ArabicEnglishFrenchSpanish

إعـــــــلان

تقليص
لا يوجد إعلان حتى الآن.

يوم الخطبة

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة
    • WhatsApp

    يوم الخطبة

    [frame="5 98"]
    السلام عليكن حبياتي الأنيقات كيف عاملات نتمنى تكن في تمام الصحة و العافية إيوى اليوم جبت ليكم فكرةخاصة بالمتزوجات بالدرجة الأولى و حتى اللي مامزوجاش بحالي تستافد المهم هو نفيدو بعضن و نتمنى تعجبكن الفكرة ;)

    الموضوع هو كل وحدة تعاود لينا على نهار الخطبة ديالها مني جاو الخطاب حتى مشاو فحالهم نشرح أكثر :69:


    يعني يالالة لعروسة تعادوي لينا مني شداتك الخلعة حتى كلتي ليهم راني موافقة ههههههههههههه :64: و زغرتو ليك إيوى نتمنى الفكرة تروقكن و ماطلوش وتهربو هههههههه و اللي ما بغاتش تعاود لينا غادي نديرو معاها شي حل هههههه :9:

    يا الله نبداو إن شاء الله :p

    [/frame]






    سأغيب لمدة ، لا تنسوني من صالح دعائكن أحبتي
    • WhatsApp

    #2
    اولا شكر كبير لاختنا ناييس ومن راها تتعب من اجل تحفيز منتداها وتنشطوا
    ثانيا احييك على الفكرة واكيد كل وحدة وعندها حكايتها مع يوم الخطبة واكيد غيفيدونا ويسترجوا بداكرتهم للوراء ويشاركونا بدكرياتهم واحاسيسهم ساعتها
    ايوى مدام انا متزوجة هههههههههههه اكيد مريت بمرحلة الخطبة ههههههههههههه والخلعة و<<<<<<<<<<الخلعة طلقي مني >>>>>>>>

    والخدود حمرة والتزنيكة هههههه وراسي في الارض ههههههههههههه نعاود لكم ويسعدني نكون اول مشاركة في موضوع الغزالة مريم

    كان يا مكان ههههههه كان داك اليوم اجمل يوم في حياتي وكانت ماسكاني الخلعة والتردد رغما سعادتي العارمة كان شهر يناير من سنة 2005

    وكان هو مقيم بالسعودية وكنت تنعرف اخته وكانت عرفاتني بيه ملي كنت تندرس وهو لمح ليا انه باغي يتزوجني لكن ملي مشى السعودية تقطعات عني اخباره المهم مرات 3 سنوات وانا كالعادة ادرس واشتغل
    تم كان دلك اليوم ولن انساه نستعد لشراء الكبش لعيد الاضحى وكنت اشتغل في حانوتنا ههههههههه كانت ختكم تتبيع الكوش هههههههه والمواد التنظيف والفوط الصحية اعزكم الله وكل ما يخطر على بالك من صابون وشامبوان الذي اعده لي والدي كي اساعد به نفسي واشغل فيه نفسي في وقت فراغي
    المهم وانا ابيع لاحد الزبائن اد تدخل عليا صديقتي سلمت عليا وبحرارة لاننا قليلا ما كنا نلتقي لتخبرني انا اخوها عاد من السعودية وانه اول ما سال سال عني
    ولا اخفي عليكم قلبي اخد يضرب بقوة وتسارعت دقاته المهم اعطتني رقمه اخدته بلا تردد قلت باسم الله وخديتوا واعطيتها رقم اختي هههههههههههه تتعرفوا ماتنصدقوا هههه تنضحك

    المهم انا معنديش تليفون اتصل عليا عند اختي التي كانت تعرفه فهو كان يعمل لها سيشوار في بعض المرات لانه حلاق ايوى سلمت عليه وطلب منها تدوزني ليه
    اختكم تلونات خضارت وزراقت وحمارت ههههههههه قال ليا بالحرف الواحد <<<انا جاي نهار الجمعة مع اخي باش نهدر مع باباك قلت ليه علاش خير قال ليا خير قولي ليه باني جاي وقال ليا نهار السبت ستاتي امي واخواتي لرايتكم ولتتعرفوا عليهم ويتعرفوا عليكم والخير فيما اختاره الله
    المهم ختكم بدات تترقص في ارجاء البيت والاحلام الوردية والمستقبل انار في وجهي نهار الجمعة مع العصر دق الجرس هههه ختكم قفزات بابا نزل فتح لباب دخلوا هو واخوه للصالون وزوجة ابي حتى هي لصقة لبسات وجلسات حداهم تتبركك هههههههههه وانا على ركابية تنتنصت لهم اش تيقولوا لمهم بقا هو تيعاود على اهله وعائلته وابوه واجداده حتى مليت هههههههههه وفي الاخر عرفتوا اشنو قال ليه هههههههههه بلا مضحكوا

    قال ليه :<<<<<<<< جيت نطلب يد كريمتكم >>>>>>> هههههههه ختكم شداتها الضحكة حتى كنت غنتفضح هههههههههههه
    المهم بابا قال ليه ايوى يكون خير وقال ليه انت شفتها وراجل ارتبك قال ليه صراحة شفتها من بعيد لانها تدرس مع اختي ونعم الاخلاق ههههههه بعدا سلك راسوا

    بابا فرح بيه بزاف لكن بيني وبينكم ما صدق يتخلص مني ههههههههه حمل وتزاح ههه الله يخليه ليا راني توحشتوا ابي الغالي

    ايوى بابا من فرحاتوا طلعوا لفوق فين جالسين انا هربت تخبيت سلم على خواتاتي وبدا بابا تيعيط ليلى واااااااااااااااا ليلى ايوى وانا نلوح عليا كندورتي وزيفي
    وخرجت قال ليا بابا وسلمي سلمت وانا مقدراش نهز راسي
    المهم الغد جايين عائلتوا مماه وخواتاتوا وحدة محامية والاخرى تتخدم في اوريفرام والصغرى شادة لباك ختكم مشات في الصباح الحمام ومشيت لكوافيرة وعملت ماكياج خفيف ولبست كسوة زوينة جاتني من فرنسا هههههههههه ايوى وزوجة ابي بقات غير تتشوف فيا قالت ليا سبحان الله شحال طاح عليك السر اليوما لاني عمرني ماعملت ماكياج ايوى بالعشية جاو وانا الي فتحت لهم الباب كان العيد الاضحى داز عليه شي اسبوع واللحومات موجودة عملنا لحم محمر بالبرقوق واللوز والسفة المهم جلست معاهم تعشينا وهوما ماحيدوا عينهم عليا كنت باغا نهرب او الارض تشق وتبلعني من كثرة ما ارتبكت اوى وملي انتهينا من لعشى والضيافة بدينا بالجد امه قالت ليا اجي جلسي حدايا وبدات تسالني شحال في عمرك وفين وصلتي في الدراسة واخواته تيسالوا واشمن تخصص وختكم تتجاوب وحشمانة وحد لوقت التفت بينما كانوا مشغولين بالكلام وانا نشوف فيه ههههههه لقيتوا تيشوف فيا وانا نحدر راسي بابا قال لهم بغينا مهر سعودي ههههههههه سعداتي امه قالت ولدني ماشي سعودي راه مغريبي والمهم البنت هي الي تهدر
    هههههههه وختكم عقلها ماشي هنا وهي تقول ليا واااابنيتي وشحال تطلبي انا مافاهمة والوا استحيت وبقيت ساكتة زوجة بابا وهي تبدى تشكر فيا راها لحنينة فخواتاتها وهي لي معاوناني وتعمل كلشي وحادكة وظريفة وتستاهل وانتوا تعرفوا ويهدر هو قال لهم نعطيها كدا وكدا هههههههههه مانقولش لكم شحال خليه بين قوسين هههه
    المهم اتافقوا وبدات الزغاريت والتهنئة والف مبروك ابنتي وعطاوني بوكي كبير تاع الورد وجابوا حلوى لكريم كبيرة كليناها في الاخير بصحتنا ههههههههه

    وهما اتافقوا على نهار الكتاب والذي منوا ايوى وهدا ما كان هههههههههه عمرني منساه تكاتبنا في شهر فبراير 10 وكان في العربي فاتح محرم يعني فال زويين
    ايوى وعملنا لعرس في شهر مارس نهار 5 وسافرنا انا وياه لمدن مغربية شفتهم لاول مرة متل مراكش واكادير والصويرة واسفس وجديدة .........

    ايوى وفي شهر ابريل رحل الي السعودية وتركني في حزني وبكائي وما تفارقت معاه غير بالبكا ايوى الولف صعيب
    مرة سنة كاملة ولحقت عليه في شهر مارس من سنة 2006 وخلاص هدي حكايتي واسفة طولت عليكم وشحفتكم ههههههههههههههههه دعواتكم معايا حبيباتي نرجع بلادي توحشتوا وتوحشت اهلي
    الله يفرح كل عازبة ويسعدها وتمر نفس التجارب وهي اجمل الايام عند كل وحدة شكرا حبيبة على الموضوع
    ننتظر مشاركات وتفاعل الانيقات

    تعليق

      • WhatsApp

      #3
      [align=center]
      تبارك الله على لالا مولاتي و نهااااار خطبتها دايرى فيها حشمانة هههههههههههههه إيوى يا لالة الله يخلي ليك راجلك و بيتك و خليك ليهم
      [/align]






      سأغيب لمدة ، لا تنسوني من صالح دعائكن أحبتي

      تعليق

        • WhatsApp

        #4
        امين احبيبة ودبا تمري من نفس التجربة ونشوفوا اشنوا غتعملي ههههههههه الا ما وليتي كيف المطيشة ههههههههههههههه
        تباركا الله عليك وعلى افكارك تحية وردية معطرة بماء الورد لك شخصيا عزيزتي احبك وكل الانيقات في الله

        تعليق

          • WhatsApp

          #5
          هده فكرة زوينة باش نتعرفو علي بعضنا ألبعض كيفاش تخطبنا ههههههههههه

          باسم ألله أنا تزوجت مع ولد عمتي فاش خطبني كان جا إدوز عندنا ألعطلة ديال ألصيف هو و عمتي


          مهم بقاو معنا في ألدار أو هو كان حظىيني في تسروفات ديالي وأنا لخبر ههههههههههه

          تقريبأ كان مشفنيش مدة 6 سنوات مهم مين عجبتلوههههه قلها لي عمتي يعني هي ألأم ديالو قلها بغيت حنان

          أو عمتي قلتلي راه محمد عجبتيه وأنا تخلعت بقا قلبي يضرب ربي لي عالم به قلتلي مين إجي أب ديالي من ألخدمة تقولهالو




          جا ألأب ديالي من ألخدمة كان وقت ألغداء مهم حتينا ألغداء أنا أمي مهم تغدينا فصراحة أنا معقلتش علا داك ألغداء مكترث ألحشمة


          جمعت ألمائدة وبقية فلكوزينة نغسل ألأواني وأنا نسمعلوا يهدر مع

          أبي ويدير أحم أحم أبي قلوا أهضر أشنوا بغيت تقول

          تكلمت عمتي قلتلوا بغا يتزوج بي حنان إوا ألأب مرفظش ولد أختو


          وأنا مكانش عندي لوجه لي إشوف في ألأب أو لعريس هههههههههههه

          أو درنا لعقد في 2002/8/3 فنهار لي درنا ألعقد درنا ألعشاء أو فرحو لحباب

          مهم بقا معاي 10 أيام مور ألعقد و مشا لفرنسا باش اوجدلي أوراق
          صبرت عام أو لتحقت بيه

          كيجتكم ألخطبة ديالي ساهلة ماهلة هههههههههه

          ولحمدلله وأصبحت أم لي مريم و إلياس

          تعليق

            • WhatsApp

            #6
            [align=center]
            تبارك الله على أختي "ام مريم" عندك هاااادشي ساهل ماهل و سريع ههههههههههههه الله يخليك ليك وليداتك يا ربي
            [/align]






            سأغيب لمدة ، لا تنسوني من صالح دعائكن أحبتي

            تعليق

              • WhatsApp

              #7
              تبارك الله عيكم أ خواتاتي
              و الله يخليليكم رجالكم و عائلتك
              و عقبالنا أنا و ياك ا نايس وومان هههههههههههه
              في لقاء آخر ان شاء الله





              تعليق

                • WhatsApp

                #8
                المشاركة الأصلية بواسطة محبة الجنان مشاهدة المشاركة
                تبارك الله عيكم أ خواتاتي
                و الله يخليليكم رجالكم و عائلتك
                و عقبالنا أنا و ياك ا نايس وومان هههههههههههه
                في لقاء آخر ان شاء الله

                أمين يا أختي من فمك لباب السما ههههههههههههه






                سأغيب لمدة ، لا تنسوني من صالح دعائكن أحبتي

                تعليق

                  • WhatsApp

                  #9
                  ايوا انا للي الخطبة ديالي من داكشيز لمهم هو شافني و شفتو و شفنا بعضياتنا:
                  اوا نبدا ليكم قصتي واخا هاكاك زوينة السيد شافني و جا عند الوالد قبل ما يمشي العمرة باسبوع قالو بغيت نخطب بنتك اوا الوالد قالوحتا نسول عليك و نعرف لمن غادي نعطي بنتي و حتى نرجع من العمرة و يكون خير انشاء الله. المهم فشهر رمضان قال لولد عمي بغيت نشوفها و تشوفني لانهم كانو كيعرفو بعضهم. جا شاورني و عطيتو الهاتف ديالي و اتصل بيا و انا من نهار جا ونا تنصلي صلاة الاستخارة و تلاقينا انا واخا م اقتنعتش في الاول و لكن ما احبستش من الدعاء و الاب ديالي حتى هو و ماما حتى هي الا كان فيه الخير مرحبا ما كانش يبعد بلانا من بلاه. المهم جا الوالد من العمرة جا عندو و لانه كان متمسك بيا ديما الاتصالات و يسول ونا راه بغيتك و لكن انا املي كلو كان في الله لان الانسان عمرك ما تعرف اش تحت راسو المهم الوالد عيط عليا و قالي اش ظهر ليك كولت لو انا موافقة و ثيقتي بالله كبيرة ان هاد السيد الا ناوي الغدر ربي غادي يبينو اوا وافقت و مشا السيد فرحان و دار معاه الوالد هاد السبت للي فات يجي معا دارهم. المهم جا هو و ماماه و باباه و اختو و مراة خوه و خوه و 2 عمامو. و تافقو اديرو العقد هاد السبت. يعني غدا و طبعا حتا حنا الدار كانت عامرة ها عماتي ها خوالي ولاد عمي تبارك الاه و خلاص. المهم الناس قراو الفاتحة و كلشي و تعشاو و مشاو فحالهم.
                  يوم الاحد جاو باش نتافقو اش نديرو نهار العقد واش الخطبة و لا اشنو. و تافقنا على كلشي بحضور الاب والديا و الام ديالو.
                  و نهار الاثنين تفرتكات الخطبة و كان شيئا لم يكن.
                  غادي ايجيكوم هاد شي غريب و لكن هادا ما وقع.
                  المهم انا ما بقاش فيا الحال حينت وكلت امري لله و طلبت الي فيه الخير يكون و اللي ما فيه ابعدو عليا زيادة على دعوات الوالدين.
                  ثانيا اللي بغا يدير شي حاجة فعليه بالسر و الكتمان كما قال الرسول صلى الله عليه و سلم. حينت انا بقاو يقولو واش جابو باك معاه من العمرة.
                  هدا هو المغزى علاش كولت ليكم ما وقع ليا. و سمحو ليا و دعيو معايا.


                  تعليق

                    • WhatsApp

                    #10
                    lah ysahal 3lik akhti tefoune o yjib lak ma hssan mano o fiha khir kima kolti lwahad ydir nayto flah o rabi maradich ykhayab moradak
                    lmohim ana hkayti kalati mchit ma3roda lwahd l3ars shab 3amti o kan mcha m3ana sahab wlad 3amti lmohim chafni dik lila o kalha l3amti dik lila d l3arass nit safi koltha lmama mali rja3at bhali bkat lhdra 3am makolt lo walo maraditch 3lih o khalit amari lalah o f le mois 7 ja hwa o mo o khwatato o khatboni rasmayan man walidya lhad lan mazal madarna l 3akad la walo mais d3iw m3aya lah ykamal 3lina blkhir o lah ysahal 3la kol bant bchi rajal ykon wald nass o flakhir kankol zwaj ri lmaktab ila kant lhaja maktaba raha mktaba 3la kol wahd ychofha

                    تعليق

                    يعمل...
                    X