إعـــــــلان

تقليص
لا يوجد إعلان حتى الآن.

دخلت في حالة اكتئاب ،كيف اتخلص من خوفي ورعبي ارجوكن

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • دخلت في حالة اكتئاب ،كيف اتخلص من خوفي ورعبي ارجوكن

    السلام عليكم ورحمة الله وبركاته
    شكرا لمجهوداتكن اخواتي
    انا عندي مشكلة عويصة الحمد لله على كل حال
    انا تقدمت في السن وماباغاش نولد خوفا من الولادة بل رعب والامر كيشكل ليا الم نفسي صعب جدا تحمله اضف للضغط النفسي لي كنعاني منو من عائلتي وعائلة زوجي بخصوص الانجاب
    حاولت نقرا بزاف ونقنع راسي ان الامر عادي لكن مقردتش
    كنقلب على اخصائية نفسية بالرباط تكون متدية او اخصائية اجتماعية لكن ملقيتش
    شكون فيكم ترشدني اش ندير حيت الامر ولا كيشكل ليا خطر على حياتي اف بديت ندخل في حالة اكتئاب حاد


  • #2
    رد: دخلت في حالة اكتئاب ،كيف اتخلص من خوفي ورعبي ارجوكن

    اختي معرفت باش نفيدك دخلت ندعي معاك الله يفرج همك اختي ويشافيك
    fati-basmaسابقا
















    تعليق


    • #3
      رد: دخلت في حالة اكتئاب ،كيف اتخلص من خوفي ورعبي ارجوكن

      تقربي من الله بالدعاء والعمل الصالح وديري في بالك مغيصيبك غي لي كتبه ليك الله مغتزيدي من عمرك دقيقة ومغتنقصيه دقيقة كله بادن الله حارمة نفسك من الد شعور في الدنيا الامومة كلنا كنخافو من الوجع والمسؤولية لكن واش كولنا مغمرنا وحملنا وولدنا الى مدرنا هاكاك غتنقرض البشرية ومغتكونيش نتي فهاد النيا
      حبيبتي قوي تقتك بربك وحملي ورمي كل مخاوفك على الله راه تقدي غير الى بغيتي تولدي تخسري زبابل فلوس وفي اخير ربي ميكتبش حيت وصلت لسن الياس
      ونصحك بالرياضة باش تخوي ديك طاقة السلبية لي فيك وتشحني طاقة ايجابية الحياة بالرغم من مساوئها ومصاعبها تستحق منا محاولة العيش واستمتاع بالعيش فراسك كل نهار داز من حياتنا كيتنقص من عمرنا متضيعيش ايامك في كابة وحزن وخوف هاكا نتي معيشاش الحياة زوينة خصنا نستمتعو بلدة العيش ومن نعم ولدات العيش هما الوليدات لي هما زينة الحياة الدنيا

      تعليق


      • #4
        رد: دخلت في حالة اكتئاب ،كيف اتخلص من خوفي ورعبي ارجوكن

        المشاركة الأصلية بواسطة عزتي في ديني مشاهدة المشاركة
        اختي معرفت باش نفيدك دخلت ندعي معاك الله يفرج همك اختي ويشافيك
        امين احبيبة ربي يخليك وشكرا بزاف على الدعوة

        تعليق


        • #5
          رد: دخلت في حالة اكتئاب ،كيف اتخلص من خوفي ورعبي ارجوكن

          المشاركة الأصلية بواسطة joliefleur مشاهدة المشاركة
          تقربي من الله بالدعاء والعمل الصالح وديري في بالك مغيصيبك غي لي كتبه ليك الله مغتزيدي من عمرك دقيقة ومغتنقصيه دقيقة كله بادن الله حارمة نفسك من الد شعور في الدنيا الامومة كلنا كنخافو من الوجع والمسؤولية لكن واش كولنا مغمرنا وحملنا وولدنا الى مدرنا هاكاك غتنقرض البشرية ومغتكونيش نتي فهاد النيا
          حبيبتي قوي تقتك بربك وحملي ورمي كل مخاوفك على الله راه تقدي غير الى بغيتي تولدي تخسري زبابل فلوس وفي اخير ربي ميكتبش حيت وصلت لسن الياس
          ونصحك بالرياضة باش تخوي ديك طاقة السلبية لي فيك وتشحني طاقة ايجابية الحياة بالرغم من مساوئها ومصاعبها تستحق منا محاولة العيش واستمتاع بالعيش فراسك كل نهار داز من حياتنا كيتنقص من عمرنا متضيعيش ايامك في كابة وحزن وخوف هاكا نتي معيشاش الحياة زوينة خصنا نستمتعو بلدة العيش ومن نعم ولدات العيش هما الوليدات لي هما زينة الحياة الدنيا
          بارك الله فيك اختي وجزاك خيرا
          المصيبة انني كنعيا نقنع راسي بهادشي لكن معرفتش الرعب كيمسح من قدامي اي احساس تجاه الامومة
          شكرا بزاف بزاف لردط
          المصيبة انني كنقةل مع راسي راني عنندم لكن مع ذلك مكيغير فيا هادشي والو

          تعليق


          • #6
            رد: دخلت في حالة اكتئاب ،كيف اتخلص من خوفي ورعبي ارجوكن

            غير تحملي غاتنساي هاد الخوف. غير قولي بسم الله راني حتى انا فاتت من هاد التجربة
            كتلهاي مع اعرتض تلوحم .الاستفراغ والشهاوي والدلع.
            مني كيبدا يتحرك فالكريشة كيجيك احساس اخر جميل او كتبقاي عايشة مع ها يديدتو هارجيلتو هاهو تيتحرك هاهو ناعس هاهي جاتو الحازوقة فين غاتفكري الخوف
            اما ساعت الولادة اﻷه يسهلها راها بحال الوجع ديال العادة ولكن مجهد شوية تو حلو سبحان الله او مابين الوجيعة او الوجيعة كتجي واحد النعيسة حلوة كيقولو خارجة من الجنة والله اعلم اما الزحمة شكون فينا ماجأتوش الزحمة ديال المرض رها بحالها والامساك ايوا هادشي كلو راه موراه نتيجة غزالة هي غفران الدنوب او هدية لا تقدر بثمن الوليد او البنيتة
            تفكري واحد النهار كتصبحي عجوزة او تلقاي لي يقلب فيك او يداويك او يبر بيك ماشي طمعا فمالك ولكن حيت الجنة تحت اقدامك

            تعليق


            • #7
              رد: دخلت في حالة اكتئاب ،كيف اتخلص من خوفي ورعبي ارجوكن

              وعلاش اختي حكمتي على نفسك بالفناء ونتي عايشة؟
              متنسايش ان اهل زوجك مغاديش يصبرو ليك اكتر ناهيك عن زوجك حتى هو مكاينش شي راجل غادي يصبر يعيش بلا ولاد وخا يكون يموت على مراتو اضعف الايمان غادي يتزوج عليك اللي تجيب لو الولاد
              حاجة اخرى ماشي جميع الولادات كيمرو بالشكل اللي صورتيه شحاال من وحدة ولدات ما حسات بوالو سهل عليها الله وكلشي داز بخير متكوني نتي
              ونزيدك ممكن تبعي عن طبيبة ولادة ولما يوصل وقت الولادة تعمل ليك ابر خاصة متحسيش بالوجع ولا حتى بالزحمة حتى تولدي بخير وعلى خير يالاه نيت واحد صاحبتي ولدات بيها محسات بوالو
              توكلي على الله ومضيعيش الوقت الله يرزقك ذرية سليمة معافاة
              والله المستعان


              اللهم اني استودعتك اولادي وزوجي ونفسي واهلي وكل احبتي فانهم كل ما املك
              فاحفظهم يارب
              ولا تحرمني منهم ولا تجعل ابتلائي فيهم
              انه لا تضيع ودائعك

              تعليق


              • #8
                رد: دخلت في حالة اكتئاب ،كيف اتخلص من خوفي ورعبي ارجوكن

                السلام عليك ورحمة الله وبركاته.
                ديريها فيد الله احسن مني و منك, هذا الدور الطبيعي و البيولوجي للمراة و الخوف شيء طبيعي و إذا زاد عن حده غير يضرك. استعيذي من الشيطان الرجيم و استمعي للرقية و طلقي سورة البقرة يوميا.
                ملي غتحملي ان شاء الله وتولدي غتضحكي على راسك علاش هاد الايام ضيعتيها فخوف ووساوس لا داعي لها.
                [/URL

                تعليق


                • #9
                  رد: دخلت في حالة اكتئاب ،كيف اتخلص من خوفي ورعبي ارجوكن

                  أختي الله افرج عليك


                  تعليق


                  • #10
                    رد: دخلت في حالة اكتئاب ،كيف اتخلص من خوفي ورعبي ارجوكن

                    كلنا خوافين أنا بعد كنخاف من البرا
                    وولدت الحمد لله وداز كلشي راه ماشي الايام كتوقف كلشي كيعديه الله
                    وهانا عاودتها وخايفة من الولادة ولكن ربي كيفك لليهودية ونصرانية بقى غير حنا
                    ويكفي يتغفر بيها ذنوب وتسمعي كلمة ماما
                    الله لا يحرم حد



                    تعليق

                    يعمل...
                    X