ArabicEnglishFrenchSpanish

.

فهرس تجارب ناجحة لأنيقات المنتدى-متجدد-

.
X
X
X
 
  • -

  • شموع الامل
    رد: تجارب الاخوات الناجحة تــــــــــــابع فلــــــــنطور ذاتنا __تتـــــــــغير حيات

    من نصائح الاختziout دوما جزاها الله عنا كل خير




    السلام عليكم أخواتي
    خواطر جالت بذهني و أنا أتناول وجبة الغذاء ,,,
    - يوميا نصرف من الجهد الذهني و من وقتنا الكثير لتحليل و فهم تصرفات الآخرين (لماذا قال فلان كذا , و ماذا قصد فلان بذاك, أو ماذا يظن فلان عن هذا) أليس الأحرى بنا الانشغال بأنفسنا عن محاولة فهم و تأويل تصرفات الآخرين و آرائهم ,,,
    خطوة في طريقنا لتطوير الذات : اعط الأولوية القصوى لنفسك و اترك الآخرين و ما يفكرون به أو يقصدونه. فأنت أقدر أن تغير نفسك على أن تغيرهم ,,,

    - ثم سؤال كيف تتصرف عندما ترتكب خطأ و يتم تنبيهك اليه ؟
    على الصعيد العملي كنت أقبل ببساطة و أقول أن الآخر هو المحق و ذلك لأني كنت أعاني من نقص حاد في الثقة في نفسي في بداية مشواري العملي فآخذ آراء الآخرين كمسلمات أما و قد تجاوزت الأمر نوعا ما فأنا أواجه من نبهني بالخطأ بدراسته بتأني ثم عرض مفصل لماهية الأحداث و أسبابها و قد وصلت الى أن أستغل هذا الخطأ و أستثمره لصالحي كقاعدة لتطوير العمل و نتائجه
    كنت أخشى في السابق أن أكون في موقف المخطئ أما الآن فلا ,فأنا أتقبل النقد و في نفس الوقت أبرز ايجابيات العمل الذي قمت به و أقبل اقتراح من نبهني ان ارتأيت أنه مناسب ,,, عاملة بالمبدأ السائد في العمل : التطوير المستمر و اليومي

    ثم الى مشاركة أخرى باذن الله ,,, دائما سائرات في موكب تطوير الذات ,,, هذه الذات التي نجاهد يوميا في سبيل تطويرها لنكون في أول الركب ,,, الله ولينا و هو المعين لنا

    :


  • شموع الامل
    رد: تجارب الاخوات الناجحة تــــــــــــابع فلــــــــنطور ذاتنا __تتـــــــــغير حيات

    تجربة الاخت بشرى الخيرات




    السلام عليكم
    عندي وحد قصة ، وقعاتلي هذي سنين ، بصح ماشي بعيدة بزاف ، وترددت نقولها من قبل ، قلت بيني. بين سيدي. ربي باش يثبت الاجر. بإذن الله [/SIZE]
    ولكن القصص د ayamhayat و حسناء. شجعوني نعاودليكم هد التجربة ، حتا بهاد لمعاودة. يكون اجر ان شاء الله ، كتأكيد بللي. الحجاب. ف بلاد الغرب عمرو يجري على الرزق
    الرزق بيد الله و ال ربي كتبو. حد ما يقدر يحيدوليك


    *** ما يفتح الله للناس من رحمة. فلا ممسك لها. و ما يمسك ، فلا مرسل له من بعده ، و هو العزيز الحكيم*** سورة فاطر


    هذي سنين ، كنت مزال طالبة ، مهم. قريت مرة ف واحد الاعلان. د الجامعة ، واحد المؤوسسة تابعالها ، لكن مختصة ف التعاون و العمل التطوعي
    طالبين شي حد للي يعاونهم ف المؤسسة ، يجاوب على الايمايلات ، يرتب ، ينسق الملفات ...
    انا بقيت. مترددة ، نسجل اسمي ما نسجل ، نمشي. ماااا نمشي ، نصلاح. لهاذ الخدمة ما نصلاح!!!!
    مهم بالي غي يخمم. و نقول. زعما گاع البشر للي كااااين. و يعرف اللغة أحسن مني و أنا عاد. زايداها بالحجاب ههههه غادي يختاروني!!!! كنخربق




    بقيت هاكاك ما بين دي و جيب ، من بعد تشجعت و قلت. للي ليها ليها ، بعدا. نشوف هد المقابلات د العمل كيفاش كبكونو و ربح تجربة


    الا. ما مشيتش يعني خاسرة على جوج. و نتيجة. وحدة
    توكلت على الله و قلت للي فيها خير يجيبها الله




    جا داك النهار د مقابلة العمل و انا م الطريق و الوجع فيا و حدا باب المكتب نستنى قلبي يصرب 180 ههههه
    مهم. جا. توري ، دخلت، سلمت على السيدة للي غديرلي المقابلة و بالابتسامة ديالها رتاحيت و قبل ما تسولني قاتلي: من بعد المقابلة بغيت نقولك حاجة، ماسي على العمل


    مهم بدات كتسول و رتاحيت معاها ف الكلام. و جيتها صراحة بللي. عمري خدمت و بللي مجال التطوع. يعجبني ، درت تكوين عبر الانترنت معتمد و لكن عمر خدمت ، انا جابلي بالي. كنعاودليها غ الكحلة عليا ههههه




    هي سالات المقابلة ، قاتلي الكلام. للي بغيت نقولك ، ما عندوش علاقة بهاد الخدمة ، و انا هنا غي كندوز الاسئلة عدى المترسحين ، كاين فريق آخر للي عندو باريم و كيعطي النقاط






    قاتلي انا كنخدم ف هد المؤسسة و لكن العمل ديالي أستاذة و عندي طلاب كل ما ندير شي درس مثلا. على السياسة كنعرفهم بشي سياسي ، على حسب الموضوع
    وانا. مللي دخلتي. و شفتك بهاد الحجاب. د المسلمين ( انا كان عادي و بسيييط ، حجاب مع كسوة متناسقة كحل و بيض صافي ههه).
    قاتلي عجبتيني و عندي درس على المسلمين و حتا الثقافة المغربية. و بغيتك. تحضري. و تجاوبي على التساؤلات للي عندهم


    قاتلي مغديش نخلصك. و لييني نعطيك شهادة على المشاركة(مهمة).


    صافي وافقت. و مشيت و فات. داك شي على خير. ، سلكت بفضل الله
    و تعارفنا انا وياها ، بقينا على اتصال


    مهم واحد مرة انا كنعاود لاختي (للي حكيتلكم تجربتها مع المرض ) هي. كتنسق مع واحد. الجمعية خيرية ف مدينتنا ف المغرب و عزيز عليها العمل الخيري ،



    كنعاود ليها على السيدة و شنو للي صرا و هي تقولي. واش ما يقدروش يديرو شي عمل خيري هنايا عندنا ،
    بقينا ف الاتصالات ، واخا المشروع للي كنا باغيين ما كتابش ، كان خاص بزاف التنسيق و مسائل. رسمية. طويلة أخرى
    و لكن بفضل الله لي كتب نتلاقا هد السيدة ، عطاتلينا المؤسسة. ديالهم 100 محفظة وصلات المغرب و وزعاتها الجمعية فين أختي مع ادوات آخرين ، لوازم مدرسية على وليدات. القرية و توصلنا بصور رائعة للحدث ، الله بجازي الكل الف خير




    هد الشي كلو ، بفضل تسخير الله. للي عرفني على السيدة و بفصل الحجاب للي. خلاها تنتابه و خلا معرفتنا تمشي بعيد
    و نسيت نقولكم ، ما خداونيش للخدمة و لكن تفاجأت بالترتيب. للي جبت : الثامنة من أصل عشرين مترشح في قائمة النتائج هههه


    و ربحت شهادة المشاركة و الخير للي جابو ربي بين يدينا ، فرحنا وليدات بفضل الله


    كلسي بتسخير الله. و كلشي عندو حكمة ، غايبة علينا احنا

    :


  • شموع الامل
    رد: تجارب الاخوات الناجحة تــــــــــــابع فلــــــــنطور ذاتنا __تتـــــــــغير حيات

    تجربةالاخت ayamhayat


    السلام عليكم و رحمة الله
    سعيدة لأني معاكم نتمنى من الله يوفقنا جميعا أكل واحدة تحقق مبتغاها و أهدافها.
    نتكلم لكم على نفسي ....اول الشيء شعاري هو حسن ظني في الله أكنتقبل أي حدث سواء إجابي أو سلبي أنقول في نفسي فيها خير واخى كتنتابني لحظات فتور لكن كنحاول نرجع لسابق عهدي.أنا كنعيش خارج الوطن مع عائلتي لعام لي فات كنت نقلب على خدمة قريبا من دارنا و أنا من نوع لي قليل فين يخرج يعني كنت نسول عبر الهاتف او نبحث في الانترنت أكان يقولي الوالد الى لقيتي شي خدمة هيانا هانتي بحكم أني مكنتش نخرج امعنديش علاقات مع الناس اكنت نعاسة أكنجاوبو نقول و الله الوالد أربي يكتبلي شي رزق حتى يوصلني و فعلا واحد نهار حتى تاصلوا بيا لحد الان معرفتش شكون عطاهم نمرتي مشيت لمكتب ديالهم قالولي غادي نصيفتوك لواحد الشركة هي هديك مشيت لكن رئيس رفض أني نخدم لأني دايرة الحجاب هو كيتكلم وأنا كندعي لربي حبيبي يدير لي تاويل ااخير فنفس الوقت جات أختو أقترحت عليه يجربوني أفعلا جربوني أعجبتهوم أولاو محترمني الكضحك في الامر أن في اليوم الثاني نعععععععست هههه أفقت دايخة أكردد حمدتك يا ربي أشكرتك أشوية نقول يا ربي ديرلي الخير غادي يضحكوا في و يشمتوا مشيت الخدمة معطلا بساعة امول شي مقالي والوا الحمد لله هادشي باش ديروا في بالكم و الله أربي يبغي لخير يجينا ماكين لي يمنعوا خصنا غير نتوكلوا على آلله.
    عندي 3 أهداف بغيت نحققهم نشري سيارة انسوق بمهارة ثاني شيء بغيت نتقن اللغة باش نكمل قرايتي 3 شيء بغيت ربي يرزقني زوج صالح انكون اسرة يا ربي و جميع العازبات الله يفرحني و يفرحكم في القريب

    :


  • شموع الامل
    رد: تجارب الاخوات الناجحة تــــــــــــابع فلــــــــنطور ذاتنا __تتـــــــــغير حيات

    من تجارب ونصائح الاخت
    ziout




    عندي نقطتين نضيفهم للموضوع نتمنى يستافدو منهم الأخوات
    =| الابتسام و الضحك مفيد جدا كايبعث في النفس الراحة و الايجابية و سبحان من جعل ابتسامتك في وجه أخيك صدقة ,,, أختي وقفة تساؤل مع نفسك " علاش ديما مغوبشة و هازا الدنيا فوق كتافك هازاها منين ثقالت " ياك لاباس راه هادي دنيا اختبار غير دايزين فيها عيشيها و عايشي الظروف السيئة اللي ممكن تصادفك بحلم و أناة باش تغلبي عليها و تستافدي منها ,,, رخفي على راسك ما تهزيش هموم ماشي ديالك و ماشي في استطاعتك تحليها ,,,
    في طريقك للتغيير لازم تحديد الأولويات باش ما تعيشيش حالة من الفوضوية و التخبط بدل التغيير الايجابي اللي كنتي كاتحلمي بيه , في البداية كايكون الانسان متحمس فاكيدخل عدة جبهات في وقت واحد هذا خطأ لأنه سرعان ما العزيمة تتلاشى و كايجي الانسان فترات خمول كايقول أنا ما غانقدرش على هادشي أنا فاشل ,, ببساطة لأنه كثر من الأهداف ,,, ضروري من التدرج كيما ذكرات الأخت بشرى
    أشنو أهم حاجة باغا تخدمي عليها اليوم بداي بحاجات بسيطة لا تكلفك أي شيء مثلا الابتسامة راها فابور و أقل اجهادا من أنك تظلي مخنزرة ,,, ابتسمي في وجه والديك زوجك أولادك جيرانك ,,, الأمثلة كثيرة مثلا القراءة نهارك كلو عامر بداي بالقراءة غير في الأوقات البينية اللي كاتكون كاتسناي فيها سواء وسائل المواصلات أو كاتكوني جالسة في عيادة الطبيب الخ مع أني أكيدة أن هناك أوقات فراغ أكثر بكثير كاتمشي غير في النعاس و الهضرة الخاوية و تصفح ما لا يفيد في النت الخ ....
    غير موضوع القراءة حتى هو قبل خصو وقفة أشنو تقراي ؟ حددي داكشي اللي غاتستافدي منو اللي غايزيدك لرصيدك المعرفي هو اللي تقراي فيه
    أخيرا أؤكد مجددا أنت السبب في التغيير و لا تربطيه بأي أحد أو أي تجمع ماشي كانقلل هنا من قيمة هاد التجمعات لا و لكن غدا و بعدو الا ما لقيتيش شي حد أو أن التجمع ما بقاش شنو غاتوقفي ؟؟ لهذا ربطي كلشي بذاتك القوة استمديها من نفسك هي اللي غاتبقى معاك الى الأجل المسمى ... صباح سعادة و ابتسامة





    :


  • شموع الامل
    رد: تجارب الاخوات الناجحة تــــــــــــابع فلــــــــنطور ذاتنا __تتـــــــــغير حيات

    تجربة الاخت
    hassna ayash



    2 حوايج لكنقلهم wkan3awdhom
    لهما متلاً إلى بغيت واحد لحاجة kanwseliha حمدلله wmital ملي كنت حملة بولدي وكنت قريبة نولد ختك بقات كتجمع فلمعلومات من حوايج دلببه حتى ديك برا لكيضرب ديل ضهر لمهم ملي وصل لوقت لولادة حمدلله فرحت بزاف حيت دوق معلومات لجمعت فدوني بزاف ونة في هاد طبيعة معروفة بها
    حتى باش نزيدك واحد لحاجة أنا لكنقد سغل ديل دار كامل سغل ديل لوراق وحاجة لككثسني منبغيش ليقدهلي حيت مغيقدهش كما بغيت أنا
    ولدي مشاء الله عليه صعيب بزاف وعصبي ودزت فواحد مرحلة صعبة بزاف ديل طلاق وخى دبى تصالحنا ورجعنا باقي فلمشكل ولكن وخى هكدك اي حاجة كتخس تربية ديل ولدي كندير قطر من مجهودي غير سيد لمعايا لكينزل بي hada هو لصعيب
    وحاجة خرى أي حاجة وقععات ديمة كنقل فيها خير وليت معروفة بها حمدلله اماني بالله قوي ومكنستلمش إلى درت شي حاجة ومسدقتلش وخى كنتفقس وكيطلع لدم لغد ليه كنعوذة حتى وكان تصدق كنقل بي ولا بها ههه كنبغي ليكون بجنبي ويشجعني وبي وبينك عندي تحفيز داتي وبزاف ميتقل

    :


  • شموع الامل
    رد: تجارب الاخوات الناجحة تــــــــــــابع فلــــــــنطور ذاتنا __تتـــــــــغير حيات

    تجربة الاخت jawdat



    شكرا على الموضوع الرائع ولي جا فوقتو و شكر. لهاد الاخوات لي كيهطيونا تداربهوم و لي بدورنا كنستلهمو منها و كتولي محرك. لي التغيير
    انا اكبر الصعوبات لي لقيت فحياتي هي الصحة و مواجهة المرض و النقطة التانية هي تربية الاطفال وهاد زوج نقط ديمأ كيخربقو ليا حياتي و مكيخليونيش نحقق طموحاو بديت كنعيا و كندخل للاكتئاب
    ولكن من خلال معايشتتي لبعض الاخوات بديت كنتغير و كنحاول ناخد الاشياء ببساطة و. ممبقيتش كنطلب من نفسي اكتر من الطأقة. ديالها و كنهون من صعوبز الحياة باني ندير شوية من الحاجة و نقلب الحياة الصعبة لمتعة و ضحك و لعب باش منزيدش نمرض راسي و الناس لي دايرين بيا
    يمكن من أكبر المصاعب فالحياة هو الصبر على المرض او مقابلة انسان مريض وﻷأسف مكاينش اهتمام كبير ديال النفسانييين و المختصين بهاد النقطة و تنظيم دورات علاجية للمرضى و لي كيقابلوهوموغير حنا كنعالجو راسنا براسنا بعض المرات كنبقى نشوف كنقول يمكن الله سبحانه لو عطاني كامل الصحة ديالي كنت غنطغى و نتجبر و منعرفش بحق نعمة الصحة
    انا كنت كنقارن الوضع ديالي مع صحباتي لي ما شاء الله مشاو بعيد و احتلو اعلا المناصب ولكن دابة كنقول يمكن حتى نربية الاولاد شي حاجة عظيمة وخا المجتمع ديالنا مكيعطيهاش ديك الاهمية و البريق ديال المناصب و المراتب العاليةوحاجة اخرى فالتغيير هو الصبركاين وحاد الاية فالقران فسورة الكهف كيقول فيها سيدنا موسى لسيدنا الخضر ستجدني ان شاء الله صابرا صدق الله العظيمياريت تولي عندنأ بحال هاد تقافة الصبر و نبقاو نقولو للحياةﻷمصاعب ستجدينني أن شاء الله صابرة

    :


  • شموع الامل
    رد: تجارب الاخوات الناجحة تــــــــــــابع فلــــــــنطور ذاتنا __تتـــــــــغير حيات

    تجربة الاخت لؤلؤة1



    الحمد لله تغيرت بزآآف و الحمد لله على نعمة الأنترنت و الكتب خاصنا غير نبحثو و نطبقو مازال عندي بزآاف د الأشياء كَ نطمح نغيرها و ديما كَ نحاول معمري نستسلم
    الحمد لله ديما الله كَ يسر لينا الخير واخة يبان لينا فيه الشر و لكن كم لله من لطف خفي
    هاد الساعة مركزة بزاف على صحتي و جسمي و نفسيتي

    كَ نقرا بزاف كتب تنمية البشرية و فعلا غيرو فيا بزآآاف الحمد لله كَ نسمع محاضرات بحال مثلا ملي نكون خارجة كَ ندير شي محاضرة فالتليفون مَ كَ نحسش بالطريق من ضمن المحاضرين لي كَ نسمع ليهم روبن شارما عندو فيديوات فاليوتيوب و معروف عالميا كاينة حتى واحد البنت عندها متقول إن شاء الله نتذكر اسمها
    إبراهيم الفقي الله يرحمه و عائض القرني كريم شاذلي العريفي .... الله يجعل كل ما يكتبون فميزان حسناتهم
    واحد الكتاب رائع كَ نصحكم تقراوه استمتع بحياتك ديال محمد العريفي رائع بمعنى الكلمة

    غَ نقوليكم واحد السر يمكن ضحكو عليا و لكن هادشي لي فعلا كَ ندير
    ملي كَ نكون محبطة و حزينة كَ نعنق نفسي بيدي و كَ نقول كَ نبغيك أ لؤلؤة بزاف حتى حاجة متستاهل تقلقي عليها متستسلميش حاولي من جديد تفكري نجاحاتك لي فاتو أنا عندي حسن ظن بالله و الله ميتخلاش عليا أنت أجمل و أروع و أحسن إنسانة فالدنيا نتي قوية بعض المرات كَ نبكي و بعض المرات لا و من بعدها كَ نحس بالراحة و طاقة إيجابية كبيييرة
    مضحكوش عليا و لكن هاكا كَنتعامل مع نفسي فساعة إحباط
    من ضمن مبادئ لي عندي فحياتي إذا أي واحد وصل لنفس الهدف لي بغيت نوصل إذاً حتى أنا ممكن و نقدر نوصل ليه و نحققو
    نخلي بصمة متميزة فحياة أي شخص عرفتو و لو غير بكلمة زوينة و معمري نحبط شي إنسان أو نقص منه بالعكس نشجعو

    :


  • شموع الامل
    رد: تجارب الاخوات الناجحة تــــــــــــابع فلــــــــنطور ذاتنا __تتـــــــــغير حيات

    من تجارب الاخت fatidusouss



    اختي شموع الامل شكرررررا بزززاف على تشجيع وخا تجربتي ابسط مايكون
    التغيير جميل كيبان صعب لكن الاصعب منوا الاحباط لكنحسوا بيه وحنا واقفين بلاصتنا، حيث يائما نتقدموا يا نرجعوا لووور
    كنصبرو في البداية باش نجنيو الثمار من بعد، يآآآه على احساس نهار كتلمسي تغييرك فشي موقف مهما كان بسيييط سعادة لذيذة الصراحة ههههه
    و من تما كنستمروا فتطور طلبا للمزيد منها، و نهار ايقولك شي شخص مقرب تبدلتي وليتي حسن كتبتسمي من لوفووون و كتفرحي
    من ناحيتي ذزت من مشاكل كثيرة نقولو تحكيييييت نيت:
    ـ اليتم من سن خمس سنوات، وفاة الاب الله ارحمو شاب و باقي في بدايات حياتو ، ام بسيطة خوها قالها تزوجي و داكشي لكان كما كملات العدة، زوجها اصلا متزوج و له بنت من زوجته، اعطى وعوووود كثيرة لم يفي بها
    ضيعني في اوراقي ديال الخارج و امور كثيرة، تعلمت نكون حكيمة من صغري باش منسببش مشاكل، و الصبر على كلشي، مكنتش نقول لا ليه لي طلبها تحضر و في المقابل عمرو جبد و لو مبلغ قليل اقوليا هاكي.... كبرت فهاد ظروف و الهدرة كثيرة... ولاو عندي خوت و كنحبهم بززززاف كبرناهم انا و ماما
    قرايتي كنت عصامية و عمري ظوبلة و خديت الاجازة، كون ما المنحة منقراش الله لطف حيث زوج امي محسبنيش كاع و طمع حتى ففلوس لابورس... و دار لي الله البركة فيها
    من ايجازة لسطاجات فنفس مدينتي مكانش عندي فلوس الترنسبور برجل كنضربها لي تعطاتني نخدمها و هادشي بعد فضل الله خلا ناس اعلموني و انصحوني الحمد الله
    وخا هكاك كنت محتاجة للفلوس و نفسي عزيزة منطلب حد الا الله ، كنبكي و ندعي و نطلب الله ، تصوري كان رمضان قبل العيد خدمة و لي عيط عليا مكيعرفنيش صدفة، قاليا جاتك برضات الولدين
    و شديد فلوس العيد باقي ههههه
    تخطبت و كلست و كانت خطوة فاشلة و مكملش الله و راجل ماما ما رحمنيش
    خسرت فلوس كثيرة و ماما مرضات خدمة والو خطوبة فشلات و قاليا خرجي من داري... هادشي بعد سنين من التعذيب النفسي، المهم هنا كانت اول مواجهة ليه و تصدم بهاد البنت القوية لي قدامو و حطيت هدف ،، انا مقابلة مي و ميفرقني عليها حد والله كبير،، رجعت للدعاء و تصوري قيام الليل بعد يوماين جات الخدمة ايوا خدمت بصالير حسن عام، و ضطريت ندير عملية جراحية على ضهري و جلست، و بعد مدة فاش بريت بديت ازيرو عاوتاني و دبا فكلنيك مرتحة حمد الله و التغيير جا مع ديك الظروووف كاملة
    زوج امي وقرني و الله استاجب ليا
    كنتسنا الزوج الصالح، و امور خرى تقاد اه اماما مهلية فيها و فخوتي و عززززيزة عليهم بزززززاف ، زرع حب تلقا الحب،
    من هادشي كامل باقي مقاتلا

    :


  • شموع الامل
    رد: تجارب الاخوات الناجحة تــــــــــــابع فلــــــــنطور ذاتنا __تتـــــــــغير حيات

    تجربة الاخت الراضية



    أختي خادمة الفرقان الله يكبر بيك ويسعدك دنيا وآخرة، حتى أنا معجبة بردودك المرحة والغنية فنفس الوقت والله يجيبنا فالصواب،أحبك في الله .
    بالنسبة لتجربتي مع التغيير بدات أول مرة فالاعدادي،فوقتها كنت كنحس بأني مقصرة مع الله من ناحية الصلاة و خصوصا الفجر ووصلت لهاديك اللحظة لي كيقول فيها الواحد مع نفسو أنا ماراضيش على نفسي وخصني نتبدل، وحسب تجربتي هادي أول خطوة، ثاني خطوة هي *الورقة والقلم*،ثالث حاجة هي الحزم والحسم وعدم التسويف،نوض ديك الساعة باش هاداك الاحساس مايطفاش، وانا مازالا كنعقل أول حاجة درتها جبت أوراق وكتبت فيها آيات عن الصلاة ولونتها ولصقتها فحيط البيت ووحدة فيها أحاديث ورا الباب، *وهادي من النقط المهمة أنك تخلي دائما شي حاجة قدامك لي تفكرك فاللي نتي باغا توصلي ليه أيا كان*،و شريت منبه ملي كيديرو صوت الاذان*كانو رايجين فداك الوقت هه* وبقيت كل مرة كنشري كواسط ديال الدعاة .. وهاديك كانت أول تجربة لي مع التغيير،ثاني مرة أحسست فيها بضرورة التغيير هي ملي تزوجت، التغيير فشحال من حاجة فرتبت الاولويات، الحاجة الاولى هي أني كنت زرققققققققة فالطبخ فبديت كنتابع برامج فالتلفزة وكنعيط على واحد صاحبتي الله يذكرها بالخير ونطبخو أنا وياها ونتعلم وكنعقل بابا شرالي كتوبة ديال أمهاوش يالله خرجو ديك الساعة هههههه وفهاداك الوقت كتاشفت منتدى أناقة *وهادي أيضا نقطة، انكي تبحثي على التجربة والخبرة وما تحشميش طلبي المساعدة * اوا مع كل التغييرات الكبيرة المبرمجة تحدث تغييرات في شخصية الإنسان فيصبح أكثر نضجا وأكثر ثقة ووو وأنا صراحة من محبات التغيير في كل شيء في نفسي وفيما حولي وليست كل تجاربي في التغيير ناجحة، على سبيل المثال ملي تزوجت كلت خصني نخدم اوا زدت قريت وملي خديت الديبلوم جاتني الخدمة والحمل فاخترت نجلس فالدار* وهادي نقطة أنك فرحلة التغيير قد تضطرين الى الانسحاب أوتأجيل أوتغيير الاتجاه،ولكن هذا لا يمنع أنك تبداي رحلة تغيير أخرى * فواحد الوقت قلت خصني نتعلم شي حاجة نعمر بيها وقتي اوا بديت الكروشي شريت أدواتو وتعلمت من النت وصايبت شي حوايج وانا نلقى خاصو الخاطر بزاف اوا نساحبت وماكملتش، اوا ومزالا كنقلب على شي هواية مناسبة *وهادي نقطة أنك كتبداي فالتغيير وكاتحسي بلي الطريق لي غادية فيها تقدري تلقاي ماحسن منها ،ماتجاهليش احساسك،لأن الهدف ديال التغيير فنظري هو الاحساس بالرضا عن النفس،ومادام ماوصلتيش ليه فهذا يعني أن عليك مواصلة المسير.و مما وجدت له الأثر العظيم أنك تكون روحك ايجابية ويكون عندك تفاؤل ويكون يقينك كبيرا بالله أنه سيغير حالك إن غيرت من نفسك،الامر الذي لخصه لنا رسول الله صلى الله عليه وسلم حين أمرنا بالتفاؤل بالخير لنجده.
    ههه شحال في ديال الهدرة ،المهم هادي تجربتي والأهم في الموضوع هو توفيق الله،فهو الذي يوفقك الى الاحساس بحاجتك الى التغيير وهو الذي يوفقك في رحلة السعي اليه فاللهم غير أحوالنا الى الاحسن.

    :


  • شموع الامل
    رد: تجارب الاخوات الناجحة تــــــــــــابع فلــــــــنطور ذاتنا __تتـــــــــغير حيات

    تجربة الاخت ziout






    السلام عليكم
    الموضوع زوين و لكن خصو يكون على شكل برنامج محدد و فيه مواكبة و تتبع ,,, الا كان الهدف منو التغيير

    الا كان الهدف سرد تجارب كيما قاموا به الأخوات فعن نفسي غيرت شي حاجات فيا كنت دائمة الانزعاج و القلق كنت كانحس بالضيق الذي أوشك يتحول لاكتئاب الأدهى أن كل هادشي ما شاركت بيه حتى واحد احتفظت بيه لنفسي ما كانبغيش نبين لأي أحد
    أول خطواتي للتغيير صفة مزيانة فيا أني محبة للقراءة فبالصدفة في معرض الكتاب اشتريت كتاب لديل كارنيجي "دع القلق و ابدأ الحياة" قريته بتدبر و خديت منو أشياء طبقتها الحمد لله نقصات حالة القلق اللي كنت كانعيشها
    اكتشفت أن سبب تعاستي هي أنا عن و أن مصدر السعادة كذلك هو أنا فقررت أنني نبتسم للحياة أن الحاجة اللي مشات لا سبيل لعودتها و الحزن لن يغير شيئا و أنني لازم نعيش فقط فالحاضر لأنه هو المهم و الكفيل يجعل من المستقبل كيما تمنيت
    تعلمت عدم تضخيم الأشياء و اعطاءها أكبر من حجمها و تبسيط الأمور
    تعلمت نهتم بنفسي أولا و قبل كل شيء لأن اللي ما صلحش حالو عمرو ما يقدر يصلح أحوال الآخرين
    تعلمت في كل يوم (قدر المستطاع) يكون عندي جدول المهام اللي خصني نقوم بيها و في نهاية اليوم ملي نبغي نعس نسأل راسي شنو اللي درت و شنو ما درتش و علاش مع عدم القسوة على نفسي و أنني نتفهم ما أمكن سبب اخفاقي
    الأشياء المعينة على الالتزام ببرنامجي اليومي هي الصلاة خصوصا الفجر على وقتها و الأذكار في الصباح (لازلت غير مواظبة على أذكار المساء) مورا صلاة الفجر كانقوم بتمارين رياضية بسيطة بديت في الأول بحركات خفيفة لمدة ما تجاوزش 3 حتال 5 دقائق ساعداتني بزاف المهم هو المداومة ماشي الكم
    مشتركة أيضا فالفيسبوك في صفحات كاتشجع على القراءة و كايقتارحو كتب ,,, و كذلك صفحات لتنمية الشخصية و الدعم الذاتي حتى هي ليها الأثر باش تبقى عنك العزيمة
    كانحس براسي أحسن و لله الحمد

    تذكرت واحد النقطة ألا و هي النظافة و الاهتمام بالجسم ديالنا و المظهر الخارجي هادي لها بالغ الأثر على النفسية ديال الانسان ,,, سبحان من جعل النظافة من الايمان ,,, تنقي جسدك و لباسك و فمك عاد تذكر الله ثمة منتهى الراحة النفسية باذن الله

    :

...
X