ArabicEnglishFrenchSpanish

إعـــــــلان

تقليص
لا يوجد إعلان حتى الآن.

واخير كتاب نعاود كيف دازت ولادتي لبنتي اوا اراوليا وديناتكم هههههههههههه

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة
    • WhatsApp

    واخير كتاب نعاود كيف دازت ولادتي لبنتي اوا اراوليا وديناتكم هههههههههههه

    بسم الله الرحمان الرحيم
    السلام عليكم انيقاتي كيف دايرين الحاملات الله يفك وحايلكم على خير ولولدت الله يعاونها على تربية المهم بلا منطول عليكم ندخل فسرد القصة لي داز عليها 3 اشهر عاد كتاب نعاودها منين سافر راجلي الوقت كاين ههههههه
    المهم الحمل داز بخير في الشهور الاولى والوسطى غير العادي لكتعاني منو كل حامل
    لكن منين جات الشهور الاخير بدا مشكل الظغط المرتفع معايا المهم بقيت مقابله ونقصت من الملحا حتى للشهر التاسع وكان المقرر نتاع الولا دة يوم25 \4\2014 وكانت اخر دورة 7\19 اوا يالالياتي منين دخل شهري وبدا العد التنازلي صافي وجدت الفاليزا ديالي وبديت كنشتنى مع صحابتي لي كانو فالتجمع الحوامل شهر 2و3و4و5 كل يوم ندخل نتفقدو بعضياتنا شكون ولاد وشكون باقي كانو معانا البكريات ولليوالدين وبما انني عندي ولد قلت صافي غادي نسبقهم ههههههه خصوصا نني ولدت ولدي بعد 15 ليوم من التاسع صافي كل يوم نقول هاد النهار يجي لحريق هاد النهار يجي لحريق وااااااااااااااالواو ياصحباتي انا من عادتي خوافة من الولادة ولكن مكنبينش ههههههه كنا نشجعو بعضياتنا ولتفكت نباركولها ولقريبا ندعيو معها المهم كاع لمعنا فالتجمع بكريات وغيرهم ولدو بقيت غير انا ورفيقة الدرب امينة المشرفة كنوجهلها تحية كبيرة ولنسيبي سي محمد ههههههههههه او هنا ختكم في الله بدا يدخل معها الزيت هههههههه المهم كنت مشيت دوزت قبل ميدخل شهري بسيمانة وقاتلي الطبيبة بلي البيبي هابط لتحت ومحال تكملي شهرك وعطاتني موعد فنصف التاسع وقاتلي تمشاي هاديكهيا بقيت دايما يخرجني راجلي مور المغرب نتمشى ساعة غير بلاتي كنتمشى وخايفا نولد غير نحس بنغيزا نقولو صافي يالله نوليو للدار طبعا حافضت على قراءة سورة مريم والادعية نتاع تسهيل الولادة واكل التمر والماء لقريت فيه الرقية وللامانة كل ما كنشرب الماء كنقول صافي غادي نولد وكانني كنهرب بشي محتم ههههههههههه غير الحركات لكتساعد على فتح الحوض كنت عارفاها ولكن كنقول بلاتي عليا مازال الحال اوا كنت دايما نقوم نصلي جوج ركعات قبل الفجر ونطلب من الله التسهيل جا الوقت لنمشي عند الدكتورة كان المفروض على حساب كلامها نكون ولدت هههههه المهم كوصلت لقيت الموعد ديالي داز عييت معاهم مبغاوش عطاوني موعد نهار 24 يعني النهار لغانولد فيه راجلي دار فيهم ........ ومشا عند مدير المستشفى قالو سير للطوارئ كيف مشيت قاسولي الظغط لقاوه فالعلالي قاتلي واحد الهندية دخلي معايا ونا معارفا والو عدا على راسي ماشيا غير ندوز دخلتني لواحد الجناح هو نتاع الولادة ولكن انا معارفاش حيت مافيا ولا حريق قاتلي زولي حوايجك ولبستلي واحد اللبيسة غوز وقاتلي تفضلي معايا مشيت ونا كنضحك معارفا والو دخلت لواحد الغرفة دارولي السمطة وتكيت كل مرة تجي القابلة تقولي مفيكش لحريق نوقلها لا المهم دازت ساعة ونا نقولها نخرج صافي قالولي على مسؤوليتك المهم خرجت ومين خرجت لقيت واحد السيدة كادور فالكلوار قاتلي غادي نولد اويلي كنت باغيين تولدوني ياولاد الذين الله من جيت خارجة على فرحة بحال نهار تكون العطلة نتاع المدرسة رجعت للدار نهار بققاتلي سيمانة ويكمل شهري التاسع مشيت عند واحد لاختصاصية عراقية لقات ضغطي عاااااااااااالي قاتلي خاصك ضروري تولدي ونا كنت مباغياش الطلق الصناعي بغيت لوجع نتاع ربي ههههه لمهم فحصتني واطمئنت على البنت قاتلي منهنا سيمانة الى مجاكش لحريق سيري تولدي راه صافي المهم انا ختكم صافي من بقات سيمانة دخلت فعالم تاني غير كنخمم وساهيا وراجلي مسكينة حاس بيا الله يحفضولي كيطيب ويزيدلي ويحاول يضحكني وينسيني ونا الماكلة قطعتها غير تميرات والما بسيف باش كيفوتولي هههههههه ماشي قتلكم خوافة المهم مين كاع الناس ولدت وبقيت غير انا وصاحبتي موانسين فتجمعنا وكنرفعو معنويات بعضياتنا نهار لخميس 24 شهر 4 كان عندي رونديفو فالسبيطار وكان عندي امال انهم يزيدوني سيمانة مور التاسع حتى يجي لحريق لمبغاش يجي هههههههههه هاديك الليلة شفت رؤيا شفت بلي طاحتلي السدادة في الحمام اعزكم الله وانا نشوف في المرآة ونضحك ونقول واخير غادي نشوفك يا لجين وحلمت بأختي وامي معايا دايين لسبيطار باش نولد مع انني فغربة ما معيا حتى واحد غير اللةه سبحانه ثم وراجلي وولدي 4 سنوات المهم نوضت دوشت مزيان ولبست كان عندي واحد لكسيوة داسها لنهار يجيني لحريق نلبساه ونمشي لسبيتار المهم كنت كنقلب بزربا منلبس وراجلي كيتسنى قلت نلبسها وصافي هي لواجدة لبستها شربت كاس عصير ومشيت طبعا صاكي دايما حاطة فينه نسخة نتاع الادعيى لكتبتها مع كتاب الاذكار توكلنا على الله ونطلقنا بالسيارة ونا مافيا لاحريق ولاوالو ..............................يتبع مكانش لترد حتى نسالي الله يخليكم








    • WhatsApp

    #2
    رد: واخير كتاب نعاود كيف دازت ولادتي لبنتي اوا اراوليا وديناتكم هههههههههههه

    ​ههههههه اختي على سلامتك وتربى في عزك نتسناو كماالة





    تعليق

      • WhatsApp

      #3
      رد: واخير كتاب نعاود كيف دازت ولادتي لبنتي اوا اراوليا وديناتكم هههههههههههه

      نكمل وصلنا مع 8 صباحا ونا كان دوري مع 9 المهم جا دوري دخلت درتلي الفارمليا التحاليل نتاع كل تدويزة الظغط والوزن والبول حاشكم هه من بعد دزت عند الدكتورة هندية شافتني قاتلي ظغطك مرتفع قتلها عارفا راه شهر كامل هكا قاتلي شهرك سالا وانا:عارفا وكن مفيا حريق
      هي: اوزولي حوايجك وطلعي لبياس نقلبك
      انا : اه شنو باغيا ديري
      هي: راه ضروري نشوف واش الرحم مفتوح او لا
      انا: بكل خوف وخا
      المهم كانت اول مرة غادي ندير هاد الكشف يالهوي هههههههه
      قلبتني بنت اللذين وقصحتني حتى غوت هههههه قاتلي راكي مفتوحة 2سم وراني زدت وسعتلك شوية وضروري تولدي اليوم
      ونا: نبدا نبكي ليوم الا ممسعدااش او نقولك شنو ديريلي انا باغيا لعملية ديريلي قيصرية
      هي :لا راه البيبي مقبل ومنهنا لعشيا تكوني ولدتي ولكن غانديرولك طلق صناعي
      انا : مبغياش طلق صناعي بغيت لحريق يجيني بوحدو
      هي: راه صافي شهرك كمل والظغط خطار عليك وعلى البيبي
      انا : صافي نرجع لداري ونستنى
      هي : سنيي هاد الاوراق باش الى وقاعلك شي حاشة نتي المسؤولة
      انا :بقيت ساهيا شي دقائق نفكر مع راسي وقلت كيف ليوم كيف غدا وهاد لمكتبولي سيدي ربي غادي نشوفو قتلها صافي ندخل ليوم المهم عتاتني شي ورق نعتيهم لراجلي يسنييهم على ميجهزولي الغرفة خرجت لراجلي كنبكي قتلو ليوم نولد وااااااااااااعععععععععععع ههههههههههه هو يصبرني ويضحك معايا وولدي كيدعي معايا مسكين المهم عتيت لراجلي لورق ورجعت لواحد الصالة لقيت مصحف شديتو وبديت نقرا سورة مريم وكنتمشى شي ساعة والله مكعدتها لمشا نتاع الشهر درتها فساعة شفت مين ندخلو لمعمعة ههههههههه صافي كنوليو ب 100 رجل انا كنخاف قبل ولكن مين نلقا راسي فالمشكل اواي موقف كنواجه ونرمي الخوف الحمد لله حسيت بربي معايا المهم بقيت كندور فديك الصالة على مجهزو وراقاي باش نتلاع لفوق لغرفة قبل الولادة جهزو وراقيا جات الفارمليا قاتلي يالله معايا قتلها واش ممكن ندي معايا هاد المصحف خديتو وطلعت دخلوني غرفة زوينة مجهزة من كل شي قالولي مع 12 تقريبا غادي تجي لتعطيك الطلق الصناعي المهم خرجت جاو قاسولي الضغط ومشاو بقيت بوحدي
      اشياء سمحولي نقولهالكم دارت فخاطري ديك الساع تفكرت الموت لكنت غافلة عليها وانو الى مكانش اليوم غادي يجي واحد النهار نكون بوحدي وحتى واحد مغادي ينفعني او يحس بيا من غير الله سبحانه وتعالى اذن علاش منكونش كما ارادني الله سبحانه وتعالى تفكرت اي واحدة تكلمت فيها او جرحت شي يوم واحتقرت نفسي بزاااااااف تفكرت والديا لمشفتهم هادي عاماين تفكرت المعاصي ديالي الله يغفرلي حسيت بلي هاد الدنيا فانيا مخصناش نتغرو بيه وانها ولابدا يجي يوم ينتهي كل شي علاش منخدموش لديك الساعة كلشي كان يدور فعقلي ونا كنتمشى فديك الغرفة بكل قوة والله العظيم قريت كل الاذكار ودعيت مع لنعرف ولمنعرف كنت لابسا خاتم التسبيح مفترش لساني ولو لحظة عن الذكر ديك الساعة شفت الايام والسنين لمرت بدون ذكر لله وفترة الصحة والعافيا ولكن لعجز والشيطان لعنه الله كينسينا وكنقولو مكانش الوقت لكن فوقت الشدة رغم الالم كنوجدو الوقت سبحان الله على تناقض نسيت بلي راني حاملة بقيت غير نتمشى ومبغياش نتكلم مع شي حد يلهيني ولو دقيقة على الذكر لانني كنت نستنى الالم بواحد الترقب شديد شعلت التلفزة محملتش نشوف برنامج او اغاني او اي شي ديك الساع غير قناة القراء ن لربما فزخم الحياة اليومية كاع منعارفوها فين كاينا درتها ورفعت شوية الصوت وبقيت نصنت ونتمشى وندكر الله سبحانه وتعالى شوية وراجلي يجي عندي انا مكنتش حاملة شي حد يلهيني او يكون معايا او نشيخ فشي حاجة كنموت على التركيز فلي راني فيه هههههههه بقا وقف هو وولدي يشوفو فيا ونا ماشيا جايا ماشيا جايا عليهم وكندير حركة القرفصاء حتى يتبلكاو رجليا وندعي ربي يجني لحريق قبل لتدخل الدكتورة عليا ديرلي الطلق المهم بدا شي حريق خفيف اسفل الظهر ماشي مؤلم نهائيا مدتهاش فيه بقيت كنتمشى مفطراش الصباح وديك القوة معرفت مين جبتها ههههههههه جات الدكتورة هي وواحد لفرمليا وجايبين الدوا كانو هنديات قاتلي فحص النساء المهم قاستلي الرحم والمفاجاءة شافت فالفرمليا بتعجب سولتها شنو كاين قاتلي مفيكش لحريق انا لا قاتلي راكي مفتوحة 5 سانتي ومغاتحتاجيش الطلق الصناعي دخلتني واحد النشوة نتاع الفرحة وقاتلي واش ندخلوك لغرفة الولادة او مازال قتلها مازال خليني هنا المهم مشاو ونا نوض من البياص ونبدي لامارش من جديد جابولي لغدا ولكن مكليتوش قلت حتى تخلص المهم دخلت للحمام اعزكم الله توضيت وسولت على لمسجد وروهلي ومشيت نصلي الظهر اتجت لله بقلب خاشع لله صليت ودعييييييييييييييييييت حتى عييت يااااااااااااااااااااه على لحضات لا تنسى ايام الصحة والخفة مكنقدروش نتخشعو كنأديو الصلاة بحال شي روبوطات او عادة والله ما احلى الخشوع لله كتحسي بالقرب من الله وبالمعية نتاع الله سبحانه معاك لقيت واحد السيدة حدايا قتلها دعي معيا غاديا نولد اليوم قاتلي وانا دعي معايا ربي يعطيني الاولاد سبحان الله على دنيا المهم رجعت لغرفتي من جديد وبديت المشي السريع والحركات لتعلمتها شوية وتجيني دكتورة عراقية او مصرية فحصتني ووجهها كل استغراب وتعجب والسؤال الدائم مفيكش لحريق انا خفيف بزاف بحال الم الدورة اوا اقل قاتلي خاصك تهبطي لغرفة الولادة راكي 7 سانتي المهم نزلت لقيت راجلي دعا معايا ودخلت لجناح الولادة لكيخلع ههههههه عندو بابا الكترونية وكتحجب الاصوات ميسمعكش لبرا وكاين فيه غرف متجاورة بلحجوب وكل غرفة فيها جوج بيصات نتاع الولادة المهم دخلت فاول غرفة تزولي حوايجك ديرهم فميكة كحلة وصندلتك وتلبسي لبيسة مفتوحة غير اليدين وتعقد من الوراء كيف شافوني قالولو واش نجبولك كرسي متحرك هههه قتلهم نمشي على رجليا دخلت للغرفة صغيرة شوية وفيها حمام قتلهم ندخل للحمام طبعا كانو دايريلي واحد الابرة باش تخوي كرشك ههههههههه او ديك الساع ركبولي السيروم والصمتة كانت تقربا 3 ونص وبقيت كنستنى لحريق و3 نتاع الساج فام مقابليني لبسين ميكة بحال ديال الجزارة هههههه شوية وتجي واحد الشيبانيا بغات تقلبني ونا نقولها بارك متقسينيش واحد الشوية ونا نسولها شحال تفتحت قاتلي ليه نتي خليتيني نقيسك باش نعرف صافي بقيت نستنى الدكتورة كانت عراقية ماشاء الله عليها لحريق كما هو مسمعوليش ولا صوت كل مرة يسولني تمشي لحمام ونا فاهماهم شنو كيقصدو ههههههه الى قلتلهم اييه معناتو البيبي باغي يخرج بقيت كنستنى ونستغفر وهما كيشوف فييديا ونا كنسبح قاتلي واحد الهندي شنو هادا لدايرا قتلها راه تسبيح كنستفر بيه الله باش يسهلي ههههههه جات الدكتورة قاتلي سمعي ابنتي غادي تخليني نقلبك ونطرطقلك السقية وصافي مغاديش نقيسك حتى تبغي تولدي وورتلي صببعاتها قاتلي غادي ندخل غير هادو ههههههههه خليتها طرطقتلي السقية ماشي كيف كنسمع لبنات يقولو عااااااااااااادي مفيها حتى خوف ابرة تقبها ونبينا عليه السلام حسيت بالما كينزل صافي خلاتني ومشات قالولي نعس على جنبك نعست على جنبي ونا يضربني الضو قتلهم غير خليوني على ضهري حسن هههههههه المهم بقا لحريق يجي ويمشي تقريبا كل 3 قايق ماشي مجهد بزاااف كان بقيلي شي نصف ساعة على الولادة وهنا بدا صوتي الخجل يرتفع قليلا من تجيني لوجعة غير يمشي نبدا ندكر الله صافي جات الدكتورة كشف المستور هبطو الاضاءة تلامو عليا 4 ساج فام والدكتورة بقات تشجعني ولكن مجاتنيش الزحمة ريضنا شويا وجاتني وجعة بحال العاصفة غوت غير غوتة وحدة مقضاتش قاتلي عاونيني الراس راه باين المهم صبرت دوك الدقائق جات وجعة اخرى لبنت بانت ولحريق مشا الطبيبة كتقولي دفعي ونا لحريق مشا وهي مافي وجع مافي وجع
      انا لا عاد كنرد عليها جات وجعة والبنت تخرج للعالم يا الله على راحة وانا كنحمد ربي الحمد لله الحمد ياربي وروهالي وداوها يدوشولها بغات الدكتورة تحشي يدها تنضف الرحم غير قاستني لداخل ونا نولي لور قوتلها غير خليني متزيديش تقيسي فيا بارك عليا المهم بدا الطرز قاتلي جرح بسيط شي 8 غرزات اوا رتاحيت وداو لبنت لباباها أذنلها وجابوهالي شوية وجابو واحد الباياص باش ينقلوني للغرفة ديالي جاتني واحد الساج فام قاتلي نشوفك ونا ندور فيها لااااااااااااااااااااااااااااااااااااااا قاتلي راه مغاديش تخرجي غير الى متأكدنا باللي الدم كيخرج اوا صبر وخليتها ونقلوني لبيتي وجا راجلي وولدي عندي وتصورنا وضحكنا وتوتاتوتة خلصت الحدوتة الى عجبتكم قصتي متنسونيش بصلاح الذرية ويجعلهملي ربي من حفظة القراءن والعاملين بيه








      تعليق

        • WhatsApp

        #4
        رد: واخير كتاب نعاود كيف دازت ولادتي لبنتي اوا اراوليا وديناتكم هههههههههههه

        هاني ساليت نمشي نصلي الظهر والى بقا شي وقت نوافيكم ببعض صور المغامرة ههههههههه








        تعليق

          • WhatsApp

          #5
          رد: واخير كتاب نعاود كيف دازت ولادتي لبنتي اوا اراوليا وديناتكم هههههههههههه

          مبروك زين تربى ف عزكم rebi يخليها لك،ويحفظ لك ولدك ويجعلو من الصالحين ،دعي معنا راح قربت نوبتنا هههه









          تعليق

            • WhatsApp

            #6
            رد: واخير كتاب نعاود كيف دازت ولادتي لبنتي اوا اراوليا وديناتكم هههههههههههه

            اعلى سلامتك أختي وتتربى فعزكم ان شاء الله

            ( ادعيو معايا الله يرزقني بشي ولد الحلال )



            ♥
            ♥
            طنجــــاوى ناس حــــلاوى ♥♥
            .
            .
            .

            Algun dia Incha'allah
            .
            .
            .


            تعليق

              • WhatsApp

              #7
              رد: واخير كتاب نعاود كيف دازت ولادتي لبنتي اوا اراوليا وديناتكم هههههههههههه

              المشاركة الأصلية بواسطة صاحبة الرؤيا مشاهدة المشاركة
              مبروك زين تربى ف عزكم rebi يخليها لك،ويحفظ لك ولدك ويجعلو من الصالحين ،دعي معنا راح قربت نوبتنا هههه
              اللهر يبارك فيك اختي والله يفك وحايلك على خير

              المشاركة الأصلية بواسطة بنوتة أنيقة مشاهدة المشاركة
              اعلى سلامتك أختي وتتربى فعزكم ان شاء الله

              ( ادعيو معايا الله يرزقني بشي ولد الحلال )
              الله يسلمك ويرزقك الزوج الصالح








              تعليق

                • WhatsApp

                #8
                رد: واخير كتاب نعاود كيف دازت ولادتي لبنتي اوا اراوليا وديناتكم هههههههههههه

                علي سلامتك بكاتني قصتك فكرتني فراسي مع بعض الاختلافات مطلعش ليا الضغط و لكن كان ضروري نولد قبل الوقت فبنتي ندي الله يحفضها

                تعليق

                  • WhatsApp

                  #9
                  رد: واخير كتاب نعاود كيف دازت ولادتي لبنتي اوا اراوليا وديناتكم هههههههههههه

                  اعلي سلامتك أختي والله دموعي هبطو حتي أنا تنفكر الغربة مغازي يكون معاي احد من غير الله سبحانه وتعالي ورجلي تربي في غزكم أختي الله بسهلها علينا من نعدو يا رب

                  تعليق

                    • WhatsApp

                    #10
                    رد: واخير كتاب نعاود كيف دازت ولادتي لبنتي اوا اراوليا وديناتكم هههههههههههه

                    المشاركة الأصلية بواسطة صاحبة الرؤيا مشاهدة المشاركة
                    مبروك زين تربى ف عزكم rebi يخليها لك،ويحفظ لك ولدك ويجعلو من الصالحين ،دعي معنا راح قربت نوبتنا هههه
                    المشاركة الأصلية بواسطة لحن الوفا مشاهدة المشاركة
                    علي سلامتك بكاتني قصتك فكرتني فراسي مع بعض الاختلافات مطلعش ليا الضغط و لكن كان ضروري نولد قبل الوقت فبنتي ندي الله يحفضها
                    الله يحفضهاليك ويجعلها من الصالحات ولكن متبكيش راه كلشي داز الحمد لله
                    المشاركة الأصلية بواسطة manal2013 مشاهدة المشاركة
                    اعلي سلامتك أختي والله دموعي هبطو حتي أنا تنفكر الغربة مغازي يكون معاي احد من غير الله سبحانه وتعالي ورجلي تربي في غزكم أختي الله بسهلها علينا من نعدو يا رب
                    الله يسلمك اختي منال توكلي على الله الى كان معاك ربي متحتاجي حتى واحد والى مكانش معاك راه لوكان تكوني فوسط حبابك تحسي بالغربة ابشري ازين








                    تعليق

                    يعمل...
                    X