ArabicEnglishFrenchSpanish

إعـــــــلان

تقليص
لا يوجد إعلان حتى الآن.

الزيت الحار وكريمة الحار بطريقتي الخاصة المعتمدة و كتدوم أكثر من سنة ، لعشاق الحار هه

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة
    • WhatsApp

    الزيت الحار وكريمة الحار بطريقتي الخاصة المعتمدة و كتدوم أكثر من سنة ، لعشاق الحار هه

    في تاريخه بسم الله الرحمان الرحيم السلام عليكم ورحمة الله على بركة الله ، يلة كيف كتاب نزل هاد الموضوع أسأل الله تكونوا اخواتي في أحسن الأحوال وأموركم كاملة بخير وصفتنا اليوم : الزيت الحار وكريمة الحار بطريقتي الخاصة المعتمدة و كتدوم أكثر من سنة ، لعشاق الحار هههه المهم قبل مندوزو الوصفة نخليكم مع رحلة ما قبل هههه بحكم أنه هاد الفلفلة زرعناها في الدار مشي صعيب تزرع هاد الحار ، أسهل من الساهل ، شريناها شتلة صغيرة فيها غي شي جوج ورقات وساق ههه ، المهم نحفرو لها مكان وسط شي محبق ونديروهة فيه ، من أحسن المكان مايكون معرض لتيارات هوائية قوية والتربة رها هديك الواجدة ولكن مشي ديرينها حتى أعماق غي الفوق ، حيت مسيبة مزيان وفيها مواد تغدى منهم الزرعة أكثر وسقي من بعد المغرب أو صباح بكري ، صافي ههههه والكمال على الله بنسبة لهد الفلفلة ، هديك لكتكون جافة بزاف هي كنحتفضو بها تجف مازال وهي لكنخدو منها زريعة بش نغرسوهة ، للأمانة باقي مجربناش هاد الطريقة ، غي صاحب بابا لشرحها ليه وإن شاء الله ناويين نجربوهة عن قريب سبحان الله العظيم ، سبحان الله العظيم والحمدلله ، شحل حماقيت على هاد الألوان سبحان الله العظيم المبدع الرحمان الرحيم الحمدلله ، دبا ندوزو الوصفة الأولى ، الزيت الحار ، سهل بزاف وكيدوم بزاف وكل ما قدام كل مكزيان ويطلق ههههه أول مرة جربتو بقا لينا تقريباً سنتين المهم بعد ما غسلنا الحارات ونشفنهم مزيان كنقطعوهم على العرض ديالهم إلى دوائر كيف واضح في الصورة ونستفو في لاطات وندخلهم الفرن حتى ينشفو شوية مشي ينشفو بطريقة تامة ولكن تنحسو بالكمية لكنت مغطية لينا اللاطا تقلصات ، من بعد نوزعو ديك الفلفلة على قراعي ديال الزجاج معقمة ، ونزيدو نصبو عليها حتى الفوق زيت الزيتون في حال كنا بغي نستعمله للأكل وزيت النباتي في حال كنا نبغو نطيبو به ، أنا ستعملت غي جوج قراعي ودرت زيت الزيتون حيث الأغلبية كنكلوه وهاد الكمية راه مركزة بزاف ، كان بإمكاني نخرج منها تقريباً 5 أو 6 القراعي ولكن كنت غادي نحتاج كمية زيت أكثر ، المهم كنشرح لكم كلشي بالتفصيل وهاهو وجد عندنا زيت الحار ولا أروع ههههه المهم في الأيام الأولى كل ما تفكرنة نحركوه مزيان ويحتفض به في مكان جاف ومضلم مفيهش الرطوبة يتبع البنات باقي كريمة الحار ، راني كنزرب كنزرب سينون مغدي نحط حتى حاجة ديمة خارجة ليا شي حاجة من جنب هههههه
    بنسبة لكريمة الحار نحتاجو ، فلفلة صغيرة حارة لكل نصف كيلو 200 غ من فلفلة حمرة حلوة وتكون ملحمة هههه مالقيتش شي مصطلح أخر المهم بناتنا ، راكم فهمتوا قصدي ، 4 فصوص توم ومعلقة صغيرة ملح ، ونصف حامضة مرقدة ، زيت الزيتون .العملية سهلا ، نطحنو الكل مزيان ، ونعملوه في كسكاس يتسقطر الليل كامل ، الغد ليه نزيدو عليه زيت الزيتون ونعودو الطحين ديالو كيف واضح في الصور ، نعقمو القراعي ونعمروهم ونغطو السطح ديالهم بشوية زيت ، نرجعو نعملوهم في طنجرة عامرة بماء طيب حتى يغلى شوية وصافي ايقنوا وجدين بإذن الله نخليكم مع الصور عرفتو هادي البنات ولو حارة شي حاجة بنينة بزاف هه وحارة بزاف نيت نيت وره غي لعشاق الحار هههه متنسونش من صالح الدعاء الغزالات راني كنزرب نزرب نزرب المهم نتمنى يكون كلشي واضح يلة السلام عليكم ورحمة الله ، نخليكم مع هاد جوج تصيورات هههههه نكملو غدا إن شاء الله
    التعديل الأخير تم بواسطة sousoufara4; الساعة 18-08-2015, 21:27.
    sigpic[CENTER]
    فهرس وصفاتي هدية للأخوات الغاليات وأسألكن الدعاء

    http://www.anaqamaghribia.com/vb/sho...d.php?t=342606

    y
    • WhatsApp

    #2
    اودي تبارك الله عليك ماشاء الله
    sigpic







    تعليق

      • WhatsApp

      #3
      الله يعطيك الصحة ما شاء الله كلشي غزال

      تعليق

        • WhatsApp

        #4
        tbark allah alik welah fikra raw3aaaaaaaaaaa ghadi njarbha b2iden lmawa 3za wajal
        mwah alik ana men mou3jabat btrouk dialk
        url=http://tickers.doctissimo.fr/][/url]

        تعليق

          • WhatsApp

          #5
          تبارك الله عليك اختي وفية الله يعطيك الصحة ، حتى انا من عشاق الحارههههه


          اللهم اغفر لابي ، وارفع درجته في المهديين ، واخلفه في عقبه في الغابرين ، واغفر لنا وله يارب العالمين ، وافسح له في قبره ونور له فيه واجعله روضة من رياض الجنة
          آمين آمين يارب العالمين

          تعليق

            • WhatsApp

            #6
            السلام عليكم
            تبارك الله عليك الحبيبة موضوع ممتاز مع احلى تقييم










            تعليق

              • WhatsApp

              #7
              تبارك الله عليك جبتيها ليا كيف بغيتها الله يخلي لك صحيحتك إوا تهلأي فالجردة الحارة
              اللهم إني أسألك رضاك والجنة وأعوذ بك من سخطك والنار

              تعليق

                • WhatsApp

                #8
                تبارك الله عليك

                تعليق

                  • WhatsApp

                  #9
                  السلام عليكم ورحمة الله وبركاته


                  موضوع جميل وألوانه زاهية رغم أنه حار!!!
                  لك مني أحلى تقييم أختي

                  تعليق

                    • WhatsApp

                    #10
                    تبارك الله عليك

                    تعليق

                    يعمل...
                    X