ArabicEnglishFrenchSpanish

إعـــــــلان

تقليص
لا يوجد إعلان حتى الآن.

شاركينا تجربتك أخطاء في البناء او الشراء او الديكور ندمتي عليها بعد التنفيذ

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة
    • WhatsApp

    #11
    عنداكم صباغة لعنبر ديرها بيكم بيت النعاس ديالي ختاريت ليها لون من الكاتالوج ساعة ماصدقش بحالو ماطلعش خايب غيروكان ماشي كيف بان ليا ف الصورة جاء مختالف عن الواقع ... الحمد لله ماشي شي فضيحة الدرجة كاتختالف ... واحد لصالون درت فيه عنبرة بيضاء تعرفوا طلعت عادية ماتسحابوهاش واش عنبرة دوك الضربات ديال الفرشاة ماكايبانوش غير شوية صافي بل كاتبان بحال الحيط موسخ ....نصيحة حيدو من الأبيض ف العنبرة عيااااًاااانن.......

    تعليق

      • WhatsApp

      #12
      المشاركة الأصلية بواسطة amatolah_w مشاهدة المشاركة
      تبارك الله عليك فكرة روعة كنتمنى يكون تفاعل و كنطلب من الاحوات الا كان ممكن يغنيو الردود بالصور حيث كتبين كثر
      تنا متفكرت والو فهاد الساعة الا تفكرت ان شاء الله نرجع
      هه ،،،،...هي بغيتي تكون فاضيحتنا بجلاجل خلاوها المصريين،،،،كانضحك معاك

      تعليق

        • WhatsApp

        #13
        هههههههههههههههههه كيجين الردود بالصور كيجيو اوضح و سهلين للمعجازين بحالي على القراية
        انا تفكرت وحد الخطا طحت فيه ملي بغيت نشري البوطة ديال ضو قلت نخود بالبلاك ساعة ندمت مديتش فيطرو
        خديت بحال هدي صعيبة فنطواياج و تا بلاكات كييتاترو وخا تنيطوييهوم بالبرودوي الخاص

        هذي حسن انت فين كونت كارية فلول مي ملي كدير فوقها شي حاجة فازجة شوية كتنود حايحة ههههه مي هيا حسن و كتبقا فسيفتها و ساهلة فنطوياج هههه
        µ

        تعليق

          • WhatsApp

          #14
          موضوع زوين
          انا الخطا لي درت شريت فران كطيب في 5 دقايق صدق عيان تاحاجة متجي فيه زوينة والا غفلت عليه كلشي يتحرق غير نتحول لداري و نبدلو
          و شريت نموسية كبيرة تاحاجة متجي قدها لا كوفرلي لا ايزار لا والو لي درتو ليها يجي صغير

          تعليق

            • WhatsApp

            #15
            موضوع زوين امميز تبارك الله عليكم
            تانا شريت فران كويزينيير كبير غراوني بفيه الأمان يعني ميجيش شي وليد يشعلو ولكن المشكيل لفيه انني وليت كنستعمل غير فوق كوانن طياب أما فران غير شواية اتحمار صافي مكيجيش فيه الخبز نهائيا والحلوة اكيكة بلا متحلمي طيبيهم حيث فيه غير جعبة طويلة كتشعل بحال تاع شوايات غير كتحرق ليك حلوة ندمت تا شريتو
            افاش بغيت نفرش صالون درنا العود شوك امبغاش نجار يدير ليا سدادر صغار مزديين قاليا كل حيط ديري فيه سداري على قد الحيط باش ميجيكش العيب تاع الفراقي ادبا ملي كنبغي نخمل خاصني بوجي باش نحرك دوك سدادر تقال قهروني حيث كين سداري لفيه 3 مترو امعنديش كفاش ندير ليهم اميمكنش غيبغي راجل يبدلهم حيث خسر فيهم فلوس صحيحة.
            نصيحتي لبغات دير العود دير العادي مديرش شوك اديرهم صغار واخا يجي فيهم غير مترو نصف مشي مشكيل
            اللهم احسن خاتمتي بلا إله إلا الله

            تعليق

              • WhatsApp

              #16
              تبارك الله عليوم حقيقة استافدنا من تجارب جميع المشاركات و نتمنى نشوفو تجارب اكتر
              sigpic
              اللهم اني أعيذ ابنتي بكلماتك التامة من كل شيطان و هامة و من كل عين لامة اللهم احفظها و اجعلها من الصالحات



              تعليق

                • WhatsApp

                #17
                تجربتي من دارنا دايرين سدادر معمرين بالبونج واللواط والمعلم دكهم بزاف باللواط. نهار التخمال هو نهار التخمام خاص الحميية باش يتهزو وحتى فالنعاس ماشي مريحين حيث ماجاوش مواطيين الوسط طالع على الجناب.نصيحتي اللي بغات تفرش دير البونج المزيان صافي بلا تعمار.وحتى اللي بغات تعمرهم تراقب المعلم ما يعمرهمش فوق القياس .ويكون التعمار مقاد الجناب مع الوسط.
                sigpic

                تعليق

                  • WhatsApp

                  #18
                  السلام عليكم و شكرا على هاد الصفحة انا فالحقيقة مزال كالسة فدار مع الواليدين ملي رحانا خديت بونج مكانش عندي و خديتو من عند واحد السيد زعما كنعرفو قلتلو نعطيك دبا النص و النص من بعد قالي ماشي مشكيل ايوا ختاريت بونج ملي صيفطو ليا ل الدار صيفطلي بونج حالتو و من فوق هاد شي حسبو لي ب 4400 درهم غي تكلسي عليه كيهبط و حنا كنا مزروبين كان عند اختي لعرس و ماكناش مفرشين مع ملي رحلنا ماجبناش داك لفراش لقديم حيت ماشي نفس لعبار, نصيحتي ماتيقوش فمالين لحوانت ديما ردو البال

                  تعليق

                    • WhatsApp

                    #19
                    المشاركة الأصلية بواسطة sousou salé مشاهدة المشاركة
                    السلام عليكم و شكرا على هاد الصفحة انا فالحقيقة مزال كالسة فدار مع الواليدين ملي رحانا خديت بونج مكانش عندي و خديتو من عند واحد السيد زعما كنعرفو قلتلو نعطيك دبا النص و النص من بعد قالي ماشي مشكيل ايوا ختاريت بونج ملي صيفطو ليا ل الدار صيفطلي بونج حالتو و من فوق هاد شي حسبو لي ب 4400 درهم غي تكلسي عليه كيهبط و حنا كنا مزروبين كان عند اختي لعرس و ماكناش مفرشين مع ملي رحلنا ماجبناش داك لفراش لقديم حيت ماشي نفس لعبار, نصيحتي ماتيقوش فمالين لحوانت ديما ردو البال
                    موضوع للافادة قيم
                    ياختي هاد البونج شحال كنقلب عليه واثمنة مختلفة ومتعرفي كفاش تفرقي بين المزيان والعيان عاد خديت واحد كيتصيب فمدينتي ولكن قالو لي راه عيان الصراحة غيبقا في الحال الى ماصدقش لي
                    اللهم أصلح لي ديني الذي هو عصمةُ أمري، وأصلح لي دنياي التي فيها معاشي، وأصلح لي


                    آخرتي التي فيها معادي، واجعل الحياة زيادةً لي في كلِّ خيرٍ، واجعل الموت راحةً لي من كل شرٍّ.

                    تعليق

                      • WhatsApp

                      #20
                      موضوع غزال تبارك الله على الاخوات

                      تعليق

                      يعمل...
                      X