إعـــــــلان

تقليص
لا يوجد إعلان حتى الآن.

Tarte glacée طارط جلاصي للمناسبات والعراضات

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • Tarte glacée طارط جلاصي للمناسبات والعراضات




    oum hedayah
    بتاريخه




    أنيقاتي الغاليات سبق ونزلت ليكم مقادير وطريقة طارط جلاصي في موضوع العراضة لي كنت نزلت

    وليوم إن شاء لله غادي نشوفو المراحل وخا راهم الصور ديال مرات متعددة لكن الصور باينة والطريقة راها ساهلة ماهلة والنتيجة غزالة بشهادة الجميع

    نتمنى حتى نتوما تجربوها وتعجبكم إن شاء لله


    مقادير الكراميل: كاس كريم سائل كنقصو من الكريم لي غادي نخفق وكاس صغير د السكر

    كندوب السكر حتى يولي كراميل نزيد عليه كريم فريش

    نغطيه ونخليه حتى يعاود يذوب السكر
    منين يذوب السكر نخليه معري وحد شوية ونطفي عليه ملي كيبرد كيتفتح لونو



    مقادير الكريمة: 1 ليتر كريم فريش ( نقصنا منو كاس ) أنا كنستعمل holala ممكن تعملو أي كريم كتعجبكم المهم أنها تكون باردة مزيان ومطربة مزيان
    1 علبة حليب مركز ومحلى
    النكهات : ممكن تعملي لي بغتي أنا هنا عملت

    2 م ك عامرة برالين + شكلاط محكوك +
    2 م ك نسكافي مذوبة فشوية حليب بارد

    ممكن تعملي 1 دانون بالنكهة لي بغيتي

    لوز محمر ومهرمش

    الطريقة :كنطرب الكريم وهو بارد مزيااااان ونضيف عليه الحليب المركز ونعاود نطرب غير نتأكد أنهم تخلطو مزيان نوقف

    قسمت الخليط على 3 وضفت لواحد البرالين الثاني شكلاط محكوك الثالث 2 م ك نسكافي مذوبة فشوية حليب بارد




    كنعمل طبقات فوق بعضياتهم ونحاول نضف الجناب باش منين نزول الإطار يكونو الطبقات باينين

    ملاحظة :
    ضروري جدا يكون المول كيتفتح من الجناب


    بين كل طبقة ممكن تعمل شوية لوز والكراميل أنا هنا معملتش










    منين نعمل الطبقة الأخير كيبقى ليك الإختيار ممكن تعمل رشة داللوز وعاد الكراميل وممكن تعمل غير الكراميل بوحدو

    وتزين حسب ذوقك ودخلها للكونجيلاتو تبات ليلة كاملة أو على الأقل 6 سعات حسب قوة المجمد المهم تجمد مزياااان





    هنا كنت عاملة طبقة ديال اللوز والكراميل بين الطبقات وكانو غير طبقتين







    شوفو إدا مخليتوهاش تجمد مزيان غادي يسيل الكراميل من الجناب أنا كنت خارجة بيها لعند اختي وتجبتها قبل الوقت






    هنا عملتها على شكل قلب وكنت عاملة طبقة ديال الجينواز لتحت







    هادو بعض لقتراحات للتزيين









    كنتمنى الوصفة تكون ساهلة عليكم وأي إستفسار إن شاء لله أنا رهن الإشارة

    التعديل الأخير تم بواسطة أم أســامة و إيمــان; الساعة 16-11-2013, 18:03.



    إضغط على الصورة لمشاهدة الفهرس






  • #2
    تبارك الله علييييك اختي تيحمقوا شهيتيني

    تعليق


    • #3
      تبارك الله عليك اختي و شكرا علي المساعدة نديرها انشا الله و نحطها فقسم التجارب

      تعليق


      • #4
        تبارك الله عليك
        sigpic

        تعليق


        • #5
          تبارك الله عليك أختي الله يعطيك الصحة




          تعليق


          • #6
            تبارك الله ماشاء الله احبيبة الله يعطيك الصحة
            غزآآآآآآآآآآآآالة ماشاء الله
            ساليني التقييم خرجو السمعات فالطريق بلحق احسن 5 دنجمات
            [/QUOTE]

            تعليق


            • #7
              تبارك الله مبدعة دائما
              sigpic

              تعليق


              • #8
                تبارك الله علييييك
                وَقُل رَّبِّ أَدْخِلْنِي مُدْخَلَ صِدْقٍ وَأَخْرِجْنِي مُخْرَجَ صِدْقٍ وَاجْعَل لِّي مِن لَّدُنكَ سُلْطَانًا نَّصِيرًا

                تعليق


                • #9
                  واااااااااااااااااااااااااااو روعة تبارك الله عليك اختي


                  اللهم اني استودعك ابني فحفظه لي كما حفظت يونس في بطن الحوت







                  url=http://www.bellevitalite.info/forum/][/url]

                  تعليق


                  • #10
                    والله اختي يلا دوختني ماااااااااااااااااااااااااااااااااااااااااااشاء الله عليك روعة

                    تعليق

                    يعمل...
                    X