تويت
ان شاء الله نزل ليكم طريقتي فتحضير رغيفات
نبداو على بركة الله
المقادير
كيلو الا ربع دقيق
1بيضة
1/2 كاس ع ماء زهر
1/2 خمارة الحلوى
1/2 فاني
ربع كاس ع خل
زعفران شعرة
مسكة حرة
كاس ع مخلط نص زبدة و نص زيت
قبصة الملح
ماء دافئ
الطريقة
في قصعة نغربل الطحين نضيف قبصة الملح بيضة خمارة فاني مسكة حرة مدقوقة
نذوب شوية زعفران شعرة فالخل ونضيفو للخليط نضيف الزهر و الزبدة مع الزيت ونخلط الكل مزيااااان
نضيف الماء ونبدا نجمع شوية بشوية العجينة خاص تكون شادة راسها ولكن فنفس الوقت متكونش قاصحة بزاف
ونبدا نعلكها مزيااااااااااااااان مزياااااااان بحال يلا كنعجنو الخبز نعلك ونزيد شوية د الماء ونعلك ونزيد شوية الماء و هاكدا
نخليها ترتاح واحد 5 دقائق ونشكلها كويرات صغاااااار
حتى هما نخليهم يرتاحو واحد 5 دقائق
ونبدا نطلقهم بالقليل من الزيت ونعملهم مربعات بحال شكل المسمن وهاكدا حتى نكملو
ونبداو نقليو ونطفيو فالعسل ونزينهم بالزنجلان
وتفضلو مرحبا بيكم
مرحباااااااااااا باي استفسار
تعليق