ArabicEnglishFrenchSpanish

إعـــــــلان

تقليص
لا يوجد إعلان حتى الآن.

سمبوسة صحية بثلاث حشوات اقتصادية من مطبخي

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة
    • WhatsApp

    سمبوسة صحية بثلاث حشوات اقتصادية من مطبخي


    في 2013 - 21 -06

    السلام علييكم يا احلى الانيقات
    مبروك عواشركم و الله يبلغنا رمضان بالصحة و السلامة يا ربي
    ليوم جبت وصفة سمبوسة لي معرووفة فالخليج العربي و ضروري منها فالافطار
    الرمضاني و لكن الاختلاف هنا انني طيبتها فالفرن ماشي مقلية
    فهاد الايام كنت نتفرج ففتافيت وواحد الشاف قاد السمبوسة صراحة شهااني
    مشيت تنقلب فالانترنت عليها عرفت بان اساس العجين ماء و دقيق و ملح صافي و خاصها القلي
    ولكن هاد العجين متصلاحش للفرن تتجي قاصحة و لدواعي صحية ههه بقيت نقلب على وصفات فالفرن و تبارك الله لقيت بزااف
    زدت شوية من راسي كيفما ديما باش خرجت بهاد النتييجة


    العجين
    كاس نخالة القمح(كانت عندي غليضة حمرتها شوية وطحنتها)
    كاس و نصف دقيق فورص
    1/2 كاس فينو (ممكن نستعملو دقيق الخرطال)
    2معالق زيت الزيتون
    1/2كاس ياغورت طبيعي او لبن
    1معلقة خميرة خبز
    1/2 معلقة صغيرة خمارة حلوى
    ملح

    نخلطو كل مقادير العجين و نبقاو نضيفو الماء الدافئ شوية بشوية حتا
    تجمع خاص تكون شوية كتلصك و ندلكوها مزيااااان نغطيوها و نخليوها تخمر



    الحشوة الاولى
    زلافة مكور مقطع رقييق
    نص بصلة كبييرة مشنفة
    نص حك شومبينيو
    فرماج محكوك(مكانش متوفر استعملت تاع السندوييش)
    ملح/ابزار/زنجبيل/خرقووم/زيت زيتون



    نوضعو الزيت فمقلاة نشحرو البصل حتا يذبل عاد نضيفو المكور و التوابل
    منين ينشف الخليط و يطيب المكور نضيفو الشومبينيو و نخليوه ينسجم و نطفيو علييه



    الحشوة الثانية
    دجاج مقطع صغييير او كفتة دجاج
    بصلة صغيرة مشلضة
    2كورجيت محكوكين
    شوية مكور محكوك
    توم/موطارد/مطيشة الحك/معدنوس
    ملح/ابزار/زنجبيل/خرقوم/زيت الزيتون

    نشحرو البصل فالزيت نضيفو الدجاج منين يبدا يطيب نضيفو التوابل و الثوم و الموطارد
    تم نضيفو الكورجيت و المكور منين يطيب كلشي نزيدو معيلقة مطيشة الحك نشحروها و نطفيو نزيدو المعدنوس و نخليو كلشي يبرد





    الحشوة الثالتة
    سبانخ
    فرماج(من الاحسن ريكوتا او جبلي)
    ابزار/رشيشة كوزا

    نبلونشيو السبانخ فماء مملح و نعصروه مزياااان نقطعوهم
    نضيفو ليهم الفرماج و الابزار و الكوزة و نخلطو مزيااان



    منين تيطيبو كل الحشوات و يبردو تكون العجينة خمراات
    نسرحوها رقييقة و نقطعوها بالشكل لي بغينا
    انا كل حشوة درت شكل يالنسبة للحشوى الاولى ددرتها على شكل انصاف دوائر
    وعمرتها و حطيت فوق كل وحدة طريف فرماج و سدييت عليها



    الحشوة الثانية درتها على شكل مربعات
    والثالتة على شكل مثلثات





    منين نساليو من التشكيل كنسخنو الفرن على درجة 200 و ندخلوهم يتحمرو ممكن دهنوهم بالبيض مكيعجبنيش
    دهنتهم بمعيلقة زيت صغييرة
    للاشارة لهاد الحشوات بثلاثة دوبلت مقاديير العجين و درت الحبات رقاق و صغار تقريبا شي 60 حبة خرجات ليا او اكثر شوية
    ولكن صغاار تاع دغيمة ههه طيبت شوية منهم و الباقي ستفتهم فبلاطو ودخلتهم للمجمد منين تجمدو جمعتهم فبلاستيكة
    منين تبغيوهم سخنو الفرن مزيان خدجوهم من المجمد للفرن وهاهو بنان و صحيين و خفاف خاصة رمضان قريب


    نتمنى يعجبوكم و تجربوهم ولا تنسونا من صالح الدعاء
    اللهم ادمها نعمة و احفضها من الزواال

    التعديل الأخير تم بواسطة ريم 2012; الساعة 21-06-2013, 12:47.

    فهرس مواضيع اميرة باخلاقي"متجدد باذن الله"

    يا رب احفضه و اجعله من الصالحين



    • WhatsApp

    #2
    الله يعطيكي الصحة هنجربها اكيد في هاد رمضان من باب التغيير مشكورة

    تعليق

      • WhatsApp

      #3
      المشاركة الأصلية بواسطة maryouma24 مشاهدة المشاركة
      الله يعطيكي الصحة هنجربها اكيد في هاد رمضان من باب التغيير مشكورة
      ربي يخلييك حبيبتي على الرد ان شاء الله تجربيها وتعجبك

      فهرس مواضيع اميرة باخلاقي"متجدد باذن الله"

      يا رب احفضه و اجعله من الصالحين



      تعليق

        • WhatsApp

        #4
        تبارك الله عليك عجين صحي وفي الفرن ماعندي ما نقول ومنظرهم جميل ,الله يعطيك الصحة.

        تعليق

          • WhatsApp

          #5
          تبارك الله عليك الله يعطيك الصحة فكرة زوينة باش نغنيو الطبلة د رمضان و عواشر مبروكة
          ​​​​



          ​​​

          تعليق

            • WhatsApp

            #6
            المشاركة الأصلية بواسطة *ام يوسف* مشاهدة المشاركة
            تبارك الله عليك عجين صحي وفي الفرن ماعندي ما نقول ومنظرهم جميل ,الله يعطيك الصحة.
            ربي يخلييك حبوبتي وحتا المذاق غزاال

            فهرس مواضيع اميرة باخلاقي"متجدد باذن الله"

            يا رب احفضه و اجعله من الصالحين



            تعليق

              • WhatsApp

              #7
              المشاركة الأصلية بواسطة تفراوت11 مشاهدة المشاركة
              تبارك الله عليك الله يعطيك الصحة فكرة زوينة باش نغنيو الطبلة د رمضان و عواشر مبروكة
              ربي يخلييك حبوبتي و شكرا على المرور العطر

              فهرس مواضيع اميرة باخلاقي"متجدد باذن الله"

              يا رب احفضه و اجعله من الصالحين



              تعليق

                • WhatsApp

                #8
                المشاركة الأصلية بواسطة أميرة باخلاقي مشاهدة المشاركة
                ربي يخلييك حبوبتي وحتا المذاق غزاال

                أكيد مما لاشك فيه المذاق لذيذوبنييييييين,احب هذا النوع من الفطائر.

                تعليق

                  • WhatsApp

                  #9
                  المشاركة الأصلية بواسطة *ام يوسف* مشاهدة المشاركة
                  أكيد مما لاشك فيه المذاق لذيذوبنييييييين,احب هذا النوع من الفطائر.
                  نتمنى تجربيهم و يعجبوك ان شاء الله

                  فهرس مواضيع اميرة باخلاقي"متجدد باذن الله"

                  يا رب احفضه و اجعله من الصالحين



                  تعليق

                    • WhatsApp

                    #10
                    تبارك الله عليك و الله يعطيك الصحة

                    تعليق

                    يعمل...
                    X