ArabicEnglishFrenchSpanish

.

فقاص صغير باللوز من مطبخ وردة و دائما بالمراحل مصورة

X
 
  • -
    • WhatsApp

    فقاص صغير باللوز من مطبخ وردة و دائما بالمراحل مصورة


    15/01/2013






    أخواتي و حبيباتي في الله
    اليوم جايبة ليكم هاد الفقيقصات هشاش وبنان بزاااف .نتمنى يعجبوكم و تجربوهم

    بسم الله على بركة الله



    فقاص صغير باللوز



    المقادير:





    100غ زبدة بحرارة المطبخ
    غ100 لوز مقطع طريفات صغار
    100غ سكر كلاصي
    1 بيضة
    250غ دقيق الفورص + قبصة ملح
    1 كيس سكر الفاني
    نص كيس خميرة الحلوى


    الطريقة:

    كنخلط الزبدة مع السكر كلاصي و السكر فاني مزيان حتى يولي بحال الكريمة

    نزيد البيضة و نخلط







    نزيد اللوز



    و في الأخير نزيد الدقيق و الخميرة و قبصة الملح



    كنحصلو على عجينة مرخوفة




    كنعمل منها حرابل رقاق مع رش الدقيق على الطابلة




    نستفهم فبلاطو مفرش بالبلاستيك



    ندخلهم الكونجلاتور حتى يقصاحو
    و نقطعهم بهاد الشكل




    نستفهم متباعدين فلاطة مغطية بالورق السولفيريزي و ندخلهم للفران يكون سخون و نقابلهم غير يتحمرو نخرجهم

    و ها الشكل ديالهم












    اللهم أدمها نعمة و بارك لنا فيها و احفظها من الزوال آمين يارب العالمين






    وردة مغربية; 15-01-2013, 21:26.
    • WhatsApp

    #2
    السلام عليكم ورحمة الله وبركاته
    يسعدني ويشرفني ان اتقدم بخالص الشكر لحبيبتي واختي في الله ليلى على الوصفة الرائعة (نصلاح نكتب الرسائل ديال التوظيف ياك ههههههه)
    تبارك الله عليك اختي ليلى والله يعطيك الصحة والعافية وكل ماناويا في خاطرك وشي ولد الناس اللي يتهل فيك
    وبما اني انا الاولى وشحال مابقيت دخلت بكري غاد نهز الطبسيل ونعلق واللي بغاني يتبعني الى عرفني فين كاينة هههههههههههه
    احلى تقييم لاحلى وردة
    احبك في الله








    أحبكن في الله

      • WhatsApp

      #3
      حبيبتي استسمح ملقيتش ايقونة التقييم
      لكن 5 **** كبديل حتى نلقاه نرجع نقيمك ان شاء الله








      أحبكن في الله

        • WhatsApp

        #4
        أمة الله بديعة
        السلام عليكم ورحمة الله وبركاته
        يسعدني ويشرفني ان اتقدم بخالص الشكر لحبيبتي واختي في الله ليلى على الوصفة الرائعة (نصلاح نكتب الرسائل ديال التوظيف ياك ههههههه)
        تبارك الله عليك اختي ليلى والله يعطيك الصحة والعافية وكل ماناويا في خاطرك وشي ولد الناس اللي يتهل فيك
        وبما اني انا الاولى وشحال مابقيت دخلت بكري غاد نهز الطبسيل ونعلق واللي بغاني يتبعني الى عرفني فين كاينة هههههههههههه
        احلى تقييم لاحلى وردة
        احبك في الله
        و عليكم السلام و رحمة الله تعالى و بركاته

        ههههههه ضحكتني عندك هاديك محجوز عرفتك قانية على الطبسيل هههههه إوا يا للا خودي كلشي ديالك تستاهي أكثر الزين
        و الله حتى توحشتك فين غبرتي علينا أحبيبة ياكما درتيها و دخلتي القفص بلا خباري راني ندعيك في المحكمة الدولية هههههه
        ربي يفرحك أختي بديعة و يجازيك خير الجزاء على دعواتك ليا و يعطيك مثلها و أحسن منها...و شكرااااااااااااااااااااااااا بزااااااااااااااااااااف على التقييم الله يعلي مقامك عند الله و بين الناس أحبوبتي
        أحبك الله الدي أحببتني فيك و الله لا يحرمنا اللقاء في الدنيا و المرافقة في الجنة إن شاء الله

          • WhatsApp

          #5
          أمة الله بديعة
          حبيبتي استسمح ملقيتش ايقونة التقييم
          لكن 5 **** كبديل حتى نلقاه نرجع نقيمك ان
          حتى أنا راه طارت من عندي الأيقونة ديال التقييم
          مرورك و كلامك الطيب أحسن عندي من أي تقييم ربي يحفظك و ينور طريقك أختي

            • WhatsApp

            #6
            وردة مغربية
            و عليكم السلام و رحمة الله تعالى و بركاته

            ههههههه ضحكتني عندك هاديك محجوز عرفتك قانية على الطبسيل هههههه إوا يا للا خودي كلشي ديالك تستاهي أكثر الزين
            و الله حتى توحشتك فين غبرتي علينا أحبيبة ياكما درتيها و دخلتي القفص بلا خباري راني ندعيك في المحكمة الدولية هههههه
            ربي يفرحك أختي بديعة و يجازيك خير الجزاء على دعواتك ليا و يعطيك مثلها و أحسن منها...و شكرااااااااااااااااااااااااا بزااااااااااااااااااااف على التقييم الله يعلي مقامك عند الله و بين الناس أحبوبتي
            أحبك الله الدي أحببتني فيك و الله لا يحرمنا اللقاء في الدنيا و المرافقة في الجنة إن شاء الله
            ربي يخليك الحبيبة ياربي لهلا يحرمنا اللقاء دنيا واخيرة يارب
            ههههههههههه وكوني هانية ماندخل القفص حتى ندير البراح في اناقة مغربية كلشي يعرف ندير ديك القضية ديال الحاضر يعلم الغايب بحال الى غادا تزوج ملكة النكليز هههههههههههههه
            غير حبيت نبسط معاك الله يجيب ليك وليا شي ولاد الناس اللي نستاهلوهم ههههه








            أحبكن في الله

              • WhatsApp

              #7
              وردة مغربية
              حتى أنا راه طارت من عندي الأيقونة ديال التقييم
              مرورك و كلامك الطيب أحسن عندي من أي تقييم ربي يحفظك و ينور طريقك أختي
              الله يبارك فيك الحبيبة والله يناولك خير الدنيا والاخرة








              أحبكن في الله

                • WhatsApp

                #8
                تبارك الله عليك أختي
                فقاص روووووعة ، الله يعطيك الصحة

                  • WhatsApp

                  #9
                  ههههههههههههه واخيييييييييييرا بانت الايقونة
                  حبيبتي تم التقييم بنجاح هههههه








                  أحبكن في الله

                    • WhatsApp

                    #10
                    الذين يشاهدون الموضوع الآن: 4 (4 من الأعضاء و 0 زائر)
                    أمة الله بديعة, دعاء آلقلوب +, وردة مغربية , ommo attaw am


                    Read more: http://www.anaqamaghribia.com/vb/sho...#ixzz2I4rLB3Bq
                    دعدوعة اجابك هنا صافي الطبسيل طااااااااااار سيري تفرقي مني ماغادش نذوقك راكي عارفة لخبار راها في راسك هههههههههههههههه بلا شوهة هههههههههه








                    أحبكن في الله

                    ...
                    X