إعـــــــلان

تقليص
لا يوجد إعلان حتى الآن.

انا و صديقتي بعد الزواج...موضوع للنقاش

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • انا و صديقتي بعد الزواج...موضوع للنقاش



    اخواتي
    اليوم اتيت بموضوع للنقاش اراه مهما

    الصداقات بعد الزواج


    اكيد انه كلنا لدينا صديقات بعضنا تزوج و بعضنا لازال عازبا

    ومن البديهي ان حياة الفتاة تتغير بعد الزواج
    فهي تصبح زوجة مسؤولة عن زوج و اسرة و بيت واطفال مستقبلا
    يعني وقتها لا يصبح ملكها وحدها و ان كانت قبلا تخرج وقتما يحلو لها....فبعد الزواج لايمكنها الخروج الا باذن الزوج ولا استقبال من تريد في بيتها الا بموافقة صاحب البيت... الزوج طبعا
    ما اريد مناقشته اليوم هو مع المتزوجات
    هل تغيرت علاقتك مع صديقاتك المقربات بعد الزواج وهل تقبلن ذلك التغيير

    هل كان زوجك مرحبا باستمرار علاقاتك ام كان متشددا ومنعك من ذلك بدعوى انكي لن تجني سوى المشاكل والقيل والقال

    عن تجربة
    عندما تزوجت كانت لي صديقة حميمة من ايام الدراسة في الابتدائي وكانت نعمة الصديقة الصدوقة
    كنا نخرج سويا ازورها بشكل شبه يومي في بيتها وهي كذلك
    تزوجت و سكنت رفقة اهل زوجي وهم اناس طيبون
    طبعا لم يعد بمقدوري ان اخرج اي وقت اشاء او ان اتغدى خارج المنزل او ازورها كل يوم في بيتها
    سارت خرجاتي معدودة و خصوصا بعد ولوجي ميدان العمل و بعد ان صرت اما
    لم يعد لي الوقت الكافي لزيارتها وهي ترفض ان تزورني كما كانت لانها تخجل من اسرة زوجي رغم انهم يرحبون بها دوما وتقول انها تحترم خصوصياتي وتقدر ظرفي

    رغم تغير عاداتي معها لكنها قدرت لان لها اخوات متزوجات وهي تعلم ما سر التغيير وتفهمه جيدا
    لكن اسمع كثيرا كلاما من قبيل .....صديقتي تزوجت و تغيرت لم تعد تتصل بي او تزورني .....الزواج جعلها متكبرة
    لا اختي تريتي فهي الان زوجة وملك شخص اخر وحتى لو استمرت العلاقة فلن تستمر كما كانت
    عليك ان تقدري انها ربة بيت و مسؤولة وزوجة و ام و وقتها صار محسوبا
    هناك من تحرج لان زوجها يمنعها من صديقاتها وهن يحرجنها وهي تكون بين نارين ...طاعة الزوج و الحنين لصديقات الطفولة


    اترك لكن الكلمة عن تجربة شخصية او تجربة عاينتموها عن قرب













    مايا 04 سابقا

  • #2
    فعلا كلامك صحيح ,,, القليل الي تيكونوا متفهمات و حتى الي مكتفهمش الوضع في الاول نهار تتزوج غاده تقدر و تعذر ,,و الصديقه الحقيقيه هي الي تلتمس العذر للاخرى

    تعليق


    • #3
      موضوع زوين الله يعطيك الصحة
      انا ملي تزوجت راجلي منع عليا الصحبات خاصة مورة مشاف حتى وحدة حضرات لعرسي و انا كنت ديما تلقاني انا اولى عندهم نشقا و نعاونهم حسباهم فحال خواتيتي و لكن نهار انا حتاجيتهم ملقيت حتى وحدة فيهم و من تما منعهم عليا و قاليا انهم ماشي صحابت غير كانو قاضين بيك حاجتهم و مع دلك مازال كنتصل بيهم واخة هما معطينشي وقت هههههههههههههه المهم انا منسيتش العشرة و كنمشي نشوفهم الا كانت عندهم شي مناسبة و صافي

      تعليق


      • #4
        المشاركة الأصلية بواسطة bannnooota مشاهدة المشاركة
        فعلا كلامك صحيح ,,, القليل الي تيكونوا متفهمات و حتى الي مكتفهمش الوضع في الاول نهار تتزوج غاده تقدر و تعذر ,,و الصديقه الحقيقيه هي الي تلتمس العذر للاخرى
        نعم اختي معك كل الحق
        اللي مجرب تايعذر اكتر
        والصديقة لازمها تقدر وتفهم الوضع الجديد لصديقتها
        شكرا لمرورك ومشاركتك

        المشاركة الأصلية بواسطة حسناء أم جنى مشاهدة المشاركة
        موضوع زوين الله يعطيك الصحة
        انا ملي تزوجت راجلي منع عليا الصحبات خاصة مورة مشاف حتى وحدة حضرات لعرسي و انا كنت ديما تلقاني انا اولى عندهم نشقا و نعاونهم حسباهم فحال خواتيتي و لكن نهار انا حتاجيتهم ملقيت حتى وحدة فيهم و من تما منعهم عليا و قاليا انهم ماشي صحابت غير كانو قاضين بيك حاجتهم و مع دلك مازال كنتصل بيهم واخة هما معطينشي وقت هههههههههههههه المهم انا منسيتش العشرة و كنمشي نشوفهم الا كانت عندهم شي مناسبة و صافي
        للاسف صديقات المصلحة ما اكثرهن
        شكرا لمشاركتنا تجربتك
        الله يوفقك













        مايا 04 سابقا

        تعليق


        • #5
          ف صراحة موضوع قيم
          الله يجازيك بالخيران
          حتى أنا جربت هكدا مع أعز صاحباتي فش تزاوجات تبدلات بزاف
          رجلها مكيمنعهاش من صاحباتها وقال ليها أنها يمكن تبقى على علاقة مع لبنات لشاف أنهم مزيانات
          ولكن لاحضت أنها بغات تبقى على علاقة بلبنات لي مزوجات فقط

          تعليق


          • #6
            الله يعطيك الخير ام مريم تبارك الله موضوع غزال
            انا كيفما تنقول معندي صحابات ديال بصح صحاباتي هما ماما الله يخليها ليا و اختي
            اما البنات لي تنعرف ضروري مسمعت هد الكلام انا بابات صاحبتي مشيت نشوفهم و ياحسرة انا لي ماشية و جا بدا يقولي شحال من عام ماجيتي انا بعدا ڭعما نزوج بناتي ايلا كانو غادين يديرو بحالك و انا مريضة جاني الوحم خايب و ماكينش لي سول ماعلينا ههههه حكيتي على الدبرة
            واحد صاحبتي ملي عاد تزوجت تخلي حتى 10 الليل و تبدا تعيط ليا في التليفون تيقولي راجلي مافيها باس شوف مالها لتكون حاجة مهمة و قلت ليها انا هاديك الساعة فاش تتعيطي تنكون ناعسة ولا عاد غادية النعس و زيدون حدا راجلي متنلقاش راحتي نهدر معاك يعني فهمتها بلا ماحرجها و هي نيت مرة عيطات و الحمد لله راجلي كان ماشي في البيت لي انا فيه و هي تقولي كيدايرة و كيداير العروبي ديال راجلك (راجلي دكالي) و التيليفون ديالي كيسمع يعني كون كان حدايا كون سمع و شنو غادي يقول انا تنڭول عليك عروبي ولا معرفت شنو اقسم بالله طلعاتني شي سخونية ملي دخل راجلي قاليا مالك قلت ليه والو
            الصراحة البنت العزبة لا علاقة بالمزوجة الله يهدي ماخلق

            تعليق


            • #7
              شكرا لمداخلتك اختي
              لكن فضلا اكتبي بالحروف العربية


              السلام عليكم ورحمة الله وبركاته

              لغتنا هي لغة القرآن، نعتز ونفتخر بأبجديتنا
              كتابة العربية بالأحرف اللاتينية تشوه جمالية المواضيع، وتفقد منتدانا هويته العربية عموما والمغربية خصوصا



              لا تملكين العربية وتريدين التخلص من اللوحة؟ تفضلي من هنا..
              http://www.anaqamaghribia.com/vb/sho...9246&highlight

              أو هنا :
              http://www.google.com/ta3reeb/?hl=ar
              http://www.leclavier.com/arabe/
              http://www.yamli.com/clavier-arabe/
              http://www.lexilogos.com/clavier/araby.htm
              http://www.arabic-keyboard.org/clavier-arabe/
              http://www.anaqamaghribia.com/arabic

              دليل الأعضاء :
              http://www.anaqamaghribia.com/vb/sho...d.php?t=294105





              اللّهم إني أسألك حبّك ،وحبّ من يحبّك، وحبّ كلّ عملٍ يقرّبني إلى حبّك.
              اللهم اجعلني أحبك بقلبي كلّه، وأرضيك بجهدي كلّه ،و اجعل سعيي كلّه في مرضاتك.

              تعليق


              • #8
                أنا كانو عندي 3 صحابات ملي تزوجت بقات علاقتي بهم مزيانة ديما كيجيو عندي وكيمشيو لدارنا عند أمي واخا منكونش عندها ومرة مرة كنزورهم فديورهم مكيقولي راجلي والو شوية تزوجات وحدة وبقات لعلاقة هيّ هيّ وثانية ملي تزوجات ميكات مبقات لا كتجي عندي ولا كتسول ولا حتى وراتني دارها ومجاتش عندي ملي ولت حتا فات لفوت علما أنها هيّ الصديقة لقديمة عندي كنعرفها من 1996 السيدة جمعات وطوات عذرتها فالأول ولكن ملي عرفت أنها مقطعاتش علاقتها مع شي بنات كتعرفهم هي بقا فيّ لحال وميكت حتا أنا..إيوا والصديقة الثالثة الله إسهل عليها حتا هيّ بولد الناس لتهلا فيها حيت يتيمة الأبوين.

                تعليق


                • #9
                  المشاركة الأصلية بواسطة maryamia مشاهدة المشاركة
                  الله يعطيك الخير ام مريم تبارك الله موضوع غزال
                  انا كيفما تنقول معندي صحابات ديال بصح صحاباتي هما ماما الله يخليها ليا و اختي
                  اما البنات لي تنعرف ضروري مسمعت هد الكلام انا بابات صاحبتي مشيت نشوفهم و ياحسرة انا لي ماشية و جا بدا يقولي شحال من عام ماجيتي انا بعدا ڭعما نزوج بناتي ايلا كانو غادين يديرو بحالك و انا مريضة جاني الوحم خايب و ماكينش لي سول ماعلينا ههههه حكيتي على الدبرة
                  واحد صاحبتي ملي عاد تزوجت تخلي حتى 10 الليل و تبدا تعيط ليا في التليفون تيقولي راجلي مافيها باس شوف مالها لتكون حاجة مهمة و قلت ليها انا هاديك الساعة فاش تتعيطي تنكون ناعسة ولا عاد غادية النعس و زيدون حدا راجلي متنلقاش راحتي نهدر معاك يعني فهمتها بلا ماحرجها و هي نيت مرة عيطات و الحمد لله راجلي كان ماشي في البيت لي انا فيه و هي تقولي كيدايرة و كيداير العروبي ديال راجلك (راجلي دكالي) و التيليفون ديالي كيسمع يعني كون كان حدايا كون سمع و شنو غادي يقول انا تنڭول عليك عروبي ولا معرفت شنو اقسم بالله طلعاتني شي سخونية ملي دخل راجلي قاليا مالك قلت ليه والو
                  الصراحة البنت العزبة لا علاقة بالمزوجة الله يهدي ماخلق
                  احراج قوي هدا
                  فعلا البنت تاتمزح كيف كانتق بل مع صاحبتها المزوجة ويقدر ديك المزاح يكون سبب فالصداع الله يحفظ بين المرا وراجلها وياما وقعات بدات بضحك وسالات بندامة
                  شكرا لمشاركتك اختي ربي يخلي ليك الميمة
                  المشاركة الأصلية بواسطة safi3007 مشاهدة المشاركة
                  ف صراحة موضوع قيم
                  الله يجازيك بالخيران
                  حتى أنا جربت هكدا مع أعز صاحباتي فش تزاوجات تبدلات بزاف
                  رجلها مكيمنعهاش من صاحباتها وقال ليها أنها يمكن تبقى على علاقة مع لبنات لشاف أنهم مزيانات
                  ولكن لاحضت أنها بغات تبقى على علاقة بلبنات لي مزوجات فقط
                  هادي نقطة اخرى
                  كاين اللي تتشوف ان اللي مامزوجاش تتشكل خطر عليها وديكشي تايكون عار من الصحة
                  شكرا لمداخلتك اختي













                  مايا 04 سابقا

                  تعليق


                  • #10
                    المشاركة الأصلية بواسطة الشاكرة لربها مشاهدة المشاركة
                    أنا كانو عندي 3 صحابات ملي تزوجت بقات علاقتي بهم مزيانة ديما كيجيو عندي وكيمشيو لدارنا عند أمي واخا منكونش عندها ومرة مرة كنزورهم فديورهم مكيقولي راجلي والو شوية تزوجات وحدة وبقات لعلاقة هيّ هيّ وثانية ملي تزوجات ميكات مبقات لا كتجي عندي ولا كتسول ولا حتى وراتني دارها ومجاتش عندي ملي ولت حتا فات لفوت علما أنها هيّ الصديقة لقديمة عندي كنعرفها من 1996 السيدة جمعات وطوات عذرتها فالأول ولكن ملي عرفت أنها مقطعاتش علاقتها مع شي بنات كتعرفهم هي بقا فيّ لحال وميكت حتا أنا..إيوا والصديقة الثالثة الله إسهل عليها حتا هيّ بولد الناس لتهلا فيها حيت يتيمة الأبوين.
                    اختي تايبقى كلها وطبعه و اللي بغاك مرحبا اللي فرط تاهو مرحبا
                    الله يلاقينا مع ماحسن منا وربي يفرح صديقتك اليتيمة بولد الناس













                    مايا 04 سابقا

                    تعليق

                    يعمل...
                    X