    اللهم احفظ زوجي وأبنائي من كل شر وأقر عيني بهم آمين.




    • WhatsApp

    #2
    الله اشافيه اختي ديه عند الدكتور السعدي مكنعرفش العنوان بالضبط سولي عليه فالصيدلية غيوريوك فين كاين راه مزيان
    :84:http://www.shbab1.com/2minutes.htm

    تعليق

      • WhatsApp

      #3
      أسأل الله العظيم رب العرش العظيم ان يشفي ابنك شفاءا لا يغادره سقما
      الدكتور اللي قالت عليه الأخت asma r هو اختصاصي في طب الأطفال ماشي الجهاز الهضمي هو الصراحة طبيب مزيان كاين فشهرزاد فإنزكان هاتف ديالو05.28.33.03.30
      الله يجيب الشفا
      sigpic




      تعليق

        • WhatsApp

        #4
        الله يشافيه ليكم بقيتو فيا الام كتمحن بزاف خصوصا مني كديري تحاليل ومكتعرفيش سبب المرض انا بنتي حتى هي تحاليل مزيانين ومعرفناش سبب السخانة الله يشافيه ويعافيه

        اختي نوصيك انكي تديه عند راقي متخصص في الرقية الشرعية بالموازاة مع الدوا ديري ليه رقيه عند راقي كيفهم فالرقية ومكيتخلصش علاش حيت لي متقي الله مكيشدش الفلوس اكيد ولدك ضرباتو شي عين ولا عند شي مس واش كان تياكل مزيان وضرباتو شي عين الله يستر ديري ليه رقيه في الما وزيت يشربهم ويدهن بيه وان شاء الله يتشافى ليك يا ربي انا معندش باش نفيدك لي نصحك بيه الا عندك كيفاش اتجي للدار البيضاء بولكلينيك الضمان اجتماعي الام والطفل تخصص دياله راه تبعي ليه تماك كاينين اطباء وبروفسورات والا عندك الضمان اجتماعي راكي متخلصيش بزاف
        حسبنا الله سيؤتينا الله من فضله إنا إلى الله راغبون ""والله متى ما دعوت الله به بصدق و أنت في مأزق إلا وجاء الفرج من حيث لا تعلم



        يا ربي احفظ لي بنتي وشافيها شفاء لا يغادر سقما هي والاطفال المرضى قولو اميييييييين

        تعليق

          • WhatsApp

          #5
          اختي دخلت ندعي معاك دعوة خالصة من قلبي
          يااااااااااااربي تشافيه و تعافيه شفاء لا يغادر سقما انت القادر على ذلك يا الله
          اللهم احفض لي زوجي و بنتي من كل مكروه يارب. اللهم احمهم من اعين الجن و أنفس البشر يارب العالمين. و اجعلنا من عبادك الشاكرين يا ارحم الراحمين,اللهم اني استودعتك نفسي وابنتي وزوجي يامن لا تضيع ودائعه يارب

          تعليق

            • WhatsApp

            #6
            الله يشافي اختي ولد يا رب و يطمنك عليه ان شاء الله
            اختي خويا محيت كان صغير كان عندو شي عامين كان تقريبا بحال ولدك و داتو ماما عند الدكتور الموحدي هو اختصاصي اطفال انا ما عرفت العنوان و للاسف انا برة المغرب باش نجيب ليك العنوان
            انتي اي تاكسي احمر غادي ياخدك عندو صراحة من نهار خداتو ليه دار ليه تحاليل و الدوا و ولا بخير الحمد لله دبا تبارك خويا راه عندو 21 عام
            و كيما قالت ليك الاخت زينة الابرار ديري لولد الرقية خدي 7 ورقات من السدر وديريهم فالماء و قراي عليهم الرقية و غسلي ليه بالماء و قرعة اخرى فيها الماء يبقى يشرب منها
            راه العين حق اختي
            سرعة الايام مخيفة!
            ما إن أضع رأسي على الوسادة إلا وأشرق نور الفجر..
            ما إن أستيقظ إلا وحان موعد النوم..
            تسير أيامنا و لا تتوقف !
            وأقول في نفسي : حقاً السعيد من ملأ صحيفته بالصالحات ..
            - والسؤال الذي أقف عنده بماذا ملئت صحيفتي !؟
            وهل أنا أسير للأمام أم للخلف !؟
            يا ترى ما هو وزني عند الله!؟
            أقف وأحاسب نفسي فالأيام تمشي بسرعة ولن يبقى إلا العمل الصالح
            فتن الدنيا تموج بنا والأحداث تتسارع من حولنا والأموات يتسابقون أمامنا..
            "
            " "فَفِرُّوا إِلَى اللَّهِ ۖ إِنِّي لَكُمْ مِنْهُ نَذِيرٌ مُبِينٌ"

            تعليق

              • WhatsApp

              #7
              يااااااااااااربي تشافيه و تعافيه شفاء لا يغادر سقما

              ثبت في صحيح مسلم وغيره عن أبي هريرة أن النبي صلى الله عليه وسلم قال : ( صنفان من أهل النار من أمتي لم أرهما بعد : نساء كاسيات عاريات ، مائلات مميلات ، على رءوسهن مثل أسنمة البخت ، لا يدخلن الجنة ولا يجدن ريحها ، ورجال معهم سياط مثل أذناب البقر يضربون بها عباد الله )



              تعليق

                • WhatsApp

                #8
                المشاركة الأصلية بواسطة asma r مشاهدة المشاركة
                الله اشافيه اختي ديه عند الدكتور السعدي مكنعرفش العنوان بالضبط سولي عليه فالصيدلية غيوريوك فين كاين راه مزيان
                اميييين اختي الله يجازيك بخير ان شاء الله نسول عليه فين كاين الله يحفظك ويحفظ ما اعز عليك .
                اللهم ارزق أمي الفردوس الأعلى من الجنة واحفظ أبي ومتعه بالصحة والعافية وارزق أخواتي الأزواج الصالحين آمين.
                اللهم احفظ زوجي وأبنائي من كل شر وأقر عيني بهم آمين.




                تعليق

                  • WhatsApp

                  #9
                  المشاركة الأصلية بواسطة oumkawtar-adnan مشاهدة المشاركة
                  أسأل الله العظيم رب العرش العظيم ان يشفي ابنك شفاءا لا يغادره سقما
                  الدكتور اللي قالت عليه الأخت asma r هو اختصاصي في طب الأطفال ماشي الجهاز الهضمي هو الصراحة طبيب مزيان كاين فشهرزاد فإنزكان هاتف ديالو05.28.33.03.30
                  الله يجيب الشفا
                  امييين اختي الله يجازيك بخير وينولك اللي فبالك ويحفظك واهلك من كل شر انا مستعدة نمشي عند اي طبيب تقولو لي عليه المهم ولدي يتشافى ان شاء الله.
                  اللهم ارزق أمي الفردوس الأعلى من الجنة واحفظ أبي ومتعه بالصحة والعافية وارزق أخواتي الأزواج الصالحين آمين.
                  اللهم احفظ زوجي وأبنائي من كل شر وأقر عيني بهم آمين.




                  تعليق

                    • WhatsApp

                    #10
                    المشاركة الأصلية بواسطة زينة الأبرار مشاهدة المشاركة
                    الله يشافيه ليكم بقيتو فيا الام كتمحن بزاف خصوصا مني كديري تحاليل ومكتعرفيش سبب المرض انا بنتي حتى هي تحاليل مزيانين ومعرفناش سبب السخانة الله يشافيه ويعافيه

                    اختي نوصيك انكي تديه عند راقي متخصص في الرقية الشرعية بالموازاة مع الدوا ديري ليه رقيه عند راقي كيفهم فالرقية ومكيتخلصش علاش حيت لي متقي الله مكيشدش الفلوس اكيد ولدك ضرباتو شي عين ولا عند شي مس واش كان تياكل مزيان وضرباتو شي عين الله يستر ديري ليه رقيه في الما وزيت يشربهم ويدهن بيه وان شاء الله يتشافى ليك يا ربي انا معندش باش نفيدك لي نصحك بيه الا عندك كيفاش اتجي للدار البيضاء بولكلينيك الضمان اجتماعي الام والطفل تخصص دياله راه تبعي ليه تماك كاينين اطباء وبروفسورات والا عندك الضمان اجتماعي راكي متخلصيش بزاف
                    امييين اختي والله قلبي كنحس بحال عافية شاعلة فيه وما باليد حيلة كنبكي بحرقة عليه و كندعي ربي سبحانه وتعالى يشافيه .اختي كنسمع على واحد السيد حدانا فتارودانت كيدير الرقية الشرعية فسبيل الله غنطلب من زوجي يديه عندو.فعلا راه كان قبل كياكل مزيااان واللي شافو تيبقى يتعجب ويضحك عليه فواحد النهار تساس مسكين.
                    اه اختي عندنا الضمان الاجتماعي وكنعرف هاد البوليكلنيك و فعلا ما طاحش لي عالبال ومسالة الفلوس ماشي مشكل المهم يتشافى ان شاء الله وحنا مستعدين نطرقو جميع الابواب بعد باب ربي سبحانه وتعالى.جزاك الله خيرا والله يشافي بنتك شفاء تاما وتشوفيها كيف بغيتي ان شاء الله.
                    اللهم ارزق أمي الفردوس الأعلى من الجنة واحفظ أبي ومتعه بالصحة والعافية وارزق أخواتي الأزواج الصالحين آمين.
                    اللهم احفظ زوجي وأبنائي من كل شر وأقر عيني بهم آمين.




                    تعليق

                    يعمل...
                    X