إعـــــــلان

تقليص
لا يوجد إعلان حتى الآن.

الجنسية المغربية من جهة اﻻم المغربية بالتفصيل الممل

تقليص
هذا موضوع مثبت
X
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • الجنسية المغربية من جهة اﻻم المغربية بالتفصيل الممل

    السﻻم عليكم
    ليوم دفعت لولدي الجنسية المغربية و ان شاء الله نرجع ناخد شهادة الجنسية من هنا 15 يوم و جبت ليكم التفاصيل
    طلب خطي الى السيد وكيل الملك لدى المحكمة اﻻبتدائية بالرباط ( ماعرفتش واش كل مدينة تدفع في المحكمة ديالها وﻻ كلهم في الرباط )
    اوﻻ الوثائق المتعلقة باﻻبن
    *عقد ازدياد اﻻبن مصادق عليه من طرف القنصلية المغربية بالبلد المقيم ثم وزارة الخارجية
    *او عقد ازدياد اﻻبن من القنصلية الاجنبية بالمغرب مصادق عليه من الخارجية المغربية
    *او عقد ازدياد اﻻبن من المقاطعات المغربية ( هادي الحالة ديالي ﻻن ولدي تزاد في المغرب)
    *نسخة من عقد ازدياد اﻻب مصادق عليها من طرف السلطات (بالنسبة لي و كنت طرحت السؤال هنا كايقصدو التنبر و ختم النسر ﻻن زوجي مصري بﻻ مايتصادق عليه في السفارة اما الجنسيات اﻻخرى ماعنديش فكرة )
    *نسخة من بطاقة اﻻقامة اذا كان راشد
    2صور فوتغرتفية للابن
    *طابع 20 درهم
    ثانيا الوثائق المتعلقة باﻻم
    *نسخة من من بطاقة التعريف الوطنية مصادق عليها معنونة بالرباط او خارج المغرب (انا من الرباط جاليزيت عادي المدن اﻻخى الله اعلم غادي تسولو في المحكمة القريبة ليكم)
    *نسخة كاملةمن رسم الوﻻدة
    *نسخة من الصفحة اﻻولى من حالة المدنية ﻻب اﻻم كاتكون فيها صورة اﻻب يقدر تكون الصورة في الصفحة تانية ديري لها فوطوكوبي تاهية انا مادرتش*حيت كانت صفحة خاوية فيها غير صورة قلت يمكن مانحتاجها و سوﻻتني عليها ولكن عادي قبﻻت الملف السيدة لي في المحكمة
    *نسخة من عقد الزواج مصادق عليه
    *طابع من فئة عشرون درهم
    هاد اﻻوراق كاملة كاتديوها للمحكمة اﻻبتدائية
    ندوزو للطلب كنت ديت معايا اﻻوراق و ماكتبتش طلب مشيت كاتب عمومي كتبو ليا ب 40 درهم ههههههههه انا غادي نكتبو ليكم
    السيدة..........
    الحاملة للبطاقة الوطنية رقم.........
    العنوان.............
    الى
    السيد وكيل الملك لدى الحكمة اﻻبتدائية بالرباط
    الموضوع: طلب الحصول على الجنسية المغربية عن طريق اﻻم
    سﻻم تام بوجود موﻻنا اﻻمام
    وبعد
    يشرفني ان اتقدم اليكم بهذا الطلب الرامس الى تمتيع ابني (ابنتي) بالجنسية المغربية
    بحيث اني والدة اﻻبن (ة)............
    وحيث انه مزداد بتاريخ ........ ب..........والحامل للجنسية المصرية
    وحيث ان الفصل 6من الظهير الشريف رقم 1.70.80 الصادر في 23 مارس 2007 بتنفيذ القانون رقم 62.06 بتغيير وتتميم الظهير الشريف رقم 1.58.250 الصادر في 6شتنبر 1958بسن قانون الجنسية المغربية والمنشور بالجريدة الرسمية عدد 5513 بتاريخ 2ابريل 2007 يمنح ﻻبن الزوجة المغربية المتزوجة باﻻجنبي الجنسية المغربية اﻻصيلة كذلك.
    لذا اطلب من سيادتكم بكل احترام تمتيعي بالجنسية المغربية اﻻصيلة طبقا لمقتضيات الفصل 6 من قانون الجنسية من ام مغربية
    وتقبلوا سيدي وكيل الملك فائق التقدير واﻻحترام ودمتم في خدمة الصالح العام و السﻻو

    اﻻمضاء
    صافي هادو الخطوات من طق طق للسﻻم عليكم و اي استفسار انا في الخدمة و سمحولي الى لقيته شي اخطاء في الكتابة راني كانكتب من بورطابلي
    بغيتكم دعية ليا الله يجمع شملي مع راجلي

  • #2
    رد: الجنسية المغربية من جهة اﻻم المغربية بالتفصيل الممل

    شكرا على المعلومات

    تعليق


    • #3
      رد: الجنسية المغربية من جهة اﻻم المغربية بالتفصيل الممل

      شكرااااا جزيلا ليك أختي على المعلومات
      sigpic

      تعليق


      • #4
        رد: الجنسية المغربية من جهة اﻻم المغربية بالتفصيل الممل

        العفو نتمنى نكون مانسيت والو

        تعليق


        • #5
          رد: الجنسية المغربية من جهة اﻻم المغربية بالتفصيل الممل

          جزاك الله خيرا علئ المعلومات القيمة
          تم تثبيث الموضوع لتعم الاستفادة
          بموافقة من ادارة المنتدى

          رقم الهاتف : 0661664275



          الايميل للتواصل وارسال الوثائق في حالة الضرورة

          maitrekawtarsoultani @ hotmail. com

          تعليق


          • #6
            رد: الجنسية المغربية من جهة اﻻم المغربية بالتفصيل الممل

            شكرًا على الإفادة
            sigpic

            تعليق


            • #7
              رد: الجنسية المغربية من جهة اﻻم المغربية بالتفصيل الممل

              بارك الله فيك اخت منار شكرا على التثبيت

              تعليق


              • #8
                رد: الجنسية المغربية من جهة اﻻم المغربية بالتفصيل الممل

                ختي شكرًا علو الافادة غر عندي سءال انا ولدي مزيود فأمريكا وش خصني نترجم ليه عقد ازدياد ديالو للعربية عاد نكاليزيهاوبنسبة لعقد ازديادتع الاب وش مشي مشكل يكون قديم ولاتخصو يكون جديد وشكرا

                تعليق


                • #9
                  رد: الجنسية المغربية من جهة اﻻم المغربية بالتفصيل الممل

                  الله يجازيك بخيرعلى هاد المعلومات

                  حتى انا خاصني ناخدها لولادي ولكن والله حتى الواحد تيكره طلع نزل اكلشي تيبغي لغلوس تيحسابلهم جالسين على كنز

                  واحد السؤال انا كنت سمعت باللي تتعطل عام عاد تتخرج واش بصح اواحد الحاجة اخرى واش مدفعيت شي رسوم اخرى

                  تعليق


                  • #10
                    رد: الجنسية المغربية من جهة اﻻم المغربية بالتفصيل الممل

                    بنت البﻻد كانضن اي وثيقة ماشي بالعربية او الفرنسية خاصها ترجم للعربية او الفرنسية عقد ازدياد ديال راجلي انا دفعت واحد قديم عندي ماقالولي والو حيت المهم هو وراق اﻻبن واﻻم

                    تعليق

                    يعمل...
                    X