ArabicEnglishFrenchSpanish

إعـــــــلان

تقليص
لا يوجد إعلان حتى الآن.

الصيف يودعنا لكن اثار الشمس خلات بقع واسمرار اجي خذي الحل من هنا

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة
    • WhatsApp

    الصيف يودعنا لكن اثار الشمس خلات بقع واسمرار اجي خذي الحل من هنا

    السلام عليكم ورحمة الله وبركاته


    اخواتي الغاليات، حياكن الله وبياكن عساكن بخير وبصحة
    وعافية، طبعا الصيف على ابوابه الاخيرة لهذه السنة ولله الحمد
    وعليه فتنلقاوا اثار الشمس وبقع واعراض جانبية لما تركته
    الشمس ببشرتنا، ولكن الى عملنا مجهودنا على ازالة المشكل
    من اوله
    تمكني على الحفاظ على ليونة البشرة ونضارتها
    وشبابها
    ويكون عندنا الاصرار على العناية بالجمال ديالنا
    والاهتمام بنظافة بشرتنا بعمق تكون داخلة في روتينا
    اليومي وتاكدي انها غادي تبقى ديما نقية و صافية
    بلا مشاكل تذكر.

    ولهذا الغرض حبيباتي عندي لكم لهاذ المشكل
    وصفتين لصاحبات البشرة الذهنية والمختلطة
    واخرى لصاحبات البشرة الجافة والحساسة .

    التخلص من بقع الشمس واسمرار البشرة الذهنية والمختلطة :


    اول شيء تقشير وتنظيف بعق البشرة بالتالي :
    ملاحظة : التقشير فقط مرة وحدة في الاسبوع



    معلقة النخالة + شوية ماء الورد تخليهم على الوجه مدة 5 د
    من بعد تعملي كوماج بكل رفق حتى تنقي المسام ومن بعد غسلي
    وحضري القناع التالي :



    مطيشة محكوكة
    معلقة اليوغورت طبيعي

    تخلطيهم مزيان وتعمليهم قناع لبشرتك بعد التنظيف طبعا
    وتخليه لمدة 20 حتى 25 دقيقة
    ومن بعد تغسلي وجهك بماء بارد وتنشفيه برفق وبالصحة والراحة
    والى درتي الوصفة 2 حتى 3 المرات في الاسبوع في ظرف قليل
    بالكثير شهر تبان لك النتيجة الرائعة وتحصلي على وجه مشرق
    ومنور ومتالق اتمنى لك المتعة والفائدة ان شاء الله .

    ازالة البقع والاسمرار من البشرة الجافة والحساسة:

    كالعادة عمل كوماج قبل القناع :

    نخالة + شوية الحليب تخلطيهم وتعمليهم على الوجه وتخليه مدة
    5 د ومن بعد تعملي كوماج بكل رفق وتغسلي ومن بعد تحضري
    القناع التالي :




    بطاطة مصلوقة بقشرتها طبعا بعد غسلها
    شوية الحليب العادي الطري

    ندعكو البطاطة بقشورها ونطلقوها بشوية الحليب يكون قوامها سميك
    ونعملوها على البشرة ونخليوها مدة 20 حتى 25 دقيقة ومن بعد تغسلي
    بماء بارد وتكري القناع 2 مرات في الاسبوع وبالصحة والراحة .



    النتيجة رائعة ومميزة ونخلي تجربوا
    وتحكموا في انتظار دعواتكم الطيبة









    • WhatsApp

    #2
    ختي شكرا على الوصفة انا بغيت شي وصفة تزول لي القشور من الضهر ديالي حيت ولا شوهة عييت ندهن والو و شكرا





    تعليق

      • WhatsApp

      #3
      رد: الصيف يودعنا لكن اثار الشمس خلات بقع واسمرار اجي خذي الحل من هنا

      في المفضلة أختي ذاكرة. موضوع في وقتو تبارك الله عليك.
      عزيز عليه أن يجوروا عن الهدى * حريص على أن يستقيموا ويهتدوا

      عطوف عليهم لا يثني جناحه * إلى كنف يحنو عليهم ويمهد

      فبينا هم في ذلك النور إذ غدا * إلى نورهم سهم من الموت مقصد

      فأصبح محمودا إلى الله راجعا * يبكيه حتى المرسلات ويحمد

      وأمست بلاد الحرم وحشا بقاعها * لغيبة ما كانت من الوحي تعهد

      قفارا سوى معمورة اللحد ضافها * فقيد يبكينه بلاط وغرقد

      ومسجده فالموحشات لفقده * خلاء له فيه مقام ومقعد

      شعر حسان بن ثابت في رثاء الرسول

      تعليق

        • WhatsApp

        #4
        رد: الصيف يودعنا لكن اثار الشمس خلات بقع واسمرار اجي خذي الحل من هنا

        و الله ها الشمس خرجات عليا هاد الصيف و خرجات لي واحد الطبعة سمراء حمقاتني . واخا كنت كنستعمل الواقي الشمسي و كنجددو باستمرار . عفاك اختي الى ما عتقيني حيث كنستعمل دابا ماسك الحلبة و العسل الحو يوميا حيث لقيت البنات كيشكرو فيه بزااااف و لكن ما بان ليش شي نتيجة كبييييرة حيث البقعة كتخفاف من بعد غسل الماسك غير نعاود نخرج كتبان لي شوهة . عفاك اختي واش نوقف هاد الماسك و نستعمل هاد اللي قلتي عليه؟

        تعليق

          • WhatsApp

          #5
          رد: الصيف يودعنا لكن اثار الشمس خلات بقع واسمرار اجي خذي الحل من هنا

          تبارك الله عليك اختي وصفات ساهلة و غزالة
          بغيت نسولك بالنسبة للرجلين بغيت ليهم كريم او ماسك ينقيهم مزيان من كلشي
          و الرقبة اغمق شويه من الوجه يعني كنلاحظ الفرق اش ندير ليها
          و النقط السوداء كنحيدها دايما و لكن متعبة بالنسبة لي كندير حمام بخار بالنعناع او المعدنوس و نبقى نحيد فيهم و ضغيا تاني ينوضو
          الى عندك شي طريقة ساهلة تحيدهم نداوم عليها
          و جزاكي الله خيرا اختي داكرة
          سرعة الايام مخيفة!
          ما إن أضع رأسي على الوسادة إلا وأشرق نور الفجر..
          ما إن أستيقظ إلا وحان موعد النوم..
          تسير أيامنا و لا تتوقف !
          وأقول في نفسي : حقاً السعيد من ملأ صحيفته بالصالحات ..
          - والسؤال الذي أقف عنده بماذا ملئت صحيفتي !؟
          وهل أنا أسير للأمام أم للخلف !؟
          يا ترى ما هو وزني عند الله!؟
          أقف وأحاسب نفسي فالأيام تمشي بسرعة ولن يبقى إلا العمل الصالح
          فتن الدنيا تموج بنا والأحداث تتسارع من حولنا والأموات يتسابقون أمامنا..
          "
          " "فَفِرُّوا إِلَى اللَّهِ ۖ إِنِّي لَكُمْ مِنْهُ نَذِيرٌ مُبِينٌ"

          تعليق

            • WhatsApp

            #6
            رد: الصيف يودعنا لكن اثار الشمس خلات بقع واسمرار اجي خذي الحل من هنا

            جزاك الله خيرا اختي
            sigpic

            تعليق

              • WhatsApp

              #7
              رد: الصيف يودعنا لكن اثار الشمس خلات بقع واسمرار اجي خذي الحل من هنا

              السلام عليكم ورحمة الله تعالى وبركاته
              جازاكي الله خيرا عزيزتي على الفائدة جعلها الله في ميزان حسناتك
              تقييم +5 نجوم
              اللهُمَّ إِنِّي أَسْأَلُكَ بِأَنَّ لَكَ الْحَمْدَ لَا إِلَهَ إِلَّا أَنْتَ الْمَنَّانُ يَا بَدِيعَ السَّمَوَاتِ وَالْأَرْضِ يَا ذَا الْجَلَالِ وَالْإِكْرَامِ يَا حَيُّ يَا قَيُّومُ إِنِّي أَسْأَلُكَ،ان تكتب لي حجة في بيتك الحرام.

              تعليق

                • WhatsApp

                #8
                رد: الصيف يودعنا لكن اثار الشمس خلات بقع واسمرار اجي خذي الحل من هنا

                فينك اختي ذاكرة؟

                تعليق

                  • WhatsApp

                  #9
                  رد: الصيف يودعنا لكن اثار الشمس خلات بقع واسمرار اجي خذي الحل من هنا

                  المشاركة الأصلية بواسطة فاتن المكناسية مشاهدة المشاركة
                  ختي شكرا على الوصفة انا بغيت شي وصفة تزول لي القشور من الضهر ديالي حيت ولا شوهة عييت ندهن والو و شكرا

                  مرحبا باختي فاتن عساك بالف خير يارب اختي قولي لي
                  واش الجلد عندك جاف ناشف والقشور الي عندك في الظهر واش
                  ديال الشمس او كيفاش في انتظار شرحك لمشكل القشرة في الظهر ؟؟؟؟؟


                  المشاركة الأصلية بواسطة do3aa khayr مشاهدة المشاركة
                  في المفضلة أختي ذاكرة. موضوع في وقتو تبارك الله عليك.
                  مرحبا بك اختي وبالصحة والراحة وفعلا جا
                  وقت البرييييييييييييييييض والحكان هههههههههه
                  منورة اختي دعاء الخير


                  المشاركة الأصلية بواسطة samyines مشاهدة المشاركة
                  و الله ها الشمس خرجات عليا هاد الصيف و خرجات لي واحد الطبعة سمراء حمقاتني . واخا كنت كنستعمل الواقي الشمسي و كنجددو باستمرار . عفاك اختي الى ما عتقيني حيث كنستعمل دابا ماسك الحلبة و العسل الحو يوميا حيث لقيت البنات كيشكرو فيه بزااااف و لكن ما بان ليش شي نتيجة كبييييرة حيث البقعة كتخفاف من بعد غسل الماسك غير نعاود نخرج كتبان لي شوهة . عفاك اختي واش نوقف هاد الماسك و نستعمل هاد اللي قلتي عليه؟
                  اختي samyines ماسك الحلبة حتى هو رائع خليك متبعاه تيعطي
                  نتائج زوينة ولازم تصبري المواد الطبيعية تتبغي الخاطر والصبر ،
                  و كاين الي بشرتها سمراء بسرعة تتشد فيها الشمس والبقع راها
                  تتزيد بفعل الشمس والواقي خاص يدار نصف ساعة قبل الخروج
                  للشمس ويتعاود ساعتين من بعد ، ومع ذلك ما تخافي والو
                  وتخلعي اهم شيء الراحة النفسية باش اي مشكل يتحل باذن الله
                  غادي تحافظي على النظافة جوج مرات في اليوم ضروري حليب منظف
                  ولوسيون يكون موالم لنوع البشرة ديالك ، ومن بعد قناع ازالة البقع
                  واثار الشمس بكل بساطة غير قولي لي نوع البشرة الي عندك
                  واش جافة او دهنية

                  المشاركة الأصلية بواسطة قلب حنين مشاهدة المشاركة
                  تبارك الله عليك اختي وصفات ساهلة و غزالة
                  بغيت نسولك بالنسبة للرجلين بغيت ليهم كريم او ماسك ينقيهم مزيان من كلشي
                  و الرقبة اغمق شويه من الوجه يعني كنلاحظ الفرق اش ندير ليها
                  و النقط السوداء كنحيدها دايما و لكن متعبة بالنسبة لي كندير حمام بخار بالنعناع او المعدنوس و نبقى نحيد فيهم و ضغيا تاني ينوضو
                  الى عندك شي طريقة ساهلة تحيدهم نداوم عليها
                  و جزاكي الله خيرا اختي داكرة
                  مرحبا باختي قلب حنين ان شاء الله تكوني بخير وعلى خير بالنسبة
                  للنقط السوداء راها مع المتابعة هي تترجع الى كانت بشرتك دهنية
                  وفيها المسام مفتوحة فخاصك تبقاي ديما مهليا فيها باش ما تبقاش
                  مبرزطاك البقع اول شيء باش تحافظي على البشرة ديالك خاص
                  يكون عندك الصبر والعناية بها تكون من اولى الاهتمامات
                  بعد الصلاة والدين طبعا



                  بعد التنظيف الروتيني غادي تحضري معلقة كبيرة دقيق فورص
                  شوية الحليب طري عصير نصف حامضة ومعلقة صغيرة اوكسجين
                  تحصلي على عجين رخو يعني مطلوق شوية ومتماسك وحطي على
                  الانف الي هو اكثر مكان فين تتكون النقط السوداء ، ومن بعد
                  خليها 20 دقيقة وغسلي بماء دافيء وهكذا تكوني تخلصتي
                  من النقط السوداء .
                  ملاحظة: اول شيء لازم تنقيها وتزوليها بحمام البخار لكن يكون على يد
                  اختصاصية باش تكوني في وضعية الي تساعد على ازالة النقط وفي هاذ
                  الحالة نصحك تمشي للصالون تعملي واحد عملية التنظيف تزول لك
                  النقط السوداء يمكن ب150 درهم.


                  ومن بعد مرة كل اسبوع تبقاي ديري هاذ القناع الي حطيت لك
                  باش تخلي بلاصتهم ديما نقية وصافية .

                  وباش تقفلي المسام الواسعة الي هي مولات المشكل الي عندك دائما ديري
                  لوجهك بياض البيض مخلط بعصير الحامض تينقي البشرة ويزول منها
                  التجاعيد ويعمل على تضييق المسام ويخلي اشراقة ونضارة.

                  الرجلين باش ترطبيهم وتزولي منهم التشققات وتخليهم حرير
                  ونقيين صافيين الفازلين ديال الحامض وكريم مرطب كما كان
                  عصير حامضة تخلطي مزياااان كلشي وتغطي رجليك بهاذ الخليط
                  وتلبسي تقاشر عليها وخليهم حتى للصباح ومن بعد غسليهم
                  وخذي الحجرة ديالك وحكيهم مزيان من التحت والكيس من الفوق
                  ومن بعد غسليهم بماء دافئ ودهنيهم بكريم مرطب وبالصحة والراحة
                  الى كانوا التشققات تبعيهم كل ليلة في ظرف يومين او 3 تلقاي رجليك
                  رطيطبين ونعومة الحرير .

                  وبالنسبة لسواد الرقبة فالامر ساهل خلطيهم مزياااااان معلقة طحين
                  معلقة كريم الكليسيرين معلقة الحامض تخلطي مزياااااااااااان يكون
                  قناع متماسك وهزي وديري للعنق وخليه مدة 15 حتى 20 دقيقة
                  غادي تلاحظي الفرق في اول استعمال ولكن بالمتابعة وبالصحة والراحة .

                  المشاركة الأصلية بواسطة sara islame مشاهدة المشاركة
                  جزاك الله خيرا اختي

                  وانت من اهل الجزاء والتواب حبيبتي منورة


                  المشاركة الأصلية بواسطة الخالة نجاة مشاهدة المشاركة
                  السلام عليكم ورحمة الله تعالى وبركاته
                  جازاكي الله خيرا عزيزتي على الفائدة جعلها الله في ميزان حسناتك
                  تقييم +5 نجوم
                  الخمس نجمات ما يجيوش قدام نجمة واحدة ساطعة في سماء اناقة مغربية
                  والي هي الخالة الطيبة الحبيبة الغالية نجاة اكرمك الله واحسن اليك
                  ورزقك الصحة والعافية ،وجودك يسعدني دائما حفظك الله
                  وانار دربك بالطاعات احبك في الله .


                  المشاركة الأصلية بواسطة samyines مشاهدة المشاركة
                  فينك اختي ذاكرة؟

                  هاني معاك اختي مرحبا
                  حيا الله كل من مرت من هنا وتركت لي
                  دعوة خير واقول لها ولك بمثلها وزيادة .
                  التعديل الأخير تم بواسطة ذاكرة; الساعة 10-09-2014, 15:43.






                  تعليق

                    • WhatsApp

                    #10
                    رد: الصيف يودعنا لكن اثار الشمس خلات بقع واسمرار اجي خذي الحل من هنا

                    شكرا جزيييلا على التوضيحات المفيذة جعلها الله في ميزان حسناتك. بالنسبة لي بشرتي ذهنية ومرة مرة كيخرج ليا الحبوب . لكن كل هان امام هاد البقعة اللي خرجات لي ، لهلا يوريك حالتي ... مشيت لبارح عند طبيب الجلد خرج لي واحد الجيل ديال الحبوب ودخلت النيت لقيت الناس كلهم كيشكرو فيه ومعاه انتيليوز كواقي للشمس وحتى واحد الكريم dépigmente خاصة بالبقع ، و لكن والله حتى حرت ما عرفت واش نشري هاد الدوا و للا نتسنى نتيجة الماسك الطبيعي حيث خفت تطول المدة و تكبار عندي المشكلة ، و في نفس الوقت صاحبتي حذراتني من دوا الطبيب و قالت لي راه غادي يقفرها عليك عوض ما تحسني . والله الا حرت وما عرفت آشنو ندير . الله يخللي ليك ما عز عليك اختي ذاكرة الا ما فتي عليا اش ندير.و شكرا مسبقا

                    تعليق

                    يعمل...
                    X