تويت
.gif){kind=icon}
بيدي وكوزينتي الفوكاشيا بالصور
26/12/2012
بسم الله الرحمن الرحيم
السلام عليكم ورحمة الله وبركاته
اليوم غنطرح ليكم شي حاجة اخرى الا وهي الفوكاشيا خديتها من اليوتوب
على بركة الله تعالى
العجين درت فيها
كاس صغير زيت بلدية
ملحة حسب الدوق
3 معالق سكر
ملعقة كبيرة خميرة
ملعقة دانون
فاني
قليل الزعتر
ودقيق شي نص يكفي تديري وحدة كبيرة
ونص كاس ماء او اكثر شوية
عجنت الكل مزيان وتكون تتلصق ف اليد وتدهن مزيان بالزيت بلدية وغطيتها ب ميكا وخليتو اخمر ساعة اولا ساعة ونص
ملي تخمر تقسم الى 2 وندلكو كل واحدة بوحدها بشكل طوولي وندهن الصفيحة بالزيت بلدية مزيااان وندير العجين لي تدلك وترش بالزيت عاود بلدية وتثقب
والحشوة فيها فرماج ساندويتش
فرماج احمر محكوك
فرماج مودزريلا دوائر
كاشير مقطع دوائر
زيتون مقطع دوائر
الزعتر
درت فرماج اولا مربع
ثم كاشير و الزيتون و فرماج مدزريلا و المحكوك ثم الزعتر مصورتوش
ودلك العجينة الاخرى وتثقب مزيان وتغطى الاولى وترش عاود بالزيت بلدية مزيان وخليوها ترتاح شي نص اولا ربع ساعة
والى بقا ليك العجين زوقيها باشكال لي بغيتي انا زوقتها بهدا الشكل
وملي خمرات دهنتها بالبيض والحليب والى الفرن
مممم وهنا ملي خرجتها ولازم تكال سخووونة باش تاكلو فرماج مزال داايب وكيتجبد ومداق فيها ولا اروع
على فكرة مداق الزيت البلدية متيبان نهائيا زوين لدراري الصغاار حيت متيحسو بالزيت البلدية
لا تنسوني من صالح دعااائكم
رعاكم الله وحفظكم
تعليق