ArabicEnglishFrenchSpanish

إعـــــــلان

تقليص
لا يوجد إعلان حتى الآن.

فهرس تجارب ناجحة لأنيقات المنتدى-متجدد-

تقليص
هذا الموضوع مغلق.
X
هذا موضوع مثبت
X
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة
    • WhatsApp

    فهرس تجارب ناجحة لأنيقات المنتدى-متجدد-




    أخواتي الغاليات هنا تجدن قصص تحدي و نجاح حقيقية
    لأنيقات رائعات تركن بصمتهن المميزة في مجالات مختلفة
    أتمنى أن تستفيد من تجربتهن كل من مرت من هنا-متجدد
    إن شاء الله-



    هادي قصتي ومازال عندي الامل للقدام



    التقبل قوة دافعة باتجاه الرقي لمن تتألم مثلي



    قصص نجاح : نساء ينحثن الصخر



    قصتي كفاح كلل بنجاح و الحمد لله



    اجيو تسمعو قصة دكتورة ام رشى



    الرجوع الى اكادير والبداية من الصفر



    حملة الصلاة خيـــــــــــر من النوم

    • WhatsApp

    #2
    تجارب الاخوات الناجحة تــــــــــــابع فلــــــــنطور ذاتنا __تتـــــــــغير حياتنا




    اخواتي الحبيبات ساجمع هنا كل التجارب الناجحة باذن الله ليكون اسهل على كل اخت ايجادها بكل سهولة ويكون موضوع فلنطور ذاتنا خاص بالاستفسارات و تساؤلات الاخوات
    و هكذا كلما طرحت تجربة ستحول الى هذا الموضوع بدون ردود طبعا
    وجزاكم الله خيرااعلى اقتسام تجاربكم ومشركاتنا بها لكي تعم الفائدة ولكن جزيل الشكر واعظم الاجر باذن المولى










    الحب شعور خارق لا يخضع لقانون أو منطق..!
    من يحبك سيحبك بكل عيوبك ومجرداً من كل مميزاتك
    والوصفة السحرية لدوام الحب هي
    بسمة صافية
    وكلمة جميلة
    وقلب قادر على الاحتواء ..!


    ..


    تعلمت ألا أتعثر بالكلام السلبي الذي يوضع أمامي
    بل أعده مثل الحواجز الرياضية
    تدريباً لي على القفز إلى أعلى
    دون أن ألامسها!


    ..

    تعليق

      • WhatsApp

      #3
      رد: تجارب الاخوات الناجحة تــــــــــــابع فلــــــــنطور ذاتنا __تتـــــــــغير حيات

      تجربة الاخت خادمة الفرقان جزاها الله خيرا




      السلام عليكم اختي الكريمة الغالية على قلبي فرحت بك بزاف اليوم شكرا ليك على دعواتك لي بالتوفيق ، هاد الموضوع يستهويني بشغف فكرة تطوير الدات وتغيير الحياة الى الافضل حلم وهدف اي شخص حبيبتي شموع الامل لا اطفئ الله نورك واسئل الله ان ينير بصيرتك على هده المبادرة ، انا الان سوف لن اخوض فيما قاله المفكرون والفلاسفة .... انا غادي ندخل لالموضوع كووووووود ونحكي ليكم عن تجربتي كتجربة واقعية كيف طلبتي ونتي طرحي فالموضوع .... انا اختي الكريمة اول شيئ غير مجرى حياتي هو تخلصي من النضرة السلبية للحياة منين نفيق نبدا يومي بطاعة الله صلاة الفجر راااحة نفسية عجيبة ثم اتبعها بتلاوة ولو صفحة من كتاب الله ... امااان وراحة تبدئين بها يومك مصالحة مع نفسك ومع خالقك ... المهم ان هده الخطواتلها وقع كبير على نفسيتي وبمجرد ان انسى او اتكاسل يعود الاكتاب والحزن ... الخطوة التانية كل يوم منين نفيق نقرر اني سوف اكون بشوشة لي تلاقيت به نضحك معاه نبتاسم طول النهار هاكدا نتي تاتكتاسبي طاقة ايجابية ولي تلاقيتيه او تعاملتي معاه غادي بحول الله تمرري لو شيئ من طافتك الايجابية ، حاجة تالتة لما نكون بوحدي فالدار وتانقضي شغالي نقضيها بمرح نغني امداح نبوية نردد ادكار وفي بعض الاحيان نحفض ايات قرءانية او مفردات لغة اجنبية المهم نحس بان هاد الوقت الطويل لي تانقضيه بين المطبخ واشغال البيت نحس به مفيد عاود كانحس بارادة وعزيمة اقوى وكنفرح ... لي عودة حبيبتي











      الحب شعور خارق لا يخضع لقانون أو منطق..!
      من يحبك سيحبك بكل عيوبك ومجرداً من كل مميزاتك
      والوصفة السحرية لدوام الحب هي
      بسمة صافية
      وكلمة جميلة
      وقلب قادر على الاحتواء ..!


      ..


      تعلمت ألا أتعثر بالكلام السلبي الذي يوضع أمامي
      بل أعده مثل الحواجز الرياضية
      تدريباً لي على القفز إلى أعلى
      دون أن ألامسها!


      ..

      تعليق

        • WhatsApp

        #4
        رد: تجارب الاخوات الناجحة تــــــــــــابع فلــــــــنطور ذاتنا __تتـــــــــغير حيات

        تجربة الاخت fatidusouss






        السلام عليكم اخواتي، الله اوفق الجميع في مسيرة التطور و التقدم
        فعلا الى حكاو البنات قصصهم الشخصية كيشجعوا و كيعطيوا امل لينا كاملين
        بالنسبة ليا الحمد لله كنحس براسي اني بفضل الله غيرة امور كثيرة سلبية كانت عائق ليا في حياتي:
        ـ من الناحية الدينية: كنبدا نهاري بصلاة الفجر و كنحاول نفيق قبل نقرا القران الاذكار و الادعية و الصراحة هذا سر الراحة النفسية وأول خطوة
        ـ من الناحية تعلم اللغة: الفرنسية وخا راني مجازة و لكن كان عندي ضعف لي مستسلمتش ليه و اول خطوة بديت غير بمقالات صغار شوية بشوية و ليت كنقرا الروايات خصوصا لي فيهم السيرة الذاتية، كنقرا ونا كنتسنا الطوبيس ونا جالسة فوقت الفرغ، قبل منعس و وقت الغدا في الخدمة...المهم هكا حمدالله درت واحد لا باز مزيانة و مع المدة ولاو اي حد خصو شي اكري او اصاوب السيرة الذاتية اي حاجة كيقولوا سير عند فاتي هي لي تفيدك و هاذشي كان حلم بالنسبة ليا و زادني الثقة فنفسي و اني الى بغيت نتعلم نقدر نديرها و الله معايا
        اضافة لهادشي انا محبة للكتب و كنحس بالمتعة ونا كنقرا و مؤخرا كنقرا بالعربية و بغيت نعرف نعبر بيها و كنغبط اي اخت متمكنة من لغة القران
        ـ من آلناحية النفسية: اللهم لك الحمد فييييين كنت و فييييين وليت
        و اكثر حاجة فادتني فورماسيون درتها ذاك الاستاذ الله آيجازيه بالخير حل لينا عنينا على امور كثييييييرة و علمنا امور روعة مثلا:
        الابتسامة الدائمة
        لا يجب ان نكون متحجرين و محدودين في تفكيرنا، احيانا الى شفتي المشكل بنظرة اخرى كتلقا الحل و كتشوف امور بايجابية كبيرة فالوقت لي كنتي كتعتبرها كارثة في حياتك
        تعلمت نبغي نفسي كيما انا، كنت كنقارن راسي مع الاخرين، و ملي فكرة مزيان لقيت انا جمالي في اختلافي
        تعلمت ان التغيير كيبدا من عندي و هكا انا كنتحكم فاموري و اني خصني نركز علي دائرة تاثيري ماشي دائرة الاهتمام ...المبادرة مني و ليس من غيري
        تعلمت ناخذ الامور ببساطة و نشوف اني و صلت لهنا بفضل التجارب لي دزت منها كلشي له حكمة
        و احسن حاجة تعلمت نقول ،،لا،، فوقت اللزوم
        تعلمت نعبر عن محبتي للناس الاخرين امي الحبيبة اخوتي و صديقاتي..
        من ناحية العمل: خدمة فكلنيك للعلاج الكميائي و التعامل مع المرضى كيعلم الكثير اي كلمة طيبة قلتيها ليهم، ابتسامة فوجهم، الدعاء معهم المهم كتشوف انو الدنيا فايتة و كينين ناس كيخسرو احبابهم كل نهار هادشي كيعني لا للحقد لا للظلم نعم للحب نعم للطيبوبة و كل المشاعر الجميلة لنحاول نحن لسنا ملائكة لكن لنحاول
        و كل واحد منا يدير خدمتوا بما يرضي الل..ه
        عندي امال و احلام كثيرة و باقي غادية فطريق اكتشاف نفسي التي احبها كثيرا و ارجوا من الله التوفيق لي و لكن
        عارفة تجريبتي جد بسيطة و لكن حبيت نشارك بيها
        وحاجة مهمة جداااا وهي اهمية الاستغفار بديت كنحاول نواظب عليه
        فعلا بحال السحر سبحان الله و سر التيسير و كنصح بيه اي اخت
        و الصدقة تاهي و الله الى حنا لي محتاجين نعطيوا
        و انا كنحيي جميع الاخوات حيث الى جيت نهدر على لي تعلمتو هنا منساليييييش
        الله ايجازيكم بكل خير ياربي امين
        التعديل الأخير تم بواسطة شموع الامل; الساعة 14-09-2015, 09:09.








        الحب شعور خارق لا يخضع لقانون أو منطق..!
        من يحبك سيحبك بكل عيوبك ومجرداً من كل مميزاتك
        والوصفة السحرية لدوام الحب هي
        بسمة صافية
        وكلمة جميلة
        وقلب قادر على الاحتواء ..!


        ..


        تعلمت ألا أتعثر بالكلام السلبي الذي يوضع أمامي
        بل أعده مثل الحواجز الرياضية
        تدريباً لي على القفز إلى أعلى
        دون أن ألامسها!


        ..

        تعليق

          • WhatsApp

          #5
          رد: تجارب الاخوات الناجحة تــــــــــــابع فلــــــــنطور ذاتنا __تتـــــــــغير حيات

          تجربة الاخت ziout






          السلام عليكم
          الموضوع زوين و لكن خصو يكون على شكل برنامج محدد و فيه مواكبة و تتبع ,,, الا كان الهدف منو التغيير

          الا كان الهدف سرد تجارب كيما قاموا به الأخوات فعن نفسي غيرت شي حاجات فيا كنت دائمة الانزعاج و القلق كنت كانحس بالضيق الذي أوشك يتحول لاكتئاب الأدهى أن كل هادشي ما شاركت بيه حتى واحد احتفظت بيه لنفسي ما كانبغيش نبين لأي أحد
          أول خطواتي للتغيير صفة مزيانة فيا أني محبة للقراءة فبالصدفة في معرض الكتاب اشتريت كتاب لديل كارنيجي "دع القلق و ابدأ الحياة" قريته بتدبر و خديت منو أشياء طبقتها الحمد لله نقصات حالة القلق اللي كنت كانعيشها
          اكتشفت أن سبب تعاستي هي أنا عن و أن مصدر السعادة كذلك هو أنا فقررت أنني نبتسم للحياة أن الحاجة اللي مشات لا سبيل لعودتها و الحزن لن يغير شيئا و أنني لازم نعيش فقط فالحاضر لأنه هو المهم و الكفيل يجعل من المستقبل كيما تمنيت
          تعلمت عدم تضخيم الأشياء و اعطاءها أكبر من حجمها و تبسيط الأمور
          تعلمت نهتم بنفسي أولا و قبل كل شيء لأن اللي ما صلحش حالو عمرو ما يقدر يصلح أحوال الآخرين
          تعلمت في كل يوم (قدر المستطاع) يكون عندي جدول المهام اللي خصني نقوم بيها و في نهاية اليوم ملي نبغي نعس نسأل راسي شنو اللي درت و شنو ما درتش و علاش مع عدم القسوة على نفسي و أنني نتفهم ما أمكن سبب اخفاقي
          الأشياء المعينة على الالتزام ببرنامجي اليومي هي الصلاة خصوصا الفجر على وقتها و الأذكار في الصباح (لازلت غير مواظبة على أذكار المساء) مورا صلاة الفجر كانقوم بتمارين رياضية بسيطة بديت في الأول بحركات خفيفة لمدة ما تجاوزش 3 حتال 5 دقائق ساعداتني بزاف المهم هو المداومة ماشي الكم
          مشتركة أيضا فالفيسبوك في صفحات كاتشجع على القراءة و كايقتارحو كتب ,,, و كذلك صفحات لتنمية الشخصية و الدعم الذاتي حتى هي ليها الأثر باش تبقى عنك العزيمة
          كانحس براسي أحسن و لله الحمد

          تذكرت واحد النقطة ألا و هي النظافة و الاهتمام بالجسم ديالنا و المظهر الخارجي هادي لها بالغ الأثر على النفسية ديال الانسان ,,, سبحان من جعل النظافة من الايمان ,,, تنقي جسدك و لباسك و فمك عاد تذكر الله ثمة منتهى الراحة النفسية باذن الله








          الحب شعور خارق لا يخضع لقانون أو منطق..!
          من يحبك سيحبك بكل عيوبك ومجرداً من كل مميزاتك
          والوصفة السحرية لدوام الحب هي
          بسمة صافية
          وكلمة جميلة
          وقلب قادر على الاحتواء ..!


          ..


          تعلمت ألا أتعثر بالكلام السلبي الذي يوضع أمامي
          بل أعده مثل الحواجز الرياضية
          تدريباً لي على القفز إلى أعلى
          دون أن ألامسها!


          ..

          تعليق

            • WhatsApp

            #6
            رد: تجارب الاخوات الناجحة تــــــــــــابع فلــــــــنطور ذاتنا __تتـــــــــغير حيات

            تجربة الاخت الراضية



            أختي خادمة الفرقان الله يكبر بيك ويسعدك دنيا وآخرة، حتى أنا معجبة بردودك المرحة والغنية فنفس الوقت والله يجيبنا فالصواب،أحبك في الله .
            بالنسبة لتجربتي مع التغيير بدات أول مرة فالاعدادي،فوقتها كنت كنحس بأني مقصرة مع الله من ناحية الصلاة و خصوصا الفجر ووصلت لهاديك اللحظة لي كيقول فيها الواحد مع نفسو أنا ماراضيش على نفسي وخصني نتبدل، وحسب تجربتي هادي أول خطوة، ثاني خطوة هي *الورقة والقلم*،ثالث حاجة هي الحزم والحسم وعدم التسويف،نوض ديك الساعة باش هاداك الاحساس مايطفاش، وانا مازالا كنعقل أول حاجة درتها جبت أوراق وكتبت فيها آيات عن الصلاة ولونتها ولصقتها فحيط البيت ووحدة فيها أحاديث ورا الباب، *وهادي من النقط المهمة أنك تخلي دائما شي حاجة قدامك لي تفكرك فاللي نتي باغا توصلي ليه أيا كان*،و شريت منبه ملي كيديرو صوت الاذان*كانو رايجين فداك الوقت هه* وبقيت كل مرة كنشري كواسط ديال الدعاة .. وهاديك كانت أول تجربة لي مع التغيير،ثاني مرة أحسست فيها بضرورة التغيير هي ملي تزوجت، التغيير فشحال من حاجة فرتبت الاولويات، الحاجة الاولى هي أني كنت زرققققققققة فالطبخ فبديت كنتابع برامج فالتلفزة وكنعيط على واحد صاحبتي الله يذكرها بالخير ونطبخو أنا وياها ونتعلم وكنعقل بابا شرالي كتوبة ديال أمهاوش يالله خرجو ديك الساعة هههههه وفهاداك الوقت كتاشفت منتدى أناقة *وهادي أيضا نقطة، انكي تبحثي على التجربة والخبرة وما تحشميش طلبي المساعدة * اوا مع كل التغييرات الكبيرة المبرمجة تحدث تغييرات في شخصية الإنسان فيصبح أكثر نضجا وأكثر ثقة ووو وأنا صراحة من محبات التغيير في كل شيء في نفسي وفيما حولي وليست كل تجاربي في التغيير ناجحة، على سبيل المثال ملي تزوجت كلت خصني نخدم اوا زدت قريت وملي خديت الديبلوم جاتني الخدمة والحمل فاخترت نجلس فالدار* وهادي نقطة أنك فرحلة التغيير قد تضطرين الى الانسحاب أوتأجيل أوتغيير الاتجاه،ولكن هذا لا يمنع أنك تبداي رحلة تغيير أخرى * فواحد الوقت قلت خصني نتعلم شي حاجة نعمر بيها وقتي اوا بديت الكروشي شريت أدواتو وتعلمت من النت وصايبت شي حوايج وانا نلقى خاصو الخاطر بزاف اوا نساحبت وماكملتش، اوا ومزالا كنقلب على شي هواية مناسبة *وهادي نقطة أنك كتبداي فالتغيير وكاتحسي بلي الطريق لي غادية فيها تقدري تلقاي ماحسن منها ،ماتجاهليش احساسك،لأن الهدف ديال التغيير فنظري هو الاحساس بالرضا عن النفس،ومادام ماوصلتيش ليه فهذا يعني أن عليك مواصلة المسير.و مما وجدت له الأثر العظيم أنك تكون روحك ايجابية ويكون عندك تفاؤل ويكون يقينك كبيرا بالله أنه سيغير حالك إن غيرت من نفسك،الامر الذي لخصه لنا رسول الله صلى الله عليه وسلم حين أمرنا بالتفاؤل بالخير لنجده.
            ههه شحال في ديال الهدرة ،المهم هادي تجربتي والأهم في الموضوع هو توفيق الله،فهو الذي يوفقك الى الاحساس بحاجتك الى التغيير وهو الذي يوفقك في رحلة السعي اليه فاللهم غير أحوالنا الى الاحسن.








            الحب شعور خارق لا يخضع لقانون أو منطق..!
            من يحبك سيحبك بكل عيوبك ومجرداً من كل مميزاتك
            والوصفة السحرية لدوام الحب هي
            بسمة صافية
            وكلمة جميلة
            وقلب قادر على الاحتواء ..!


            ..


            تعلمت ألا أتعثر بالكلام السلبي الذي يوضع أمامي
            بل أعده مثل الحواجز الرياضية
            تدريباً لي على القفز إلى أعلى
            دون أن ألامسها!


            ..

            تعليق

              • WhatsApp

              #7
              رد: تجارب الاخوات الناجحة تــــــــــــابع فلــــــــنطور ذاتنا __تتـــــــــغير حيات

              من تجارب الاخت fatidusouss



              اختي شموع الامل شكرررررا بزززاف على تشجيع وخا تجربتي ابسط مايكون
              التغيير جميل كيبان صعب لكن الاصعب منوا الاحباط لكنحسوا بيه وحنا واقفين بلاصتنا، حيث يائما نتقدموا يا نرجعوا لووور
              كنصبرو في البداية باش نجنيو الثمار من بعد، يآآآه على احساس نهار كتلمسي تغييرك فشي موقف مهما كان بسيييط سعادة لذيذة الصراحة ههههه
              و من تما كنستمروا فتطور طلبا للمزيد منها، و نهار ايقولك شي شخص مقرب تبدلتي وليتي حسن كتبتسمي من لوفووون و كتفرحي
              من ناحيتي ذزت من مشاكل كثيرة نقولو تحكيييييت نيت:
              ـ اليتم من سن خمس سنوات، وفاة الاب الله ارحمو شاب و باقي في بدايات حياتو ، ام بسيطة خوها قالها تزوجي و داكشي لكان كما كملات العدة، زوجها اصلا متزوج و له بنت من زوجته، اعطى وعوووود كثيرة لم يفي بها
              ضيعني في اوراقي ديال الخارج و امور كثيرة، تعلمت نكون حكيمة من صغري باش منسببش مشاكل، و الصبر على كلشي، مكنتش نقول لا ليه لي طلبها تحضر و في المقابل عمرو جبد و لو مبلغ قليل اقوليا هاكي.... كبرت فهاد ظروف و الهدرة كثيرة... ولاو عندي خوت و كنحبهم بززززاف كبرناهم انا و ماما
              قرايتي كنت عصامية و عمري ظوبلة و خديت الاجازة، كون ما المنحة منقراش الله لطف حيث زوج امي محسبنيش كاع و طمع حتى ففلوس لابورس... و دار لي الله البركة فيها
              من ايجازة لسطاجات فنفس مدينتي مكانش عندي فلوس الترنسبور برجل كنضربها لي تعطاتني نخدمها و هادشي بعد فضل الله خلا ناس اعلموني و انصحوني الحمد الله
              وخا هكاك كنت محتاجة للفلوس و نفسي عزيزة منطلب حد الا الله ، كنبكي و ندعي و نطلب الله ، تصوري كان رمضان قبل العيد خدمة و لي عيط عليا مكيعرفنيش صدفة، قاليا جاتك برضات الولدين
              و شديد فلوس العيد باقي ههههه
              تخطبت و كلست و كانت خطوة فاشلة و مكملش الله و راجل ماما ما رحمنيش
              خسرت فلوس كثيرة و ماما مرضات خدمة والو خطوبة فشلات و قاليا خرجي من داري... هادشي بعد سنين من التعذيب النفسي، المهم هنا كانت اول مواجهة ليه و تصدم بهاد البنت القوية لي قدامو و حطيت هدف ،، انا مقابلة مي و ميفرقني عليها حد والله كبير،، رجعت للدعاء و تصوري قيام الليل بعد يوماين جات الخدمة ايوا خدمت بصالير حسن عام، و ضطريت ندير عملية جراحية على ضهري و جلست، و بعد مدة فاش بريت بديت ازيرو عاوتاني و دبا فكلنيك مرتحة حمد الله و التغيير جا مع ديك الظروووف كاملة
              زوج امي وقرني و الله استاجب ليا
              كنتسنا الزوج الصالح، و امور خرى تقاد اه اماما مهلية فيها و فخوتي و عززززيزة عليهم بزززززاف ، زرع حب تلقا الحب،
              من هادشي كامل باقي مقاتلا








              الحب شعور خارق لا يخضع لقانون أو منطق..!
              من يحبك سيحبك بكل عيوبك ومجرداً من كل مميزاتك
              والوصفة السحرية لدوام الحب هي
              بسمة صافية
              وكلمة جميلة
              وقلب قادر على الاحتواء ..!


              ..


              تعلمت ألا أتعثر بالكلام السلبي الذي يوضع أمامي
              بل أعده مثل الحواجز الرياضية
              تدريباً لي على القفز إلى أعلى
              دون أن ألامسها!


              ..

              تعليق

                • WhatsApp

                #8
                رد: تجارب الاخوات الناجحة تــــــــــــابع فلــــــــنطور ذاتنا __تتـــــــــغير حيات

                تجربة الاخت لؤلؤة1



                الحمد لله تغيرت بزآآف و الحمد لله على نعمة الأنترنت و الكتب خاصنا غير نبحثو و نطبقو مازال عندي بزآاف د الأشياء كَ نطمح نغيرها و ديما كَ نحاول معمري نستسلم
                الحمد لله ديما الله كَ يسر لينا الخير واخة يبان لينا فيه الشر و لكن كم لله من لطف خفي
                هاد الساعة مركزة بزاف على صحتي و جسمي و نفسيتي

                كَ نقرا بزاف كتب تنمية البشرية و فعلا غيرو فيا بزآآاف الحمد لله كَ نسمع محاضرات بحال مثلا ملي نكون خارجة كَ ندير شي محاضرة فالتليفون مَ كَ نحسش بالطريق من ضمن المحاضرين لي كَ نسمع ليهم روبن شارما عندو فيديوات فاليوتيوب و معروف عالميا كاينة حتى واحد البنت عندها متقول إن شاء الله نتذكر اسمها
                إبراهيم الفقي الله يرحمه و عائض القرني كريم شاذلي العريفي .... الله يجعل كل ما يكتبون فميزان حسناتهم
                واحد الكتاب رائع كَ نصحكم تقراوه استمتع بحياتك ديال محمد العريفي رائع بمعنى الكلمة

                غَ نقوليكم واحد السر يمكن ضحكو عليا و لكن هادشي لي فعلا كَ ندير
                ملي كَ نكون محبطة و حزينة كَ نعنق نفسي بيدي و كَ نقول كَ نبغيك أ لؤلؤة بزاف حتى حاجة متستاهل تقلقي عليها متستسلميش حاولي من جديد تفكري نجاحاتك لي فاتو أنا عندي حسن ظن بالله و الله ميتخلاش عليا أنت أجمل و أروع و أحسن إنسانة فالدنيا نتي قوية بعض المرات كَ نبكي و بعض المرات لا و من بعدها كَ نحس بالراحة و طاقة إيجابية كبيييرة
                مضحكوش عليا و لكن هاكا كَنتعامل مع نفسي فساعة إحباط
                من ضمن مبادئ لي عندي فحياتي إذا أي واحد وصل لنفس الهدف لي بغيت نوصل إذاً حتى أنا ممكن و نقدر نوصل ليه و نحققو
                نخلي بصمة متميزة فحياة أي شخص عرفتو و لو غير بكلمة زوينة و معمري نحبط شي إنسان أو نقص منه بالعكس نشجعو








                الحب شعور خارق لا يخضع لقانون أو منطق..!
                من يحبك سيحبك بكل عيوبك ومجرداً من كل مميزاتك
                والوصفة السحرية لدوام الحب هي
                بسمة صافية
                وكلمة جميلة
                وقلب قادر على الاحتواء ..!


                ..


                تعلمت ألا أتعثر بالكلام السلبي الذي يوضع أمامي
                بل أعده مثل الحواجز الرياضية
                تدريباً لي على القفز إلى أعلى
                دون أن ألامسها!


                ..

                تعليق

                  • WhatsApp

                  #9
                  رد: تجارب الاخوات الناجحة تــــــــــــابع فلــــــــنطور ذاتنا __تتـــــــــغير حيات

                  تجربة الاخت jawdat



                  شكرا على الموضوع الرائع ولي جا فوقتو و شكر. لهاد الاخوات لي كيهطيونا تداربهوم و لي بدورنا كنستلهمو منها و كتولي محرك. لي التغيير
                  انا اكبر الصعوبات لي لقيت فحياتي هي الصحة و مواجهة المرض و النقطة التانية هي تربية الاطفال وهاد زوج نقط ديمأ كيخربقو ليا حياتي و مكيخليونيش نحقق طموحاو بديت كنعيا و كندخل للاكتئاب
                  ولكن من خلال معايشتتي لبعض الاخوات بديت كنتغير و كنحاول ناخد الاشياء ببساطة و. ممبقيتش كنطلب من نفسي اكتر من الطأقة. ديالها و كنهون من صعوبز الحياة باني ندير شوية من الحاجة و نقلب الحياة الصعبة لمتعة و ضحك و لعب باش منزيدش نمرض راسي و الناس لي دايرين بيا
                  يمكن من أكبر المصاعب فالحياة هو الصبر على المرض او مقابلة انسان مريض وﻷأسف مكاينش اهتمام كبير ديال النفسانييين و المختصين بهاد النقطة و تنظيم دورات علاجية للمرضى و لي كيقابلوهوموغير حنا كنعالجو راسنا براسنا بعض المرات كنبقى نشوف كنقول يمكن الله سبحانه لو عطاني كامل الصحة ديالي كنت غنطغى و نتجبر و منعرفش بحق نعمة الصحة
                  انا كنت كنقارن الوضع ديالي مع صحباتي لي ما شاء الله مشاو بعيد و احتلو اعلا المناصب ولكن دابة كنقول يمكن حتى نربية الاولاد شي حاجة عظيمة وخا المجتمع ديالنا مكيعطيهاش ديك الاهمية و البريق ديال المناصب و المراتب العاليةوحاجة اخرى فالتغيير هو الصبركاين وحاد الاية فالقران فسورة الكهف كيقول فيها سيدنا موسى لسيدنا الخضر ستجدني ان شاء الله صابرا صدق الله العظيمياريت تولي عندنأ بحال هاد تقافة الصبر و نبقاو نقولو للحياةﻷمصاعب ستجدينني أن شاء الله صابرة








                  الحب شعور خارق لا يخضع لقانون أو منطق..!
                  من يحبك سيحبك بكل عيوبك ومجرداً من كل مميزاتك
                  والوصفة السحرية لدوام الحب هي
                  بسمة صافية
                  وكلمة جميلة
                  وقلب قادر على الاحتواء ..!


                  ..


                  تعلمت ألا أتعثر بالكلام السلبي الذي يوضع أمامي
                  بل أعده مثل الحواجز الرياضية
                  تدريباً لي على القفز إلى أعلى
                  دون أن ألامسها!


                  ..

                  تعليق

                    • WhatsApp

                    #10
                    رد: تجارب الاخوات الناجحة تــــــــــــابع فلــــــــنطور ذاتنا __تتـــــــــغير حيات

                    تجربة الاخت
                    hassna ayash



                    2 حوايج لكنقلهم wkan3awdhom
                    لهما متلاً إلى بغيت واحد لحاجة kanwseliha حمدلله wmital ملي كنت حملة بولدي وكنت قريبة نولد ختك بقات كتجمع فلمعلومات من حوايج دلببه حتى ديك برا لكيضرب ديل ضهر لمهم ملي وصل لوقت لولادة حمدلله فرحت بزاف حيت دوق معلومات لجمعت فدوني بزاف ونة في هاد طبيعة معروفة بها
                    حتى باش نزيدك واحد لحاجة أنا لكنقد سغل ديل دار كامل سغل ديل لوراق وحاجة لككثسني منبغيش ليقدهلي حيت مغيقدهش كما بغيت أنا
                    ولدي مشاء الله عليه صعيب بزاف وعصبي ودزت فواحد مرحلة صعبة بزاف ديل طلاق وخى دبى تصالحنا ورجعنا باقي فلمشكل ولكن وخى هكدك اي حاجة كتخس تربية ديل ولدي كندير قطر من مجهودي غير سيد لمعايا لكينزل بي hada هو لصعيب
                    وحاجة خرى أي حاجة وقععات ديمة كنقل فيها خير وليت معروفة بها حمدلله اماني بالله قوي ومكنستلمش إلى درت شي حاجة ومسدقتلش وخى كنتفقس وكيطلع لدم لغد ليه كنعوذة حتى وكان تصدق كنقل بي ولا بها ههه كنبغي ليكون بجنبي ويشجعني وبي وبينك عندي تحفيز داتي وبزاف ميتقل








                    الحب شعور خارق لا يخضع لقانون أو منطق..!
                    من يحبك سيحبك بكل عيوبك ومجرداً من كل مميزاتك
                    والوصفة السحرية لدوام الحب هي
                    بسمة صافية
                    وكلمة جميلة
                    وقلب قادر على الاحتواء ..!


                    ..


                    تعلمت ألا أتعثر بالكلام السلبي الذي يوضع أمامي
                    بل أعده مثل الحواجز الرياضية
                    تدريباً لي على القفز إلى أعلى
                    دون أن ألامسها!


                    ..

                    تعليق

                    يعمل...
                    X