ArabicEnglishFrenchSpanish

إعـــــــلان

تقليص
لا يوجد إعلان حتى الآن.

البنات جبتليكم تجاربي في الزراعة فيدوني و نفيدكم افادنا الله و اياكم

تقليص
هذا موضوع مثبت
X
X
تقليص
يشاهد الموضوع حاليا: 1 (0 عضوات 1 زائرات)
  • تصفية - فلترة
  • الوقت
  • عرض
إلغاء تحديد الكل
مشاركات جديدة
    • WhatsApp

    البنات جبتليكم تجاربي في الزراعة فيدوني و نفيدكم افادنا الله و اياكم

    بسم الله الرحمن الرحيم

    اخواتي الغاليات كيفما وعدتكم من قبل جبتلكم اليوم تجاربي في تشتيل بعض انواع الحبوب و هي مازالت في طور التجربة مع العلم انها نبتات لكن باقي ما نقدرش نحكم عليها بالنجاح حتى نشوف النتيجة المرضية الي كنتظرها
    على العموم هذه تجاربي و كنتمنى من الاخوات الفاضلات لي عندها شي راي او اقتراح او لاحظت شي خطأ في العملية تقول لي باش ناستفدو جميع
    تفضلو على بركة الله

    انا هنا استعملت بذور نوار الشمس و العدس و التفاح و حبة البركة و القرنفل عملتهم كيفما شفتو في ثوب من القطن مبلل و تنغطيهم حتى ينبتو
    تقريبا كلهم نبتو الا القرنفل (راسي قاصح زعما رنا قريت بلي بذور القرنفل ماشي هي لي عند العطار و مع ذلك قلت نجرب ما خاسرة والو)





    استعملت علب الحليب بعدما قطعت ليها الراس و غسلتها مزيان و تقبتها من تحت , كذلك استعمل حكاك دانون و رايبي, الخلاصة اي حاجة تنفع نرحبا

















    هنا خلطت التراب بالنخالة ديال القهوة لي عندي و سماد حيواني , لكن الخطأ لي درت هم انني كترت نسبة السماد و النخالة , معلش لحد الساعة ما كين مشكل الامور غادية مزيانة









    هذه زريعة نوار الشمس بعدما نبتات




    عمرت الوعاء بالتراب و حطيت البذور و غطيتها بالقليل من التراب


    هذا القزبر حتى هو منبت






    و هادي اللوبيا






    حبة البركة كاين لي تايقول ليها الحبة السوداء لكن ماشي السانوج راه في الصورة شكلها باين






    هدا العدس لكن نسيت ما صورتوش فاش زرعته لكن العملية راكم عرفتوها





    زريعة الكتان ما نبتهاش درتها يابسة






    صورة جماعية


    سقيتهم و غطيتهم بكيس بلاستيك و تقبته باش التربة تتنفس




    هادو نعينعات عجبوني الوريقات ديالو و حبيت نوجده للغرس


    و هدا عضم لافوكا شهر و هو في الما ما وقع ليه والو قولولي اش نعمل



    هدا الفول درت تجربة و صورتها على قبل الاخت لي كانت سولاتني عليه ة كذلذ الكل





    هدا الفول لي درت المرة الاولى ولكم الفراخ تينقبه لي


    الورد سميته الانتيميس جبته مدة هدي و خليته في الوعاء دياله حتى بانلي بدا تيصفار ليوم سهل عليه الله و بدلته و درته في هاد الوعاء لي كان في الاصل وعاء لنبات ديال البلاستيك لحت النبات البلاستيكي و درت النبات الحقيقي دعيو معايا ترجع فيه الروح




    و دبا شوفو النتائج لي حصلت عليها بعد 4 ايام من يوم الزراعة

    هدو ما صدقوش بعدا باقي ما بان والو
    بالنسبة للقرنفل عرفاه ما غاديش ينبت راه غير جبهة مني ههههههه, اما لافوكا هناك خطأ ما عرفتش اشنو المشكل اما الفول فتياخد وقت تقريبا 3 اسابيع و خاص تغرس اكتر من وحدة حيت كاينا لي تتصدق و كاين لي لا


    زريعة الكتان


    لوبيا


    تفاح بدا تينبت لي في اليسار شوية راه باين في الصورة


    حبة البركة



    قزبر


    نوار الشمس




    العدس


    وهدي صورة جماعية



    و هادو هدية من سطح دارنا شي نعينيعات و فليو باش نوجدو شا كاس ديال اتاي و لي عجباتها شي وريدة ما تغلاش عليها









    و مرحبا بيكم و سمحولي الا كان شي تقصير في الشرح رنا بزز باش كملته تصاور دوخوني و اصلا كنت عيانة نهار كامل على العموم الا كان اي استفسار انا رهن الاشارة
    و من عندكم الا كان شي اقتراح او شفتو شي خطأ قولولي و فيدوني
    في رعاية الله
    sigpic
    رَبِّ لَا تَذَرْنِي فَرْداً وَأَنتَ خَيْرُ الْوَارِثِينَ

    • WhatsApp

    #2
    ما شاء الله عليك ختي ام سدين الله يتبت الغرس و تجني و تصدري هههه
    انا باغة غير النعناع اللي مكنلقاه زين في هاد البلاد زرعتو زريعة و ما نبتش و دبا زرعتو عريشا على الله يصدق
    و راني مرطبة النافع و القزبر و المعدنوس و زريعة قاع قلة بلا مضحكي ها واحد الجبهة اخرى ههههه
    الله يصلح ختي ام سدين
    غير هو بغيت نسولك انا حاطة هداك الشي اللي في تراب غير قدام الباب ولكن مستر واش خاص ضروري نغطيهم بالبلاستيك وخا مسقف و مكن منين يدخل البرد غير مرة مرة كنحطهم في السرجم قدام الشمش دبا انا اللي غادي نبرزطك ههه
    اجي شفتك باقة مقصرة ولا فايقة تصلي الفجر دعواتك معاي اختي و مع بنياتي بالصلاح



    اللهم احفظ لي بناتي و اجعلهم من الصالحين اللهم اجعل بناتي مسلمات صالحات عابدات ذاكرات ..حافظات
    للقران الكريم..واجعلهم بارأت بوالديهم وأهلهم ..اللهم حسن خلقهم وخلقهم .وأعذهم من شياطين الإنس والجن

    تعليق

      • WhatsApp

      #3
      tbark lah 3lik a khti

      تعليق

        • WhatsApp

        #4
        المشاركة الأصلية بواسطة ام سارة و ياسمين مشاهدة المشاركة
        ما شاء الله عليك ختي ام سدين الله يتبت الغرس و تجني و تصدري هههه
        انا باغة غير النعناع اللي مكنلقاه زين في هاد البلاد زرعتو زريعة و ما نبتش و دبا زرعتو عريشا على الله يصدق
        و راني مرطبة النافع و القزبر و المعدنوس و زريعة قاع قلة بلا مضحكي ها واحد الجبهة اخرى ههههه
        الله يصلح ختي ام سدين
        غير هو بغيت نسولك انا حاطة هداك الشي اللي في تراب غير قدام الباب ولكن مستر واش خاص ضروري نغطيهم بالبلاستيك وخا مسقف و مكن منين يدخل البرد غير مرة مرة كنحطهم في السرجم قدام الشمش دبا انا اللي غادي نبرزطك ههه
        اجي شفتك باقة مقصرة ولا فايقة تصلي الفجر دعواتك معاي اختي و مع بنياتي بالصلاح
        تبارك الله عليك اختي ام سارة و ياسمين حتى نتي ما عندي ما يسالك ماشاء الله عليك حتى قاع قلا ما عتقتيهاش ههه, اوا الله يتبت غرسك يا رب, بالنسبة للبللاستيك لي درت تنديرو باش التربة تبقى محافظة على الرطوبة لكني زولته تاني يوم لانه لقيتها دغيا نبتات و خرجات الوريقات في هاد الحالة لازم البلاستيك يزول باش النبتة تاخد حاجتها من الاكسجين,
        عندي نصيحة ما ذكرتهاش في الموضوع غير نسيت , بديل طبيعي لهرمون التجدير, قريت انه القرفة و العسل تتحفز البذزر على الانبات لذلك انا جربتها و درت شوية الماء و القرفة و عملته في الرشاش و رشيت بيه التربة , الغد لقيتها نبتت كيف شفتي , جربيها راه لا ما نفعات ما تضرش
        انا سهرت ليوم على ود نكمل الموضوع راه 3 ايام دبا و انا تنوجد فيه تنصور و نجلس نقاد التصاور و نصغرهم و نكتب فيهم , اما بالنسبة للصلاة دعي معايا و ندعي معاك رانا كونجي هاد الايام
        اوا تصبحي على خير ما بقاوش تيبانو لي الحروف , السلام عليكم
        sigpic
        رَبِّ لَا تَذَرْنِي فَرْداً وَأَنتَ خَيْرُ الْوَارِثِينَ

        تعليق

          • WhatsApp

          #5
          ما شاء الله عليك يا ام سدين تجربة رائعة و الله يوفقك.

          تعليق

            • WhatsApp

            #6
            السلام عليكم
            ماشاء الله وتبارك الله عليك خاصكي تورينا مين يكبر وتديريه فشي محبقة كبيرة
            وعندي سؤال نتي تبارك الله يدك خضرا ههههههههه عندي واحد اللواية ديال الظل بحال هادي

            سنوات هادي مكبراتش بزاف واخا كنديرلها ENGRAIS وهاد الأيامات بحال إلا الوراق صفار شنو ندير ليها (عزيزة عليا بزاف)

            تعليق

              • WhatsApp

              #7
              تبارك الله عليك
              http://www.anaqamaghribia.com/vb/ima...ine=1354809199

              تعليق

                • WhatsApp

                #8
                ما شاء الله عليك ختي ام سدين مهندسة فلاحية من درجة اولى:82:



                تعليق

                  • WhatsApp

                  #9
                  تبارك الله ماشاء الله لا قوة الا بالله
                  هاد شي متول ومقاد واحترافي الله يبارك ويزيد
                  ماعندي مانقول احبيبة غير الله يكمل عليهم بالخير وتغرسي وتحصدي ان شاء الله

                  بما انك سمحتي لنا بالمداخلات بغيت نشير لواحد الحاجة معرفت واش صحيحة ولالا
                  تبارك الله شفت الكميات لي عملتي من كل نوع لاباس بها وشي طيسان عندك حطيتي فيهم حفينات وشفت العدس بعد ما نبت بان لي بحال يلا غادي يكون مداحس واش مشي مشكل يكون مزاحم ؟ واش مياثرشي على كمية الاضاءة لي كتوصل لهم

                  وعندي سؤال فقتاش غادة تنقلي النباتات واش حتى تفوت مرحلة النباتة الاولى ولا ملي تحسي بيهم شدو راسهم وصافي هههههههه غير صبري علينا وعلى الاسئلة عارفاك سهرتي وتعدبتي بتنزيل الصور وبلا منهدر على تمارا ديال التصوير والتجربة بحد داتها راها متعبة الله يرزقك الصحة والعافية على هاد المجهود الجبار والافادات لي عطيتينا تبارك الله عليك والحى تقييم

                  تعليق

                    • WhatsApp

                    #10
                    المشاركة الأصلية بواسطة oum janna مشاهدة المشاركة
                    tbark lah 3lik a khti
                    الله يبارك فيك اختي ام جنة مرحبا بيك اختي
                    المشاركة الأصلية بواسطة وصال29 مشاهدة المشاركة
                    ما شاء الله عليك يا ام سدين تجربة رائعة و الله يوفقك.
                    تبارك الله عليم اختي وصال اسعدني مرورك و تعليقك تحياتيى و شكرا على الدعيوة الله يوفقنا جميع
                    sigpic
                    رَبِّ لَا تَذَرْنِي فَرْداً وَأَنتَ خَيْرُ الْوَارِثِينَ

                    تعليق

                    يعمل...
                    X