بتاريخ 25/1/2014


سلام انيقاتي هاني جيت او جبت معايا الجديد لي هو ساهل او الاقتصادي لمعروفة بيه جميع وصفاتي او بشهادة الكتير بلا منطول عليكم في الهدرة

ليوم عندي لكم وصفة غزالة وصفة الكنفتير لكلنا كيعجبنا ولكن مع قوة المصاريف لفيه او الوقت الكتير لكنضيعوه في التوجاد ديالو واش مستعدات باش تعرفوا اش هاد الكنفتير الخارق إوجيبو ورقة او ستيلو او كتبوا المقادير بالي قبل ما يسالي


جبت لكم كنفتير ديال خيزو ما تستغربوش حيت حتى أنا بقيت كنضحك منين عطاتو لي ماما راه نسمة ديال خيزو ما تجيش باينة تقولوا ديال ليمون والله إلى كلاوه عند ضيافي عجبهم بزاف او بقاي يحلفوا أنه مصايب بالليمون

المقادير كنهتاجو 700g خيزو منقية او مقاطعة دواير . 2 حمضات- 2 قشرات ديال 2 حمضات . حوالي نص لتر ما - 350g سكر -( ممكن أكتر او أقل حسب الدوق ) . فاني

الطريقة :كنديرو خيزو او الحامض او قشرة الحامض او لما في الكوكوت او نسدو عليهم غير تبدا سفارة تسافر نحسبو ليها 10 دقايق






















منين يطيب الخليط ديالنا نطحنوه مزيان او نضيفو عليه سكر سنيدة او نديروه فوق العافية باش يعقاد كيف ما باين في صورة
















شوفو هنا من بعد ما فاتت 30 دقيقة ديال طياب عقاد او لون ديالو غماق شوية فهاد لحضة نزيدو السر ديالنا ساشي ديال الفاني نخلتو شوية او ها هو الكنفتير العجيب ديالنا واجد غزال غزال غزال


























شوفو شحال عاقد كيجي غزال نتمنى تجربوه راه ما غاديش تندموا جربوه او تفكروني

راني جربت بيه حلويات كتيرة زادهم لدة او مداق

دمتم في رعاية الله