ArabicEnglishFrenchSpanish

إعـــــــلان

تقليص
لا يوجد إعلان حتى الآن.

دخلي أو وشاركينا أحسن مكان سافرتي ليه.......

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة
    • WhatsApp

    دخلي أو وشاركينا أحسن مكان سافرتي ليه.......

    السلام وعليكم البنات كول وحدة تشارك معانا بمدينة مشات ليها أو عجباتها وتقول لينا علاش عجباتها باش ناخدو أفكار من بعضياتنا أنا كنت سافرت ل مدينة أصيلة وعجباتني بزآآف هيا مدينة صغيرة وناسها ضراوش مكتسخيش تخرجي منها غييير ديال شي شهر العسل هههه مدينة هادئة وجوها نقي هيا قريبة من مدينة طنجة ولي مشا ليها أنا متأكدة غادي يبغي يرجع ليها يلاه أبنات قولو لينا المدينة لي عجباتكم و علاش ؟؟
    • WhatsApp

    #2
    و عليكم السلام
    احسن مدينة مشيت ليها هي الحسيمة سبحان الله فيها مناظر خلابة البحر زوين و لون ديالو تركواز ماشي بحال بحر ديال كازا لي طلع ليا فراسي ههههه و اما الجبال مبنيين فيهم الديور و عاليين كيطلو على البحر يعني الجبل ملاصق مع البحر نيشان
    و فيها العقبات بزاف كلها تضاريس متنوعة و الى ركبتي طاكسي يقدر يساريك المدينة كلها غير ب 8 دراهم لحقاش معندهمش الكنتور و ناسها مزيانين و مساعفين الله يعمرها دار اما اللهجة الريفية ديالهم غزاااالة كتحمقني هههه
    كنتمنى ربي يسهل عليا و نشري دار تما غير باش نفوج فيها لحقاش فعلا مدينة رائعة

    تعليق

      • WhatsApp

      #3
      شكرا أختي على الإجابة ديالك وكنتمنى نمشي ليها أنا وراجلي ولله إسهل عليك تشري دار تما باش نلكاو عندمن نمشيو ههه الله إسهل أومرك أختي وعواشرك مبروكة بصحة والهناء

      تعليق

        • WhatsApp

        #4
        المشاركة الأصلية بواسطة ام محمد و علي مشاهدة المشاركة
        و عليكم السلام
        احسن مدينة مشيت ليها هي الحسيمة سبحان الله فيها مناظر خلابة البحر زوين و لون ديالو تركواز ماشي بحال بحر ديال كازا لي طلع ليا فراسي ههههه و اما الجبال مبنيين فيهم الديور و عاليين كيطلو على البحر يعني الجبل ملاصق مع البحر نيشان
        و فيها العقبات بزاف كلها تضاريس متنوعة و الى ركبتي طاكسي يقدر يساريك المدينة كلها غير ب 8 دراهم لحقاش معندهمش الكنتور و ناسها مزيانين و مساعفين الله يعمرها دار اما اللهجة الريفية ديالهم غزاااالة كتحمقني هههه
        كنتمنى ربي يسهل عليا و نشري دار تما غير باش نفوج فيها لحقاش فعلا مدينة رائعة
        يا ريت اختي الى كريته فيها تقولي ليا واش اوتيل و لا دار و الثمن
        المهم معلومات مختلفة عليها لي بغى يمشي ليها و يتسارا باش تنصحيه

        شكرا لصاحبة الموضوع فعلا موضوع غزال
        انا مشيت لمراكش و النواحي ديالها هما لي عجبوني سيتي فاطمة و دوك الجبال و كنتمنى نمشي للشمال خصوصا شاون و اصيلة
        ياريت تعطيني معلومات عليها
        سرعة الايام مخيفة!
        ما إن أضع رأسي على الوسادة إلا وأشرق نور الفجر..
        ما إن أستيقظ إلا وحان موعد النوم..
        تسير أيامنا و لا تتوقف !
        وأقول في نفسي : حقاً السعيد من ملأ صحيفته بالصالحات ..
        - والسؤال الذي أقف عنده بماذا ملئت صحيفتي !؟
        وهل أنا أسير للأمام أم للخلف !؟
        يا ترى ما هو وزني عند الله!؟
        أقف وأحاسب نفسي فالأيام تمشي بسرعة ولن يبقى إلا العمل الصالح
        فتن الدنيا تموج بنا والأحداث تتسارع من حولنا والأموات يتسابقون أمامنا..
        "
        " "فَفِرُّوا إِلَى اللَّهِ ۖ إِنِّي لَكُمْ مِنْهُ نَذِيرٌ مُبِينٌ"

        تعليق

          • WhatsApp

          #5
          المشاركة الأصلية بواسطة koki26 مشاهدة المشاركة
          السلام وعليكم البنات كول وحدة تشارك معانا بمدينة مشات ليها أو عجباتها وتقول لينا علاش عجباتها باش ناخدو أفكار من بعضياتنا أنا كنت سافرت ل مدينة أصيلة وعجباتني بزآآف هيا مدينة صغيرة وناسها ضراوش مكتسخيش تخرجي منها غييير ديال شي شهر العسل هههه مدينة هادئة وجوها نقي هيا قريبة من مدينة طنجة ولي مشا ليها أنا متأكدة غادي يبغي يرجع ليها يلاه أبنات قولو لينا المدينة لي عجباتكم و علاش ؟؟
          متافقة معاك اصيلة مللي زوتها عشقتها وكنتمنى نرجع لها وعلاش كاع منسكون فيها يا ازايلا
          اللهم أصلح لي ديني الذي هو عصمةُ أمري، وأصلح لي دنياي التي فيها معاشي، وأصلح لي


          آخرتي التي فيها معادي، واجعل الحياة زيادةً لي في كلِّ خيرٍ، واجعل الموت راحةً لي من كل شرٍّ.

          تعليق

            • WhatsApp

            #6
            المشاركة الأصلية بواسطة قلب حنين مشاهدة المشاركة
            يا ريت اختي الى كريته فيها تقولي ليا واش اوتيل و لا دار و الثمن
            المهم معلومات مختلفة عليها لي بغى يمشي ليها و يتسارا باش تنصحيه

            شكرا لصاحبة الموضوع فعلا موضوع غزال
            انا مشيت لمراكش و النواحي ديالها هما لي عجبوني سيتي فاطمة و دوك الجبال و كنتمنى نمشي للشمال خصوصا شاون و اصيلة
            ياريت تعطيني معلومات عليها
            انا كريت دار في وسط المدينة ب 300 درهم لليلة اما الى كريتي فضواحي المدينة غدي يكون ثمن اقل
            اهم اماكن السياحية لي فيها هو البحر كاين 3 شواطئ كل واحد مختلف على الاخر و احسن واحد فيهم هو لي فوسط المدينة داك شي علاش كريت تما
            كاين عوتاني الساحة فيها نافورة غزالة و الأضواء فالليل منظر غزال و حداها دروج كيطلو على البحر كيكلسو فيهم الناس فالليل و كاين واحد العقبة فوق الجبل مكان عالي بزاف كتطل على الميناء
            المطاعم مزيانين و وقتما جاك جوع وخا مع زوج ديال الليل تلقايهم محلولين و الدنيا عامرة فالصيف مع الجالية المغربية و الرواج تبارك الله فالقيساريات كلهم

            تعليق

              • WhatsApp

              #7
              المشاركة الأصلية بواسطة قلب حنين مشاهدة المشاركة
              يا ريت اختي الى كريته فيها تقولي ليا واش اوتيل و لا دار و الثمن
              المهم معلومات مختلفة عليها لي بغى يمشي ليها و يتسارا باش تنصحيه

              شكرا لصاحبة الموضوع فعلا موضوع غزال
              انا مشيت لمراكش و النواحي ديالها هما لي عجبوني سيتي فاطمة و دوك الجبال و كنتمنى نمشي للشمال خصوصا شاون و اصيلة
              ياريت تعطيني معلومات عليها
              لا شكرا على واجب قلب حنين انا ملي مشيت ل أصيلا خدينا لوتيل ي طنجة ب 200 درهم ليلة درنا فطنجة حيت قريبة من أصيلة بزاف ومشينا لواحد لغابة سميتها غابة أمريكا فطنجة غابة وحداها لبحر غزآآآآلة بزا ف

              تعليق

                • WhatsApp

                #8
                المشاركة الأصلية بواسطة ام محمد و علي مشاهدة المشاركة
                انا كريت دار في وسط المدينة ب 300 درهم لليلة اما الى كريتي فضواحي المدينة غدي يكون ثمن اقل
                اهم اماكن السياحية لي فيها هو البحر كاين 3 شواطئ كل واحد مختلف على الاخر و احسن واحد فيهم هو لي فوسط المدينة داك شي علاش كريت تما
                كاين عوتاني الساحة فيها نافورة غزالة و الأضواء فالليل منظر غزال و حداها دروج كيطلو على البحر كيكلسو فيهم الناس فالليل و كاين واحد العقبة فوق الجبل مكان عالي بزاف كتطل على الميناء
                المطاعم مزيانين و وقتما جاك جوع وخا مع زوج ديال الليل تلقايهم محلولين و الدنيا عامرة فالصيف مع الجالية المغربية و الرواج تبارك الله فالقيساريات كلهم
                المشاركة الأصلية بواسطة koki26 مشاهدة المشاركة
                لا شكرا على واجب قلب حنين انا ملي مشيت ل أصيلا خدينا لوتيل ي طنجة ب 200 درهم ليلة درنا فطنجة حيت قريبة من أصيلة بزاف ومشينا لواحد لغابة سميتها غابة أمريكا فطنجة غابة وحداها لبحر غزآآآآلة بزا ف
                شكرا ليكم اخواتي على المعلومات ربي يحفظكم
                سرعة الايام مخيفة!
                ما إن أضع رأسي على الوسادة إلا وأشرق نور الفجر..
                ما إن أستيقظ إلا وحان موعد النوم..
                تسير أيامنا و لا تتوقف !
                وأقول في نفسي : حقاً السعيد من ملأ صحيفته بالصالحات ..
                - والسؤال الذي أقف عنده بماذا ملئت صحيفتي !؟
                وهل أنا أسير للأمام أم للخلف !؟
                يا ترى ما هو وزني عند الله!؟
                أقف وأحاسب نفسي فالأيام تمشي بسرعة ولن يبقى إلا العمل الصالح
                فتن الدنيا تموج بنا والأحداث تتسارع من حولنا والأموات يتسابقون أمامنا..
                "
                " "فَفِرُّوا إِلَى اللَّهِ ۖ إِنِّي لَكُمْ مِنْهُ نَذِيرٌ مُبِينٌ"

                تعليق

                  • WhatsApp

                  #9
                  انا احسن مدن مشيت ليهم و عجبوني هما
                  نواحي مراكش == خصوصا اوريكة قضيت فيها يومين في فصل الشتا في اواخر دجنبر صراحة الجو غزااال و نقي و يفتح اشهية
                  حجزنا في دار ضيافة راه متواجدين بزاف على الطريق فقنا الصباح بكري على خرير المياه و لقينا التلج حدانا مشينا فطرنا و تغدينا كنا احنا 6 اشخاص ب 200 درهم الا باقي عاقلة و من بعد مشينا للشلالات
                  حسن شي في اوريكة هو الشلالات خاصك تمشي ليهم
                  طنجة == زوينة مشيت ليها في فصل الربيع و الصيف انا كنفضلها فصل الربيع اما الصيفكتكون عمرة بزاف و متعرفيش تساراي على خاطرك و كلشي غالي فيها
                  بالنسبة للسكن حنا مشينا عند خويا و لكن ممكن تلقاي شقق نتي و جهدك من 300 درهم و الفوق
                  الشواطئ ,,,مشيت لشاطئ لي وسط المدينة و مشينا لاشقار حتى هو زوين
                  فين تساراي و فين تقداي و تشري ....سيري للرميلات الى عندك السيارة ,,,,مغارة هرقل ,,,,, المصلى ..... عين قطيوط ,,,, كازا براطا.....سور المعاكيز ههههه الى كنتي من صحابات السوفل الضعيف
                  الاكل .... ماغاديش توحلي فيه فين ما مشيتي تاكلي ههههههههههههه المحلات موجودة للماكولات
                  و ممكن الا نتي في طنجة تمشي للنواحي ...... سيري للفنيدق .... المضيق ,,,,, تطوان حتى هو
                  كنتمنى نمشي غير لفاس و اكادير هههههههههههههههه

                  [URL=http://www.anaqamaghribia.com/pic/]











                  تعليق

                    • WhatsApp

                    #10
                    السلام عليكم
                    تسناوني حتى دوز المسابقة ديال افضل تقرير سياحي حيث عيني على النقط يتزادو لي ههههه و نحط ليكم كلشي بالتفصيل مشينا من اكادير حتال طنجة وكملنا حتال وجدة كلشي بالصور و المصاريف والشقق الي كرينا و ثمن لوطو روت وثمن اليسانس هههه

                    ultraviolet سابقا










                    تعليق

                    يعمل...
                    X