إعـــــــلان

تقليص
لا يوجد إعلان حتى الآن.

الجزء الثاني من افكار لالة مولاتي و الجديد بالصور

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • الجزء الثاني من افكار لالة مولاتي و الجديد بالصور




    السلام عليكم و رحمة الله تعالى و بركاته بسم الله و الحمد لله و الصلاة على رسول الله

    بسم الله الرحمان الرحيم

    بعد الجزء الاول للموضوع ديالنا و لي كان كلو كيدور حول ماكينة غسيل الماعن و الاهمية ديالها

    http://www.anaqamaghribia.com/vb/showthread.php?t=363600&highlight=

    غننتقل لمجوعة من الافكار المنوعة و نتمنى تعجبكوم و تطبقوها

    نبداو على بركة الله

    معرفتش باش نبدا ههههههههههههه

    هادي غير بداية عنداك تنقلو لي الموضوع للطبخ هادي غير مستملحة راه الافكار غنهدر فيها على الاعمال المنزلية

    ايوا نبدا بحلوتي و هي حلوة جد بسيطة و كنحاول على حسب الوقت نخليها متوفرة لعائلتي

    كنديرها فبواطات و نخليها فالخزنة

    ولي كيميز حلوتي انها لذيذة و الاهم مفيييييييييييييييييدة

    وهاهما الصور ديالها

    الحلوة الاولى هي الفقاص المالح و علاش مفيد حيت كنزيد فيه الزعتر و راكوم عارفين مزايا الزعتر



    وكاين وحاد الفكرة كنديرها فالطبخ ديالو كنسطرو فطبسيل دائري حيت عندي فران ديال الضو بهاد الشكل




    بالنسبة للوصفة كل مرة كنجرب شكل مختلف الله يكتر خير العضوات لي كيتحفونا بالوصفات ديالهم و المهيم كنزيد الزعتر وهو الاهم فهاد الوصفة

    يعني حاولي اختي تختاري و تميزي فالطبخ
    ديالك و ماتكتريش من السكريات و الزيوت و الزبدة حضي راسك ووعائلتك ديما فكري فالوصفات الصحية قبل كل شيء

    دابا حلوتي المنزلية الحلوة وهي الحلوة الوجدية الرائعة الكعك غير انا كنديرها بطريقة بسيطة يعني مكونات يسيطة و الاهم فيها انك تزيدي الزنجلان و النافع و حبة حلاوة و المكونات المفيدة للصحة وماتنسايش حبيبتي تنقي المكونات مزيان من الاحجار و الشوائب






    ايوا بركة من الحلاوي شفت عجبكوم الحال يالاه نرجعو للشقى ديالنا

    هاني جبت ليكوم العدة الحربية ديالي و لي كتبرد ليا الغدايد



    صورة جماعية لاسلحة الدمار الشامل هههه من اليمين الى اليسار

    جافيل العزيز ههههه
    دوا البوطة فيه بزاف ديال الانواع كل مرة كنجرب شكل و كامللين كيخليو البوطة كتلمع و بلا حكان
    صابون ليكيد وراني سبق و هدرت عليه فالتسياق كنشريه بالعبار
    سانيكروا حتى هو للتسياق و مسيح البوطاجي راااااااااااائع
    و اخير حبيبي اوني لي منستغناش عليه فغسيل الاواني و عييت نجرب فالانواع هدا هو سيدهوم ههههه
    التعديل الأخير تم بواسطة ماما شرف; الساعة 29-10-2013, 13:17.

    اخر مواضيعي :77: منتوجات عالية الجودة مرحبا بخبيرات التسوق






  • #2
    باقي الافكار غنعاود نحطها من موضوع ديالي قديم كنت حطيتو فمنتدى اخر شحال هادي و غنعاود نحطهوم هنا للافادة

    باش نكونو متولين او نسهلوا شغلنا خصنا



    1 _نتعلمو حنا او وليداتنا نردو كل حاجة لبلاصتها او هادي اهم قاعدة



    2_كولشي يتعاون مكاينش نتا ولد معليكش.... لا كلشي كيتحمل المسؤولية او كايعاون او كايدير نوبة ديالو ونكلفو كل واحد بمهمة خاصة بيه حتى من الطفل الصغير يقاد الصبابط مثلا" عادي



    3_التاويل كيجي شوية بشوية ماشي غدا غنولي متولة كل مرة نحاول نصلح حاجة فداري او حتى فشراء الادوات كل شهر اذا امكن نشري حاجة غنتول بيها داري لمهم شوية بشوية او على قدر الاستطاعة



    نبداو دابا فتاويل اهم او اصعب غرفة فالدار الكوزينة وما ادراك من الكوزينة




    1)الكوزينة اي المطبخ =







    _ كلما نغسل الماعن نمسح البوطة ديالي او ضروري بالما ديال البوطة غي قطرة راها كافية



    _ من بعد كل وجبة نغسل مباشرة الماعن باش مايتجمعوش عليك او لي دخل او شرب فشي كاس ولا استعمل شي حاجة يغسلها عاد يخرج من الكوزينة كان صغير ولا كبير خصها تولي فينا قاعدة



    _ مني كناكلو او نكملو كل واحد كيوصل معاه حاجة لكوزينة او هكدا كنجمعو الطبلة فوقت قياسي



    _ دائما نوقفو فالكوزينة او حنا لابسين الطابلية او تكون ديال الميكة راه حشومة تلقى مولاة الدار عامرين حوايجها بالطبايع او حرام كتخرج هي على حويجتها

    _احسن حاجة تكون عندك فلكلوزينة هي واحد الخزنة ديال الزاج تحطي فيها كاع الماعن لي عندك زايدين او الماعن ديال الضياف يكونوا مجموعين فيها او يكون عندها الساروت باش مايبقاوش عائلتك يجبدو ليك الماعن او يقويو عليك الربلة او مني يجيو ضيافك تلقاي كلشي فيها متول او واجد ماشي فين مشات لمعلقة المذهبة فين غاندير السكر لا كلشي واجد او قريب غي عمري او حطي






    _الاكيد هو ان الماعن ديال الضياف بوحدهوم حيت كيكونو غاليين او منضورين او الماعن لي كنستعملو بوحدهوم حيت كيكونو صحاح و عمليين ولكن ماشي نديرو فراسنا الشوهة كاس كبير كاس صغير القهوة فكاسرولة لا لا... حتى هومة نتولوهوم يكون سربيس بحال بحال و جميل او صحيح او الكيسان ديما نشري 2 مجموعات باش لي تهرس نعوضوبخوه بحالو او نحط الماعن لي كنستعملو قراب لينا او فنفس الجهة ماشي حط هنا او حط لهيه



    _ واحد الرف خاص بالالات الكهربائية لي عندك . مستفين او متولين لي كنستعملها كنمسحها ديك الساعة او كنردها بلاصتها او نصيحة فالالات ديما شري الحاجة الغالية باش تبقالك ديما مزيانة او تخليها حتى لوليداتك من بعد . انا كيتعجب فيا مول الحانوت كنقولو فين الغالية فيهوم ماشي حيت عندي لفلوس بزاف'' لا '' ولكن باش نرجع نزيد نصبر ونجمع فلوسها او نشري الحاجة المزيانة او كيما كيقولو لا زربة على صلاح



    _غطاء الصبانة او الفران او التلاجة باش يبقاو ديما جداد او ميتصداوش او مني يتوسخو نصبنهوم










    _علب القطاني مهمين بزاف كيحفضوهوم من الحشرات او كيبانليك اش عندك او شنو خصكي تقداي



    التعديل الأخير تم بواسطة jawdat; الساعة 28-10-2013, 21:58.

    اخر مواضيعي :77: منتوجات عالية الجودة مرحبا بخبيرات التسوق





    تعليق


    • #3
      تباركلاه عليك اعلى تاويلك






      تعليق


      • #4
        _السرابت او المناديل كنديرهوم فصاك كيتسد باش مايتلفوش ليا . ديال الضياف بوحدهوم او ديالنا بوحدهوم . ديالنا حاطاهوم فين كناكلو باش كيجيوني قراب



        اخر مواضيعي :77: منتوجات عالية الجودة مرحبا بخبيرات التسوق





        تعليق


        • #5
          _او هادي الحلفة ديال الماعن احسن مكاين رخيصة او رائعة او مكتجمعش الميكروبات مني كنسالي كنغسلها او كنحطها تنشف بهاد الطريقة لي فالصورة


          اخر مواضيعي :77: منتوجات عالية الجودة مرحبا بخبيرات التسوق





          تعليق


          • #6
            بسم الله ما شاء الله عليك اختي
            الله يعطيك الصحة تستاهلي التقييم


            [FLASH=http://www.b30b.com/up//uploads/files/b30b-18166b6e51.swf][/FLASH]

            تعليق


            • #7
              _بالنسبة للسطل ديال الازبال حشاكوم كنديرلو 2 ديال الميكات وحدة كندوار عليها السكوتش (اللصاق) باش مطيرليش او التانية كنديرها من الفوق وهكدا كيبقالي السطل نقي مني كنبغي نغسلو



              اخر مواضيعي :77: منتوجات عالية الجودة مرحبا بخبيرات التسوق





              تعليق


              • #8
                البنات راها دوخني هاد البيسي ايوا غنمشي نرتاح وان شاء الله الى الملتقى مرة اخرى نتمنى منكونش تقلت عليكوم بكترة الهدرة راني عارفة راسي ترتارة ههههههه في امان الله انتظروني فالجزء التالت ان شاء الله

                عنداكو دخلو و تخرجو بلا متخليو حتى اثر واخة دعيو معايا غير بظهر الغيب فانا في حاجة ماسة لدعائكم

                اخر مواضيعي :77: منتوجات عالية الجودة مرحبا بخبيرات التسوق





                تعليق


                • #9
                  تبارك الله عليك متولة زيدنا من الفوائد

                  تعليق


                  • #10
                    تبارك الله عليك اختي متولة وشغالك كلو متقون وافكارك رووووووعة
                    سيري الله يعطيك مكتمناي دنيا واخرة
                    ربي لا تدرني فردا وانت خير الوارثين

                    تعليق

                    يعمل...
                    X