إعـــــــلان

تقليص
لا يوجد إعلان حتى الآن.

بغيتو تحققو كل ماتمنيتو اجي نحكي لكم شنو درت انا باش حققت اكتر امنياتي

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • بغيتو تحققو كل ماتمنيتو اجي نحكي لكم شنو درت انا باش حققت اكتر امنياتي

    انا بنت عادية جداااااا كيما كل بنت كتتمنى بزاااف دالحوايج فحياتها
    اكيد بعض المرات كيصعاب علينا تحقيق امنياتنا
    لكن قررت فواحد نهار علاش انا نحزن على حاجة ملقيتهاش وعلاش نسنى شي حد يعملها ليا ونبقى واقفة فبلاصتي
    الحل كاين وقريب منا بزاااف لكن حنا للاسف مكنهتموش بيه
    انتما خواتاتي لي مولاداتش ليا ماما غادي نشارككم تجربتي في الاجابة لدعواتي

    قررت نعمل شي نقاط في حياتي ونتبعها وكنقسملكم بالله العلي العظيم تحققات لي جميع احلامي وامنياتي الا حاجة وحدة وحتى هي عجبني الحال لي محققتهاش وغادي نقولكم السبب
    قررت التالي ؟؟؟؟؟؟
    1- ندعي الله عز وجل في كل سجودي فالصلاة
    2- قبل منعس بالليل نوض ونصلي 2 ركعات او 4 وبعض المرات كتر ونبقى ندعي بزااااااااااااف حتى كنبكي متنساوش اخوتاتي بلي الله عز وجل كيكون في السماء الدنيا وكيقول
    هل من داعي استجب له اوا وحنا كندعيوه ظنو مغاديش يسمعنا ؟؟؟؟؟؟؟؟؟؟؟؟ اكيد لاااااااااااااااااا
    3- كنستغفر كل يوم الف مرة واحيانا 800 بنية الحاجة لي بغينا
    4- كنحسن الظن بالله عز وجل زعما كنكون متاكدة انه ربي غادي يعطيني هديك الحاجة لي بغيتها راه ربي الرحيم قالها على نفسه انا عند حسن ظن عبدي بي ؟؟؟؟ شنو بغينا كتر من هاكا ربي وعدنا بهدالشيء
    5- ملي كنبدا ندعي مكنملش ونقول ياربي علاش مستجبت لدعائي واخا يطوال الوقت ماشي مهم المهم فالاخر كاينة الاجابة عليكم بالصبر راه فالاخر غادي يكون كل شي كيما بغيتو
    6- كنلح فالدعاء زعما ديما كندعي بزااااااااااااااف وفينما حسيت بالكسل والعكز كنعرف انه قرب ربي عز وجل يستجاب لي وهدا الشيطان لي كيعكزني باش نمل نيشان كنوض نصلي ونزيد ندعي
    7- نكون محافظة على صلواتي الخمسة وراضية والديا ومنظلم حد ماشي نجي انا منصليش ونعق والديا ونسب ونشتم ونظلم الناس وفالاخر نقول علاش ربي مستجاب ليا
    8- كنردد بزاف كلمات محددة فدعائي مثل ياحنان يامنان يارحيم يامجيب الداعي ادا دعى
    9- ملي نشوف شي حاجة ربي عكسلي فيها او مطراتش كيما بغيت انا كنعرف انه مافيها خير وربي يعدها عليا ..........
    خواتي هالدشي ديروها فتحقيق الزواج للي تعكس لي او تاخر عليها الزواج فالدرية الصالحة فانجاب الاطفال للمتاخرات في الانجاب في الرزق الحلال في التوفيق بينك وبين زوجك
    لكل شي وانا هالدشي مجرباه
    ايوا نتمنى لكم السعادة
    اختكم الروح البريئة
    اللهم ارحم الغالي على قلبي ونور له في قبره مد بصره واكتب له الفردوس الاعلى واحشره مع الصديقين والشهداء وحسن اولئك رفيقا يارب ياحنان صبرني على فراقه ولاقني به في جنانك التي لافراق بعدها والحمدلله على كل حال...

    اللهم وفق بيني وبين زوجي .. واجعلني قرة عين له واجعله قرة عين لي .. واسعدنا مع بعض.. واجعلني لزوجي كما يحب وكما تحب .. وارزقنا الذرية الصالحة .. اللهم اني اسالك باسمك الحبيب الكافي ان تكفيني كل اموري مع زوجي مما يشوش خاطري ويسهر نظري .. اللهم الف بين
    قلبي وقلبه ..


    sigpic

  • #2
    جزاك الله خيراً أختي فعلاً كلامك صحيح را غي احنا علي كنعجز بزاف او أقل عمل يقدر الإنسان ادرو هو الإستغفار وله نتائج رائعة فن متلاً فهد الأيام كنت كندعي واحد الدعوة أكنت كنستغفر الله بزاف او كنتمنى تحقق او ليوم سبحان الله سعت أخبار زوينة ألي فرحت بها بزاف فالإنسان غي يكون عند حسن الظن بالله أيكون خير او أكيد العمل الصالح فحنا مقصرين بزاااااف فحق الله سبحانه وتعالى










    تعليق


    • #3
      كلامك أختي صحيح مائة بالمائة ..ونعم بالله..
      جزاك الله خيرا على التدكير

      تعليق


      • #4
        جزاك الله خيرا أختي بغيت نساول وش وخى تكوني صلتي الشفع والوتر تصلي مرهم من تجي تنعسي 2 ركعات حيت سمعت بلي مور شفع والوتر منصلوش النوافل
        [QUOTE]
        http://www.anaqamaghribia.com/pic/im...jpqwgiszkw.gif

        تعليق


        • #5
          جزاك الله خيرا أختي

          تعليق


          • #6

            تعليق


            • #7
              الله اجزيك كل خير والله اتبثنا كاملين

              تعليق


              • #8
                الله يجازيك بالخير والله يهدينا للطريق المستقيم ويعطينا القناعة

                تعليق


                • #9
                  جزاكي الله خيرا

                  تعليق


                  • #10
                    كلامك زين حبيبتي وصحيح مائة بالمائة فعلا الاستغفار يحقق المعجزات الله يثبتنا علي الطريق المستقيم

                    تعليق

                    يعمل...
                    X