ArabicEnglishFrenchSpanish

إعـــــــلان

تقليص
لا يوجد إعلان حتى الآن.

تحضيرات لشعبان

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة
    • WhatsApp

    تحضيرات لشعبان


    يثبت لمدة 15 يوم

    10/06/2013


    حبيت نتدكروا دخول شهر شعبان ومنكونوش من الغافلات وضعي نصب عينك اختي هاد شهر سترفع الاعمال لربك

    التحضيرات الشخصية

    محاسبة النفس والتوبة من كل الدنوب
    1.القلب ثم القلب نقي قلبك فليل حطي راسك على المخدة وشوفي واش كتحسدي احد كتحقدي على احد نممت احد اغتبت رميت محصنة اتبزت بلقب جرحت احد ستغفري وطلب سماحة ومنبغيش تطلع اعمالك عند الله وانت مخاصمة مع شي احد تصلحي مع كلشي وردي المظالم لكانت عندك مظالم ....
    2. اخيتي واش كتفيقي الفجر ولا عطياها غير النعاس حافظي على الفجر اختي وعلى صلوات فوقتها وحولي تقومي ليل ولو 2ركعات اه على العجز كون قالو ليك كاين عرس تبقاي ليل كامل سهرانة اه على العجز صلاة بي بيجامة سروال ضيق وفولار مشدهش مزيان صلا كلها وانت ضربي معاه لهيك صلي بجلباب او كندورة طويلة اه على العجز صلي بشوية
    3.اختي الا كنت كتفرجي فافلام التركية او برامج غنائية او كتسمعي لغناء تبغي ربي ترفع ليه الاعمال وانت هكاك هادك الوقت لي غتضيعي في المنكرات الساقطة وهادك المال لكتضيعي فاتورة الكهرباء على المنكرات ستغليه فبرامج دينية وسماع مايفيضك الله رزقك حسن خاتمة الا متي راه تشهد عليك عينيك وادناك وجوارحك
    4.اختي الصوم مزيان فهاد شهر حولي تصومي ولو غير يومين فشهر الاثنين والخميس اولين
    5.اختي كثري من الاستغفار ومن دكر الله وختم القران مشي غير رمضان فجميع شهور فحرصي على ختمة شعبان
    6.هدوك جلبات لحطا عند خياطة واش كتضحكي على راسك عبيات ولسستراس وجلالب ملفتة النظر وفتحة تلين ومزيرة راجعي راسك لبغتي الاجر كولو قولي واش هادا الحجاب الشرعي وشروطو لبغا الله راك عارفة حجاب الموضة هادي فرصة والا مديراش الحجاب وكتعملو فرمضان فيقي ديك نفس لوامة قبل الموت لبسيه وستري راسك قبل مستروك بالكفن
    التحضير لقفة رمضان .مساعدة الناس .

    يااختي غافلة كتفكري غير فراسك ربي رزقك المال ونسيتي اختك
    يا لي حضرات لائحة مقتنياتها ونسات اختها في الله
    يامن توجهت الى المتاجر وملئت سلتها ونسات اختها في الله
    ياصحبات مرجان وماكرو واسيما ولبيل في واسواق السلام........

    ياصحبات البيتزا والفوري والكرواصة والسيكار والكيش........ يامن حضرت الاطنان في مجمد الثلاجة وخزنت كل ماتحتاجه ....
    ياصحبات القلوب الرحيمة يافاعلات الخير يامحسنات لاتنسي اختك الفقيرة اختك ارملة اولادها جياع اختك مريضة اختك مطلقة تعول اسرة اختك تتعفف عن السؤال تصدقي ولو بشق ثمرة
    متنسيش اختك فهاد الشهر مدي يدك فيدي وعديني انك غتجمعي اسرتك وتحضرو لائحة بسيطة وتقضيها وتديها لاسرة محتاجة سواء انت واسرتك او انت وجاراتك او انت وصحاباتك او انت واخواتك او انت وحدك اقبلي على الخير حضري لائحتك للخير
    النمودج الخير تجمع اخوات نور اليقين
    ام الرميصاء
    ام العبادلة
    الصغيرة اروى مساهمة بمسروفها
    ام صهيب
    اللائحة اختيارية كل على قدر استطاعته
    ضمان الاكل ابسط اشياء من لم تجد تتصدق بالمجهود
    الحريرة الشاي التمر البيض الفرماج العسل الخبز مسمن حرشة.................................
    المواد
    كارطونة التمر *بلاطو البيض*علبة الشاي متوسطة *السكر*الزيت*الحمص*علب مطيشة *الشعرية *الدقيق*الفرماج العسل *القهوة .....الحليب.................
    اخواتي غير 50درهم لكل وحدة راه تشري المواد الاساسية لاسرة غير لعندك لاتستصغري اي شيء ....ولعندها تشري هاد شي بوحدها وتقضاه وتعطيه لاسرة ولعندها اي حاجة شروهااااااااااااااااااااااااا
    ها تصدق منها ولي وجداتها بيتزات وبروات وشباكية وسلو ومخمار ومسمن معمر وكرواصة ......
    لبغيت نوصل ليك تكون عندنا روح المعاونة والاجتماع على الخير عوض الاجتماع على الغيبة والكلام الفارغ
    التحضير للمسجد
    .50درهم لكتمشي غير في البيموات وشيبس لوليداتك لكلها ليستين او كتمشي فالخواوي شري بيها مصحف وسندالا الوضوء وسطيلة الوضوء وكاس الماء حطيهم والا كان امكن دي معاك الماء سقي الناس الماء او ولعندها تشري لكوضعوا فيها الماء او شوفي المسجد اش خصوا راه صدقات وحسنات وخاصة المصحف
    توصلك حسناتووانت ميتة ومعرفت رمضان اخر واش لقاك حية او لا فعلي الخير
    التحضير لزيارة الاقارب صلة الرحم او دور المسنين او المعاقين الايتام والمرضى
    سيري المستشفى وخا مكتعرفي تواحد سيري وقولهم الله شفيكم كثير معندوش هاد الثقافة المستشفى راه الله كيكون عند المريض ولك الاجر كثير ومنها عبرة لك تحمدي الله على النعمة وكما كنقول لحست بضعف الايمان ومرضياش على معيشتها توجه فورا لسبيطارات وتشوف تجي قانعة
    ملحوظة مهمة ردي بالك من لسانك هادشي كلوا قدر يدمروا فدقيقة صلة رحم لبغتها باجرها مشي تمشي وتبقاي على النميمة والغيبة والا عونتي مسلمة ماشي تبقاي تمني او تباهاي ودخلك الرياء او تمشي عند المرضى وتبقاي تحكي فحالتهم بطريقة ممزياناش كلشي خالص لوجه الله
    [COLOR=
    لدخلات تدكر ان لنا مسلمون يعانون العداب في سوريا وفلسطين وبورما والشيشان خاصة فهد شهور رمضان...........تدعوا لهم بالنصر وتفريج الكرب



    لحبت تعطينا افكارها او فضائل شهرشعبان جزاها الله خيرا ضعوا بصمتكم
    التعديل الأخير تم بواسطة ربيعة ام عمر; الساعة 10-06-2013, 14:31.


    [SIZE=6]اللهم بارك لي في ابني عبد الرحمان وأنبته نباتاً حسناً، واجعله قرة عيني واحفظه واجعله من أهل الصلاح والتقوى, اللهم واجعله من عبادك الصالحين الطيبين, ومن حفظة كتابك بمنك ورحمتك وعفوك يا اللــــه امين
    [/]
    • WhatsApp

    #2
    جزاك الله خيراً أختي ،الله يجعلنا من الصوامين القوامين المتصدقين ويغفر لينا يا رب ويقدرنا على فعل الخيرات ولو من القليل...
    :s11353::s11353:

    تعليق

      • WhatsApp

      #3
      جزاك الله اختي اللهم اعنا على فعل الخيرات وترك المنكرات اللهم بارك لنا في شعبان وبلغنا رمضان

      تعليق

        • WhatsApp

        #4
        بارك الله فيك وجعله الله في ميزان حسناتك



        تعليق

          • WhatsApp

          #5
          المشاركة الأصلية بواسطة tanirt&ya3cob مشاهدة المشاركة
          جزاك الله خيراً أختي ،الله يجعلنا من الصوامين القوامين المتصدقين ويغفر لينا يا رب ويقدرنا على فعل الخيرات ولو من القليل...
          امين واياك جزاك الله خيرا وكتبها في ميزان حسناتك الله فرحك


          [SIZE=6]اللهم بارك لي في ابني عبد الرحمان وأنبته نباتاً حسناً، واجعله قرة عيني واحفظه واجعله من أهل الصلاح والتقوى, اللهم واجعله من عبادك الصالحين الطيبين, ومن حفظة كتابك بمنك ورحمتك وعفوك يا اللــــه امين
          [/]

          تعليق

            • WhatsApp

            #6
            جزاك الله خيراً أختي
            اللهم بارك لنا في شعبان وبلغنا رمضان

            تعليق

              • WhatsApp

              #7
              الله يجازيك عنا ألف خير , دعي معايا و معا وليداتي و راجلي ا اختي بالهداية و الصلاح . الله اهدنا و اصلحنا و جميع المسلمين يا رب اااااااااااااامييييييييييييين .



              تعليق

                • WhatsApp

                #8
                الله اجازيك و ينورك اختي الحبيبة و الله الى درتي فينا خير ملي حطيتي هاد الموضوع , حنا عايشين في غفلة ميعلم بيها غير الله , ياربي ترزقنا الايمان و الاخلاص , كنوعدك اني نحاول نطبق ليقولتي و اول حاجة غنبدا بيها باذن الله هي القفة, اللهم اني اسألك الثبات

                تعليق

                  • WhatsApp

                  #9
                  المشاركة الأصلية بواسطة ام الوليد مشاهدة المشاركة
                  الله اجازيك و ينورك اختي الحبيبة و الله الى درتي فينا خير ملي حطيتي هاد الموضوع , حنا عايشين في غفلة ميعلم بيها غير الله , ياربي ترزقنا الايمان و الاخلاص , كنوعدك اني نحاول نطبق ليقولتي و اول حاجة غنبدا بيها باذن الله هي القفة, اللهم اني اسألك الثبات
                  امين بارك الله فيك فرحتيني من غتطبقي وتعملي القفة الله سعدك دنيا واخرة بوركت


                  [SIZE=6]اللهم بارك لي في ابني عبد الرحمان وأنبته نباتاً حسناً، واجعله قرة عيني واحفظه واجعله من أهل الصلاح والتقوى, اللهم واجعله من عبادك الصالحين الطيبين, ومن حفظة كتابك بمنك ورحمتك وعفوك يا اللــــه امين
                  [/]

                  تعليق

                    • WhatsApp

                    #10
                    بارك الله فيك وجعله الله في ميزان حسناتك

                    تعليق

                    يعمل...
                    X